峇峇娘惹 (淘大商場2期)

今日去咗淘大拎啲嘢畀朋友，拎完有啲餓，見呢間馬拉野嘅下午茶幾抵食就一於試下👍我叫咗食馬拉嘢必試嘅喇沙👏 揀咗魚腐做配料，另外加咗下午茶小食香茅骨(原本想加多個通菜，不過原來一個餐淨係可以加配一款小食，所以張單既通菜加完又減返😅)呢個下午茶$33包埋野飲黎講份量算係咁，有兩舊魚腐同半隻蛋加啲芽菜～喇沙湯底好濃郁，唔太辣，帶啲椰奶香，面頭嘅炸蒜同乾蝦米仔令到成個湯底更香更惹味😋米粉爽口，油麵唔會太淋👍不過我就覺得魚腐太淋太油，同我食開既好唔同，呢度淋到有啲難食🙈 香茅骨我諗住係真係每件都有骨，類似BBQ ribs咁，但黎到見到即係砌咗件嘅炸豬扒🙈 肉質仲要有少少鞋😅 唯一出色在香茅味都幾突出～青桔仔水即係青檸水，正常水準 (青檸都算俾得重手👍)下次再有機會食嘅話應該會揀魚蛋魚角喇沙或者蝦肉喇沙，希望會彈牙啲啦😅🙈(餐廳堂食都用即棄餐具，有點唔環保喔👎)…查看更多

淘大有好多食肆，幾次經過這餐廳都要等位，相信都是好野嚟，今日（22/6/2020）下午二點半，已過飯市，居然都要等位，就等下啦，好彩只等十分鐘，就有位，坐下無耐，就大把位。點了一份下午茶星洲魚丸拼魚角滲滲叻沙，湯底好好味，同新加坡一隻好出名既叻沙麵味道好似，有三粒魚丸及一件魚角，下午茶來說，都好夠份量，因貪食，又點了一份香茅骨，$8有三件骨，香茅骨香脆及滑，再配了馬來拉茶，好滿足，埋單都是$41，抵食。近門口位置有小食購買，但細看產地時，並不是馬來西亞或新加坡，故沒有買。…查看更多