小曼谷泰國菜館

今次嘅元朗一日遊，一早已經set左要黎小曼谷食泰菜，因為上星期媽咪帶左我地去間性價比好低嘅銅鑼灣泰菜，所以今次特登帶佢嚟食飯一餐真心令人滿足嘅泰國菜平衡返心理🤪🤪🤪 六點黎到已經係第二十張等枱，好彩turn over 快，佢哋上菜速度又高，所以等左45分鐘左右就入得。呢度出名平，再加上成間員工都係泰國人加持，只要唔係唔熟唔係難食，基本上都冇乜野可以挑剔👍🏻生蝦刺身：柚子大蝦沙律：個sauce 好味，有紅蝦仔好香燒豬頸肉：馬拉盞炒通菜：辣味青檸蒜頭芋頭：我諗全城最平係呢度😚炸蝦餅：串燒沙嗲：芒果白糯米：唔食黑糯米可以叫白糯米，調返轉唔食白可叫黑🤤 15蚊有呢個份量又有芒果做結尾，very good 🤣除咗以上嘅食物，另外裝帶咗個炒金邊粉，一碟乾炒牛河先至$39，基本上呢度食嘢唔使睇價錢，一人叫左一杯野飲，最後拎咗兩張$500只諗住買單，泰國姐姐見到，就話唔使$500😂😂😂😂 最後$528，媽咪最後笑住走😂😂😂是日任務大成功👏🏻👏🏻…查看更多

講起小曼谷，大家都會諗起九龍城，屯門原來都有間小曼谷，佢同九龍城、元朗嗰幾間係唔同嘅，呢間價錢平成截，基本上非海鮮嘅嘢食定價都只係$50內，所以每次去都要等好耐位～今次一行五人去食，多人、星期日、新年假，三種因素加埋一齊，搞到我哋都等咗差唔多一個鐘先有位😖好彩，入座後，落完單，嘢食基本上10分鐘內都嚟得八八九九，唔會話等好耐。今次叫咗柚子鮮蝦沙律、泰式炸蝦餅、串燒沙嗲 雞&豬、馬拉盞炒通菜、蝦羔炒飯、泰式炒金邊粉、椰汁青咖哩 豬、龍眼水、芒果冰、椰汁冰、珍多冰、芒果白糯米、芒果黑糯米，叫得太多，價錢都唔係好記得了🙇🏻‍♀️飲品最先到，每次嚟我都會叫龍眼水，顏色好濃，龍眼肉同啲水都好甜，大推！柚子鮮蝦沙律超濃味，鍾意重口味嘅朋友必叫，柚子夠鮮，加埋超多嘅泰式醬，非常開胃～蝦羔炒飯啲蝦係無味嘅，應該係炒完飯先放上去，個飯都無蝦羔味，似普通蛋炒飯多啲。炒金邊粉亦都唔夠味，我係泰式炒金邊粉嘅fan，呢碟真係唔多得，另外跟碟無附上青檸，如果有青檸汁吊吊味可能會好啲啲。炸蝦餅好香脆，熱辣辣上枱，炸得剛剛好，推介！串燒沙嗲係最好食嘅嘢，原本只叫咗雞串，雞肉嫩滑，雞肉好入味，沙嗲味濃郁👍🏻 食完雞串encore再點豬串，但雞串好食啲，豬肉無乜味，只靠點醬～我唔食椰汁青咖哩，所以評唔到味道，但友人話豬肉好薄，有啲唔夠食。炒通菜唔多夠味，有啲失望😖兩款甜品我都無份食，但友人話啲芒果好甜👍🏻呢到埋單大約$450，每人$100都唔駛，抵食！…查看更多

前陣子，朋友要我介紹屯門嘅美食，話難得入嚟屯門有咩係必食嘅。諗咗陣發現原來屯門嘅特色美食真係唔多，好多舊式餐廳都倒閉，商場剩下生存到嘅都係連鎖店...算得上係屯門必食嘅話，應該非小曼谷莫屬食泰國菜大家多數識得去九龍城食，因為九龍城多泰國人聚居。但小曼谷都係十分正統嘅泰菜，由泰國人開同待應都係泰國人，佢地落單同內部溝通都用泰文(雖然都識中文)前排小曼谷因為搬鋪閂咗一排，重開位置移後咗一條街，由前街去後街。鋪面大咗，裝修冇乜分別，木質枱櫈加少許泰式裝飾，風味依然新鋪門前燈光粉紅，有啲奇怪(似不良場所嘅色調)，但離遠已經見到。雖然位置冇咁方便，但都不阻人氣，仍然6點幾就開始要排(冇得訂枱)，最好都係6:00左右就去到，否則要等一個鐘以上必食：馬拉盞炒通菜，喺泰國叫「飛天通菜」，之前一直以為馬拉盞係源自泰國/馬來西亞，原來係葡萄牙沿海地方有一種叫「Belachan」嘅醬演變而成。通菜幼嫩爽甜，比較多菜葉食落唔會有渣混和大量辣椒、紅蔥頭、蒜頭、蝦米等炒至均勻，香噴噴難怪話會食完想「飛天」必叫二：香燒豬頸肉，雖然聽講豬頸肉多激素，平時都會盡量少食。但小曼谷嘅炭燒豬頸肉真係不可不吃！每片切得均勻條紋一致，炭香味逼人，入囗彈牙有嚼勁另有一小份辣汁另外盛載，非一般咁辣，唔食得辣嘅千祈唔好沾點，唔點汁都已經好好食必食三：豬雞沙嗲串燒，可以嗌半份6串，豬雞各3串。每串計返都唔駛$7，已經份量唔少，性價比高。雞肉比較滑溜，有肉汁流出，而且燒烤味十足另外豬肉爽韌，唔會嚡囗，我就鍾意雞多啲，囗感較滑。沙嗲汁有濃郁嘅花生醬味，香甜得嚟令肉串更惹味個沙嗲汁同豬頸肉都好夾因為肉串已經有豬雞，咖哩就揀咗牛肉。椰汁黃咖哩係唔辣嘅，紅咖哩帶微辣，而青咖哩就最辣帶少少香草味。咖哩汁椰奶味重，十分香濃~熱辣辣好啱用嚟可惜牛肉嚡囗，冇乜牛肉味，薯仔硬身唔入味，頗為失色...下次都係配雞好啲，要強調個汁真係正小曼谷性價比高，4個菜加埋都唔駛$200，每款菜式價錢大約$30-50，如果多人食，簡直可以當放題咁嗌住新界區嘅朋友，唔駛入到九龍城都可以食到正宗泰菜聽朋友講過，小曼谷嘅泰菜係迎合咗香港人囗味，偏向惹味但調味唔重同少辣，難怪覺得好食過喺泰國嘅被譽為「屯門名物」果然名不虛傳！…查看更多

今日黎到屯門既小曼谷餐廳，對上一次黎已經係一年前，今次黎到，咁岩小曼谷搬左新鋪位，比以前大左，位置都係原本鋪位後一條街，見到最多人企左鋪頭出面果間一定係小曼谷，非常好搵。拎左飛之後，一直企左鋪頭門口等，呢間餐廳係不接受訂台，先到先得，差唔多等左45分鐘後，終於有台入座。望一望個餐牌，都有好多食物選擇，價錢算平，而且免加一服務費，性價比真係好高。最後我地一行3人點左冬蔭功、泰式炒金邊粉、明爐蒸烏頭魚、泰式粉絲什菜煲、馬拉盞炒通菜、泰式炒金邊粉、燒豬頸肉、串燒沙嗲雞、椰汁青咖哩豬。冬蔭功Small Size: 份量足夠3個人，味道唔太辣，而且配料好多明爐蒸烏頭魚：有3種醬汁可選，最後選左青檸味，夠酸好開胃泰式炒金邊粉：味道酸酸甜甜，不過覺得太乾身，無咩料椰汁青咖哩豬：好夠椰汁味，送白飯一流燒豬頸肉：如果無烤得太過，味道會更好馬拉盞炒通菜：味道唔錯，好入味泰式粉絲什菜煲：有四季豆、菇等等，底下有粉絲，都幾入味串燒沙嗲雞：雞肉都幾嫩滑，有咬口，點埋沙嗲汁一齊食，唔錯…查看更多

平生最怕排隊，每次路過這家屯門人氣泰菜總是提不起興趣。這天晚上竟難得沒有輪候的人龍，如此難得的機會，是時候試試小曼谷的水準了。小曼谷的店面不小，一副街坊食堂的格局，食客眾多的關係，食桌之間不免擠迫，服務也就是茶記水平。不過翻開餐牌，便會發現小曼谷人氣高企的主因：價錢實在是便宜得不可思議！香茅豬扒、雞翼、春卷等小食才不過廿多元。咖哩、海鮮、肉類主菜四十多元起跳.....店內所有菜式都不過一百元，相信是屯門區內無店能及的低價水平。馬拉盞炒通菜($39)以咸蝦醬炒香，汁醬帶細碎蝦米乾，炒得香口帶鑊氣，通菜也算嫩綠不老。香葉炒蜆($60)用的小蜆尚算新鮮，為減省處理時間，先拖水才下鑊兜炒，令一半蜆肉散落鍋底，汁醬也是水汪汪的，不過還是能嚐到金不換的香氣，吃吃邋好。串燒($38)選了雞肉和豬肉串燒，短小的竹簽，比一般的串燒迷你。雞肉尚有肉味也不嚡囗，不過論肉質還是豬肉稍好。蘸吃的沙嗲醬十分稀身，該是成本的考量吧！荷葉包雞($42)是水準最高的一道，以香葉包裹作雞件炸香，雞肉外脆內嫩，香料味濃，還帶點點肉汁，很不錯。泰式炒金邊粉($36)茄汁炒成的金邊粉，幾乎是吃不出魚露的味道，勝在金邊粉煙靭不易斷，配料少得可憐，不過比茶記碟頭飯還更便宜，是果腹之選。能做到如此低價，店方當然有她的「辦法」，這兒的菜式份量偏小，是正常的三分之二水平，連食器也是小巧過人，並不屬「大件夾抵食」之列。雖然如此，這價格能讓客人多點幾款，製造滿桌美食的滿足感，確是暢快！只是論環境、質素、味道並無過人之處，只能作家常的開飯之選。…查看更多

週六晚上7pm來到屯門的小曼谷泰國美食，餐廳門前已企滿人候位。我們一行5人拿到54號號碼票，前面還有30多張號碼票，足見其受歡迎程度，我們等了大概一小時，終於可以入座。打開中、英、泰文對照的餐牌，難以置信定價如此低，半打沙嗲串燒才$38、午市海南雞飯才$34。我們一口氣點了許多食物，後來發現份量普遍較少，便加點再加點。份量少正合我意，可以多試幾款不同的菜式。泰式生蝦刺身是menu上沒有的，看見隔桌有點，我們便跟著點，生蝦新鮮，配酸辣的醬汁夠開胃。馬拉盞炒通菜($39)炒得有鑊氣，有別一般的馬拉盞味道，這個應該是加了魚露，甜甜的，微辣。燒豬頸肉($38)，外層燒得香，內裡的豬頸肉仍是嫩嫩的，惹味的醬汁是靈魂，把蘸滿醬汁的豬頸肉放進口，油脂滲出來，非常香。泰式炸蝦餅($42)十分十分十分彈牙，炸得香而不油膩，是每枱必點的小食，我喜歡蘸上很多酸甜醬同吃。辣椒香草肉碎炒飯($36)極為香口惹味，炒飯有鑊氣，而且粒粒分明。要注意的是，它的辣度，連平常以辣椒下飯的媽媽都覺得非常辣，但卻有魅力讓我們一口接一口的吃，辣得過癮。以下三款食物則略為遜色：椰汁黃咖哩雞($42，送白飯)富椰香，微辣，很下飯，可惜雞柳不算入味，部分薯仔未稔。半打沙嗲串燒($38)，雞牛豬各兩串，串燒燒得過久，肉質有點柴，沙嗲醬也很「稀」，像溝了水似的，欠缺花生味。明爐蒸烏頭($88)，在我們糾結烏頭熟了沒有時，魚肉已經變得很老了。是我們沒有拿捏好時間，但調味是不錯的，檸檬、辣椒、香草煮成的湯底，酸辣、開胃。椰青($28)很大顆，滿載清甜的椰青水，我們還刮很多椰青肉來吃。芒果白糯米($14)，新鮮芒果，配黏糯的糯米，淋上極濃稠的椰汁，雖然和泰國的還有差距，但在香港來說算是挺不錯了。五個人吃了這麼多東西才$500，真是性價比極高的一餐！…查看更多

兩個人食7點半去到搵位可能因為星期六 :( 我地等左半個鐘先有位入到去好快就點菜我地兩個叫左五樣野除左圖個兩樣，仲有泰式雞肉炒飯，燒豬頸肉同埋豬肉生菜包雞肉炒飯 飯香 未食就已經聞到陣陣既香味食落口飯質軟身  炒得好夠鑊氣燒豬頸肉配上特別的醬汁，好有泰式風味，而且他燒到豬頸肉的邊位有脆脆地 食落爽口而且有肉汁生菜包就辣辣地 無咩特別同平時一般味道一樣不得不提係個馬拉盞炒通菜 真係唔錯，一定要試下 最後叫左青擰梳打黎飲都幾正 埋單各人$117 都算係平價泰國野！👍🏻👍🏻…查看更多

情人節原本諗住同男朋友去据扒,但靈機一觸之前聽朋友講話小曼谷好好味..特別既日子緊係要食返D特別既野啦5點半同男朋友o係上水出發,6點45分先到達= =間野個位真係好偏..去到屯門,又要再轉車..問左幾次路先到去到既時候已經全場滿坐咁滯,但好彩仲未有人排隊..入到去咁岩又有兩人位tim..去之前一早做哂research睇定要食d咩,因為我好鐘意食thai food..但同男朋友一齊兩年都無食過haha總共叫左以下6樣野食:1.第一道菜 本身都ok食得spicy,但呢個下次唔會再試了..因為實在太spicy喇..食完之後條利無咩知覺,食再黎既送隔左好耐先spicy完=_=2.讚讚讚 好抵食,三十幾蚊可以食到新鮮既生蝦配合埋特制既汁真係好鐘意,不過個人認為其實唔點汁留返D鮮味,味道更佳>_<3.驚喜之作.驚喜在一間普通既餐廳都識得花心思用心形上菜..但味道好普通:(4.主菜入面我認為最好味莫過於蝦餅,脆得黎入面好JUICY同彈丫..而且一D都唔漏嫁(P.S 其實係有5件但男朋友偷食左一舊XD)5.上菜既時候發覺D通菜個樣唔係咁靚,先諗起夏天先當做通菜=_=..叫錯左TIM..但味道就不過不失6.最後一道菜都係最失望既一道茶賣相已經唔得,所謂既海鮮就係D碎左既尤魚粒,青口粒,同蝦粒炒埋一齊..仲加左D雜菜同粉絲..感覺就係求其放D野落去一獲熟..而味道方面其實都係用左馬拉盞黎炒= =總括而言: 其實係失望..食完呢餐飯之後同男朋友都勁勁勁口渴D送落既香料可能太多同太重喇,唔係太習慣..同埋比想像中普通..但服務唔錯,坐得比想像中舒服..同埋價錢的確係平,呢一晚係食得開心既..下次我會再黎,但點餐方面..我會細心D食D真係特別D既野囉…查看更多