Time Park Lounge

跟很久沒見的舊同學相約放工飲嘢，同事推薦最近去過打卡好正的酒吧，啱晒鍾意影相嘅我哋酒吧在地庫，街上門面不大，一不留神很容易走過了頭。沿樓梯往下走，牆上掛有照片，樓梯盡頭分左右兩邊坐位區。右手邊坐位牆壁上繪有彷若倫敦地鐵月台的壁畫，勾起那些在倫敦的日子，好有親切感穿過拱門就是另一個世界，猶如進入獨角獸的森林一家店有兩種截然不同的場景，絕對啱曬我哋，影完相，我哋選擇留响現實世界。除咗飲品，我哋仲叫咗4個小食，雖然係小食，原來份量都唔少，搞到要捧住個肚走。精緻的小木箱裝住脆燒賣，上面放有三文魚籽、黑色蟹子，仲加埋金箔點綴，好貴氣脆卜卜的春卷外皮，包住滿滿嘅蟹肉，蟹肉帶點咸鮮香，好睇又好食呢個小食外觀似杯飲品，好得意橙黃色嘅海膽汁，白色嘅闊條墨魚，仲有面頭一撮苜蓿芽，好精緻。墨魚薄片軟韌有咬口，食落辣辣哋，咬破三文魚子卜卜聲，醒胃又過癮龍利柳卷住蔬菜一齊食又幾鮮味喎點埋開胃嘅香橙汁慢煮雞胸又腍又滑內有一粒粒，初時以為係芝士團，原來係意大利薯仔麵團，好得意，煙煙韌韌帶芝士香，好好味太飽嘞，剩下好些麵團沒吃完，可惜。我杯Snow Elf顏色好靚，影相影到啲cream都幾乎溶味道酸甜清新，好好飲淺紫色嘅PHANTOM，顏色浪漫，杯上有一塊特別製煎製的薄片，杯中還有以蝶豆花汁做成的冰粒，保溫同時亦保持味道，更徐徐釋出紫色見同學仔飲到最後一滴，應該很不錯。一邊食，一邊傾，氣氛真係幾好，仲見到不少人打卡拍照尤其是當飲品送來的時候因為實在堅係靚。…查看更多

今日同老公喺尖沙咀行完街之後行到去棉登徑，見到呢間樓下既Bar好似幾chill咁，喺門口睇完menu覺得岩食就入咗去試下啦。一落到去其實空間感都好大，唔算多人而個環境都舒服，好適合慢慢食住嘢傾下計。我地首先就叫左香辣海膽汁配三文魚子豉油漬及闊條墨魚，一嚟到係一個好似cocktail杯咁裝起咗好精緻，食落微辣但又食到墨魚邊既鮮味，作為前菜呢個真係好特別同埋開胃，令我地急不及待試埋其他嘢食！隔咗一陣自家製蟹肉脆燒賣都上台，喺一個用蟹肉造成既燒賣。我地係咁”了” D蟹肉食，食得出係好新鮮同埋蟹味好勁，唔似一般雪藏貨，另外個皮亦都類似春卷皮咁有炸過，呢個都係一個好驚喜同埋好食既fusion菜，真係未必喺其他地方食到！主菜方面我地叫咗Time Park 吾是西班牙海鮮燉飯，一嚟到原來係刺身既海鮮而唔係我地一般既青口同埋蝦。刺身既口感再加埋意大利飯既質感又係一個好難忘既味道，一啖食落口又有刺身既鮮味又有意大利飯既軟綿咬口，加埋d醬汁食，成個飯食哂都唔會好滯同埋過飽。另外我地都叫左燒西班牙黑毛豬腩配碟豆花菠蘿干邑意大利飯，一上台老公已經嘩咗一聲，因為黑毛豬燒得好靚，就咁睇個皮已經知道好脆，連埋碟豆花加埋意大利飯，聞到已經好想食哂落肚，爭D唔記得影相😂食入口果然冇令我地失望，黑毛豬皮脆肉滑仲有好香濃既豬味，而且每一舊都好大，唔會唔夠食。加埋個飯同埋碟豆花，又係另一個新既體驗，未試過呢個口感但我同老公都表示好新鮮同埋好食，好快我地清埋D嘢食就慢慢傾下計。飲品方面我就叫咗杯叫做Phantoms既Mocktail而老公就叫左Prosecco~~Phantoms個賣相真係好靚，難怪好多人都會特登叫呢杯Mocktail，飲落係好清新既波羅汁味同埋少少梳打，好醒神同埋岩飲，就算放左一陣都唔會溶哂冰變淡，打卡一流！老公個杯Prosecco係一杯香檳，慢慢飲住傾計一流！今餐真係好有驚喜~可以試到新口味同埋fusion菜!走果陣見到有beer pong同埋飛行棋玩~下次可以叫班fd一齊黎玩…查看更多

8點鐘左右到，Time Park Lounge未好多人。小貓幾隻。同男朋友已經食過飯，主要係黎飲兩杯放鬆下，聽聞除左創新雞尾酒之外仲有唔少創意佐酒小吃。重點係呢度既裝修非常特別，「時間的巨輪」「日落西山」「玫瑰列車」「英國火車月台」「大榭森林」「激情打碟」「逃出魔幻紀」…多種唔同既感覺。店員貼心咁安排左一個較空曠既位比我地。影起相黎都靚D。第一款小食係香辣海膽汁配三文魚子豉油漬及闊條墨魚$98一開始仲以為自己叫左杯唔知咩野飲，原來係小食。造型100分。而且係一個好新既組合。味道方面好辣，配合左佢「激情打碟」既感覺，雖然面頭果堆草我麻麻地...以下呢款都係我好鐘意既。低溫慢煮半生牛叉燒配米型粉十足十中菜咁，有飯有肉。低溫牛紅通通，咬落嫩口滑溜，滿滿都係牛口。呢味比較無咁重口味，因為用左日本甜鼓油。不過份量有點多，飲酒黎講未係想食咁多野。餐廳聲稱係有燒過既蘋果汁。以上就係我同男朋友兩個所叫既野食。當然有些就不作介紹了。始終口味既野人人有別。我地唔喜歡唔代表你地唔入得口。基於裝修打卡我係好推薦大家到此一遊的。但如果你係接受唔到新事物既就唔好黎了。…查看更多

之前睇雜誌介紹棉登徑開左間特色酒吧，今日同朋友要傾下旅行既行程，一於黎呢度試試餐廳位於地庫，要行樓梯先落到去，記得間餐廳其中一個主題係英倫既地鐵，呢條樓梯既裝修就彷如客人行落去月台搭地鐵咁，淨係條樓梯影相已經超呃like 行到落樓下就好似行到落月台咁，四周圍都係畫左地鐵月台環境既壁畫，不過職員冇安排到我地坐呢邊係職員帶位既途中見到呢度有Beer Bong玩，隔壁果張枱好似係飛行棋黎之後就去到一個好似大宅裝修既大廳，又係打卡呃like既時候啦，座位都係以梳化為主，坐得非常舒服，由於梳化都比較重，職員仲好細心幫我地移開梳化比我地坐坐低之後職員會比Ipad 我地點餐，呢度酒類既選擇都十分多，除此之外仲有一d配酒既輕食首先就叫左呢個蟹肉燒賣，賣相超靚，蟹肉上面加左三文魚子， 魚子醬同金箔，感覺超矜貴，食落去啖啖蟹肉，包住蟹肉果皮脆卜卜，有啲似食緊春卷，有特色又好味去完洗手間返嚟見到呢個杯， 離遠睇以為係自己叫杯嘢飲嚟咗，坐低睇真啲先知道係頭先叫既香辣海膽汁配三文魚子豉油漬及闊條墨魚個醬汁好香海膽味，微微辣，令到醬汁味道又多左一個層次，配埋三文魚子黎食，口感特別，味道好夾，魷魚配左海膽汁又係好好味跟住就係呢個黑毛豬楠意大利飯，厚切既黑毛豬腩個皮燒到好脆，個豬腩食落去一d都唔膩一向食開既意大利飯都係用忌廉去煮，但呢個味道有d特別，佢係用左蝶豆花同菠蘿干邑，食落去有少少甜，第一次食甜既意大利飯，味道又出奇地好食飲品我地叫左特式既crocktail, Gold Smoke職員係倒出黎之前會打開個蓋俾我哋試一試聞果d煙，佢介紹d係用新鮮rosemary 煙燻出黎，仲會有rum酒同橙酒，酒精濃度大概40度，可以因應自己嘅口味而落幾多酒，飲落去的確好香煙熏味，仲有蘋果汁既甜味，的確好特別Lychee cocktail 味道都唔錯，薄荷同荔枝味好香，仲有幾粒荔枝果肉，飲啖酒再食粒果肉，真係唔錯我哋叫咗個乾邑啫喱做甜品，杯頂有啲燕麥碎，起初以為菱形嗰啲係餅乾，原來係朱古力，再加一層有椰絲嘅cream，個底就係菠蘿乾邑啫喱，啫喱好香菠蘿味，除咗菠蘿味之外仲有少少芝士味，感覺真係好特別，係菠蘿啫喱裏面有帶啲cheese cake嘅味道，我一個人食哂成杯😂呢間餐廳確實10分高質，裝修特別之餘，食物及飲品特別得黎又有返咁上下質素，發掘到一個好地方！…查看更多

Happy friday再加上慶祝朋友生日，揀咗嚟呢間裝修好靚，嘢食嘢飲又精緻特別嘅Time Park Lounge！嚟到棉登徑就會見到Time Park個發光logo，行落去就到達間bar。之前睇蘋果動介紹，呢度一邊嘅裝修係inspired by london tube，另一邊就係森林風，非常特別。睇片以為好大面積，但比想像中細。不過絕對唔迫，坐得十分cozy。呢晚星期五多客人，我哋就被安排坐bar枱，可以睇到bartender調酒。首先嚟嘅係飲品，一杯mocktail，一杯cocktail，賣相都十分之吸引。Phantom ($88)Happy hour $58/glass; Regular $88/glass呢杯Phantom係無酒精飲品，用咗荔枝、薄荷葉、菠蘿汁、蝶豆花調制而成。Foggy ($118)Happy hour $78/glass; Regular $118/glass呢杯cocktail成份就有bourbon、糖漿、蛋清、百里香。用個flask裝住嘅係煙同lemonade。Bartender會首先開蓋比你聞下啲煙燻味，再幫你倒少少lemonade落杯酒度。之後就按個人喜好加入lemonade，焗得越耐煙燻味會越重。入口有濃濃嘅煙燻味，好特別嘅一杯cocktail。之後就到食物喇，無論係賣相、食材定整法都好特別～Time Park 自家製蟹肉脆燒賣（$88）呢款燒賣用到春卷皮為皮，蟹肉、蛋黃醬、魚子漬等等為餡料。燒賣皮十分香脆，入面嘅蟹肉好鮮味，配合蛋黃醬，非常開胃。香辣海膽汁配三文魚子豉油漬及闊條墨魚（$98）呢道菜用作墨魚嚟切薄片，模仿闊條麵，爽口彈牙。配上香辣海膽汁，有少少鮮味得嚟又有啲辣味，好過癮，好惹味，會令人停唔到口。燒西班牙黑毛豬腩配蝶豆花菠蘿干邑意大利飯（$188）面頭嘅西班牙黑毛豬腩，燒得啱啱好，味道唔錯，好似燒肉，不過略嫌脂肪有啲多。意大利飯用到蝶豆花嚟整，所以藍藍哋色。亦都用咗cognac，所以有酒味，而食落去就比較似糊仔…🤔香檳慕絲朱古力布朗尼（$78）呢碟brownie賣相亦都好不錯，brownie上面有香檳慕絲同白朱古力。香檳慕絲cream狀，食落無咩味。brownie比較硬身，入面有nuts，朱古力味好濃～大約十點開始，DJ就開始播歌，客人都出去玩下beer pong，氣氛高漲，傾計都傾得開心啲！…查看更多

又到星期二放工想Happy Hour輕鬆一下，想起朋友介紹這家位於尖沙咀棉登徑的Time Park Lounge，今晚和女朋友來到試試水準。 餐廳裝潢獨特，有兩個分別以英倫車站、和森林作為主題的區域，燈光柔和，環境有情調。餐牌主打各式的Signature Cocktail，以新穎玩味的方式做出不同的風味，食物選擇亦有不同的輕食及主食，價位適中。Gold Smoke女朋友點的Gold Smoke，以Bacadi Oro作底酒，故有琥珀的色澤，配上同樣金黃色的煙燻蘋果汁，另外以Pipette盛載的Orange Bitters，可以隨心加入調整口味，入口有蘋果輕輕的酸甜味，淡淡的煙燻味道更是特別。Smoke In Your Eye同類用上Rum作為底酒，但這杯用了更陳年的Bacadi 8 Years，配以薄荷，特別是杯中有一大顆荔枝冰，入口香甜適度，煙燻香氣比前一杯強烈。Time Park自家製蟹肉脆燒賣以春卷皮做成燒賣的形狀，餡料滿滿全是貨真價實的蟹肉，蟹肉之上更有三文魚子及黑魚子，一咬外皮香脆，蟹肉餡料有滑膩、鮮味與鹹香三為一體的非凡滋味。香辣海膽汁配三文魚子豉油漬及闊條墨魚這道菜特點是將墨魚薄切成闊條麵形狀，把墨魚、三文魚子及香辣海膽汁一同入口，鹹鮮，酸甜，香辣俱全，不但十分和味，而且層次豐富細緻，味道令人上癮。燒西班牙黑毛豬腩配蝶豆花意大利飯Iberico豬腩一看已經十分對辨，肥瘦均勻而又厚達三吋，入口有肉汁豐盈，甘腴可口、唇齒留香之妙，意大利飯而用上蝶豆花染色，飯粒有嚼勁，外層煙韌帶點彈牙，乾濕合度，滋味鮮美，尤其精采。法式干邑啫喱最後以一客干邑啫喱作結，一般香港人一見到啫喱這兩個字都馬上聯想到羅拔臣啫喱的化學味道，而這個啫喱卻是真材實料以干邑和菠蘿做成，更可看到一絲絲的菠蘿纖維，上面的忌廉同樣加入酒香，入口香醇甜美。…查看更多

情人節晚餐推薦第四彈了💓這次推薦的是昨天超多人詢問的Time Park Lounge 情侶超適合去的🥰我同MY BOSS 叫左四款輕食 超高質的低溫慢煮原隻鮑魚配蜜瓜晶球 ($98)有著煙薰效果的鮑魚很不錯記得要督爆蜜瓜晶球 因為是醬汁來的🤪之後香辣海膽汁配三文魚子豉油漬及闊條墨魚 ($88)呢個香辣海膽汁真係幾辣下 三文魚子爆哂汁而闊條墨魚好特別 幾有咬口至於低溫慢煮半生牛叉燒配米型粉 ($198)牛叉燒真係第一次食 入口幾淋身 不錯米型粉好特別 幾好味👍🏻最後係估你唔到嘅一個個球形👇🏻低溫慢煮雞胸配中式腐乳意大利飯 ($158)食落去 我覺得似芝士味😂MY BOSS就話似咸魚味 好特別😆至於我十分推薦我杯Phantom ($58)幾重荔枝味 好好飲😘_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂…查看更多

之前看倒新假期介紹棉登徑新開了一間以英倫車站和森林做主題的酒吧已經覺得很吸引，不過最吸引我的還是店內的精緻佐酒小吃，每一道都像很美味似的，所以即使不特別好飲酒的我也約閨蜜來試試。＊＊＊＊＊＊＊＊＊＊＊＊＊＊Time Park Lounge因為為於地庳，門面都不太起眼，如果不仔細找行過都很容易走漏眼。酒吧內主要分為兩大區域，一邊以英倫鐵路做主題，磚牆上畫上倫敦地鐵月台；另一邊則以森林作主題，店中間放上兩棵仿真大樹，再加上天花吊下來的乾花，感覺有點夢幻，女生到來單是自拍打卡應該都要花上一段時間。酒吧內設有現在流行的Beer Pong，坐得耐都可以跟朋友郁動下。酒吧內紅白酒啤酒雞尾酒選擇都非常豐富，但最意外的是無酒精的Mocktail雖然只有六款，但每一款都很特別，絕不是平時的大路款式。Phantom($88)Phantom是一杯以荔枝和菠蘿汁作主打的Mocktail，因為加入了蝶豆花，所以整杯Mocktail都是夢奶的紫色，味道以荔枝的甜味為主，都幾好飲。Taishan House($88)Taishan House則是以藍莓和西柚製成的Mocktail，Mocktail底層呈深橙色，起初入口只飲到西柚的澀味，但當把杯面的藍莓和紅莓搗爛後，不但Mocktail的顏色變了，亦多了莓的酸甜味，幾特別。之前都提到這裡其中一個賣點是精緻的佐酒小吃，所以我們當然要試試。自家製蟹肉脆燒賣($68)雖然叫燒賣，但當然不是點心店的燒賣，其實是以炸春卷皮包裹著蟹肉的小吃，上面再放上三文魚籽、黑魚籽和金鉑，真係唔食得都睇得！春卷皮又薄又香脆，中間蟹肉混和了蛋黃醬，非常creamy美味，加上三文魚籽的鹹鮮味，精緻得來又好吃！香辣海膽汁配三文魚子豉油漬及闊條墨魚($88)這是全晚我認為做得最出色的佐酒小吃，首先小吃用雞尾酒杯盛載已經讓人有一種貴精不貴多的感覺。濃濃的海膽汁內是以墨魚切成的闊條麵，上面再放上三文魚籽。墨魚麵非常彈牙，海膽汁其實不太吃得出辣味，但味道確是十分濃郁，令每一條墨魚麵都沾滿濃郁的海膽醬味。作為佐酒小吃，墨魚麵份量點到即止，令人有食完想再食的感覺。西班牙紅蝦蟹肉、牛油果沙律配自家製泰式汁($98)大約番梘大小的方塊頂層其實是蟹肉，下層則是牛油果蓉，面層再放上紅蝦，蟹肉軟綿，牛油果蓉清香軟滑，紅蝦則爽彈，整體配合得剛剛好，左邊菊花下面是沙律菜。低溫慢煮雞胸配中式腐乳意大利飯($158)以海膽殼作為器皿，上面放上一個個炸球，切開原來釀了意大利飯和雞肉，賣相幾特別。炸皮厚薄適中，意大利飯跟傳統般帶點硬，入口有點像吃飯焦，但不知廚師是否怕不是人人能接受腐乳的味道，所以腐乳味都比較清淡，似有還無，個人覺得如果腐乳味再重一點應會更好，中間小丁方的是慢煮飯肉，肉質不會過鞋。總結，飲料屬正常價位，佐酒小吃定價則略為進取，不過看得出無論佐酒小吃或Mocktail都有花過心思，如果想靜靜地找個地方跟好友摸著酒杯底傾下偈，Time Park Lounge絕對不會令你失望。…查看更多