微酵烘焙 (MOKO新世紀廣場)

呢間黎自台灣既手工製作麵包店 .. 一開張個時已經聽朋友提起過了 因為佢同我地熟悉既台飲店Sharetea係同一集團架, 所以係呢間麵包店都有飲品賣~ 今日同屋企人黎開MOKO 經過, 就順便望下D麵包啦~ 唔望尤自可, 一望大件事XDD D款比想像中吸引好多, 唔小心係度流連左好耐lol 最後仲買左D麵包做第二朝早餐~ 因為屋企人 麻麻地甜食, 而之前聽朋友講 呢度好多款包都係甜款黎 但今次黎 見到有唔小新品 都係咸款黎架… 岩晒家人既心意 酥烤羅宋 $24 呢個係媽媽指定要試既~XDD 外貌平平, 食落係滿口芳香~~ 麵包成分有 雞蛋, 牛奶, 牛油同奶油 難怪會咁香, 而佢既口感係偏向實淨, 而唔係鬆軟~ 鐘意有咬口既朋友 應該會鐘意呢款 : ) 章魚大哥 $28 呢個係我揀既~~XDD 好明顯係比佢外表吸引住 雖然材料 只係簡簡單單既香腸同肉鬆, 但最得我歡心! 而且肉鬆仲夾有海苔 ~ 食入口幾重咸香味, 好惹味 而章魚眼其實係朱古力黎既~ 但… 由於我地係放第朝 再焗熱佢黎食… 所以, 已經溶左😂 香菇麻糬包 $22 好可愛既香菇造型的, 係唯一一款我同媽媽都話要揀既款式 LOL 呢款係大家都一致好評 ! 面頭既可可粉 唔太甜 重點其實係餡料::: 黑芝麻醬同麻糬 !!! 芝麻醬好濃郁 ! 麻糬夠煙韌, 但如果麻糬再大件D就好喇!!! 薯頭 $24 呢個真係超搞笑~ 就咁睇真係好似一舊薯仔XDD 面頭既同上面香菇一樣, 都係可可粉黎~ 而入面就有好多馬鈴薯粒! 而且仲夾雜住火腿, 粟米同洋蔥 整個配搭很不錯! (個人覺得如果再加埋黑椒粒調味, 一定會更加惹味~~) 最後呢一個, 我覺得係一定要食架 :: 芝士金磚 $19 係… 雖然呢款比起其他款式, 好似係普通左D… 但係芝士控一定會好鐘意佢 係車打芝士醬同牛奶方包既結合~ 方包加入左牛奶 所以特別香軟, 面頭搽滿左店家自家製芝士醬, 焗熱後特別香!! 大推介 我地全部切成4份 全家人分黎食xdd 當日我同媽媽一人幫襯左一杯野飲~ 媽媽叫既係:: 鮮醇芋頭奶 $36 (menu寫左,, 係用台灣大甲芋頭架 !) 我地都覺得賣相好少女心💜 雖然紫色係好淡, 但咁更加唔使擔心有色素問題 一飲就飲得出無添加糖分, 係直接用芋頭打成鮮奶 再加芋頭粒! 口感好幼滑, 亦都不停飲到粒粒芋頭💜 而面頭既係鮮忌廉黎~ 搞勻埋既話 整杯口感會更加香滑, 但注重健康既話, 唔搞勻都OK~ 忌廉會一直留係表面 : ) 奶蓋(甜芝士)極濃日式抹茶 $40 一飲就明白佢既 “極濃”唔係講笑, 抹茶既甘甜真係好重!! 什至乎… 濃到 我估唔係抹茶控既朋友 未必會接受到 好彩, 原來將奶蓋同抹茶搞勻返, 味道就易接受好多喇!! 會似返濃味版既matcha latte, 口感亦都不錯p.s. 呢度既奶蓋真心做得很不錯, 咸香味重, 質地濃厚, 係高質奶蓋 (佢仲有得比客人揀藍芝士或甜芝士, 平常飲到既都係甜芝士, 所以.. 我都係揀返甜芝士 lol 下次先試藍芝士啦~XDD) 整體黎講, 飲品方面真心高質, 相信好多人都已經飲過都知 而麵包方面, 見到佢仲有其他新款式, 其實都好想試埋呢~ 可惜我地一家人食唔到太多..XD 雖然價錢偏貴, 但食落都幾開心既~ 下次再黎, 會試埋其他款! …查看更多

幾十年前吃麵包幾乎等同貧窮，所以有挨麵包一詞，現在世代不同了，除了原材料和租金加價，令吃麵包已變得不比正餐便宜外，人們的飲食習慣亦跟從前不同了，吃麵包已經變成一種享受或生活的一部份。以我為例，我每逢星期五下班後都會上興趣班，所以習慣吃點麵包才去上堂。是日經過微烤烘焙見到幾多人幫趁，麵包款式亦特別，就決定買來試試。＊＊＊＊＊＊＊＊＊＊＊＊＊＊＊＊微烤烘焙是一間台式麵包店，麵包款式挺豐富，定價不算便宜。麵包由十元到三十多元不等，不過麵包都比平時的大個。由於麵包店就在新世紀廣場內MTR層，人流非常多，所以即使下班時間仍不斷有麵包出，非常新鮮。麵包店跟歇腳亭合作，所以除了麵包外，同時有售台式茶飲，天氣熱，我跟同事就每人買了一杯。極濃法式可可($36)可可味的確非常濃郁，我點了半糖，所以感覺有點偏苦，如果本身不太能接受偏苦味的可可，建議點少糖或正常糖更好。民國捌零珍奶($28)珍奶奶味和茶味不特別突出，可幸珍珠尚算Q彈，味道較為普通。麵包選擇豐富之餘款式亦較少見，我最欣賞是每款麵包都有名牌介紹麵包成份和味道，令顧客更易選購合自己口味的麵包。花多眼亂之下，我決定買多幾個跟家人分享。髒髒之胖($39)髒髒包是這裡的鎮店之寶，幾乎每一個顧客都會買，沒有不試的道理。雖然$39不便宜，但一個髒體包其實大如人頭，足夠兩三個人食。髒髒包上面有70％比利時朱古力，上面再鋪上可可粉，朱古力濃郁得來帶點苦味，中間夾有忌廉芝士，所以較為飽肚。雷神朱古力($24)就是朱古力菠蘿包，麵包軟熟得來中間夾雜核桃，令麵包口感更豐富。這款包的朱古力味濃郁得來不像髒髒包帶朱古力苦味，適合不喜歡朱古力苦味但又想吃朱古力包的朋友。香菇麻糬包($22)麻糬包外型像香菇幾別緻，麵包中間是厚厚的黑芝麻醬，芝麻味香得來也很幼滑。爆醬珍奶軟歐($18)珍奶軟歐裡面是紅茶吉士和黑糖白珍珠，配搭幾特別，但珍珠略嫌偏腍，如果Q彈一點更好。少女心之戀($24)這款麵包離遠已經聞到很香的紅酒味，從外表看以為麵包像法包般偏乾硬，但入口卻非常軟熟，裡面有士多啤梨乾和朱古力粒，是五款麵包中最令我驚喜的一款。總結，麵包定價雖較為進取，但除了爆醬珍奶軟歐不是我杯茶外，其他都挺好吃的，麵包亦很真材實料，軟熟得來不會像大型連鎖麵包店的空氣包一樣，吃完都完全沒有飽腹感。…查看更多

一場去到微酵烘焙 台灣人氣軟歐店 點可以唔買埋佢地既麵包呢？ 佢地仲推出左10款新口味既麵包 我地都買左幾隻番屋企一齊分享🤤我地今次一共買左5款包試👅：1. 香菇麻糬包 形狀係磨菇 好可愛 入面其實係黑芝麻醬加麻糬饀 好香黑芝麻味😋2. 章魚大哥 又係一個造型好可愛既包😍 其實係肉鬆腸仔包 好睇又好食😆3. 朱古力髒髒麵包 呢款係佢地最經典既包 用左70%比利時松露朱古力做朱古力脆皮🍫 有口感之餘麵包又唔會好甜又有香濃既朱古力味 麵包好鬆軟 入面仲有松露朱古力同忌廉芝士 大大隻超好味🤤4. 少女心之戀 超多士多啤梨乾同朱古力粒平均分佈係麵包入面 酸酸甜甜 同麵包好夾好好味🍓5. 雷神朱古力 用比利士朱古力做既麵包加上合桃令口感更豐富 加埋個朱古力菠蘿包皮 脆脆的🌟到飲品方面 我地就揀左1杯台茶18號紅玉拿鐵同埋1杯甜芝士奶蓋墨沏烏龍🤤 18號紅玉係佢地既茶王 茶味香濃 加埋鮮奶好滑唔錯👍🏻 但我們更愛另一杯烏龍茶 芝士奶蓋厚實 味道夠濃而不膩 配上清新既烏龍茶真係好解喝👅🌟…查看更多

旺角新世紀廣場開左新麵包店，台灣人氣麵包及台飲的「share le pain」，有好多新款麵包，大熱的髒髒包都有。新店夠光猛乾淨，麵包整齊排放，有麵包名同價錢，還清楚介紹麵包材料，客人可慢慢揀心水麵包。之後到收銀處點埋飲品再付款。髒髒之胖 $39，超級大個，回家切成4份同家人分享，食完已半飽。外層是70%比利時黑朱古力及可可粉，好rich好重味，但不太甜，仲有朱古力的回甘，入口溶化，加上鬆軟有彈性的朱古力麵包，內裡仲有忌廉芝士粒餡，好滑好軟。少女心之戀 $24，個名好靚，如同麵包賣相一樣，小心地切開，滿滿的台灣士多啤梨乾及比利時朱古力粒。酸酸甜甜有果香，帶點朱古力的回甘，有如少女初戀的百味交雜。極濃乳酪 $28，一份有3小個，俾小朋友食好方便，外形可愛。用黃金全麥粉、紅酒豆泥酵母熟成的軟歐包，有獨特的小麥香，質感亦更煙韌好咬，餡料是濃滑的忌廉芝士，味道濃郁有奶香，令人回味。爆醬珍珠軟歐 $18，用左紅茶、紅茶吉士、黑糖白珍珠造的，係食得的珍珠奶茶。麵團加入現磨原葉紅茶，也用現沖紅茶做基底打成吉士，食落充滿茶香，又有珍珠增加口感，茶味特別濃重，有如食緊珍奶一樣。香菇麻糬包 $22，造形十分得意，蘑菇形的麵包內有黑芝麻醬、麻糬，入口有好香芝麻味，麻糬非常煙韌，香甜軟綿。茶飲好特別，感覺好似咖啡機般專業，放茶葉入機，再沖泡茶出來，係新鮮即沖，好有茶香，仲保留茶甘清香。極濃日式抹茶甜芝士奶蓋 $40，用日本抹茶粉沖製，有極濃抹茶味，回甘茶香拌著甜甜的芝士奶蓋，味道甜度都岩岩好，芝士奶蓋輕盈香濃綿密，但唔會好膩。墨砌烏龍藍芝士奶蓋 $35，即沖烏龍茶香帶甘，甜度低，配微咸藍芝士，味道好夾。…查看更多

今星期決定回兩老家過夜，通常回家都不會空手而回，一是斬料加餸做晚餐，一是買定第二朝早餐，而今次就選了後者。來到新世紀廣場，發現有間來自台灣的麵包店。開放式門口，地方寬敞，以白色為主調，環境光猛，簡約舒適。店子分兩邊，一邊是麵包區，另一邊是沖調飲品場地。一早就被放滿不同款式麵包的麵包櫃吸引了....看看牆上的介紹牌，不時轉出不同的推介麵包，有好介紹當然不能錯過....******************************在兩款吐司中揀了紅酒朱古力吐司 Tipsy Wine Chocolate Loaf Bread ($30)，一包六片，全面厚切，所以好有份量。一打開膠袋，陣陣酒香已直湧鼻子，令人陶醉。以比利時朱古力、紅酒酵母、可可粉和比利時朱古力醬製成，朱古力味濃郁，亦不單止聞到酒香，吃落也有紅酒味，而口感亦相當軟熟，口感和味道都一流！全個香軟肉鬆包Pork Floss Bread($28）包面都被台灣海苔肉鬆覆蓋，用料十足，吃得滿足。所選用這款台灣海苔肉鬆果然零舍不同，有咬口又唔乾身，仲好鬆嫩，味道鹹香，加埋份量剛好的特色醬，伴着鬆軟的麵包同吃，正！香菇麻糬包 Michu Mushroom($22)賣相真係好有趣，「菇」頂灑了可可粉，十足十一隻冬菇，見到都唔捨得吃。把其切開，「菇」內藏着黑芝麻醬和麻糬，份量適中。麻糬黏黏地，帶有芝麻香，但個人認為味道甜了一點。少女心之戀 Berry Chocolate Love ($24)散發着陣陣香甜，的確與名字很匹配。包身極之軟熟，混入不少台灣士多啤梨乾和朱古力顆粒，分佈平均，每一啖都吃到酸酸甜甜的味道，真係好戀愛的feel。******************************返兩老家路途遙遠，又熱辣辣，最好就邊飲住凍飲，邊走這段路。飲品七大類，有焙焙茶香、小農茶拿鐵、果果滿杯、小農香緹、奶蓋、全球經典和啃花痴草。見爆爆水果茶（$35）是推薦，一於是它！指定少冰和3分糖，甜度剛好，酸咪咪，滿有百香果香，茶底甘香，唔會太濃，不失果香。而水果就有台灣石榴、香橙、蘋果、青檸，仲有一大塊菠蘿，幾豐富！最欣賞是附有一支竹韱，方便客人吃埋啲水果，真細心。全部水果都好新鮮清爽，特別喜歡甜美多汁的菠蘿，好好味！------------------------------Share la pain 是指分享麵包，正正是我向家人所做，分享每個麵包，分享每份美味。Share 美味係會令人開心，大家都齊齊分享。…查看更多

雖然都半年前，但食過一次「微酵烘焙」嘅「髒髒之胖」，印象甚深，所以，知佢九龍開咗新店，都想重溫其滋味。而今次個標題就語帶「雙」關，第一就喺估唔到佢嘅骯髒包咁好食，殺出一條血路，第二就喺佢哋其他嘅出品都有質素，受客人歡迎，否則都唔能夠再晌九龍及新界開店，迎嚟一條康莊大道。由於店家主打特色軟歐包及茶飲，所以，旺角店跟之前到訪銅鑼灣店嘅裝修差唔多，一邊喺製作茶飲，另一邊就擺放多種特色麵包。全店以白、金為主色調，簡潔明亮，讓人睇見都好醒神。今次主要嚟買麵包，所以，先介紹一下麵包櫃呢邊。唔使多講，主打都喺3款骯髒包及人氣嘅爆漿珍奶軟歐。原來，依家仲出咗多款新品，如賣相抵死嘅章魚大哥，仿真極高嘅薯頭，甚具台風嘅香軟肉鬆包……等等。我就最鍾意佢哋除咗各款包有名牌介紹之外，簡介埋有咩基本成份，以及當中嘅特色，甚至講明喺蛋奶素定葷食，方便一啲素食者。不過，未講啲包之前，原來買麵包嘅話，飲品會有8折優，買一個包，就有一杯飲品優惠，如此類推。呢度有好多特色茶飲，頗多喺別具特色，類別涵蓋紅茶、拿鐵、果茶、奶蓋、珍珠奶茶、花草茶……等等，用上世界唔同地區嘅茶葉製作，定價$25-$40。最好就喺甜度有得揀，由正常嘅可減到無糖都得。珍珠鮮奶茶 $36見佢哋鋪面推廣緊呢一款以鮮奶油製作嘅珍珠奶茶，賣相又吸引，再者，小弟都好一陣子無飲過珍珠奶茶，所以，試番杯喺點。色澤一層層，實物嘅賣相就好吸晴喇，價目牌註明喺用上台灣及斯里蘭卡茶葉製作，所以，茶底入口幾芳香，而面頭嘅香緹（我都喺睇佢塊廣告版先識呢個台灣用語）喺由植物鮮奶油打成，攪勻杯奶茶，堅喺滑溜好多，但又比預期中無咁膩，底下嘅珍珠煙韌咬口，有陣陣嘅黑糖嘅純香。如無特別要求，店員都會細心將每個麵包分別袋好，但薯頭同香菇麻薯包放埋一齊都無問題，其他就要分開，尤其髒髒之胖。特登影埋個包裝袋，因為袋背印有唔少溫馨提示，建議你點樣保存及回烤喺最好嘅方法。香軟肉鬆包 $28由於佢哋所賣嘅都喺軟歐包，非港式鬆軟嘅麵包，所以，一般都喺挺身，口感帶煙韌，唔會一陣風咁食完。包面鋪上滿滿嘅台灣海苔肉鬆，有份鹹香感，包內則塗上一啲特色醬，其實食落都唔喺好知乜，但甜甜哋咁，平衡番啲肉鬆嘅鹹味。薯頭 $24霎眼望埋去，真喺堅被佢呃到，九乘九似足個薯仔。外層嘅可可粉只喺輕輕沾上，唔似髒髒之胖嗰啲咁搶味。而切開一睇，裡面有薯仔粒、粟米、火腿、洋蔥，幾有咬口，食落亦頗有飽肚感。香菇麻糬包 $22呢個就專登揀嚟俾老婆食，食偏素嘛，應該會鍾意。同樣，以外型酷似大蘑菇為賣點，確喺幾可亂真。而裡面塞滿芝麻醬及麻糬，屬甜包，整體嘅口感煙煙韌韌咁。髒髒之胖 $39對比上次，原來俏俏地加咗少少價，不過，我都仲喺覺得抵食，喺值得翻兜再翻兜。拎上手，依然好墜手，用料又十足，一口咬落去，包面灑滿厚厚嘅可可粉，加埋有一層好似脆皮咁嘅70%比利時松露朱古力，嗰朕朱古力嘅濃郁香味一湧而出，味道帶點甘苦，口感極有「軟歐」嘅個性，咬落韌韌哋，卻喺軟綿綿，搭埋忌廉芝士嘅鹹香，不愧人氣之作。紅酒朱古力吐司 $30見到呢款吐司都好有特色，要埋嚟做早餐都好。據名牌介紹，吐司喺以紅酒酵母嚟發酵，順帶一提，「微酵烘焙」嘅麵包都喺以天然酵母嚟發酵，相對更健康。而呢款吐司，口感軟熟，細意嗒落，又確喺有微微紅酒香，包心混入咗朱古力醬及朱古力粒，令味道更豐厚。故此，髒髒之胖及紅酒朱古力吐司喺朱古力死粉嘅必食推介。當然唔可以跟啲街坊麵包鋪作比較，但依家有唔少人追求健康，希望用料靚之餘又要天然，亦有唔少人想試試啲高質素嘅包款，希望富特色之餘又要少見。平常早餐不時都喺以麵包為主角，今次，既然一次過入手咁多包款，就成為晚餐嘅主角，配上老婆煮嘅南瓜湯。…查看更多