御滿屋日本料理

係呢度食嘢真系開心爆燈！食物來得快，我食咗好多野都好痛快。除自助餐點外，現場仲有好多自助食物，乳鴿榴槤都有得食😳以下系我印象最深嘅幾款，簡單講下：**魚生刺身拼盤（劍魚腩/希靈魚/阿根廷赤蝦/甜蝦/北海道帶子）**：新鮮彈牙，劍魚腩油潤，希靈魚細滑，赤蝦甜脆，甜蝦軟嫩，帶子肥美，一碟頂級海鮮，配醬油wasabi一流。**西京比目魚**：味噌醃制燒，魚肉嫩滑，甜咸味滲入，焦香外皮。**陳年果皮蒸鮑魚**：鮑魚軟糯，果皮提鮮，蒸得入味。**鐵板開邊蝦**：蝦肉彈牙，鐵板滋滋響，蒜蓉香辣，熱辣辣食超過癮。**黃金焗扇貝**：扇貝鮮甜，焗得金黃脆口，芝士拉絲。**豉椒炒蜆**：蜆肉飽滿，黑豆椒香撲鼻，炒得入味。**牛油粟米**：粟米粒脆甜，牛油香濃，簡單但我超愛。**燒煙肉帶子**：帶子煙薰味濃，燒得外脆內嫩，煙香配海鮮，特別有驚喜。**三文魚籽松露魚生杯**：魚生杯裝，魚籽爆汁，松露香氣，入口即化，奢華小食。**酥炸桶蠔**：蠔肉鮮嫩，外層酥脆，炸得金黃，咬落去汁水四溢。**川燒珍寶鮮蠔燒**：蠔燒得香辣，內餡豐富，川味麻辣，熱呼呼好對胃。其他還有壽司系列都頗多🥳特濃芝士醬燒皇帝蟹棒壽蒜香牛油帆立貝壽司火炙鰻魚壽司焦糖鵝肝壽司仲有勁多甜品和飲品選擇超開心🥳食物太多都未能食哂😂呢度地方擺放位置清楚乾淨。整體御滿屋海鮮日式fusion好正，食完好滿足！…查看更多

很久沒食過放題，在旺角雅蘭港鐵口看到御滿屋的宣傳，有長腳蟹、鵝肝甚至榴槤竟然不用300蚊，太太十分感興趣，當然要滿足一下她呢😃✏️位置（9/10）：旺角港鐵站出口旁邊大廈一樓，地點非常便捷✏️環境（9/10）：餐廳面積大座位算多，舒適衞生，自助區整潔乾淨✏️服務（8/10）：侍應積極主動收拾，掃碼下單，上菜快基本沒有漏單✏️食物（9/10）：以此價格來說，食材選擇十分多，而且不乏如海膽等高級食材🌟放題A餐 - 經典雙重奏長腳蟹鵝肝海陸盛宴 - $298/位晚市自選2小時任飲任食放題，共有82品食物，更有松葉蟹腳、鵝肝、海膽及榴槤等任食，性價比十分高🤩🍴刺身三文魚、油甘魚、吞拿魚、劍魚腩、赤蝦、赤貝、帶子等應有盡有，更有深海池魚、象拔蚌及松葉蟹腳任食，同時亦相當新鮮😉🍴壽司卷物手卷基本的如火炙三文魚壽司、帆立貝壽司、蟹籽軍艦、花之戀、芝士吉列蝦卷、吞拿魚蓉手卷等等有不少選擇，同時有不少特色食材，如焦糖鵝肝壽司、海膽三文魚籽壽司、海膽手卷、魚子醬鰈魚裙邊、三文魚籽松露魚生杯、紅酒鵝肝士多啤梨撻等多款讓人驚喜的高級食材，絕對超值😍🍴串燒燒物推薦油香滿溢的西京燒比目魚，而鹽燒牛舌、蒲燒鰻魚及香草燒羊鞍味道也不錯😋🍴酒場鐵板炒得超香避風塘炒蟹及啖啖滿足的鐵板鵝肝均屬必試😄🍴一品料理及煮物黃金焗扇貝及陳年果皮蒸鮑魚肯定不能錯過，最特別是還有蛇羹及酸菜魚等等可選😆🍴天婦羅香甜的帝王蟹棒天婦羅一定要食，還有蕃薯、南瓜、虎蝦及秋葵可以選擇😊🍴炸物貓山王榴槤炸彈、芝麻雞翼是個人最愛，其他大致味道也不差🥳🍴榴槤有馬來西亞榴槤任食，另外有榴槤千層蛋糕、榴槤脆皮麻糬，太太都非常喜歡呢🥰🍴飲品及甜品有多款品牌罐裝啤酒、汽水、茶飲，亦有清酒、梅酒、咖啡、朱古力等任飲。甜品方面，有楊枝甘露、豆腐花、馬卡龍、和菓子、焦糖燉蛋、木糠布甸、泡芙、奶凍，還有Mövenpick、Häagen-Dazs雪糕及雀巢及韓國雪條任食呢😜🏠御滿屋日本料理(旺角) 📬旺角彌敦道655號胡社生行1樓…查看更多

大半年前，到訪過尖沙咀嘅「浜焼き」，首嚐即燒新鮮海鮮，因為實在鮮味，至今都仲記憶猶新，但消費唔便宜。早前晌FB見到有家日式放題店，推出「海鮮浜燒 x 日式放題」，但比單食放題只喺貴多$50，$268+10%一位，超吸引。食放題人多好，所以，拉埋夏總同佢老婆，美孚街坊4人行，大嘆海鮮及放題。嚟到門面唔大，入到去都以為唔大，但屈個彎原來裡面好大，個場好長好深。因為我哋揀浜燒，所以，比淨食放題會安排大張少少嘅枱放浜燒爐。專登揀星期一晚嚟，因為「藍色星期一」啲人無咁有心情出街食嘢，搏無咁多人，一人多啲放題就易漏單、出菜慢、招呼又可能無咁好。順便掃描佢哋啲單張俾大家參考，浜燒又好，齋食放題又好，咩日子，咩價錢，一目了然。不過少少溫提，打算食海鮮浜燒嘅話，喺需要預早至少一日前訂座及講明食浜燒，否則海鮮貨源無保証。浜燒又好，放題又好，邊度即點就有我食架。佢哋好似時下唔少放題店咁，外面有自取食物專櫃，就晌入門口附近有凍海鮮、沙律、冷盤小食、少少熱食及甜品。飲品方面，都喺當然自取啦，不過，有驚喜喎，除多組汽水櫃提供多款外國及本地嘢飲外，仲有幾款熱飲，如柚子茶、桂花茶，而所講嘅驚喜位喺有清酒、梅酒任飲。蟲草花粟米燉排骨我哋攞緊嘢飲時，但老婆就先嚟一碗燉湯，真喺估唔到放題都有燉湯飲，啲湯算幾足料，又幾清甜。一如所有放題，點菜紙分門別類放晌枱面，以小型檔案簿釘住啲點菜紙。不過，晌鋪面放置咗超大版本點菜紙，可以一次過睇晒有咩食，如果喺等位期間，不防睇睇諗定揀乜。刺身、壽司、火炙壽司、卷物就算浜燒開晒爐，燒緊海鮮，都有段時間要等，所以，我哋第一時間先點一份刺身拼盤攝時間。由於個放題加插埋浜燒，店長又推介佢哋嘅海鮮粥，所以，壽司、卷物就成為被放棄嘅對象，其實望番有咩選擇，部份款式都幾吸引。刺身拼盤刺身有中拖羅、三文魚、赤貝、油甘魚、希靈魚、北海道帶子、北寄貝、劍魚腩、甜蝦及北海道角螺及象拔蚌，毫無懸念一次過點晒。雖然點4人份，但發覺份量有多無少。裝成一大盆擺得靚靚仔仔，睇落啲刺身色澤新鮮，試完覺得款款唔錯，味道鮮甜，鮮甜嘅就鮮甜，油潤嘅就油潤，煙韌嘅就煙韌，又無話未解好凍仲有冰雪感，放題店俾到咁嘅貨色，算好有水準。海鮮浜燒食完啲刺身，啱啱好啲海鮮都有得食，而初時捧盆海鮮出嚟，非常有睇頭，為怕客人唔識燒而嘥晒啲海鮮，所以有專人服侍幫你燒，而且，個店長一人同時睇三五張枱嘅浜燒，同樣應付自如，燒出嚟嘅海鮮恰到好處，點可以唔逐樣海鮮寫呀。浜燒環節都用幾長時間，所以，慢慢點放題嘢食作間場，就成晚可以不停食食食。鮑魚雖然唔似上次食高檔浜燒咁食南非活鮑魚，但今次啲鮑魚一啲都唔差，店長原隻燒，之後去殼再燒，燒得帶焦香。只喺灑咗少少鹽吊吊味，啲鮑魚入口煙韌且有彈性，鮑魚味突出，好食。大蜆晌燒鮑魚嘅同時，爐旁已燒緊大蜆肉，店長解釋要將大蜆拆肉放入錫紙兜嚟燒，喺因為蜆殼薄，好易爆裂彈到客人。啲蜆肉之後加入埋蒜蓉、辣椒及蔥花，所以，好惹味，但又嗒到蜆肉嘅鮮甜，有咬口得嚟唔會韌到好似擦紙膠咁。帆立貝就算唔喺北海道貨色，睇樣都覺得具質素，啲帆立貝同樣加入少少蒜蓉、辣椒及蔥花一齊燒，再灑少少清雞湯，帶子食落彈牙，爽甜。大虎蝦虎蝦體形大就知唔喺普通貨色，亦無咩下調味淨燒，所以，食之前沾丁點豉油，蝦鮮味自然盡出，蝦肉又夠晒爽口。生蠔燒蠔跟大蜆做法一樣，都喺拆殼放晌錫紙兜內燒，不過，小弟就覺得無咁嘅需要，好似帆立貝咁原隻燒仲好，更有睇頭。燒完嘅蠔無乜點縮水，放咗些少蒜蓉提味，蠔肉飽滿蠔味濃，又有海水嘅鹹鮮味。食完以上5款海鮮仲以為浜燒環節完，店長隨後提我哋仲有任食浜燒項目，不過，就唔喺淨喺海鮮嘢，仲有啲蔬果菜類。因為期間我哋都點咗唔少放題食物，所以，第二轉「浜燒」點少少海鮮，其他就以蔬菜為主。而依一轉可以自己玩吓，因為都唔喺咩難度嘢，但店長特別提一提，如果燒蔬菜可以搽啲清雞湯或鮑魚汁，出嚟嘅效果無咁乾又會香啲。沙律、小食、燒物沙律、小食類就無揀到，其實款式都唔喺啲大路普通嘢，例如黑松露鮮蝦沙律，都夠晒誠意啦。而燒物，共有6款，最吸引當然喺我同夏總都鍾意嘅羊鞍啦，如果晌任食浜燒度無揀有機蕃薯仔及有機菠蘿，大可晌度剔番，唔使自己燒就有得食。大蝦沙律雖然無晌點菜紙剔選任何沙律，但晌入門口嘅自助餐枱，就貪得意拎咗杯大蝦沙律，簡簡單單，啲大蝦又爽口，算唔錯啦！燒紐西蘭羊鞍老婆少食紅肉，就點咗3客試試，羊鞍燒得焦香，加咗黑椒，又有點點羊羶香，夠晒惹味，而且，口感軟腍又極富肉汁，正喎。串燒、火鍋、主食呢幾類食物都好精彩，串燒有4款，不過，純個人喜好，只點牛舌，浜燒都食咗咁正嘅虎蝦啦，就無謂再點類同嘅鹽燒海蝦。而火鍋、主食類本身無打算點，因為喺太易飽肚嘢，但店長極力推介佢哋嘅海鮮粥（依個連點紙菜都無，喺是日特別推介），難得我哋4個人，就點咗鍋嚟試。鹽燒牛舌同樣牛舌無預我老婆，佢對牛舌麻麻，我就鍾情佢朕獨有嘅牛舌臊味。啲牛舌燒得甘香，簡單鹽同黑椒調味，唧少少檸汁，加上口感煙韌，好食。海鮮粥份量都唔少喎，真喺夠晒我哋4個人食有餘，粥底唔喺我哋廣東粥底嘅綿，喺日式有米粒嘅粥底，但入口約鮮甜，裡面有唔少料，瀨尿蝦仔、鮮蝦、大蜆、冬菇，我哋仲加隻溫泉蛋落去添，整鍋粥都真喺唔錯。天婦羅、炸物講到香口嘢，有邊個唔鍾意吖，所以，依兩大類都點得比較多啲。天婦羅共有5款選擇，都喺常見款式，而燒物則有6款，部份幾特別。松葉蟹棒、蕃薯、南瓜天婦羅整體而言，天婦羅做得不俗，全部入口都唔覺油，粉漿夠薄又超脆口。當中以蕃薯最好食，夠粉夠香甜。御品榴槤炸彈、芝士年糕6款炸物以榴槤炸彈喺我最想試，外層喺炸年糕，香脆煙韌，內裡嘅榴槤蓉無欺場，填滿之外，好重榴槤味，叫人食得過癮；而芝士年糕喺老婆心水，當然我都鍾意食，年糕煙糯，配上軟綿綿香濃嘅芝士，正呀。鐵板燒依個類別又喺有好多選擇，不過，寫到呢度，你見我哋確實食咗唔少嘢，都仲要預留肚仔試試甜品，所以，鐵板燒都唔會點得太多。鐵板牛柳粒小弟同夏總都喺食肉獸，牛柳粒都喺為我哋而設，啲牛柳粒好軟腍，入口好有肉味，又有蒜香。鐵板炒雜菌、牛油炒粟米素菜嘢，都喺老婆要求點嘅，但大家都啱食，志在有多啲纖維落肚，不過，啲炒雜菌同粟米又確喺炒得幾香口。去到尾聲，喺甜品時段，晌入門口嘅自助餐枱已放有雪耳木瓜糖水、馬卡龍及朱古力噴泉。再入少少，仲有成櫃小甜點，如芝士蛋糕、芒果布甸、朱古力慕絲……等等8、9款。另一邊，仲有自助棉花糖機及爆谷機，真喺有得食，又有得玩。甜品拼盤先一口氣拎咗8款返嚟一齊共享，款款的的骰骰，每款試少少，就算8款都好易KO到。質素？就唔講得高架啦，但比預期中好，例如啲芝士蛋糕濃香軟滑，牛乳布甸滑溜奶味濃，志在過吓甜品癮絕無問題。除一大堆自助甜品，仲每位客人奉送一杯Movenpick或Haagen Dazs雪糕一杯，有多種口味選擇。Haageb Dazs焦糖雪糕各人都揀咗自己心水，小弟嘅心水喺焦糖口味，雪糕入口軟滑，焦糖味好香濃，裡面仲混有唔少焦糖餅乾粒，有少少類似「金寶」咁，脆口得嚟更添口感，認真好食，品牌嘢始終有一定實力。最後，店長都放低張意見卡，打開裡面有唔少問題，由食物、環境、服務、點菜紙……等等多項，雖然唔知寫咗喺咪會真喺改善，但都稱得上誠意十足。去浜燒專門店食一餐，消費確喺幾高，但依家閒日價連埋加一，三舊水都唔使可以落樓，真喺好划算。而放題部份又唔少選擇，水準不賴，上菜、收碟又快手，店員都勤快有禮，喺漏咗一次單，但唔記得喺唔喺我哋無寫枱號，但同店員講聲，好快幫手補番單，所以，服務都好滿意。…查看更多