佰古嗲

舖頭面積頗細，但係裝修都明亮企理乾淨。芽菜雞 呢個勁普通。冇加錢轉雞髀，結果係俾咗一大碟好大舊嘅雞胸肉。件件都大大嚿又好鞋口。個汁又只係普通豉油汁，冇咩特別。唔推介。:) 配淨豬油撈飯食到明顯又香嘅豬油味，但係又唔會覺得好油膩。舖頭阿姐介紹加少少黑豉油，加咗之後令到個飯增添咗一啲甜味嘅層次，好味。不過飯本身整得比較軟身唔係粒粒分明嗰種。:)手抓薄餅 薄餅都幾鬆軟酥香。係符合預期嘅手抓餅嗰種質感同味道。:)細滲 可以有無限添加嘅肉骨茶汁。肉骨茶嘅湯汁飲第一啖就會覺得藥材味頗重，係頗濃嘅醬油味同當歸味果種。當然飲得多慢慢就會覺得有啲鹹，但係本身攞嚟送肉食就覺得味道充足。細滲有唔同嘅材料，除咗排骨，仲有豬手、雞腳，豆腐卜等等，一次過可以食唔同嘅材料，覺得都幾好。姐姐牛丸牛丸係自家製手打嘅風味，口感比較粗同埋多粒粒嘅口感，牛肉味可以。比較欣賞佢嘅牛骨湯，佢係清湯湯底，再加比較濃郁充足嘅牛骨髓味道，而且冇咩味精湯嘅感覺，滿意。另外湯裡面仲有粉絲。👌🏼鮮牛油咖央多士多士都焗得鬆脆，咖央醬味道都香甜。不過對比起傳統馬來西亞食到嗰種，呢度嘅多士就係平時港式嘅口感，唔算非常好薄脆嗰種。美祿恐龍 …查看更多

呢日忽然好想食馬來西亞菜，嚟咗大圍呢間餐廳，店員叫我哋去樓上坐，環境會比較闊落😙大滲食馬來西亞菜一定要食肉骨茶，呢間嘅肉骨茶好正宗，仲有得免費加添肉骨茶嘅湯😙 呢煲肉骨茶入面乜嘢都有，啱晒選擇困難症嘅我😍 三層肉、豬肚、雞腳、豬手仔、一字骨、豆卜、金菇同埋響鈴，豆卜同埋響鈴索晒肉骨茶嘅湯真係超正🤩砂煲香爆銀針粉呢個銀針粉好有鑊氣，用個砂煲上勁有儀式感🤣 每條銀針粉都比醬汁包裹住，仲有肉碎、炸豬油、流心蛋同埋紫洋蔥等等嘅配料，份量都幾多㗎，同朋友share就啱啱好😉鮮牛油咖央多士勁推介呢份咖央多士，入面嘅餡料同多士嘅比例啱啱好，加埋有鮮牛油喺入面，雖然有啲邪惡，但係每啖都係幸福感👍🏻串燒沙嗲可以揀豬、牛或者雞，我哋就每樣嗌咗兩串，沙嗲嘅花生味勁香濃，雞肉串燒非常嫩滑🐥特色拉茶馬來西亞最出名嘅飲品一定係拉茶，呢度嘅拉茶甜度適中，唔想飲咁甜嘅朋友仲可以揀少甜。美祿恐龍上面有美祿粉、蜜糖星星同可可脆片🦖大人細路都會鍾意 。餐廳嘅牆上有好多可愛嘅壁畫，特別鍾意嗰幅貓嘅畫，畫得細緻，我都有同佢打埋卡先走啊😍…查看更多

《大圍貓咪壁畫馬拉菜🐈》𖤐 姐姐牛丸 $58100%純牛肉整成的牛丸口感較軟淋有點像牛肉球🤣粉絲搭配牛骨熬製的湯底100% pure beef formed into meatballs, with a soft, tender texture reminiscent of beef balls😳 Paired with glass noodles in a savoury beef bone broth🦴𖤐 福建蝦湯麵 $86店員推介招牌福建蝦湯麵赤紅色的湯底味道卻不辣蝦肉新鮮彈牙份量頗為多配上油麵雞蛋豬肉等配料Signature Hokkien Prawn Mee, featuring a vibrant red broth that surprisingly wasn’t spicy😚 The shrimp was fresh and generously portioned, paired with chewy egg noodles, chicken, pork for a satisfying dish🍜𖤐一字骨肉骨茶 $92一字骨肉骨茶味道濃郁湯底加入當歸枸杞肉桂喝起來溫暖對女士友好而且可以免費添飲很讚🤩Spare Rib Bak Kut Teh had a rich and aromatic flavour🫖 Its distinctive taste came from a blend of spices and Chinese herbs, featuring the warmth of pepper and the fragrance of cinnamon✨ It also carried a robust Dong Quai essence, offering a warm, comforting taste that’s particularly lady-friendly🥰𖤐 鮮牛油咖央多士 $38必點的鮮牛油咖央多士金黃多士夾著鹹香牛油推介加$12配搭半熟蛋濃郁蛋漿提升整體層次💫Indulged in the must-order Fresh Butter Kaya Toast🍞 featuring golden toast sandwiched with savoury butter🧈 For an elevated experience, we recommend adding a soft-boiled egg for just $12🥚 The rich egg yolk enhances the overall flavor, bringing a delightful depth to every bite🤤𖤐 芽菜雞配黃薑飯 $88幸運地獲得雞上髀的部分雞髀肉肉質嫩滑軟嫩彈牙可惜黃薑飯較淡有點失色🥺Tauge Nasi Ayam with I was lucky to get the chicken thigh part, with tender and succulent meat that’s delightfully springy🍗 However , the s🥲𖤐 手抓薄餅配仁噹牛肉 $68金黃酥脆帶有微微的油香手抓薄餅很輕盈富空氣感搭配香辣醬汁及軟淋牛肉It featured golden, crispy Roti Canai, boasting a subtle oil fragrance and a light, airy texture that melts in your mouth🫓 Perfectly complemented by a vibrant spicy sauce, it paired exquisitely with tender, succulent Rendang Beef🥩, creating a harmonious blend of flavours that elevated the dining experience🤩—————————————————————————————佰古嗲 (大圍)大圍積存街14號地舖…查看更多

佰古嗲餐廳裝修好有特色，主打惹味的東南亞菜，周圍嘅牆身都有藝術家繪畫嘅巨型貓咪大壁畫，充滿活力。鮮牛油咖央多士，咖央充滿椰香，加上牛油嘅香味就啱啱好，提升味道層次，夠邪惡。串燒沙嗲，沙爹醬好得！用炭爐燒串燒，肉質好juicy，有少少燶邊，正！椰香娘惹喇沙，蝦肉新鮮彈牙，微微辣，渴底好有椰香同蝦味，份量十足！真係似喺馬來西亞食過嘅喇沙！仁噹牛肉撈麵，仁噹牛肉香辣軟腍，牛肉得好軟嫩，辣辣地之餘仲帶左好明顯嘅香料味，超醒胃！…查看更多

東南亞菜中，馬拉菜算喺食得較多，再者，食友都知我鍾意食馬拉菜，就推介我嚟試試馬拉菜小店「佰古嗲」，話水準高，主打嘅肉骨茶頗有人氣，所以，就趁周五晚專程入嚟會一會佢。點解個名咁得意，睇埋餐廳嘅英文名字，就知喺肉骨茶（Bak Kut Teh）嘅音譯，真有意思！果然好有人氣，餐廳分上下兩層，下層已經坐得滿滿。而室內裝修簡樸，一室以白色為主調，但牆上大大幅馬拉風情手繪，畫功精緻，非常吸晴。而走到上層，同樣裝修樸素，亦坐得七七八八，此外，亦有巨型手繪壁畫，但主題貓貓，一樣畫得好靚，非常神似。餐牌印刷精美，部份菜式有圖片作參考，分類上包括小食、肉骨茶、飯品、麵類、喇沙、精選菜式及飲品，定價親民，更要讚喺唔收加一服務費。細滲 $88雖然呢度嘅招牌係肉骨茶，而且選擇非常之多，但著實仲有好多菜式都想試，所以，就叫個「細滲」一嚐。唔好見佢細細兜，其實裏面裝滿晒食材，包括五花腩、豬肚、豬腳、雞腳、豆卜、金菇……等等，樣樣食材都入晒味，確喺唔錯；而個肉骨茶本身非常濃郁，嗰陣陣藥材味入口帶甘，口感幾舒服，再者，啲肉骨茶喺可以無限添加，不過，呢一份「細滲」裝出嚟都夠三四碗，絕對夠晒飲。黃金醬虎蝦 $168另一道想試嘅就喺呢道虎蝦，馬來西亞三面環海，出產唔少海鮮，而海鮮菜式都做得唔錯。份量可不少，雖然無實質去數，但食吓食吓估計都有成十多隻，蝦肉好爽甜，而且，開咗邊，更入味，個黃金醬喺以鹹蛋黃、牛油、忌廉推出嚟，鹹香惹味。芽菜雞配黃薑飯 $88芽菜雞亦喺馬拉出名菜之一，道菜本身配黃薑飯，但我哋就更加想試椰漿飯，所以，加$5改一改，因為加咗班蘭葉去煮，所以，一身青色，班蘭本身無乜味，隨之而來喺微微椰香，飯粒鬆軟。至於啲雞非常嫩滑，皮下脂肪少，雞皮卻好爽口，無論沾上黑醬油定辣醬，都好好食；此外，肥嘟嘟嘅怡保芽菜，入口爽脆多汁。拉茶 $18友人話奶茶就飲得多，拉茶喺點？都好想試吓，杯面厚厚嘅泡沫喺其特色，倒有幾分似飲意大利嘅泡沫咖啡。佢話個茶底幾香，雖然揀咗少甜，但比起港式嘅會偏甜少少。冬瓜龍眼茶 $30本來都想飲白咖啡，喺馬拉特色，但今日嘅配額已用咗，只好健康啲飲杯冬瓜茶，茶味清爽，夠消暑，甜味自然，加埋有少少龍眼肉咬吓，好唔錯。鮮牛油咖央多士 $38印象中，馬拉菜無乜甜品，反而，富特色嘅咖央多士偏甜嘅個性正好當為甜點都得。睇見厚厚嘅鮮牛油，加上帶椰香嘅咖央醬，兩者嘅融合變得非常有特色，加上多士烘得酥脆，實在為今餐有個好嘅結尾。友人甚少食馬拉菜，甚至原來未去過馬拉，但佢就覺得今餐啲菜式好合口味，而且好好食，加上招呼好好，招呼我哋嘅姐姐不時問我哋有咩需要、使唔使加肉骨茶、清理枱面食完嘅碗碟並話聲慢慢坐，咁先喺留客之道。…查看更多

❝發掘到大圍超高質馬拉菜✨🇲🇾抵食大份又高質!😍😋私心推介!👍🏻❞有晚去大圍食野 random見到呢間馬拉菜 @bakkutteh_hk 望落幾legit🤭一試真係幾高質💗(食到一半決定補多幾shot要出番個post🤤✌🏻)我哋兩個人樣樣都想食 叫到成枱都係🤰🏻🤣feel到隔籬枱嘅客人都好滿意! 最開心係唔使等位🥳(上網睇原來係捌哥捌哥原班人馬開!)食左4樣野都好好食!😋一定要食咖央多士 仲要加牛油呢款 信我正!到!爆!🤤🥹仁噹牛肉香辣軟腍 手抓餅香脆點醬汁一流!☺️主食有多款麵同飯類～福建蝦湯麵濃郁惹味又足料 滲滲米粉+油麵好掛湯!🍜椰漿飯配生炸雞髀勁大份好震撼😳一上枱周圍嘅人都望住🤣不過相對湯麵較普通~▪️鮮牛油咖央多士 $38 (5/5)▪️手抓薄餅配仁噹牛肉 $68 (4/5)▪️福建蝦湯麵 $86 (4.5/5)▪️椰漿飯配生炸全雞髀 $92 (3.5/5)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍佰古嗲大圍積存街14號地舖Ig: @bakkutteh_hk 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_大圍🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_新加坡菜…查看更多

好多餐廳初六先啟市，大圍呢間馬拉餐廳，初五都仲有開:)就嚟個馬拉lunch開返個靚頭，唔使下下食中菜咁悶呢間其中一個招牌係肉骨茶，仲要係任添，食極仲有夠晒好意頭今次嗌咗個細滲，乜料都有豬肉、雞腳同豆卜夠晒入味又嫩口，湯底好香濃平時食開蝦麵，趁新年食豪晒嗌碗特濃龍蝦湯底嘅龍蝦尾蝦麵，湯底濃到爆炸，啖啖鮮味入面有大量海鮮，有帶子、青口、魚片、魚蛋，龍蝦肉真係啖啖肉勁足料唔食炸嘢咁熱氣嘅話，可以嚟個芽菜雞，一份都幾多雞肉，煮得幾嫩，點醬食更醒胃，仲有黃薑飯跟，好大碗吓:)呢度仲有炸蠔食，冇諗過佢地又炸得幾出色，外表炸得勁脆，一咬就咇晒啲汁出嚟點呢個黃金醬食，超級掛汁，咖喱香非常出眾次次食馬拉嘢，點都要食呢個邪惡嘅代表—鮮油咖央多，咖央香甜，需有牛油襯托，整個組合令人太興奮飲品見佢有馬拉茶滲馬拉啡，喺出面好少見有呢鴛鴦組合原來溝埋一齊，味道更加濃郁，格外醒神，好特別…查看更多

因為好想飲肉骨茶🥣,俾我搵到呢間佰古嗲,居然有得任飲肉骨茶😍😍!呢間店喺大圍A出口一路直行就到,店內滿滿貓咪嘅畫🐈,超可愛!好耐無食過咖央,呢度嘅咖央斑蘭同椰味都咁香濃😋~怕肥嘅朋友可以叫無鮮牛油版,但我真係建議有牛油先係極品🧈!佢嘅通菜加咗啲辣椒醬定蝦仔醬之類🦐,辣辣地好鮮味🌶~手抓薄餅配咗兩個汁🍕~一個少辣帶椰香,另一個鹹少少~佢仲有得揀配咖喱雞肉或者牛肉🐮~呢度以肉骨茶命名,當然必點佢哋嘅肉骨茶👍~佢有唔同溉湯料俾你揀,唔想諗嘅就揀細摻或大摻就ok🤗~佢嘅肉骨茶係藥材味好濃哥種~我個人就好喜歡,反而母親大人覺得偏苦,所以成兜我飲晒🤭🤭~但唔夠飲唔怕,呢度免費添肉骨茶,飲到你夠喉為止!掙扎咗好耐要蝦定雞🤔~但因為見佢啲芽菜肥嘟嘟好吸引就叫咗個芽菜雞例牌🐔~佢哋嘅芽菜爽甜多汁又無渣,不過味道淡咗少少~因為叫咗好多餸,主食只係叫咗碗喇沙🍜~但個湯底好濃椰香,而且揀咗米粉吸晒啲湯~但見到人哋叫咗龍蝦尾湯麵一樣咁吸引🦞,下次有機會再嚟試~每樣嘢都好吸引好想試,唔小心就叫咗咁多🙈~飽到捧住個肚走🤰,都只係人均二百左右,超級抵食!Klook 3%優惠碼: HELENCKLOOK…查看更多