新泰東南亞餐廳 (興旺閣)

营业中

休息中

今晚，我特意帶老婆來慶祝她的升職，選擇了灣仔的人氣泰國菜餐廳——新泰東南亞餐廳。這裡的裝潢充滿濃厚的泰國風情，牆上掛滿了精緻的泰國畫作和各式飾品，讓人彷彿置身於泰國的熱帶氛圍中。店員們親切有善，服務態度極佳，讓我們感受到賓至如歸的氛圍。我們的晚餐選擇了幾道特色菜品。首先是香芒軟殼蟹米紙卷，酥脆的軟殼蟹搭配清新的香芒，口感絕佳。接著，泰式蝦炒金邊粉色香味四溢，蝦肉鮮嫩，金邊粉吸收了濃郁的調味，令人陶醉。蕉葉烤盲曹則是另一道亮點，香氣撲鼻，盲曹的肉質鮮美，搭配蕉葉的清香，讓人食指大動。奄列海鮮炒飯則是我們的主食，海鮮新鮮，米飯粒粒分明，口感豐富。最後，我們品嚐了芒果糯米飯，甜美的芒果搭配香糯的米飯，完美的結束了這頓美味的晚餐。整體而言，今晚的慶祝活動不僅讓老婆感受到我的心意，也讓我們一同享受了美好的泰國風味。

今日去灣仔做完嘢，臨時搵個朋友去食飯。 知道佢係一個識食之人， 帶咗我去間食東南亞菜嘅餐廳食好野！喺門口見到，店舖設計都幾有特色， 真係好似去咗旅行咁。 入到去見到座無虛席幾驚冇位好在佢地地方都大，店員安排咗樓上一樓坐位俾我哋。原來呢間係由泰籍廚師處理。職員服務態度都好好， 推介咗啲特色嘅嘢畀我哋。一打開個menu 睇啲食物相，就畀泰式生蝦深深吸引住😍！ 依家都唔係好多餐廳有泰式生蝦食。🌟泰式生蝦 $118生蝦新鮮爽口， 隻隻蝦都係大隻肥嘟嘟嘅！點埋佢哋個醬汁一齊食好好味！🌟香芒軟殼蟹米紙卷 $98個米紙皮好滑又唔會好韌咬唔到個d感覺， 個軟殼蟹都好脆口。🌟燒豬頸肉$98個豬頸肉燒到脆邊香口。🌟巴東牛展另配印度酥餅$118＋$42呢個巴東牛展個汁好正，牛展炆得好淋。 我哋仲點咗印度酥餅， 點落啲汁到一齊食真係超好食！其實啲甜品都好吸引， 因為我哋點得太多肉嘅關係, 已經好full下次嚟一定要試下啲甜品!

以前lunch成日食呢間地道泰國餐廳，今次返黎探朋友特登encore下！兩個人叫左五樣野食到極飽🫃🍤泰式蝦炒金邊粉 $108食泰國嘢必嗌pad thai，鋪上網形蛋賣相一流，味道唔錯！🐖越式香茅豬扒 $68唔係太愛香茅既我覺得呢味較普通，可以留返quota try try others🥹🦀香芒軟殼蟹米紙卷 $88配上芒果減低軟殼蟹既油膩感，正！🥭芒果糯米飯 $68爆quota都要食呀🏋️芒果新鮮唔酸，糯米飯口感煙韌！🥥椰青 $45食左咁多野冇呢個椰青真係搞唔掂💦但價錢小貴🥹

天氣咁凍，最好就係食吓東南亞嘢，感受吓夏天既感覺❤️‍🔥想試呢間「新泰東南亞餐廳」好耐，今日終於有機會一試啦！位於灣仔大王東街，舖頭都幾大間，有兩層，好適合一班朋友一齊嚟食😋今晚早咗少少食，所以可以影到呢個畫面，但七點幾其實都坐滿晒人，所以如果想食都記得要book位呢！食左三道菜，逐一介紹下先😋（餐牌係最底俾大家慢慢睇）第一味係：泰式青木瓜沙律🥗有青木瓜、洋蔥、腰果，配上少少酸辣汁，超級開胃有時出面食啲青木瓜件好硬好實，呢間餐廳既青木瓜沙律就好爽口！同埋腰果既份量都好充足，食到多啲層次既口感😝第二味係香芒軟殼蟹米紙卷🥭一碟有八舊，好岩朋友分享👭睇個橫切面就個呢個米紙卷幾有誠意：有芒果、軟殼蟹、洋蔥、牛油果、生菜、檬粉、蘿蔔建議添酸醬食，增加檬粉既水份會更有口感😋😚第三味係燒焗蒜蓉帶子（另外加左芝士）帶子超大隻！同埋焗完都唔乾身，好食最正係帶子邊佈滿左蒜蓉同芝士睇圖就見到啲芝士幾煙韌🥳清晒成碟完全無難度😝 但想健康啲就唔好口痕話加芝士啦😛順帶一提呢間餐廳既職員都好周到晚市咁忙都會不斷幫忙添水 服務好好👍🏽見隔離檯食麵包咖喱同羊架，好香😋下次黎會想食下🥳

走入呢間樓高三層既餐廳好似去左泰國Resort 咁🥰 四周都係木製好有泰國Feel既裝飾🪵 傳統得黎又唔會太過娘 食物味道更加保留泰國調味既惹味🌶 香料運用得好有精髓🌿 比起港式泰國菜水準高得多🏅️⭐️ 泰式燒春雞釀香茅黃飯 🍗烤得好靚好油亮既春雞🐔 雞肉唔乾好嫩滑 包住既黃飯滲出絲絲香茅薑黃味🫑 惹味得黎又好Fresh🌱 沙律既調味同樣好清爽🥗絕對唔係食菜咁Dry⭐️ 香芒軟殼蟹米紙卷 🦀走清爽路線既米紙卷🥰 唔會太多醬料既調味太油膩😅 芒果甜甜地 同D蔬菜中和了脆卜卜既軟殼蟹🥭 食濃味野之前最好回一回氣💨⭐️ 冬蔭功 🥘好足料 ‼️ 有成隻大蝦係裡面🦐 食到真材實料既鮮味🌊 可惜椰奶味偏濃 🥥 稍稍Cover 左酸辣味⭐️ 鹽焗烏頭 🐟魚肉新鮮焗得好有火侯🔥 可能調味未夠 香草既薰香唔係好出☘️⭐️ 泰式蝦炒金邊粉 🍤面頭既蛋網整得好靚 甜甜地流曬口水😋 金邊粉炒得再乾身D會更好 🍝⭐️ 南瓜焗咖喱海鮮 🎃⭐️ 印度薄餅 🫓海鮮不過不失唔係太大亮點🦞 但係咖喱加上南瓜偏甜😊 薄餅不知不覺就點曬 南瓜可以直接筆黎食好清甜🧡 ⭐️ 千層糕 🍰很Chewy的糯米口感💚 同外面食到好實的不同💕

好耐無食過泰國菜，好掛住泰式咖喱味。剛好今日收得早，可以過海去食餐勁既！聽同事講呢間泰東南亞菜好好食，價錢合理又夠大，所以決定一試。果然真係好大，有三層高，餐廳內仲有洗手間，六點半到唔會好多人。但一過七點就八九成滿座。樓梯都好有特色！一坐低，店長非常熱情走過來介紹各餐廳推介，本來都好想試椰青沙冰，但今日個人有啲寒，都係飲正常椰青啦。先來柚子蝦沙律，個汁酸酸甜甜，好開胃。而且用料豐富，有柚子、蝦、鮮魷，所以$98是有理由的。魷魚大大條，好足料！食到無停口。另外有芒果軟殼蟹米紙卷，一般餐廳只有六粒，這裡有八粒呀！米紙煙韌，若芒果味道濃一點會較好。 食泰東南亞食品當然要食咖哩，點了巴東牛展，咖哩味香濃，點印度薄餅真的一流。非常滿足的一餐。

下星期冇得WFH喇，呢個星期真係要好好珍惜不在office的日子，好彩有晚市啫，做完嘢就仆到去灣仔尋尋覓覓，美食卻在燈火陰暗處，但間嘢幾大間又是是正正平時食泰國嘢好多時係食椰子海鮮飯，南瓜就第一次見，睇落好似勁爆海膽，其實係南瓜蓉，睇見都開胃食落仲唔惹小，海鮮非常足料大舊，飯又炒得爽身入味米紙外皮質感煙韌，胃民唔太欣賞，卻正中大胃下懷，貪佢夠晒似煙韌版嘅腸粉芒果肉幾甜，喺冬天喺講好難得，軟殼蟹夠晒脆卜卜，點埋刺激嘅醬汁一絕串燒不容小覷，真係好有街邊風味而無不及，啖啖肉，甜甜地又嫩口，點佢啲辣醬更加係泰國嗰種味喇呢度既然有酒飲，當然要叫返杯泰式風情嘅cocktail啦，有熱帶果味得嚟又不失酒香同薄荷味，cheers大胃都未見過走奶嘅泰茶，感覺好新穎員工都係泰國人，環境又勁有mood，仲使乜搭飛機吖？