陵發潮州白粥

在豪華戲院睇完戲散場，又唔想出旺角鬧市同人迫或等位，想起附近有間叫陵發既潮州食肆，我一直都未有機會去試，今次有機會喇!坐低睇餐牌，吓....點解冇價錢既?選擇也不多，諗都未諗到，家人已經落單，又係既，反正潮州嘢，食嚟食去都係果幾樣。食物上檯，先試韮菜豬紅，平平無奇。再試滷水鵝，肉厚又夠嫩，唔錯噃，食埋蠔仔蛋，很香脆呢！而蠔仔肉碎粥的蠔仔都唔細隻，也洗得很乾淨，味道也很好。我們平時叫開的紅腸，這兒的樓面稱呼它為香腸，很搞笑。紅腸，墨魚及豬腸，因內臟不是我杯茶，所以，冇試到，但淋了滷水的墨魚唔韌，紅腸都好好味，而鳳爪都炆得好淋，正! 總括而言，這兒除了冇價錢的餐牌，有少少驚赫外，食物都比想像中出色。我們一行三人，叫了五餸一粥，3枝可樂，1枝啤酒，埋單600有找，拉平均數每款食物大約80元左右，價錢都唔算貴。…查看更多

陵發小妹的浪漫啤酒加打冷自從上次摸門釘後小妹便一直寄掛著陪米飯班主到旺角交收難得在附近自然要去碰碰運氣見到有開那當然是要食八點來到即使是閒日陵發都非常旺場滿場不得止已且仲要等位不過陵發有兩個鋪位加上樓一層所以很快便有位置餐牌精而簡一般潮州打冷菜式而且最特別的便是餐牌無價錢不過可以問店員他們也會很樂意回答最後我們點了蠔餅，蠔仔粥，韮菜豬紅當然少不了啤一啤韮菜豬紅欣賞它的豬紅韮菜不會太油豬紅頗大粒且結實無臭味調味加入了蒜蓉和少少辣椒蒜味香濃十分惹味蠔餅蠔餅份量不少而且厚身蠔餅炸得非常香脆而且不油膩不用沾魚露也十分夠味平時外面通常食得到都是粉量較多這裹的明顯是餡比例比粉要多能清清楚楚見到每粒蠔仔最重要是蠔仔鮮甜而且粒粒都大大粒這是小妹食過最大粒蠔仔既蠔餅蠔仔粥（細）蠔仔粥份量也不少可以盛到大概五到六碗蠔仔亦粒粒都大大粒，非常足料蠔仔粥調味適中且加入了大量芹菜莞茜增加其香氣不過小妹略嫌方魚味可以更重一點就更完美總括而言，兩個人埋單230雖說不是很便宜便就一定不貴且最重要是味道好用料好小妹一定會再encore…查看更多

父親節當晚七時便到陵發食麻甩潮州菜,到達時已有不少人等位但父親節嚟講真的不算人多了。好好彩我哋二人一到便有位,真係好開心呀^0^陵發食物種類不多但全都係一些正宗的潮州餸,同埋係冇價錢架好似探險咁^0^兩條冷食力有限只點了{蠔仔肉碎粥},{韮菜豬紅},{鵝掌翼}~話明係慶祝父親節,當然要啤啤佢啦我唔飲得啤酒那以可樂代酒吧!!蠔仔肉碎粥細的份量也不少啊!!蠔仔粒粒飽滿新鮮,大地魚味算不少當然不能跟自煮的比較啦~韮菜豬紅一吃下我便拍爛手掌,那份濃香豬紅味很久沒嚐過喇!!而汁料味道既香且辣好吸引喔^0^鵝掌翼叫來給車爸爸送酒,滷水味香醇滷得很入味不會淨係得表皮好吃唔錯呀^0^…查看更多

位於太子新填地嘅呢一間「陵發」打冷真係唔野少, 收工時間六點幾嚟到只有兩三檯人, 之後愈坐愈精彩, 因為愈來愈多客人...最後全場爆滿! 見到牆上貼有OPENRICE嘅海報, 原來呢間食肆拎過2015年嘅開飯熱店! 今次到此一遊都係由朋友帶嚟, 試一試睇下佢個熱店指數究竟有幾高先~打冷小菜上檯效率特別快, 因為好多都係凍食, 同好多都已經預先準好, 客人一落單, 轉個頭小菜已可以擺上檯面!碟嘅size好大, 但小菜份量並唔會因為碟大而睇落去少左, 反而係大大碟! 韮菜豬紅 – 好味! 韮菜好新鮮, 唔使再沾其他調味料已經夠入味, 因為已經索晒個醬汁精華, 豬紅就一定要沾辣椒油一齊食, 呢個係一個唔可以遺漏嘅步驟, 因為豬紅同辣椒油係絕配, 識食一定係咁食! 炒蜆 – 本身就咁食個蜆係冇問題, 肉質都幾鮮甜, 可惜個醬汁累事, 打茨重手左, 變成太濃太杰身, 令到蜆肉好咸, 完全蓋過蜆肉本身嘅清甜味道…失敗! 而且吐沙處理得唔太乾淨, 唔受大家歡迎。 蠔餅 – 好足料, 勁多蠔, 麵粉反而比較少啲, 成個餅所以變得外脆內軟! 好味! 腐乳通菜 – 真係好大碟, 其實通菜冬天唔當造, 但呢碟菜卻好嫩, 而且灼嘅時間啱啱好, 保留爽口多汁。 蠔仔粥 – 蠔仔都係多多, 雖然細細粒, 但漲卜卜, 令到個粥好鮮甜~ 滷水類 – 滷得好入味, 特別一提個鵝片, 肉質軟淋淋, 啖啖肉,好味! 唔錯唔錯! 絕對係一間值得推介而且好專業嘅潮州打冷店舖!…查看更多

常言道，女士們愛飲High tea食cake，而我們男士就最愛打冷街邊大排檔。究其原因無不是貪其地道有風味， 環境氣氛完全不須拘束，可以毫無顧忌地豪飲豪食，大講大笑天南地北。之前跟兩個朋友食晚飯，一提到打冷，大家的麻甩基因立即發作，朋友推薦一間位於太子新填地街的潮州打冷舖，當初見到店面寫著潮州白粥，還以為是粥店，入到店內見到D餸菜先知是真·打冷店。該店佔了幾間舖位，據朋友説這裡晚晚都爆場，就算一早去都要等一等先有位。店舖採用傳統舊式潮州食店裝修，座位坐得親密熱鬧，雖説是街坊地道菜館形式，但顧客當中亦不乏女性，可見食物質素應有一定水準。店內員工叔叔十分熱情，不停推介他們的招牌菜，我們三個都是愛吃之人，一坐埋當然抵受不了邪惡食品的招手，暫時向健康飲食説不啦。先來的是鹵水併盤，內有墨魚、豬耳、豬腩肉同豬大腸，齋睇色澤就知鹵得入味，鹵水完全滲透其中！墨魚鮮味Q軟，豬耳爽口彈牙，腩肉味美無渣，豬腸肥美酥香，大家食到唔停口，一個拼盤同時滿足晒四個願望，爽！之後是韮菜豬紅，還記得小時候的我從不吃豬紅的，感覺很核突唔知點解要放D血入口，到年紀漸長踏入麻甩年華，一眾朋友聚餐有時都會叫這味餸，一試下發覺原來鵝紅豬紅真的幾好食……今次的韮菜豬紅是我暫時吃過之中算是最好吃的！豬紅大大件脹卜卜的，夾起無散開，做得非常滑溜入味，加埋韮菜，極之惹味，份量亦算多!再來一碟鹵水鵝件，鵝件的皮薄薄的沒有太多脂肪，卻滲出淡淡的鵝油香，陳年鹵水汁味道濃香，帶著點點八角香料味，跟鵝件好配，鹵水鹵得連骨都入哂味，吃起來肉嫩骨香鵝味濃，味道一級棒！蘸醋吃減低了濃膩感，味道更鮮明。想不到同是吃貨的我們，大家口味也相差不遠，現時要找一間有水準的潮式打冷店真的不易，這餐的美味，讓我跟這店有點點相逢恨晚嘅感覺！…查看更多

是日一行五人跟朋友到太子的陵發潮州白粥打冷, 地點都算方便, 位於太子新填地街. 店舖較舊式, 當初見到店面真的以為是粥店, 但朋友又說是打冷大家都是愛吃之人, 人多的好處, 可以點多一點, 店內員工叔叔非常的熱情呢!好的!! 先上的是滷水併盤 - 墨魚, 生腸, 豬耳: 豬耳都算爽口的, 跟生腸一樣不夠入味, 但墨魚就很好味, 可以一試! 鹹菜門鱔: 門鱔不錯, 可惜鹹菜太多, 門鱔太少, 略略扣分吧! 門鱔味度頗香, 如果門鱔是多春的話就好了!! 韮菜豬紅: 以前的我是不吃豬紅的, 每次只吃韮菜, 男友吃豬紅, 但之前男友帶過我去鵝紅之後就覺得原來鵝紅豬紅都幾好吃! 今次的韮菜豬紅是我暫時吃過最好吃的豬紅!!! 豬紅非常的入味, 亦非常的滑, 豬紅浸得脹卜卜的! 極度的惹味! 份量亦好多! 其實韮菜都很好吃, 惹味! 但豬紅已經令我忘記韮菜的存在, 哈哈!!滷水鵝: 鵝的皮跟鵝肉都有淡淡的鵝香, 滷水的味道跟鵝好配, 吃起來不太覺得是滷水的味道, 但又覺得汁的味道好棒! 鵝肉不算肥有時候在外面吃的滷水鵝鵝皮下方都有很厚的脂肪, 今次沒有, 所以沒有比外面的膩, 我就喜歡蘸醋吃, 感覺味道鮮明一點蠔仔粥: 我平時比較少吃蠔仔粥, 因為怕會腥, 今次見蠔仔都幾大隻, 所以試左一碗, 一點都不腥, 反而令到粥有好強的蠔香味道! 一吃之下, 才發現蠔的數量好多!! 而且好多的都很大隻!! 真係吃到每一啖的粥都是蠔! 蠔身大多肥肥, 脹卜卜的! 好味!!! 烏頭: 我跟男友出去吃飯比較少吃魚, 今次叫了烏頭是因為朋友說想吃, 反正潮州菜烏頭是出名的, 試試也好! 烏頭似身比較實肉, 魚香亦算可以, 啖啖肉的算不錯, 他有個醬汁用來蘸烏頭的, 我就不太喜歡醬汁的味道, 就蘸了鵝的醋, 又不錯! 潮州凍花蟹: 朋友好想點凍花蟹, 但又怕我們覺得貴, 反正都未試過潮州凍花蟹, 就一直推朋友說想吃就點吧! 哈哈!! 問價時員工叔叔說花蟹好大隻, 大慨$500-$600, 由於我不懂算斤兩, 所以我真的期待著會好大隻! 到的時候說真有點失望跟心痛(好貴呀), 不過想想, 反正未試過, 大家share就算吧! (反正自己都預了不會平宜.....) 花蟹是我其實好喜歡吃的一種蟹! 媽媽有時候會買隻大大的回家做凍蟹, 原來潮州凍花蟹跟我媽弄的一樣, 哈哈! 蟹算肥, 肉都鮮甜, 不過下次都是叫媽媽煮好了, 哈哈!!五個人, 吃飽了, 喝夠了, 開開心心的吃了一頓滿足的打冷!!!其實不吃花蟹的話, 都是大概$200一個人, 現在$300一個人, 都可以, 起碼是真的好吃的潮州菜!! …查看更多

老公友人說在太子有間潮洲打冷很特別，我倆都是愛打冷之人，當下就約定找天試試。到花墟行花市，一行四人就趁此一起打冷去。陵發位處新填地街，舊區中的老鋪，饒有風味。鋪面由兩間地鋪組成，格局地踎，門前吊着一隻隻鹵水鵝，一貫打冷鋪格局。雖然店面算大，但向隅的食客眾多，我們站在門前待了很久，打冷來說要等位是少有。終於入座了，只見全場滿座，真旺場。早聽說這兒的侍應態度一般，這也領教了。幸而友人光顧過幾次，早就很熟這兒的運作，這兒只有簡單餐牌，沒有標示價錢的，埋單價就是侍應說了算。因此只要想好了吃甚麼下單就行了，點了六個打冷小菜，很快就有得食了。韮菜豬紅總是先上，大大的一塊，口感滑嫩，不會一夾即散，有點韌性，韮菜吸盡了汁醬，蒜蓉辣椒下得豪爽，也就十分香口了，水準之作。隨後是鹵水三拼，分別是豬腩肉、豬腸、墨魚。五花腩脂香豐腴，鹵水略嫌不夠入味，豬腸的鹵水很香，但肥美得過了頭。墨魚鮮美非常，鹵水十分入味，是三拼當中最美味的。鹵水鵝片雖是例牌，鵝件卻不少呢。伴碟的鹵炸豆腐香嫩，鵝件略肥但可接受，肉嫩有鵝香，但鹵水味較為薄弱，在鵝皮部分點到即止，鵝肉就只有單純的鵝香了，與近日在澄海老四嚐到的有點距離。鹽焗烏頭是打冷必食之選，魚甚新鮮，肉質有彈性，而且還是黃油烏頭呢!淡淡的鹽香配上鮮嫩的魚肉，再蘸點普寧豆醬，鮮味無比!首嚐韮菜蜆仔肉，別看它小不點的樣子，原來是十分鮮美的呢，伴韮菜來吃更為鮮香。壓軸通常就是最好的一道，今天完全被這蠔仔粥迷倒了。先舀起蠔仔一看，顆顆蠔仔都大大顆的，叫中蠔還貼切吧。細看半透明的蠔肚漲卜卜的，可想像到滲進蠔汁的湯會有多鮮美吧。把蠔仔往嘴裏送，咬破蠔肚，鮮甜的蠔香便從口中迸發，肥美豐潤的口感實在太滋味了。再嚐口粥糜，方魚與蠔鮮互相輝映，飯粒也吸盡鮮美的湯汁，這兒的蠔仔粥實在不可不試呢。一行四人點了六個打冷小菜，埋單是五百大元，當中有魚有鵝片有蠔粥，打冷來說價錢十分合理，食物也甚有水準。生意好的關係，食材新鮮，不難吃出當中的鮮味。整體來說出品在一般打冷菜館之上，雖不算十分出眾，但絕對是食得過之選。…查看更多

太子新填地街既三個鋪位, 以大排檔陳設,十分旺場既太子陵發打冷平時晚市好多人, 我地宵夜時段去先剛好有位一行8人點左鹵味併盤, 有墨魚,豬腩, 大腸,等,全部醃得好入味,尤其係大腸同豬腩肉鵝片,大塊得黎切得好薄,好香鹵水味,鵝肉比較煙UN蠔仔粥, D蠔好大隻,粥都幾鮮甜雞腳,呢味醃得好正,雞腳好大隻而且出面仲有豆豉同蒜蓉香烏頭,呢個一般冇乜黃油春菜豬肉,吾係個個啱食既潮州菜,出面有林林既憫春菜,入面有肥豬肉,口味比較重咸腐乳通菜,夠大碟菜夠新鮮韮菜豬紅, 豬紅吾易爛而質感比較彈牙 咬落爽口, 韮菜新鮮而吸哂入面微辣既醬汁, 好味煎蠔餅,聽講係師傅自創將傳統既鴨蛋換成一半既雞蛋煎成, 所以甘樣先煎到甘厚既蠔餅出黎,雖然厚但口怠酥脆不滯,且入面既蠔亦都非常大隻,蛋漿同蠔中間既茨亦厚度適中, 正!雖然佢個餐牌係冇價錢,我地叫埋單佢就自己喺度計, 但食物價錢真係幾平,而且十分好味!…查看更多

去潮州店食得多...今次來這店試下...很地道的風味...鵝片汁可咸味點, 鵝片得薄, 鵝不肥又不太瘦, 很好. 很久無食過韮菜豬紅... 做得不錯, 韮菜略嫌不夠嫩. 招牌菜炆鳳爪真的好淋好入味...這個真的值得推介. 肉碎蠔仔粥不過不失...蠔都幾大仔....應該叫中蠔粥呢 ...以這種街坊式的食店來說, 服務算是很不錯. 坐位亦可以接受.食物很好味, 一定會再來食.…查看更多