香江花月 (利舞臺廣場)

.銅鑼灣· 香江花月玫瑰美人夜.香江花月 (利舞臺廣場) 📍銅鑼灣波斯富街99號利舞臺廣場21樓.➰同朋友都係邊爐怪，今日專程嚟到火鍋餐廳一試，餐廳位處銅鑼灣中心地帶，佔地廣闊，裝潢佈置氣派大方，美倫美奐。餐廳更特設一個幻彩波波燈打卡位，視覺效果滿分，非常適合鐘意打卡嘅朋友。.➿湯底❀日本牛乳玫塊鍋 💲168 ⭐️4.2/5⭐️我地揀選左牛乳玫塊鍋，上枱非常精緻，賣相一流，乳白濃郁嘅湯底襯批中間一朵純白玫瑰花，非常吸睛，與朋友立即瘋狂打卡，湯底入口奶香濃郁，帶有豬骨湯嘅味道，睇得又飲得，非常推薦。.➿配料❀香江拼 💲798 ⭐️4.2/5⭐️𖥕七彩餃子 💲108 ⭐️4.1/5⭐️𖥕芝士竹輪卷 💲68 ⭐️4.1/5⭐️𖥕即炸午餐肉 💲58 ⭐️4.1/5⭐️職員非常推薦我地揀選香江拼，拼盤同樣賣相非常精緻，以多款牛拼盤集於大成，再以圓盤方式配合火鍋擺盤，頓時將視覺效果再提昇，而且份量非常滿足，足夠3-4位享用，亦適合選擇困難症人仕。.七彩餃子亦非常吸引，每粒餃子都有不同餡料及顏色，個人最愛係皮蛋及咸蛋黃口味，非常特別，推薦一試。.還有最愛的即炸午餐肉，炸至金黃香脆再吸引湯底精華，外脆內嫩，邪惡之選，最後的芝士竹輪卷非常配合今日這個日式玫瑰牛乳湯底，芝心滿足。.➿飲品✥琥珀誘惑 💲88 ⭐️4.2/5⭐️✥桃花緣 💲88 ⭐️4.2/5⭐️飲品亦是先聲奪人，賣相同樣以吸睛打卡為主續，每款飲品都大玩視覺效果，將色香味融入特色飲品之中，非常推薦。.➰總結餐廳主打高質火鍋，再用心將不同視覺效果及擺盤混和融入，令客人充滿驚喜，印象深刻，喜歡打卡及食火鍋的朋友絕不容錯過。➿➿➿#香江花月#銅鑼灣美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#日本牛乳玫塊鍋 #香江拼 #七彩餃子#琥珀誘惑 #桃花緣 …查看更多

二月中窩夫與好友一行四人的慶生飯局，壽星女想吃火鍋。窩夫提議去銅鑼灣利舞臺廣場的「香江花月」，入座前先在電梯大堂打卡。杯子的底部有條小金魚，十分可愛。點了優惠價1488元的自選四人套餐。一人一杯金菊雪梨水，味道不錯，不會太甜。套餐湯底四選一，打卡之選一定是日本牛乳鍋，牛乳玫瑰下面的木瓜又甜又軟。六款配料選了娃娃菜、椰芋墨魚丸、魚皮餃、芝士豆腐、炸枝竹和雞髀菇。椰芋墨魚丸的組合十分有趣，吃下去完全沒有違和感，值得一試。其中一位好友從小就愛吃魚皮餃，隻隻飽滿，水準不俗。令人期待的「香江拼」來了，有手切肥牛、牛柳粒、安格斯肥牛、牛小腿、牛白肉、牛心頂、黑柏葉和牛舌，種類多，份量足，大家都吃得很滿足。最後有杞子桂花糕，賣相不錯，甜度剛剛好，充滿桂花香。…查看更多

成為咗Lee Gardens Club會員後，發現多間餐廳都有九折優惠，週三晚收早，所以就好即興咁約咗三五知己試試其中一間「香江花月」。聽到餐廳名， XO仔即聯想到「香江花月夜」嘅梅姐，冇諗到餐廳大堂會選用哥哥嘅畫報裝飾正門前方嘅升降機大堂。佔用面積全層嘅火鍋店寬廣開揚，用餐大堂光線充裕，弧形嘅散座又真係幾似電視劇中嘅舞廳格局喎。最中央位置為自助混醬區，兩邊高高嘅圓柱桶均為豉油，混唔混都會收$25/位。每位席上擺有齊備嘅自用及公用餐具，感覺都好衛生。埋位每人先送一杯清新怡神嘅洋甘菊茶，細杯仔底隱約露出條肥嘟嘟嘅錦鯉，相當盞鬼！飲品牌只有一頁。爛飲鬼結果開咗兩枝紅酒。眼見六人用餐要分兩個煲，所以就應推介其中一邊點咗個包一款鮮味頭盤、火鍋湯底及時令海鮮拼盤嘅「鍋心暖意」套餐（優惠價$2,188；原價$2,988）。另從火鍋紙上多個項目加選配料。（厚本彩圖餐牌太多頁，小肥嗰日懶冇影到。）不過就冇試到啲摩登點心同甜品。鍋心暖意套餐之澳洲龍蝦刺身（原隻）：套餐嘅頭盤揀咗鮮甜爽脆嘅澳龍刺身，如果怕生的話可以灼一灼先食。個殼仲可以浸埋入去滾，令湯底更為鮮濃。鍋心暖意套餐之白湯人參鍋（原價$228）：奶白色嘅人參雞湯底其實都幾甜，不過個藥材味都幾重吓，最正係入面滑嘟嘟嘅鴨血。日本牛乳玫瑰鍋（$168）：同樣呈奶白色嘅玫瑰鍋底反而得個靚字，浮面朵玫瑰花原來係用日本牛乳冰製而成，滾湯時會慢慢溶，下面托底件木瓜就要用人手整爛。湯底係就係好滑，不過唔係好飲得出有玫瑰香，用木瓜味牛奶打邊爐始終有啲怪怪地。鍋心暖意套餐之時令海鮮拼盤：如相所示，拼盤內含爽彈嘅蝦蝦、鮮脆嘅鮑魚仔、幼嫩嘅帶子同甜美嘅花蛤，共四款海鮮，每款最少有四隻。香江拼 – 手切肥牛、牛柳粒、安格斯肥牛、牛小腿、牛白肉、牛心頂、黑柏葉、牛脷（$798）：顏值最高嘅牛肉拼盤每款分成小碟，有啲仲兩、三碟咁圍住個火鍋邊，唔洗標籤注明都睇得出牛牛嘅部位。中間有個窿嘅擺盤設計可善用餐桌嘅位置，邊食仲可以人手轉，個個都夾得到。切得夠薄身嘅手切肥牛同安格斯肥牛都好軟熟，牛柳粒最有嚼勁，個人最欣賞爽潤香甜嘅牛白肉，唯一唔係好識點煮個黑柏葉，烚極都好似好韌咁。花滿園（$238）：豬羊雙拼用架上，高雅嘅雙層賣相一樣好慳位，上格半肥瘦嘅豬肉片柔潤帶爽。下層嘅羊肉睇落都好薄，不過自己怕羊肉羶所以冇試到。蓮藕片（$38）：意外地，白雪雪嘅蓮藕片清爽脆巧。生根（$28）：脹卜卜嘅生根都好新鮮。娃娃菜（$48）：娃娃菜葉多夠清甜，最啱細佬口味！一口鮮蝦滑（$78）：蝦滑爽甜彈牙，必吃推介！鮮冬菇（$28）：肥嘟嘟嘅冬菇清香可口。碧綠萵筍（$48）：平時都幾鍾意食萵筍，不過唔知係咪唔啱季節呢，盤中嘅萵筍塊好似苦苦地。黃沙豬潤（$58）：厚肉嘅黃沙潤煮前已富光澤，煮熟咗後亦爽潤柔滑。姬松茸野菌餃（$88）、冬菇薺菜餃（$88）、自家製韭菜餃（$68）：「香江花月」幾款餃餃全部都包得好工整，餃皮厚薄適中，不過食落，用菇菌作餡嗰兩款嘅味道偏淡，反而最平嘅韭菜餃最爽嫩惹味。銅鑼灣火鍋店「香江花月」通爽闊落，服務生好客友善，廚房用材優質，菜式大多美觀味佳，睇得出各方面都花過心思設計，好迎合現今愛打卡嘅世代！懷舊嘅裝潢配上時尚嘅火鍋湯底同配料，橫跨時代嘅主題有啲似劇集中嘅穿越時空咁，置身其中都幾過癮。…查看更多

之前已經去過佐敦分店，好鐘意呢間裝修有主題，枱夠大，空間感大，枱與枱好闊落，可以坐得舒舒服服、靜靜地傾下偈。而且通風系統好好，食完身上都唔會有火鍋味。食物擺盤精緻，仲有打造一間似迷你team lab 日本打卡房，無諗食物定環境都可以開心打卡。今次係去銅鑼灣店，以老戲院為主題，同佐敦店不同，以打卡房都有分別。但用餐環境一樣舒適，食物都一樣高質。黑蒜豬骨鍋 - 比較少見的養生鍋。乳白色的豬骨湯底味道濃郁，鍋料有甜甜的黑蒜同白蒜，仲有三件大大𡚒豬骨。黑蒜味性辛溫,有助益氣活血、清心安神及具殺菌功效。香江拼 - 鐘意食牛的朋友超愛，整個拼盤都是牛，有手切肥牛、安格斯肥牛、牛柳粒、牛心頂、牛白肉、黑柏葉、牛舌和牛小腿。全部都覺得好好味，牛味香濃，肥瘦適中，有油花之餘，有肉的平衡，口感軟熟，而厚度適中，增加口感。七色餃子 - 未食落口都估唔到係乜野味道，粒粒不同款，一路食路估，大家都好開心地猜猜食。桃花緣 - 有桃肉啫喱和桃肉，配上乳酸和梳打汽水，口感豐富層次分明。最有趣是職員即場用工具吹波波，現場感十足。香芳幻 - 呢杯味道特別，有紅桑苺汁、酸奶及菠蘿汁，但十分好飲，果汁同酸奶配合得好好，有驚喜。除了個鍋底，每樣食物都可以打卡，玩味十足。…查看更多

火鍋店裝潢用足心思，以Team Lab同懷舊做主題，充滿懷舊氣息。一進店內就見到Team Lab可以打卡，店中間放有一部安裝左側車嘅舊式電單車同舊式相機🥰火鍋店主打精緻配料及多款打卡嘅鍋底，視覺效果十足！店員們嘅服務很好，殷勤有禮，你有需要時舉手示意都會即時留意到你🥰一坐下，店員隨即奉上每人一杯welcome drinks，今日係雪梨茶，入口清甜滋潤，杯底有一條小金魚裝飾，好精緻。火鍋店設有醬料自助區，設置左係2個位置，唔使客人迫埋一齊去攞醬料，醬料區旁邊放左雞公碗同多款醬料，可以慢慢選擇。黑蒜豬骨鍋 $328微微香甜嘅黑蒜配上香濃乳白色嘅豬骨湯底，有3大舊豬骨，好足料，味道好濃郁，上枱後趁未放食材落火鍋先喝一碗湯，味道鮮甜。香江拼 $798(安格斯肥牛・手切肥牛・牛白肉・牛心頂・牛小腿・牛脷・牛柳粒・黑柏葉)這個打卡度非常高，以牛嘅唔同部位拼成一個環形拼盤圍住火鍋，安格斯肥牛更加拼湊出立體花花，送上枱時已非常眼bling bling🤩口感嫰滑嘅安格斯肥牛同手切肥牛牛味都好濃郁；牛白肉油而不膩；牛心頂第一次食，口感鮮嫰爽脆；牛小腿甘香美味；牛脷軟嫰又juicy；牛柳粒軟腍；黑柏葉爽口彈牙👍七色丸 $108(鹹蛋黃・蟹籽・青咖哩・紅咖哩・南乳・椰芋・黑松露)用一個木架上枱，每格放住唔同味道嘅墨魚丸，粒粒都爽口彈牙，每一隻顏色一種味道，調味夠濃郁，最喜歡鹹蛋黃味，因為本身自己都鍾意食鹹蛋黃😂桃花緣 $88自家製桃肉啫喱，配上新鮮日本桃肉、乳酸同梳打汽水，口感豐富，而店員仲會整個桃味煙燻氣泡係杯上，味道豐富又清新，好透心涼。香芳幻 $88用上紅桑莓汁、菠蘿汁同乳酪，面頭仲有忌廉，果香嘅味道融合乳酪，可以解膩👍✨️火鍋醬料 $25@…查看更多

同外國返來既朋友聚舊，去打邊爐烚下烚下傾計就最啱！呢間火鍋店以懷舊香港做主題，餐廳外掛左啲電影海報既油畫🖼，酒吧枱對住有部好大部有型黑色既舊式電單車🏍同相機📽俾人打下卡。😎 估你唔到既係，火鍋店竟然有一間播住5，60年代音樂🎶，有變色射燈同好多波波🫧仲有煙霧效果既玻璃房俾食客打卡，好似去左迷你teamlab咁，入去一陣都覺得好迷幻！🤩💃🏻🕺🏻 餐廳座位好寬敞，分左幾個區域，有長枱有圓枱，而且一坐低就每人有杯Welcome Drink,甜甜地既，係🌼金菊雪梨茶～夏天啱哂，清涼潤喉～ 湯底🫕辣汁花蛤鍋（$298）-用左蕃茄同埋好多菇黎做湯底，食落其實唔辣，花蛤係底，而且好快就開哂，記得快啲食左先呀！ 🥩香江拼（全牛）（$798）-大大個木盤盛載住好多新鮮既牛肉：有 手切肥牛、安格斯肥牛、牛柳粒、牛心頂（連住牛心既血管）、牛白肉（即牛脂肪）／牛胸爽、黑柏葉、牛舌和牛小腿。所有肥牛都好鮮嫩，油香軟腍，大家記得唔好淥咁耐～牛小腿因為少脂肪係肌肉來，比較有嚼口；牛舌同牛柳粒就唔韌而且好濃牛味。小編第一次試牛心頂，淥幾秒就食得，係爽脆口感，幾得意。牛白肉就油脂滿滿。 火鍋配料🥟七色餃（$108）（蟲草花餃，蟹肉黑松露餃，冬菇薺菜餃，姬松茸野菌餃，午餐肉粟米餃，金華火腿菜肉餃，和牛香茜餃）-小編比較中意冬菇薺菜餃 同 姬松茸野菌餃，有口感得黎好香菇味。 🥔土豆朵朵（$58）-切得超薄而且擺到成朵花咁，可以輕輕淥一陣就食，有啲爽脆口感！ 🫔即炸響鈴卷（$58）-炸得好鬆化，唔會覺得好厚同油膩，唔錯！ 🍜紅薯粉（$38）-紅薯粉好彈牙，又帶點煙煙靭靭，而且會索哂湯味，正！ 飲品：以下呢兩杯絕對係打卡飲品，因為職員會拎住煙燻氣槍黎打個氣泡上杯特色飲品上面，同埋打多幾個係空中飄下飄下，仲有一陣甜甜地既水果香味，幾迷幻！🫧🫧🍑桃花緣（$88）-石榴乳酸+青檸梳打+蜜桃啫喱，酸酸地，成杯都好有少女感。 🍍鳳琉香（$78）-石榴菠蘿汁+ginger ale+青檸汁 🥥香芳幻（$88）-紅莓菠蘿汁乳酪+雪碧+藍橙糖水+椰子味既cream係頂層，上面仲有啲七彩色既碎碎，成杯野既甜又繽紛！ 小編同朋友仲叫左🥬皇帝菜、 萵筍、蓮藕片、鮮淮山、🦐蝦滑，🐏羊肉卷等等，全部都好新鮮。 總括而言，餐廳食材好高質同埋新鮮，而且環境夠曬寬敞乾淨， 幾適合一班人一齊聚餐打卡慶祝。 💡火鍋醬料每位$25（係大廳中間，擺放得好整齊乾淨👍🏻 ）…查看更多

必試高質打卡火鍋🐮「香江花月」係佐敦荃灣同銅鑼灣都有分店,今次黎到銅鑼灣分店打邊爐,午市通常主打精緻點心,睇落賣相都唔錯👍🏻呢次我地梗係要黎試佢既Signature火鍋啦🙈店舖環境都幾寬敞,二人位都有張大枱,坐得好舒服!《魚湯金魚餃 $48》見唔少人都有叫呢款點心,其實食落同蝦餃冇分別,不過賣相真係一流👍🏻個魚湯俾我地擺耐左小小好似傑左咁,唔知係咪本身個質地都係咁😂但都唔錯,清清地,配個餃好夾🙈《日本玫瑰牛乳鍋 $168》火鍋湯底全部都係另加錢既,呢到其中一款人氣湯底就係呢個玫瑰牛乳鍋,一上枱有個好靚既冰玫瑰🌹玫瑰花瓣都見到有啲既,玫瑰味就唔多覺,不過都有淡淡既牛奶味🫢仲有個木瓜托住,影完相之後店員會幫你切開啲木瓜再繼續滾,最尾食個陣就吸收晒啲湯汁,好好味😂《香江拼 $798》打卡必叫香江拼,有好多唔同部位既牛🐮有啲特別小小既牛白肉,牛心頂,黑栢葉,另外仲有牛舌,牛柳粒,牛小腿等…份量好充足,兩個人食既話都食得晒,真係幾好食,牛既質素幾高,好有水準,非常之推介👍🏻《脆滑桂花蚌 $118》桂花蚌好新鮮,唔洗淥太耐,食落好爽口,幾爽脆👍🏻《桃花緣 $88》打卡一流既飲品之一,一上枱店員會幫你加泡泡,基本上要影相好快啲影啦,個泡好易爆,一唔小心就會冇左😂味道就係白桃乳酸梳打既味,個人覺得有小小偏甜,不過食住火鍋飲呢啲係幾正既🤣《瑰洛月 $88》呢杯相對冇咁甜,係用洛神花調味再整成玫瑰冰咁樣,好靚🌹《火鍋醬料 $25pp》火鍋醬料按位收費,都係平時個啲基本醬料,豉油麻醬蔥花辣椒🌶️整體對呢間餐廳感覺良好,服務都唔錯,下次有機會一定要試下佢啲點心先🤤香江花月銅鑼灣波斯富街99號利舞臺廣場21樓[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️⭐️⭐️推薦⭐️⭐️⭐️⭐️⭐️…查看更多

10.4.2023 一2個女仔 即興去左 香江花月 Victorian Era #香江花月之前一路都好想黎😝睇人地既post 打卡好靚 同好好味既感覺😆入去系好華麗既感覺～野食真系名不虛傳🤤 又靚好食！仲要好好服務😆途中食食吓 我哋玩緊電話 有服務員問我哋仲食唔食🤭我朋友食野一向都挑剔 我哋兩個人食晒所有嘢🤣唔知有冇嚇親人😂💗花膠雞煲 靚花膠😍 個湯左飲左2碗先食😆💗叫左個拼盤 #香江拼 幾款牛肉🤤 魚都好味！就系為左呢個圈而黎！😂😂😂💗#花花綠綠 蔬菜拼盤 排得好靚！好多款同好甜😚💗#七色丸 好特別既味呀！好食既 有真系估佢吾到既味🤣仲見隔離枱d盤都好靚😍要試埋其他野食 真系下次要拉大隊先得😂…查看更多

好似潛左水好耐🙈因為最近又要考試同埋好忙！！但覺得要嚫有記憶嘅時候寫埋呢間餐廳先😆 已經第二次食呢間bookmark左好耐嘅火鍋店，總算圓左個心願xd 雖然有啲貴但好值得食🥰同埋真係好鍾意佢呢個超igable嘅binloooo!🍼牛奶玫瑰鍋 $168其實我struggle 左好耐揀唔揀呢個鍋，一黎驚佢好睇唔好食～二黎就驚會好滯好漏！點知完全冇呢種感覺😳牛乳湯口感好順滑，完全冇一種好fake嘅牛奶感覺～然後，味道自然清甜，而且都有保留少少豬骨湯味嘅感覺，完全冇好似芝士火鍋嘅黏稠感，所以真係唔會有好重飽腹感同滯嘅感覺😋🌸🐮香江拼 $798係連續兩次我都嗌咗嘅超級IGable全牛拼盆🥰 佢哋將啲牛肉擺到好似花花咁，真係好靚好吸引😍然後店員又同我哋介紹食呢個拼盤嘅先後次序同埋淥熟時間～建議真心要stick to instruction~因為有啲肉唔小心淥耐咗，個口感真係冇咁好🙈首先係牛柏葉、牛心頂同埋牛白肉～牛柏葉同牛心頂嘅口感真係超級爽脆，然後牛白肉就食落有啲似充滿牛白牛脂味嘅豬白肉咁～都好食～接落黎嘅係牛脷、牛小腿肉、牛肉花花、牛柳粒粒同安格斯牛肉～ 特別想講下後面三款牛肉😍 每款都各有特色～牛肉花花嘅油脂分布得好平均～牛柳粒都好有嚼勁但都唔會太過煙韌，而安格斯牛肉就係牛味最重最香嘅一款肉，真係啱哂壓軸最後食🤤🌈七色餃 $108第一次食咁多唔同顏色嘅餃子😆然後全部餃子嘅味道同配搭都好特別～有別於一般傳統嘅韭菜餃同白菜餃～ 有粟米餐肉餃、姬松茸野菌餃、蟹肉黑松露餃、金華火腿菜肉餃、蟲草花餃、牛香茜餃、冬菇薺菜餃～ 其中味道比較突出嘅就有金華火腿菜肉餃同埋蟹肉黑松露餃～會明顯食到有鹹鹹嘅金華火腿味同埋重味少少嘅黑松露味～其餘嘅水準都平均～真係啱晒鍾意試新奇野同試啲特別口味餃子嘅人～🍑桃花緣 $88🍍鳳琉香 $78兩杯嘢飲果味都好重，但係又唔會過分甜🥰桃花源就桃味好重，特別嘅係下邊有啲啫喱粒粒～而鳳琉香就係菠蘿味重重嘅fruit Punch咁😆然後最好睇嘅係，店員會喺上邊吹個氣泡，令到成杯嘢飲好igable~啱哂我地啲港女打卡🤣！同場加映！第一次去嘅時候係去佐敦店，嗰時已經覺得個場幾靚～但係今次銅鑼灣店個場仲grand!成個teamlab咁！（（不過我影嘅時候係熄咗燈嘅Teamlab🙈🤣 …查看更多

久聞有一間很適合一眾美女們打卡，食物又美味，坐得又舒適的火鍋店，今天終於約到美女一齊去嘗嘗了。一入店有種朦朧美，原來門口旁有一個打卡房間，裡面是迷幻的燈光沈浸式體驗館，穿過閃亮隧道就進入燈影層層包圍的異空間。品嘗美食前先刺激一下你的視覺感受。餐廳採用80、90年代香江風格，大型的沙發椅，雲石枱面，水晶吊燈，中央擺放一部古董三輪電單車，氣派不凡。甫一坐定，就端來了每人一個小杯。看著清澈的茶水底下有一尾靈動的金魚，原來是雪梨茶，讓我們開開胃口，果然是清甜潤喉。美女們當然要養顏養生，就點了一個日本牛乳玫瑰鍋。這個鍋用了北海道全脂牛乳製成的玫瑰花，加上新鮮的日本食用玫瑰，底下再燉了一個木瓜，充滿花香，光聽都感覺到香滑細嫩，滋陰潤膚。我們都愛吃牛，於是點了一個全牛的香江拼，滿滿一圈不同部位的牛肉：全只牛最稀少矜貴的牛心椗、含豐富骨膠原的牛胸爽（牛白肉）、優質牛𦟌、薄切牛舌、牛柳粒、黑栢葉、手切牛及安格斯牛小排。牛心椗同牛胸爽雖然味道淡淡的，但口感非常爽脆。手切牛同安格斯牛牛味濃郁，肉質細緻，吃得到是高質的牛肉。我個人最愛是手切牛，牛味濃而且肉質滑嫩，非常好吃。另外也點了一份七彩餃子，黑、白、橙、藍、紫、黃、綠，每款口味不同，黑色的黑松露餃香味尤其突出，而藍色則是蟲草花餃，清新而不油膩，黃色的金華火腿菜肉餃咸香鮮味。有美食怎能沒有飲料呢？點了一杯桃花緣。粉紅色的桃子汁清香帶甜，上桌時還在杯上用槍打了一個泡沫，裡面時桃味的煙，意趣十足。香江花月，果然是一間不同一般的火鍋店，處處打卡位，食物質素好，性價比高，食客們都是年輕有活力的麗人，讓人怎能不來呢？…查看更多

之前去利舞臺食飯見到有間環境好靚嘅餐廳，午市主打點心，晚市就做養生美顏火鍋，今次試咗佢嘅火鍋餐廳裝修重現番50年代嘅香港，選址喺利舞臺非常之適合，入面有好多打卡位，有個位仲好似Teamlab咁，玩燈光同鏡俾人影相，而餐廳好大，座位好寬敞，食得舒服好多打卡餐廳嘅食物質素都係一般，但呢間嘅火鍋絕對高質，叫咗個辣汁花蛤鍋，有好多配料喺湯底入面，有好多花蛤，新鮮冇沙，仲有好多蕃茄、什菇、洋蔥、西芹，個湯就咁飲都好正，有蕃茄嘅酸味，花蛤嘅甜味，入面仲有秘製辣汁帶出少少辣味，幾過癮叫咗個香江拼，即係全牛拼盤，每個部位都有幾片，可以試哂咁多款野幾爽，牛嘅質素本身高，所以牛味濃郁，脂肪比例好，餐廳仲有教學講每個部位要煮幾耐，跟佢建議就唔會浪費啲靚牛仲叫咗個七色餃，個擺盤好靚，每款餃子皮薄餡靚，有啲款式例如蟲草花餃都幾特別，值得一試佢啲飲品都幾啱打卡，叫咗兩杯特飲：桃花緣、香芳幻，幾啱用黎解辣消滯職員嘅服務態度都好好，好多位都feel到佢地細心，而且會主動幫客人隔油同換碟，所以呢間真係內外兼備，我下次一定會再黎呢間打邊爐，我仲有好多野想試！…查看更多

香江花月🌙以花入饌，以養生美顏火鍋湯底為主打，將50年代華洋風尚文化融合各道菜式，體驗全新饗食過程。✿ 日本牛乳玫瑰鍋 $168湯底日本全脂牛乳使用，有兩顆冰玫瑰🌹賣相精美✨底部有半個南瓜🎃打完卡之後職員會幫忙切開，令淡淡玫瑰牛乳同時吸收南瓜香氣。✿ 香江拼 $788牛肉控有福了🐮食盡牛牛吾同部分！有牛心頂、牛白肉、黑柏葉、牛脷、手切肥牛、安格斯牛小排、牛小腿、牛柳粒。牛心頂、牛白肉、黑柏葉呢三款平時好少見，爽口得黎有少少脂肪。個人喜歡安格斯牛肉及手切肥牛🐮脂肪軟稔入口溶化☺️✿ 七彩餃子 $108七彩餃子🥟絕對吾系得個樣！吾同顏色餃子各有特色👍🏼黑 - 蟹肉黑松露餃🖤白 - 姬松茸野菌餃🤍黃 - 午餐肉粟米餃💛橙 - 金華火腿菜肉餃🧡綠 - 冬菇薺菜餃💚藍 - 蟲草花餃💙紫 - 和牛香茜餃💜個人喜歡蟹肉黑松露餃🖤蟹肉頗新鮮🦀午餐肉粟米餃🌽混合傳合港式餃子元素 粟米香甜💛金華火腿菜肉餃🧡相對大眾化口味蟲草花餃藍色顏色奪目💙材料高級✿ 桃花緣 $88職員會先幫我地喺飲品上吹泡泡🫧十分igable😆乳酸味道👌🏼✿ 香芳幻 $88 睇見綠色以為系抹茶，原來系菠蘿汁🍍加yogurt，酸酸甜甜。…查看更多

之前朋友生日到過香江花月的佐敦分店慶祝， 今晚剛剛在香港區放工，所以就到銅鑼灣分店食晚餐，位於銅鑼灣波斯富街99號利舞臺廣場21樓。餐廳環境優雅帶有文藝氣息， 店內外都很華麗裝潢🥰，火鍋店主打精緻菜式和多款超好打卡的鍋底，及影相位特別多📱。晚餐😋🥢 ～ 秘製花雕豬肚鍋$168、香江拼$798、七色餃$108、桃花緣$88、香芳幻$88。 🔴Welcome Drink🍵～ 坐低不久，店員為我們送上細細杯的話梅汁😙, 酸酸甜甜幾開胃。 🔴秘製花雕豬肚鍋🥘 ～ 有大量軟腍的豬肚，很足料的鍋底， 湯底味道香濃， 飲幾啖好暖胃。 🔴香江拼🥩 ～ CP值高的全牛宴，放在環形木盤，美美的圍着湯鍋，可以一次過食齊多款牛肉，牛柳粒、安格斯肥牛、手切肥牛、牛小腿、牛心頂、牛白肉、黑柏葉和牛脷等等， 而我最喜歡就是牛柳粒， 牛味香濃又有肉汁， 其實每款都很有水準， 賣相又靚。 🔴七色餃🥟 ～ 非常精緻，顏色繽紛的七彩餃，有和牛香茜、 冬菇薺菜、 姬松茸野菌、 蟲草花、粟米午餐肉、 金華火腿菜肉和蟹肉黑松露， 餃子脹卜卜，餡料豐富，每一粒都各具特色。 🔴桃花緣🍹 ～ 果香突出，面層有一個香味煙波，玩味十足又有心思。 🔴香芳幻🍸 ～ 上層是軟綿綿的忌廉， 配上酸酸甜甜的乳酸飲品， 開胃好飲。 香江花月是一間性價比高的新派火鍋店， 菜式精美，店內環境舒適，打卡位多，店員服務貼心，最後記得走之前入去Team Lab波波🎈🎈密室影番幾張靚相呀。💯💯 🏷️溫馨提示～ 整個用餐體驗均屬個人分享意見， 只作參考😊。 …查看更多

利舞臺的香江花月，一開幕已是城中的打卡勝地。餐廳化身成富麗堂皇的劇院，由燈光閃閃的大堂開始，電影海報、售票亭、座位，到360度旋轉的舞台。所有的裝演和氛圍走懷舊的風格，仿傚拆卸前的利舞臺戲院。令人仿佛回到舊日璀璨的舞台，那個有著演藝光輝的年代。香江花月不止環境出色，連每一樣出品都是賞心悅目的，打卡一流。日本牛乳玫瑰鍋 日本牛乳上漂著牛乳玫瑰和食用花花瓣，待玫瑰，溶化牛乳煮滾後就可以開始火鍋啦!香江拼 $788店員建議由淡味的內臟(牛心頂、牛白肉、黑柏葉) 開始吃，到牛脷、手切牛肉後，最後才到肉味最濃的安格斯牛。其實牛小腿肉味都重、牛柳粒脂肉平均、安格斯牛不錯。七彩餃子 $108 如七色鮮花，放在傳統的中式層架上，非常別緻。味道最好的、最得我心的是黑色的蟹肉黑松露餃。飲品方面最出色，好喜歡香芳幻 ($88) 的cream上層那些七彩脆糖，懷舊感十足。香芳幻主要是鳳梨汁和乳酪味，酸酸地幾好飲。桃花緣($88)上點有大氣泡，以乳酸飲料為主，加上粒粒桃啫喱，味道酸酸甜甜很好。…查看更多

11月尾，窩夫與閨蜜一行四人去銅鑼灣的「香江花月」吃火鍋。「香江花月」裝修華麗，枱與枱之間的距離比較遠。坐下來先喝一杯茉莉花雪梨茶潤一潤。茶杯非常典雅。火鍋醬料吧感覺很衛生，款式亦不少。湯底選了日本牛乳玫瑰鍋($168)，賣相實在太美了，打完卡店員才會開爐。湯底煮了一段時間後，店員過來切開玫瑰花下面的木瓜，木瓜超甜呢。香江拼($788)跟日本牛乳玫瑰鍋可說是最強的打卡組合，可以一次過試齊手切肥牛、牛柳粒、安格斯肥牛、牛小腿、牛白肉、牛心頂、黑柏葉和牛脷，份量十足，水準亦不錯，其中窩夫最喜歡平日較少吃的牛白肉。除了牛肉，當然要吃菜，點了花花綠綠($108)，插得滿滿的，蔬菜種類很多，有油麥菜、生菜、皇帝菜、白菜、車厘茄和南瓜等。還點了三菇淥菌($88)。埋單後，經店員指點才知道餐廳有間打卡房，離開前一定要去影相！…查看更多