閨•家 (美基樓)

近期屯門最新飲食熱話， 就是在新墟重開，重新歸家的「閨家」。聽說食客要花一小時排隊， 每次經餐廳門口確是人頭湧湧。不想經歷漫長等待，加上疫情關係，當然是叫戶戶送吧！ 滿150全單七折，外送照樣無味精老火湯。點了兩份套餐，香煎蓮藕餅豬扒飯， 咸魚煎肉餅豬扒飯， 麻辣雞腎小食，兩碗冇味精老火湯，兩杯凍飲。咸魚煎肉餅豬扒飯($72)咸魚煎肉餅口感實在不鬆散，咸魚的咸香很好下飯，美中不足的是較乾身。大塊豬扒份量不稀場，香茅醃得入味口感稔嫩，跟小巴黎的香茅豬扒食味甚為相似，飯比較乾身配甜鼓不失家常感覺。香煎蓮藕餅豬扒飯($72)香煎蓮藕餅是健康之選，但惹味度自然不及前者。柱候牛筋腩飯($71)比肉餅、豬扒失色不少，牛腩比較嚡，汁醬亦很平庸，可以不點。麻辣雞腎($35)麻辣度不足，口感亦不夠爽脆，可以不點。凍奶茶未及茶記水準，喝喝還好也許是主打「家常」的關係，味道較為平實無華，勝在沒有味道，屬健康之選。借問OMICRON玩了這麼久，何時歸家？…查看更多

講起食住家飯 又要無味精 又唔想自己煮識食一定諗起閨家💛出咗名每日唔同款嘅燉湯 無味精 非常足料除咗自家湯之外 最出名一定係豬扒蓮藕餅❤️‍🔥最近睇IG 知道北角分店做唔嚟 31號就要結業🥺呼籲大家疫市要多支持💛除咗門市之外 阿布泰 HKTVMALL 都有得自家湯包👍🏻♡︎📌分類#couple_food💛屯門#couple_food💛深水埗#couple_fooddiary_港式🇭🇰 ✍︎︎· 所有套餐包燉湯一盅 ·▪️香煎蓮藕餅豬扒飯 $50蓮藕餅用左豬肉加蓮藕 比例均衡食落幾鬆軟 有粒粒蓮藕 口感爽脆豬肉係人手逐塊揼鬆 口感係勁淋同時醃得勁入味(˶‾᷄ ⁻̫ ‾᷅˵)秘製醬汁酸酸甜甜 令成個飯一啲都唔油膩飯側邊仲有蔥 酸菜 非常適合重口味人士🤩︎︎😋：🌕🌕🌕🌕🌑▪️真· 手撕雞飯 配沙薑汁 $48個人唔太好沙薑陣味 不過齋講手撕雞味道正常 雞肉部份比較多 皮比較薄 但未算係超級嫩︎︎😋：🌕🌕🌕🌗🌑🥣蘋果紅蘿蔔沙參煲鹹排骨 套餐附送兩個字 足料！基本上湯名嘅材料都有兩舊以上喺入邊個湯煲到好融 蘋果味好出 但因為有鹹排骨 所以唔會太甜係翻呀嫲到先飲到嘅湯 真心有歸家嘅感覺🥺︎︎😋：🌕🌕🌕🌕🌗…查看更多

今日先發覺V city附近有間咁方便嘅外賣店。而家間間餐廳都話要安心出行，路過見呢間餐廳幾多人排隊，最特別係一間裝修粉紅色少女風的菜餐廳，仲要標榜無味精，所以就一試究竟。餐廳食物嘅種類唔算多，不過有時好嘢係貴精不貴多。我分別點左香煎蓮藕餅豬扒飯、咖哩雞飯和柱侯牛筋腩飯。三個飯都係大約$50一個，買既時候無留意，拎既時候先發覺仲包埋一碗湯。最令我驚喜係香煎蓮藕餅豬扒飯，豬扒應該係香茅豬扒，我剪細咗比BB食，佢仲食到舔舔脷呢。蓮藕餅係用切碎蓮藕和半肥瘦免治豬肉製成，味道剛剛好。咖喱雞飯有得揀辣度，因為我怕辣所以就揀咗唔辣，餐廳實係非常體貼。雖然唔辣不過都有好香嘅咖喱味，我用咖喱汁撈飯食，食晒成兜飯。至於雞係俾咗成隻雞脾我﹐仲要啖啖肉。柱侯牛腩都OK，非常爽口，唔會過淋，蘿蔔清甜，整道菜清清地，唔油膩，幾好味。最令我喜出望外嘅係送嘅湯。我初初以為係味精湯，飲落有淡淡的椰子味，最初以為係椰子，之後俾我發現係土茯苓瘦肉湯。送嘅湯竟然係老火湯仲要係用呢啲材料，$50一個飯真係物超所值，怪不得咁多人排隊。…查看更多

閨家有幾間分店，而今次我係食屯門果間。🏡之前睇YouTube 話佢啲豬排好大塊好好味，而我就對佢既紫薯麵比較有興趣🤩 晚上7點幾門口已經開始排緊隊…我地都等左一陣（15分鐘）😝🐷 香煎蓮藕餅豬扒飯 配 老火湯（小） $50一塊蓮藕餅加塊豬扒，蓮藕餅食到爽脆嘅蓮藕粒🙆🏻‍♀️ 肉質林林地….唔會”實的的” 而豬扒厚度偏薄，口質爽既…唔會癡牙😋🍜 招牌豬扒配紫薯麵 $42麵類可以揀紫薯麵/甘筍麵/波菜麵，我就揀左紫薯麵，其實我係俾佢嘅顏色吸引咗😜啱晒打卡，而紫薯麵出面真心食唔到😂😂 質感麵係爽嘅，條條麵分明，味道咸咸地，可以食到”薯薯聲”🙈🙈紫薯麵真心好好味，無揀錯✌🏻✌🏻我諗下次會試埋佢其他兩款麵😋🍵 星期五-五指毛桃淮山煲雞湯（大盅） $28*所有醫護人員及學生免費佢每日有唔同既湯款，而星期五就係五指毛桃淮山煲雞湯，飲唔到味精味，我嫌佢落得唔夠多雞😂😂唔夠雞味…不過最岩平時無咩湯水飲既朋友☺️又健康又抵食又🟡…查看更多

久仰大名嘅🌟閨·家💫終於試到啦！佢哋標榜自己#唔落味精 💗用雪梨汁去代替砂糖醃#豬扒 🍐嗰日夜晚去到都等咗10-15分鐘位🤣仲要有啲嘢食已經賣晒🥴不過都好滿足❤️‍——————————————————————————————🥩香煎蓮藕餅豬扒飯 $50豬扒好香又淋🤪鹹鹹甜甜咁💕大大塊😳正！香煎蓮藕餅份量都唔細~蓮藕嘅比例啱啱好🙌🏻但稱唔上好特別☁️飯有勁多🤩上面仲有少少豉油🤎酸菜同埋蔥油😵‍💫係咪想逼人食晒啲飯姐🥺🤌🏻7.8/10🍗梅子金沙骨飯 $50本身諗住食豬軟骨㗎🤥但係賣晒😵好彩呢個金沙骨完全冇失望！酸酸甜甜嘅汁 送飯一流😍啲金沙骨完全唔韌😚一咬就有咬得開🥢有驚喜🤌🏻8.1/10🥒手拍青瓜 $28上面有啲嘅辣醬同埋蒜🧄幾辣！🌶但係感覺好fresh!而且辣得嚟好過癮👀🤌🏻7.3/10🥗涼拌海蜇手撕雞 $38手撕雞比較海蜇多大約一倍☝🏻香濃嘅麻醬同清爽嘅海蜇 手撕雞好夾~天氣咁熱食呢個啱晒😽🤌🏻7/10🍲雪梨蜜冬百合煲豬展(星期日)老實講小編覺得呢碗湯有少少唔係好似冇落味精😹但係都好足料嘅！💛叫個飯有碗湯真係抵💓——————————————————————————————#為食tips👻 除咗飯之外嗰度嘅麵都好出名！有紫薯麵🍠🥕甘筍麵 等等🤤好特別！都推薦去懲罰佢哋😈…查看更多

之前喺閨家屯門富健鋪已經食過好多次，中間都有幫襯深水埗店，依加開返屯門店就更加會幫襯啦！入到鋪頭，有好大個霓虹燈牌寫住「見字飲湯」，因為呢到嘅老火湯都係主打之一，除咗單點，每個飯餐都會配一小盅老火湯，佢哋嘅湯標榜無味精，而且都幾足料！另外加錢就有一碟油菜，雖然出街專登叫菜好似唔抵，但加$12都可以接受😌 而且油菜份量唔少，都淥得夠淋！•🥢 香煎蓮藕餅豬扒飯 $50蓮藕餅比較淡，蓮藕唔會切到太碎，仲有啲咬口，但今次煎得唔夠金黃，個面唔夠脆😢有兩塊豬扒🤩 豬扒好淋，好入味，之前睇過佢哋嘅訪問，佢哋每塊豬扒都會用人手揼鬆，而且係用果汁嚟醃豬扒，而唔係用鬆肉粉，所以食落特別淋，仲會有少少甜味～仲配咗梅菜同蔥油！梅菜比較淡，但蔥油幾好～飯份量都多，$50咁多餸連埋湯真係超級抵！•🥢 真·手撕雞飯配沙薑汁 $48手撕雞本身都好重沙薑汁味，好入味，就算唔點沙薑汁都好夠味，雞肉唔會好嚡，份量都幾多～ 呢個飯就係跟白飯，飯就正常啦😌…查看更多

閨家終於歸家喺屯門開返冇耐就走咗過嚟試最搶眼當然係見字飲湯！另外牆上面嘅壁畫喺屯門嘅風光睇得出少店對屯門嘅情懷同埋好有心思手拍青瓜青瓜上面有少少辣嘅蒜蓉醬夏天食返個涼拌嘅菜式絕對係醒胃香煎蓮藕餅豬扒飯煎過嘅豬扒，帶甜而且香茅味勁香肉質軟腍之餘又唔會太肥蓮藕餅係剁碎左再整肉餅，都幾爽口碟旁邊有雪菜同埋蔥油，超級香😉係白飯小偷飯餐會有一個細嘅老火湯係青紅蘿蔔行汁煲豬展，湯係幾好飲係冇味精嘅家傳炆豬手紫薯麵豬手炆得好淋，有淡淡的南乳味用嚟送飯應該會好食啲紫薯麵嘅質地似蕎麥麵，湯底都係用返住家湯所以都可以成碗飲晒呢個價錢食到呢個質素其實唔錯仲想再試試佢個咖喱，所以下次都會再嚟試吓…查看更多

話說我唔知屯門開左間無味精茶餐廳，朋友就帶我去食🤪👉🏻閨.家👈🏻🥩香煎蓮藕餅豬扒飯 💵50🍀🍀🍀🍀🍀🍀🍀🍀🍀🍀🍀🍀🍀🍀🍀豬扒較薄身，肥瘦平均，配有甜豉油夾薑蔥一齊食，食完一啖又一啖，滿足度💯旁邊伴有雪菜🤭但個人唔歡喜所以對雪菜0意見😂🍀🍀🍀🍀🍀🍀🍀🍀🍀🍀🍀🍀🍀🍀🍀值得一提，店員既服務都好好，會留意到客人既需求，主動幫我地添加豉油亦點綴一下😂知道我地要打卡💛🍀🍀🍀🍀🍀🍀🍀🍀🍀🍀🍀🍀🍀🍀🍀🍜手剁香煎蓮藕餅 💵45🍀🍀🍀🍀🍀🍀🍀🍀🍀🍀🍀🍀🍀🍀🍀有2大塊厚身既蓮藕餅，有3款手打麵比客人選擇，分別有甘筍麵、紫薯麵、波菜麵，而我選擇左波菜麵💚🍀🍀🍀🍀🍀🍀🍀🍀🍀🍀🍀🍀🍀🍀🍀麵既口感好腍，份量亦巨多（我有講要少麵，但店員話份量減唔到🥲間接變左做大嘥鬼👻）而蓮藕餅入面有粒粒蓮藕，巨大塊，不過有啲油，口感好有咬口，唔會好散～🍀🍀🍀🍀🍀🍀🍀🍀🍀🍀🍀🍀🍀🍀🍀🍎🥕蘋果紅蘿蔔沙參煲咸排骨 🍀🍀🍀🍀🍀🍀🍀🍀🍀🍀🍀🍀🍀🍀🍀豬扒飯配埋細碗老火湯，仲要星期一至日都唔同口味😜最緊要係無味精嘛～🍀🍀🍀🍀🍀🍀🍀🍀🍀🍀🍀🍀🍀🍀🍀🍹凍檸茶🍀🍀🍀🍀🍀🍀🍀🍀🍀🍀🍀🍀🍀🍀🍀+💵7有凍飲，大熱天時要加返杯凍飲🥵🍀🍀🍀🍀🍀🍀🍀🍀🍀🍀🍀🍀🍀🍀🍀☀️整體而言，💛餐廳食物大件夾抵食，服務都不錯，不過地方淺窄，另外建議胃口細既可同朋友share再加小食💮…查看更多

前排見到呢間響屯門新開，成日都好多人排隊，今日終於有機會試一試🤨雖然唔少人排隊，但好快都可以入座😆$50香煎蓮藕餅豬扒飯🐽見好多人推介所以叫咗呢個餐，個豬扒夠大塊，醃得夠入味，而且食得出唔係用咗鬆肉粉，肉質好淋，一啲都唔鞋口。厚厚既蓮藕餅一咬落去仲有粒粒蓮藕，索索聲，正呀🥰$48慢煮豬軟骨飯🐷豬軟骨炆得好夠淋， 而且有好多筋位，一食入口滿滿嘅骨膠原漿住個口🤩個汁唔會太過鹹，配飯啱啱好☺️自家製冇味精老火湯🍲叫餐會跟餸一個細湯，當日靚湯係海底椰栗子煲豬展湯。個湯超級足料，而且真係飲得出唔係味精湯，加上栗子味好香，秒速清晒😝$28香茅雞翼🐣一盒有三隻雞翼，雞翼唔會太細隻，啲邊邊都煎得夠香口，好食👍🏻$38涼拌海蜇手撕雞🐔好少食手撕雞係會撈麻醬，但又出奇地好食，再加上海蜇有少少爽口，更加帶出唔同嘅口感😋總括而言，食物有保證，分量十足，最欣賞老火湯🤤細湯唔夠喉😝😝餐廳座位闊落，坐得舒服，仲使用大量粉紅色佈置😂好少女心💗…查看更多

香煎蓮藕餅豬扒飯 $50 飯除咗蓮藕餅同豬扒之外，仲有跟蔥油同酸菜。香煎蓮藕餅係軟淋淋冇咁實，味道方面正正常常；豬扒就睇過介紹係用人手揼嘅，好薄好薄所以口感偏淋，食落都有啲油膩。另外蔥油同酸菜，個人覺得有蔥油配住食都足夠，因為酸菜陣味同啲食物唔太夾，有少少浪費咗。整體而言，成個飯嘅味道中規中矩。唔知係咪因為唔落味精所以怕食物唔夠味，調味都偏鹹咗啲，再加埋嗰飯都淋咗幾多豉油落去。同埋自己睇太多網上食評，所以都抱住好大期望去食，食完反而覺得只係似普通碟頭飯，冇咩特別驚喜。不過老火湯真係幾好飲👍🏻而當日嘅員工即使好多客人都keep住有禮貌。…查看更多

餐廳既冇味精湯出哂名，仲有主打豬扒。就算平日dinner6點左右到，餐廳門外都已經大排長龍，做外賣都做到唔停手。叫左香煎蓮藕餅豬扒飯($50)，慢煮豬軟骨飯($48)，配老火湯(小)。如果叫飯餐，會有細盅老火湯送，每個星期唔同。當日係蟲草花百合無花果煲豬展。特登為個湯而黎，可惜麵餐冇老火湯，如果唔係就可以試特別麵。老火湯超足料，湯料有大大件紅蘿蔔、蟲草等，第一啖飲，真係好清甜，好似屋企煲個款咁。飲完完全唔會口渴，係冇味精。就算單叫一盅，都物超所值。豬扒薄身，因為已經揼到薄左，所以就咁用匙𠝹開，d肉好易就meet到出黎食。醃得入味，味帶甜。蓮藕餅值得一讚，厚厚一大塊，蓮藕冇切到好碎，所以咬落仲有chopcbop聲，有口感。煎過更香口。豬軟骨有驚喜，d軟骨係煮到變透明，咬落好黏，完全係食骨膠厚。4大件豬軟骨肉嫩唔鞋口，食完d肉唔會zip牙縫。整體，等位方面，排隊人齊就可以入座，唔算等得耐，一叫完食物，就已經送上湯，所以食物上菜速度算快。只係2個人坐既枱大細超，有d張枱就闊落，有d就好逼。但整體接受到。…查看更多

近排少返屋企飲湯，攪到人都乾！突然諗起「閨家」回歸屯門，咁啱又喺附近返學，一於去飲吓湯滋潤吓先😋去到餐廳門口已經見到勁多人喺度等外賣，但我只想堂食，好彩等咗10分鐘左右已經有位！餐廳裝修顏色採用柔和粉紅色，加上有兩大幅壁畫，畫中帶出以前屯門獨特風景，不禁令我勾起童年回憶🥺諗起以前屯門係幾咁寧靜和諧呀🤗跟住打開本餐牌，實在太多選擇，最後揀咗最出名嘅豬扒系列👇🏻👇🏻👇🏻🥢香煎蓮藕餅豬扒飯炸到金黃色嘅香茅豬扒x鬆化嘅蓮藕肉餅，呢個組合好少會出現喺同一碟飯內！豬扒肉質鮮嫩，而且容易咬開！加上醃得非常入味，肉汁豐富，配上惹味嘅雪菜葱油，食落簡直滋味無窮💯💯💯💯蓮藕餅入口就知道真材實料，用心製作！味道帶有少少清甜，而且肉餅肥瘦適中，口感爽得嚟帶少少粉，真係食得出屋企味道👍🏻🥣是日老火湯五指毛桃淮山煲雞湯，味道清甜，用料十足，飲得出完全無加味精，飲完之後覺得個人已經滋潤返哂😍…查看更多

得知閨家重回屯門開店，星期五放工朝聖。來到發現真係好多客人來幫襯，大排長龍。本來想堂食，但最後決定外賣返屋企食。門口見到入面大大隻寫住見字飲湯，強調無味精茶餐廳。香煎蓮藕餅豬扒飯$51:肉餅鬆軟爽身， 蓮藕增添爽脆可口口感。豬扒大塊，醃得入味，鹹香味濃。 米飯配上甜豉油、酸菜、蔥油，惹味香口﹗蠔油生菜$13:爽脆嫰綠，檸檬茶:茶底香，檸檬微酸微澀，夠過癮﹗老火湯:清甜無味精，見到有紅蘿蔔、豬骨頭，相當足料﹗…查看更多

當得知「閨•家」重回屯門開店時，筆者和朋友都非常興奮。畢竟當年在龍門店元祖店一吃難忘，早已愛上它們的出品。新店開在新墟，位置比舊店更高可達度。是日到訪正值新張期內，無論堂食抑或外賣都排了一條等侯人龍。店舖貫徹「閨•家」風格，同樣以粉紅色為主色，予人柔和舒適之感。當中〔見字飲湯〕的霓虹燈裝飾更是相當吸睛！朋友超喜歡它們的『蓮豬』飯，指定今次要在屯門店再encore！蓮藕餅標榜是人手剁，質感軟熟帶爽口。蓮藕切成條狀，增加口感，整塊蓮藕餅惹味鹹香。豬扒同樣做得十分鬆軟入味，又是以人手揼鬆，再用梨汁醃製，食落會有一陣甜味。白飯淋上豉油，配以䓤油和雪菜，令人不自覺地越食越多。「閨•家」強調家的感覺，所以多個餸菜都是家常可見的款式。這款大檸樂手羽，其實就是檸檬可樂雞翼。雞翼炆得頗為入味，肉質亦非常腍。入口有檸檬的清香，再來是一股薑味，成碗餸汁用來佐飯就最好不過了。「閨•家」靚湯，筆者當年光顧龍門店時就愛上。款式隨著星期的日數而不同，當日的青欖青蘿蔔杏汁煲豬展湯，入口清甜，帶點杏汁香味。零味精的味道十分住家，餐牌上還強調熬煮4小時，可謂心機之作！小食方面，試了這碟手拍青瓜。青瓜切條狀拍開，浸著酸辣醬汁，入口帶點蒜香，甚為入味。最後點了一杯凍檸蜜解渴。…查看更多

24.04.2021星期六下午又來試好西，閨•家喺屯門新墟美基樓（巴黎倫敦戲院對面）開咗新舖頭，大家都嚟幫襯支持，大約排咗半小時，就可以入去用膳。打開餐牌種類都不少，我揀咗「手刴香煎蓮藕餅」配「甘筍麵 」，朋友試「香煎蓮藕餅豬扒飯」。蓮藕餅爽爽地好好味，唔怪得係必食推介，最意外驚喜係甘筍麵，個樣平平無奇，但竟然說不出美味，彈牙又唔油膩，食哂都唔會好滯；本身有菠菜麵、甘筍麵同紫薯麵，係即製手工麵，下次要埋其他！朋友試「香煎蓮藕餅豬扒飯」除咗好味，仲要好抵食，包埋每天不同嘅老火湯（細碗）。呢度最出名係靚湯，當然要試吓，我個麵唔包，所以專登叫一盅大嘅。今日星期六係「蘋果紅蘿蔔沙參煲咸排骨湯」，湯味好濃，無乜湯渣，只有紅蘿蔔：湯款日日不同，大家可以來試下啱唔啱飲。店舖不大，所以不算寬闊；牆上除了掛咗「見字飲湯」「SEE THIS DRINK SOUP」， 還有掛上應該係屯門嘅名勝景點、舊式商廈嘅圖畫，連已拆咗嘅新發邨都有，大家可以落足眼力認下。另外，要稱讚店員，排隊時女店員見我哋隨身物品多，特意安排較寬闊座位，所以我哋坐得比較舒適；而且店員無論男女都好年輕漂亮，一直招呼好週到有禮，雖然好忙，仍然好好笑容，真難得。雖然新開張預咗多人要排隊，但仍然會再來幫襯；無論美食、服務都令人滿意，值得支持推介！…查看更多