泰屋

今日約左朋友去到旺角泰屋食晚飯。好快就安排好座位，跟住睇下食咩先。今晚叫左泰式炸蝦餅，泰式干炒河，清邁鐵板蠔仔蛋，酸甜炸盲鰽，星霞，椰青，鮮芒果糯米飯。泰式炸蝦餅-炸得岩岩好，蝦餅好香蝦肉味道，熱辣辣入口好味道。泰式干炒雞肉河-炒得乾身唔會好油。雞肉加上雜菜炒得香口。清邁鐵板蠔仔蛋-芽菜在底部，連埋蠔仔蛋一起食更加好味道。蠔仔夠鮮味。酸甜炸盲鰽-魚炸得岩岩好，非常香口。醬汁甜酸汁更加惹味，仲有菠蘿，紅椒，青椒，洋蔥，蕃茄更加味覺多元化。星霞-清清地，解暑。椰青-清甜又解暑，令到炎炎夏日降溫。朋友仲將椰肉一啖啖食埋。鮮芒果糯米飯-熱辣辣黑白糯米飯，口感有咬口加埋椰汁更加好味道。半個芒果清甜夠熟。…查看更多

天氣又熱又潮濕，心血來潮想吃泰國菜，不期然想起這間之前朋友推介的。餐廳在黃金地段的樓上，空間寬敞，座位擺設舒適，一列大玻璃窗，採盡天然光，加上天花植物 🌿🌱和一幅花卉🌻🌸🌺牆的裝飾，一入嚟就已經很放鬆，非常適合一家大小或良朋歡聚，驟眼看身邊附近就已經有兩三枱大飯局 ，叫滿一桌子食物大吃大喝 🍻！打開個餐牌，各款泰國菜式應有盡有，選擇困難症又來襲 🤪！青木瓜沙律味道酸酸甜甜而小辣，夠晒醒胃，絕對是前菜的不二之選。迷你小食雙拼(蝦餅、素春卷、魚餅3️⃣選2️⃣ )蝦餅外皮炸得金黃鬆脆，蝦🦐肉彈牙爽口。素春卷每條卷到肥嘟嘟餡料爆棚，外皮鬆化，真心驚喜。兩款小食點埋個甜酸醬食，絕！不由分說，呢碟迅速被KO！辣椒🌶️膏肉碎炒金邊粉碟頭夠大，份量十足。金邊粉軟硬剛剛好，有咬口不會過腍，肉碎香辣惹味，配料有芹菜、洋蔥、椰菜、秀珍菇、粟米BB、紅綠燈籠椒，中和油膩感之餘也倍感健康。鮮芒果糯米飯一睇到有齊黑白糯米，😍已經當堂彈出！芒果🥭肉新鮮香甜是基本，加上煙煙韌韌嘅糯米，點埋個香滑厚身嘅椰漿，每一啖都是幸福的滋味 😋😋！芒果沙冰有別於其他沙冰會飲到很多一粒粒的冰沙，呢杯沙冰嘅口感係香滑細膩嘅，像濃濃綿密的芒果汁，唔會稀「寥寥」，鍾意食到冰沙的可能唔啱，我本人就非常 like，是繼春卷後另一驚喜，真係每一啖都要在口腔內回盪一遍細味品嚐。由前菜食到甜品，食盡泰菜經典菜式，味蕾大滿足！位置、用餐環境、服務、食物質素，以這個價錢，真心抵食，推介👍！下次一定叫埋大班朋友來飯聚，食埋今次未食到嘅美食先 😁！…查看更多

為了對抗Blue Monday，約左朋友去旺角食泰國菜，再去行下街。炭燒豬頸肉 $86份量多，肉質爽口，配上泰式酸辣汁，味道更開胃惹味。泰式乾炒河 （牛肉） $86有不同的配料，均勻沾上醬汁的蔬菜、蛋、牛肉同河粉，鑊氣十足，調味不會過鹹。原個椰盅海鮮焗飯 $92份量驚人，是飽肚之選。一上枱已經聞到香濃的椰汁香味，除了脆口的腰果、蝦、青口、魷魚，表面更有炸至脆身的椰絲，食到中間會有嫩滑的椰子肉、提子乾及雜菜粒，豐富的材料加上由椰汁及椰青水烹調的焗飯，口感上有不同的變化，鹹甜鹹甜的味道令人不自覺一啖接一啖。鮮芒果糯米飯 $48芒果香甜，加上雙色糯米飯，是開心的飯後甜品。泰國椰青 $48冰凍清甜，食泰國菜必點的飲品。餐廳環境同食物味道都不錯，而且份量大，是抵食的晚餐選擇。…查看更多

即使茹素也可吃得精彩，於旺角找到了一家上樓泰國菜館有一系列素菜供應餐廳佈置甚有泰式風味，一出電梯便看到一尊佛像及鮮綠色的坐椅用餐區域裝修摩登簡約，以綠色植物作裝飾環境整潔，設有梳化坐位及特大窗戶，觀看鬧市夜景冬蔭雜菜湯帶香濃椰香 ，酸度及辣度調配得剛好飛天炒通菜炒得爽脆，配料香辣惹味夠鑊氣泰式雜菜兩麵王麵條口感不錯，外層香脆，內裡帶點濕嫩甜品鮮芒果糯米飯的果肉細緻無渣，清甜多汁龍眼冰清甜解渴，內有很多龍眼肉，適合悶熱的天氣泰國椰青果肉呈半透明狀，椰汁解熱生津，椰味濃郁…查看更多

上一次在旺角的這幢大廈食飯時，在大堂及電梯發現在廈有非常多餐廳，其中我們發現很多人在2樓出，便關注了這間泰屋，所以這次打算前來試試位置（9/10）：鄰近通往旺中及新世紀廣場的天橋，前往港鐵旺角站只需1-2分鐘，另一邊步行至始創中心亦只需3分鐘，不論逛街及交通都十分方便環境（8/10）：餐廳樓底高夠開揚，座位多而且都是靠背椅，算是舒適。外牆以木為主，座位則是綠色，營造出柔和的感覺服務（7/10）：未入座侍應已準備好清水及濕紙巾，比較貼心；下單及上菜有效率；唯一令客人不適的是客人不多仍總把客人們安排在同一個角落，亦把兩位客安排到窄小的枱椅食物（8/10）：泰菜館當主要供應泰菜及東南亞式食物，這裡也不例外而且選擇不少，味道大致不差，但個人覺得不算很正宗難得和太太入座聽說要訂位才可以食的餐廳，我們便多點了幾道菜：冬蔭公鮮蝦湯 ~ $88味道香濃，湯內有一隻開邊大頭蝦，肉質夠新鮮，亦有放香菇及香茅，不過食材略為不足黃咖喱羊腩 ~ $88咖哩汁相當香濃，偏向甜味，羊腩份量不少，但卻比較硬且羊羶味較重，幸好蔬菜及咖哩本身味道很不錯特式滷水豬手 ~ $88豬手味道不差，但奇怪醬汁有點像酸齋，不太飲泰式。豬手本身肉質夠腍，皮亦煮到軟滑，口感幾好泰式干炒牛河 ~ $78河粉屬於闊扁的金邊粉，炒得很香，牛肉份量多亦夠腍，雞蛋甜而香，芥蘭不會硬，整體味道很不錯鮮芒果糯米飯 ~ $48點了這份甜品，芒果是屬於泰國的腰芒，很香很甜，而糯米飯有黑白兩款，煮得夠腍，可惜椰香味略為不足整體來說，這間泰菜館味道位置方便，環境亦舒適，食物味道是可以但不算正宗，如果想在旺角找一家泰菜館，這也是一個不錯的選擇🌺泰屋 @sawadeethai_mk🌺地址： 旺角彌敦道726號2樓…查看更多

之前朋友帶過黎食覺得幾正，今次就帶返男朋友黎食下。餐廳環境光猛企理，座位都有成七八十個，到七點半已經全場坐滿。係咁多人情況下，侍應服務仍然好好，上菜收碟都好快手。今次叫五樣，每人大約$170。醃肉碎生菜包 $85豬肉碎帶有好香嘅香茅同青檸味，味道有少少辣，唔乾唔油，有十磈生菜左右，包住食夠哂新鮮。泰式沙嗲串燒 $85雞肉同牛肉各三串，雞肉嫩唔鞋，牛肉入口牛肉香味好濃，沙嗲醬味道甜味特出，有唔少花生碎。青咖喱鴨 $82青咖喱辣度好夠又惹味，鴨肉分量都幾多，醬汁杰度剛好。印度油酥餅 $36非常脆，入面仲有有好多層，每層都好簿，口感相當酥脆。配上咖喱汁，更滋味。鮮芒果糯米飯 $48辣辣辣嘅糯米飯同凍冰冰嘅芒果，加埋香濃椰汁一流。芒果夠甜唔酸，糯米飯軟身唔乾。…查看更多

今日特地上OpenRice 搜尋好食泰式料理看到泰屋的高評價 特登來試試味道一進門就很有泰國風紫色的菜單 配上這樣的圖騰讓人想到泰國航空來看看今天的菜色乾炒泰式蛋包金邊粉來每家泰國餐廳必點的一道 炒好的粉絲上鋪著薄薄一層蛋皮 吃的時候再配上一旁的辣椒粉與花生粒 非常爽口菠蘿海鮮炒飯挖空的鳳梨裡塞滿了香噴噴的海鮮炒飯裡面的料很豐盛 有鮮魷 蝦球 淡菜 雞肉 鳳梨丁 腰果 肉鬆等等份量很大用料實在 吃起來非常滿足串燒沙爹我們選了雞肉跟豬肉雞肉非常軟嫩多汁 豬肉Q彈有嚼勁沾上一旁的醬更凸顯肉的鮮甜鳳梨冰炎炎夏日當然要來杯凍飲用sprite當基底上面鋪滿滿鳳梨果肉喝起來酸酸甜甜非常解膩雖然端上來時跟我們預期的不太一樣啦 本來期待比較像是鳳梨冰沙的芒果糯米滋最後用這道甜品做完美的收尾芒果配上溫溫的椰奶吃起來很順口一旁黑白雙色的糯米讓沒吃飽的人也飽了總體而言食材用料實在 味道道地好味喜歡泰式料理的朋友可以來試試…查看更多

對上去泰國已經係一年半之前嘅事但係有對泰國菜念念不忘於是約埋朋友仔黎到泰屋先叫咗個醃酸辣鳳爪 ($78)酸辣開胃 無骨鳳爪 最方便再配上洋蔥及蕃茄 成為美味的沙律前菜🥗之後叫咗個乾炒泰式蛋包金邊粉 ($88)蛋煎到變左一格格好靚 包住哂啲金邊粉炒得都幾乾身同唔濃味👍🏻而黃咖喱雞($82)係必食嘅 配上印度油酥餅 ($36)咖喱味濃濃的 配上酥餅特別惹味開胃😋最後當然點了個鮮芒果糯米飯 ($48)糯米軟硬恰到好處 咬落糯米飯粒粒分明配上香甜椰汁同樣好味🤗________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂…查看更多

周一下班後坐東鐵到旺角東，忽然想起彌敦道726號這個美食天堂，便直找美食。在地面那層已看到這家位於2樓泰屋的宣傳，在這個平日晚上8時多，餐廳人流亦不錯。餐廳以綠色與啡色作主調，天花掛滿充滿泰式風情的吊燈。冬陰公鮮蝦炒飯 - 冬陰公包含泰菜的香酸鮮辣，香氣滿載的炒飯口感、恰到好處的酸辣味道，加上鮮蝦非常爽口，令人胃口大開。農夫包咖喱軟殼蟹 - 農夫包內盛載香濃咖哩和軟殼蟹，咖哩的椰香滲透麵包每一個角落，軟殼蟹肥美多肉，極大份量完全把肚子填飽。鮮芒果糯米飯 - 每次吃泰菜都會點芒果糯米飯作甜品，糯米端上時還是暖暖，糯米散發的米香配合芒果和椰漿的甜香，煙韌不黏口，非常滿足。二人的泰菜晚餐能以300多元價錢吃出不錯質素，非常抵食。…查看更多

又同朋友出旺角飯聚，今次揀間泰菜，抵食又好味，岩哂夏天食。泰國金柚鮮蝦沙律 $98，睇落細細碟，原來都有四隻蝦，金柚份量也算多。金柚飽滿多汁又甜，仲有清新果香，配爽口大蝦，醬汁微辣帶酸甜，仲有椰子香，清爽開胃。泰式沙嗲 $85，有牛、豬、雞，可選兩款，份量半打，都好啖啖肉，燒得幾香口。牛肉夠嫩腍，唔會乾，沾沙嗲醬更惹味，個醬有花生粒，亦帶果仁香，不像一般餐廳的偏甜，咸味剛好。雞肉有彈性，比牛肉更有咬感。迷你小食雙拼 $82，原本想選香葉包雞，但無哂，所以揀魚餅，而蝦餅係我常點的小食。小食即點即炸，真係好熱辣辣，蝦餅炸得香脆，個炸皮好正，蝦膠極爽彈，有蝦肉粒，啖啖肉之餘，有蝦味突出，食完唔膩。魚餅令我驚喜，估唔到冇我食香葉包雞，但魚餅都唔錯，魚肉真材實料，也微彈好咬，仲加左豆角粒增加口感，味道很泰式，因為好重香料味，食出明顯的香茅風味，好好食。原個椰盅海鮮焗飯 $88，唔好睇表面個層椰漿好少會唔夠味，的確加了椰漿味道更香更濃，但個飯加左椰青水煮，越咬越出椰子味，炒得粒粒分明夠爽口，配埋海鮮食一流。蝦爽滑、魷魚好彈牙、青口肥美脹卜卜，不會腥。整個飯份量頗多，保證飽肚抵食。鮮芒果糯米飯 $48，有兩大件芒果，份量滿滿，糯米飯反而剛剛好，不會太多，因為糯米特別飽膩。由糯米及紫米組合而成，糯米夠軟綿香糯、紫米煙韌帶香，配椰漿甜中帶咸，味道更有層次。芒果又大又甜，仲有芒果香，呢個甜品好好味，係較易飽。…查看更多

東南亞菜系中，草根好中意食泰菜😋上網見到呢間旺角泰國餐廳好似幾多人去咁，所以呢晚去旺角行街，特登揀呢間餐廳試一試~餐廳係彌敦道726號大廈，地點好易搵，成座大廈都係唔同嘅餐廳，草根己經係呢座大廈試過好多餐廳啦去到差唔多滿座，果然好多人呢餐牌有好多選擇，最終揀左一個海鮮，一個麵同甜品。星州咖喱大蝦頭（$248）Singapore Style Curry Prawn 大蝦頭一共有2隻🦐應該係先開邊，再走過油👀最後調好咗個星州咖喱汁再炒炒佢，咖喱汁其實就少少辣都無，呢點有d小失望💁🏼（但係唔食辣嘅草根姐姐就食得好開心😋 ）價錢唔平，不過咖哩汁加左蛋去炒，味道好香好好食👍🏻蝦都好大隻好彈牙🦐個汁咁正，用嚟配白飯🍚或者麵包一齊食就一流啦😆泰式蛋包金邊粉伴蝦（$82）Pad Thai以賣相嚟講👀比之前草根係 cafesiam 食到嘅差d，雖然草根對佢地個蛋包金邊粉嘅蛋網🍳有少少失望🤨，不過呢個金邊粉味道係幾好食嘅!!! (味道上較Cafe Siam優勝👅）金邊粉炒完口感仍然彈牙，唔會腍腍的，配料嘅蝦肉同樣有口感，重點係成個金邊粉調味做得夠好👍🏻，加上青檸嘅果酸🍋，酸酸甜甜地更令人開胃，絕對係泰式金邊粉嘅精華所在🤩! 鮮芒果糯米飯（$45）Fresh Mango with Sticky Rice糯米飯又係食泰菜必點嘅菜式🇹🇭呢間餐廳嘅糯米飯有齊黑白兩種，成個太極圖案咁😝老實講，糯米飯煮得腍咗少少，無左糯米飯煙韌嘅口感🤦🏻♀️有點少可惜，芒果有甜有酸，不過幾有芒果香，整體算係不過不失，始終好難食到泰國嘅風味。大家有冇超水準嘅芒果糯米飯推介？😆泰國椰青 （$40）Thai Young Coconut椰青勁甜好好飲😋，應該係放得夠耐d甜味落晒去d椰青水到，可能亦係同樣原因，椰青肉都幾老，可以忽略d椰肉，淨飲椰青水都好滿足👍🏻椰汁紅豆冰 （$32）Iced Sweet Red Bean紅豆冰同平日飲個d一樣， 正正常常啦~呢間旺角嘅泰菜唔錯，唔洗再只係去九龍塘先有得食啦~…查看更多

今晚跟老友行完小手作又到時間去揾食醫肚，老友記話想食泰國菜加冬陰公，那我就推介來泰屋星期天六點多就來到旺角，剛好還有位子，下次還是要先訂位穩陣冬陰公鮮蝦湯($108)大先點冬陰公鮮蝦湯味道夠酸且香料也十足，但辣度還差點點，還有大蝦令湯提出鮮甜度青木瓜沙律($78)木瓜很爽口也十分開胃青咖哩雞($78)再點了送飯一流的青咖哩雞， 甜味的咖哩一口接一口令人停不了，除了雞肉還有小茄子伴菜，不錯！鮮芒果糯米飯($45)又怎能少了甜點，黑白糯米配芒果，芒果清甜多水，而糯米加椰汁是絕配，很快已被消滅咖啡榴槤沙冰($38)飲料也推介給榴槤控的朋友，入口即濃濃榴槤味但過後卻帶有咖啡味，雙重味道雙重享受。價格實惠，跟朋友也渡過了一晚愉快的聚餐…查看更多

朋友很喜歡泰國，尤其是泰國的美食，每年起碼去泰國一兩趟，聽說今年他和老婆還去了曼谷參加當地的cooking class，學煮泰國菜。今晚 “泰國癮” 發作，他竟然撇掉老婆約我去吃泰國菜。來到彌敦道這座商廈，找到了這間主打泰菜的餐廳。餐廳的裝修簡約，以木色和綠色為主，沒有發現一般泰國餐廳會供奉的佛像和燒香，感覺簡單得來夠舒服。抬頭一望，被充滿東南亞特色的吊燈吸引住。 再望去牆邊，原來裝了籬笆，籬笆內還置有泰國國花 – 蘭花。雖然，那些蘭花是假的，仍能營造泰國風出來。侍應遞上餐牌，並介紹泰式雞煲，說辣辣地，98元，好抵食。可是，我這兩天喉嚨痛，無奈要放棄了。我選了杯青檸梳打，32元，貪佢可以幫助舒緩喉嚨痛。飲落又真係幾爽，喉嚨當堂舒服晒。朋友沒有顧忌，選了招牌的泰屋特飲，38元。主要是杯冰椰奶，內裡是東南亞特式飲品必有的紅紅綠綠的粉團粒粒、西米，再加清爽的馬蹄粒，然後就是滿瀉的芒果粒。朋友大讚，大大杯，好味，抵飲!小食是蝦餅魚餅雙拼，一份78元，蝦餅魚餅各四件。蝦餅餡料夠扎實，外皮炸得夠香脆。魚餅內混入了香茅，增加香味。蘸上泰式甜酸醬來吃，不知不覺就吃完。如不是怕喉嚨痛發作，真的想再來一客。接著是炭燒扇貝，又是78元一份，有四隻。扇貝肉幾乎跟玻璃杯口的直徑一般大，原隻扇具上加上大量蒜蓉粒來一起燒。扇貝新鮮，蒜容香口，好好味!主食是原個菠蘿海鮮炒飯，92元一個，份量十足。海鮮方面有魷魚、青口和蝦，而炒飯是加入了黃薑粉、提子乾、青豆等來炒成的。較特別的是，還加入了臘腸粒，令傳統的泰式菠蘿海鮮炒飯變成不傳統。最後，以菠蘿殼來盛載，再舖上些豬肉鬆，賣相一流，味道都唔錯。很快整個菠蘿海鮮炒飯就被KO了。甜品當然少不了鮮芒果糯米飯，45元一份 (仲大份過，又平過曼谷機場賣180銖嗰啲)。這份芒果糯米飯的賣相很別致，黃澄澄的芒果跟白雪雪的椰漿，襯得很美麗。 急不及待把糯米飯切開，卻得來一個驚喜。原來這個芒果糯米飯不單是用了白糯米來造，還用了黑糯米。白糯米煙煙韌韌，而黑糯米就有咬口，加上芒果的香甜，是完成這頓晚飯的完美句號。 我同朋友都覺得今餐好食，定價合理。最後要提的是餐廳的洗手間，都是有東南亞特色㗎!…查看更多

馬拉盞炒通菜唔係講笑，呢碟馬拉盞炒通菜份量超多🖒，好似一座小山丘咁，仲要已經將d菜壓得幾實。上面加左蒜同辣椒粒，辣度都足，夠惹味！迷你小食雙拼可以揀2款小食，有蝦餅、魚餅、香葉包雞同春卷選擇，k揀左蝦餅同魚餅！新鮮炸起熱辣辣咁上枱，兩款雖然切半咁上，但都幾大粒。蝦餅蝦肉好彈牙，吉列外層脆卜卜😍；魚餅裏面有香葉，食落香料味幾出。原個椰盅海鮮焗飯同樣又係份量超多既一款，椰青肉已經刮哂出黎，糯米飯粒塞滿左成個椰盅，兩個人食，每人都分到大約兩碗飯。裏面有提子乾、粟米粒、雜豆粒，仲有蝦同埋係面層既大大舊青口，椰漿飯味道幾香！鮮芒果糯米飯 $45 芒果雙色糯米飯暖暖地，淋左不少椰漿係面😋，味道幾香甜，紫米有咬口；白糯米夠煙韌，芒果肉亦幾甜，係泰國菜晚餐既完美作結！…查看更多

整棟彌敦道726號一層層都是食肆，今晚來到這裡的二樓吃泰菜一開lift是保佑平安的佛像感覺是很溫馨的泰屋因為我坐在窗邊位，可以看到旺角繁榮的夜景呢。醃肉碎可選豬肉或雞肉，有點辣辣的更惹味包上生菜，減低醃肉的油膩感，更健康另一個頭盤類菜式，非常惹味！炸蒜很香脆，有穫氣青咖喱不太辣，有種甜甜的咖喱香除了配飯外，以印度油酥餅沾上咖喱則更有風味炒通菜也可選飛天或蒜蓉，而我則選了馬拉盞。吃完正餐後，當然少不了泰式甜品芒果挺新鮮的糯米飯舖上甜甜的椰汁，有黑糯米白糯米青檸梳打和珍多冰滿足的晚餐…查看更多