Chef's Stage Kitchen (西菁街)

营业中

休息中

📍Chef's Stage Kitchen (西菁街)元朗西菁街23號富達廣場地下52-56號舖🌟鮮芒果及扒虎蝦肉沙律 $158沙律好新鮮，虎蝦彈牙鮮甜，加埋芒果同沙律菜、蕃茄混合埋一齊食真係好開胃😋芒果蛋黃醬好好味，配合得恰到好處呀👍🏻🌟黑松露牛肝菌蘑菇濃湯 $58湯既牛肝菌、蘑菇同黑松露嘅味道好濃郁呀✨好有驚喜呀😆🌟法式龍蝦濃湯 $68湯好濃郁香滑，龍蝦🦞味道十分突出，岩哂中意飲龍蝦湯既我✨🌟初榨純橄欖油蒜香白酒煮紐西蘭海鑽蜆扁意粉 $188扁意粉彈牙，海鮮味十足🤩蒜片同紅辣椒帶出微微辣味，再配合橄欖油同白酒嘅香氣，味道好有層次😆🌟炭燒美國頂級1855西冷牛扒（10安士）牛扒炭燒外皮煎得金黃香脆，內裡嫩滑多汁😋牛扒肉質鮮美，大滿足呀🥰🌟Sun Flower （跟餐 $38）呢杯飲品好清新，葡萄柚、橙同百香果嘅組合好開胃，酸甜味道平衡，岩哂用黎餐後解膩啦🤣🌟Tiramisu 冰磚偽鴛鴦（跟餐 $38）呢個組合真係好特別，好香濃既Tiramisu味呀🤩

近來忙到少咗出去食飯，決定黎到元朗數一數二西餐廳大快朵頤，化悲憤為食量。首先黎開胃沙律，鮮芒果及扒虎蝦肉沙律。呂宋芒好甜！連係沙律醬都有甜甜嘅芒果蓉，令整個沙律好fresh。扒虎蝦爽口彈牙。之後黑松露粗薯條係好口味人士必選，有好濃嘅黑松露味。主菜有炭燒日本豬腩，伴千層忌廉、燒花椰菜苗、燒蕃茄及燒椰菜花。豬腩肉極厚，話係豬扒都信。炭燒得好香口，逼曬油脂出黎。千層忌廉除咗牛油香濃，仲有椰菜花蓉，增加口感。有幸食到初榨純橄欖油蒜香白酒煮紐西蘭海鏆蜆扁意粉！呢款數量有限架！紐西蘭海鏆蜆大隻厚肉，啖啖新鮮，啖啖甜，一啲沙都冇。扁意粉簡簡單單用初榨純橄欖油、蒜、海鮮味已經好夠味。飲品方面點咗Red Sangria同Vanilla Earl Grey Latte。 絕對係區內高質西餐，大推比朋友！

同朋友慶祝生日，揀左間極多好評嘅西餐飲下嘢吹下水啦。環境大，服務態度都好好，一入到去就為我哋介紹嘢飲。餐前包揀左 Mango and tiger prawn salad $128芒果夠甜，虎蝦煎得香口，有牛油香同彈牙。 份量都相當慷慨。Beef nachos $148比想像中大碟， 熱辣辣nachos夠脆。就咁望唔係好覺有牛肉但係食落幾香牛肉味，佢有海量芝士牛油果醬同埋sour cream。 食完呢個已經覺得飽咗一半🤣seafood and lobster risotto $268好欣賞佢嘅海鑽蜆， 咬落超勁海水味， 佢啲海鮮全部都好新鮮，龍蝦唔會唔梅，口感爽彈。riostto米粒分明， 龍蝦汁濃，配合creamy口感，食唔停口😍pork knuckle $278一上枱嚇親， 底下有好多薯仔沙律配酸椰菜。 豬手夠脆身，肉就鹹嫩。 孫椰菜恰到好處中和返嗰種熱氣同油膩感。 不過最後食唔晒啲薯仔沙律，建議呢份三個人一齊shareMocktail 揀咗杯 tropical forest $68鍾意佢唔會太甜，青春涼爽嘅嘢飲非常適合呢排成日落雨嘅悶熱天氣。朋友杯ALC summer forzen

今晚同朋友仔慶生，想食返餐好既同坐得舒服。所以就諗左黎呢間西餐廳食。餐廳食客好多，所以我地事前都有預早訂座。晚上餐廳環境同氣氛都好好。睇完餐牌都係決定點唔同款式既食物開心share....首先來了兩客黑松露牛肝菌湯，好creamy....味道都充滿層次，黑松露味好香好濃，鍾意黑松露香氣既會好喜歡呢個湯，湯入面仲有滿滿既牛肝菌，好有口感好正。飲餐湯仲會配埋餐前麵包，麵包都有幾款，口感唔錯，沾埋個醬，酸酸的好好味，好醒胃。之後點了一份鮮芒果及扒虎蝦沙律。好好味呀，大大舊既芒果肉，啖啖都好甜好香芒果味，入面仲有好多虎蝦，蝦仔好爽口彈牙，好好味。仲有好多唔同款式既沙律菜，好fresh好醒胃。主菜來了，先講一講呢碟橄欖油香蒜白酒煮紐西蘭海蜆扁意粉。先講賣相，已經超滿足呀，因為整個碟上都鋪滿了滿滿既海蜆，又大又香甜，食起來好鮮甜，蜆肉都好彈牙有肉既質感。另外個扁意粉極為出色，因為調味做得相當好，超香既蒜味，好香，仲有橄欖油令扁意粉更為濕潤，又香又好好味，扁意粉又彈牙入味，呢個粉一係一絕，超惹味。另一款主食點了一客1855西冷牛扒，我地點左份細size嘗嘗。整份牛扒好吸引，賣相好靚，一大塊厚切牛扒配