泰 (瓊華中心)

試下喱間喺旺角嘅泰國菜 好難得喺餐廳可以飲到出色嘅飲品 所以先介紹下泰式奶茶喱杯真係正 充滿香料味嘅泰式奶茶 茶同奶配合得好完美 值得一試椰汁珍多冰都係好濃郁 充滿椰汁味 亦係值得一試 香酥薄餅軟熟嘅餅皮 但嫌表皮煎得唔夠脆 做唔到外脆內軟一層層效果 變相有啲漏 勝在夠香黃咖喱雜菜黃咖哩的黃色主要來自於薑黃 使整個咖喱添加東南亞風味 味道透出淡淡的甜味和香氣 醬汁濃稠配上椰奶 令醬汁更添順滑感 今次揀咗雜菜配搭 所以清新感十足 同黃咖喱好夾 有西蘭花 薯仔做主調 沾滿濃稠醬汁 更增胃口青木瓜沙律酸甜汁配合得剛好 酸酸甜甜 材料亦好新鮮 好味冬蔭公雜菜湯酸味突出 搭上微辣 當中的材枓發揮得好好 淡淡的香茅味 雖然自己唔知正宗冬蔭公味應該係點 但我確實覺得喱個做得幾好 至少係我食開嘅味道 不過唔明點解佢唔俾蠟燭一路燒到尾 我哋未飲哂個湯就走過嚟整熄個火 喱度有啲奇怪 整體嚟講 我覺得今次揀嘅菜式 喱間都做得唔錯 價錢亦係正常價位 最重要係環境舒服 比起去所謂正宗泰國人主理嘅店 細細間又迫 喱間真係可以考慮下…查看更多

今晚叫左個晚市二人晚餐$498 ，個套餐包：🍲明爐冬陰功海鮮湯 +$12椰汁味重，有青口、墨魚仔等等，好有泰國風味，好地道😊😊唔會太辣易入口青木瓜沙律一條條青木瓜絲，超大碗😚😚🐟原條青檸明爐烏頭魚 +28呢個真係不得了，黎到一定要食👍🏼大大條新鮮烏頭魚，青檸湯底吊出魚既鮮甜味，一直火爐煲住暖笠笠❤️仲會有青口墨水仔等等，好惹味泰式沙嗲4串🍢🍢🍢🍢D肉勁大粒，又嫩滑泰式炒雜菜🥗炒得勁香口👍🏼滿滿泰國風味泰式鮮蝦炒金邊粉🔅 +$28 酸酸地食落好開胃，超大碗好足份量‼️另配2杯咖啡/茶/汽水，可額外加錢配其他特飲✨🍹，凡惠顧晚市套餐可加$28任選甜品一款：芒果糯米飯🥭糯米飯熱辣辣上菜，仲見到佢出哂煙，好有誠意，d飯食落好軟熟，芒果又鮮甜兩個人食真係食到好飽好滿足❤️❤️…查看更多

好耐未食過泰國菜了，在瓊華中心睇下有咩好食，見到這間都OK，便入內晚餐。地方都頗大，座位都很寬敞，舒適。食物種類很多，本來諗住食晚市二人套餐，但友人與我不太肚餓，怕二人套餐太多食唔晒。剛巧見鄰座將D海鮮放人袋內shake shake 後，再放回碟上進食。經店員講解後，知道是將D海鮮煮熟後，再因個人喜好加調味料放入袋內 shake，這樣海鮮便入味，又是自己的味道，見這款咁特別，我們便點了這個 Shake shake 海鮮三款，以及點了「青木瓜沙律」及「泰式鮮蝦金邊粉」。青木瓜沙律，頗大碟，青木瓜絲再配醬汁，有少少辣。Shake shake 海鮮，有三款、五款及八款選擇。我們選了三款，有虎蝦4隻、扇貝4隻及加 $88 原隻波士頓龍蝦。我們見虎蝦及龍蝦都有殼，所以只有扇貝才加調味料 shake。海鮮都很新鮮，不加調味料 食都OK！泰式鮮蝦金邊粉，美味！友人點了泰式奶茶，不太甜，OK！而我就點了菠蘿梳打…查看更多

呢晚朋友带咗我去旺角嘆泰國菜🇹🇭～我哋揀咗好豐富嘅「晚市二人套餐」🤭明爐椰汁雞湯🥥🐥一入口就飲到好清新嘅椰子味，個湯仲有好多材料添！啲雞好入味，吸滿椰子雞湯😋青木瓜沙律🥗大量青木瓜絲同蔬菜，配埋酸酸甜甜嘅醬汁，食完呢碟沙律真係好開胃☀️泰式沙嗲4串揀咗兩豬兩牛，每串都好巨型，啖啖肉，點沙嗲醬食一流～海南雞（半隻)🐥海南雞去晒骨，啖啖肉，好鮮嫩🐥～泰式炒雜菜🥗食完串燒食返菜，好似健康啲😆，炒雜菜好惹味，蔬菜種類都好多👍🏻泰式鮮蝦炒金邊粉(+$28)好大碟嘅金邊粉，味道岩岩好，裡面仲有兩隻大蝦🍤，蝦肉都幾彈牙，但略嫌辣椒籽比較多🌶️原個鮮椰青（+$32/個）🥥食泰國菜點少得飲返個椰青😌，椰青汁好鮮甜👍🏻椰汁西米糕（6件)（+$28）跟餐加$28可自選任何一款甜品，椰汁西米糕清甜可口，為今餐畫上完美句號🥳…查看更多

🕖時段-星期二夜晚8點幾去到都仲係好多人 應該9成full 好彩好快安排到入座_▫️晚市二人套餐 $468本身覺得貴貴地 但單點又好似唔抵 最後都係照嗌套餐 有6個items又有野飲 _🔸明爐冬陰功海鮮湯 +$12🔸青木瓜沙律🔸泰式沙嗲串燒 4串🔸原條青檸明爐烏頭魚 +$37🔸泰式炒雜菜🔸泰式鮮蝦炒金邊粉 +$28🔸芒果糯米飯 +$28_以為二人餐有6樣野 咁每款份量應該少啲啦 點知全部都係大大碟咁上🥲食到一半已開始飽 最後食唔哂 又唔想浪費 打包左半個沙律同半個金邊粉 但都係飽到捧住個肚走🤰🏻相信呢個二人餐有3-4人份量😬食物整體唔錯 最記憶深刻係個沙嗲串燒 4串好大串啖啖肉 雞串食落好似查左啲蜜糖🍯加埋香花生味既沙嗲醬 好味😋另外 芒果糯米飯 係勁新鮮出住煙咁上💨 芒果香甜🥭又夠多椰汁_🍽環境環境氣氛唔錯 餐廳大 座位舒適 員工友善😊 因食物份量多 覺得比較適合一班食🤣可以share食慢慢傾計…查看更多

上次同朋友嚟瓊華食嘢嘅時候見到水牌有呢間新開嘅''泰'' 今次專登約埋朋友過嚟一試😆三心兩意唔知揀咩食好 最後揀咗二人套餐 468蚊有六道菜 其中有啲菜式加錢轉咗 食物份量都好豐盛 唔想浪費食物 所以食到超飽🤭下次三個人食二人餐都絕對夠飽😚😚 晚市二人套餐 💰468 🐓明爐椰汁雞湯可以盛到5-6碗 個湯好香椰子味 十分清甜 仲有好多雞件😋 🥗青木瓜沙律沙律份量都唔少 材料有青木瓜 洋蔥 生菜 紅蘿蔔 櫻花蝦 炸蒜 味道清新 間中食到啲辣椒籽都幾辣下🌶 🍢泰式沙嗲串燒🐷豬x2 🐮牛x2 肉質軟腍入味 食起嚟有甜甜哋嘅蜜汁 再蘸上花生醬食更香口🤤個人覺得豬比牛好味😋 🍝泰式鮮蝦炒金邊粉 💰+28超大碟金邊粉😍大大隻鮮蝦爽甜 金邊粉炒得好夠鑊氣 酸酸甜甜好味☺️ 🥘紅咖哩牛肉可選紅青黃咖哩 平時都鍾意食青咖哩多啲 今次試咗紅咖哩 唔係好辣 牛肉塊都幾大件 唔會好韌 不過就唔係好多件肉🥩入面都有好多豆角等蔬菜🥒 🥦泰式炒雜菜味道唔算辣 翠玉瓜 椰菜花 豆角 紅蘿蔔 菇等多款蔬菜炒埋都好爽脆 🥭芒果糯米飯 💰+28食泰國野甜品唔少得芒果糯米飯 芒果切粒連皮上 要自己切出嚟 糯米飯煙韌 椰汁份量都好夠撈飯🥰 🥥原個鮮椰青 💰+34 🍹蜂蜜龍眼蘆葦特飲 💰+24 🔔另設加一🔔Openrice訂座可享單點餐牌88折 …查看更多

餐廳新開分店，見到好多好評，所以去試下，叫左個二人套餐。先講優點：上菜快、碟頭大、職員有禮、環境寬敞缺點：多款菜式偏甜，普遍欠缺泰菜必備的香茅、檸檬葉、南薑等香料，味道單一青木瓜沙律：紅蘿蔔和青瓜較多，所以成口生蘿蔔和青瓜的青味。甜酸醬汁但欠缺青檸、香茅、檸檬葉、蔥蒜等香料，不夠惹味椰子雞湯：椰奶味濃，雞肉唔算乾柴，多菇和番茄，但欠缺檸檬葉青檸汁南薑等香料，所以似飲緊淨椰奶，最奇怪係食到唐芹粒沙嗲串燒雞和牛：沙嗲汁見到好多花生但無花生和沙嗲香，得個甜字。雞和牛無搽醬都好甜，雞幾嫩滑，牛則是無牙婆都「妹」到個種冧，同想像中一口牛既口感不同炒雜菜：最好食的一碟菜泰式金邊粉：面頭的花生是裝飾，無花生香的，但整體味道ok。粉未熟透，所以最後打包返屋企加工明爐青檸烏頭：烏頭冇泥味，但配菜有d 9唔搭8: 椰菜、椰菜花、番茄、青口、墨魚仔。而且又係缺少應有的香料，無咩味，好彩有半個青檸，我擠完個青檸就放左去個椰汁湯度吊一吊味。雖然大大碟3個人都夠食，但有d都要另外加錢，加加下都$500+，以咁既味道，算係性價比極一般…查看更多

旺角站📍泰-夏天最岩食泰國野，今次去左泰Thaiology試試佢🇹🇭泰菜二人套餐（$496）呢個二人套餐快、靚、正，最緊要唔洗諗，乜都有😹呢個套餐有：明爐椰汁雞湯、青木瓜沙律、泰式沙嗲串、海南雞（半隻）、泰式炒雜菜、泰式鮮蝦炒金邊粉（加$28），仲有兩杯野飲。湯方面，可以簡冬蔭功海鮮湯（加$12）或者椰汁雞湯🥥。呢排食得辣野多就補一補，飲返個椰汁雞湯。呢個雞湯超香椰子味，好濃郁，仲有雜菇同埋雞件，飲完好滋潤😍青木瓜沙律微辣，蘿蔔絲、青木瓜絲新清爽口，配埋醬汁好開胃。套餐可以係香茅雞翼、泰式沙嗲串或者泰式炸魚餅中三簡一。我就簡左沙嗲串燒，要左牛同雞，燒得香口唔乾身，配埋醬汁好惹味。海南雞無骨頗滑，正常發揮。泰式炒雜菜唔辣，有翠玉瓜、椰菜、椰菜花、青豆等，醬汁香濃，平時少食菜既我都密密夾😹呢個餐可以簡白飯/油飯，或者可以簡鮮蝦炒金邊粉（加$28）。我就梗係食返個金邊粉，比平時食既金邊粉多汁，唔會一舊舊，配埋青檸汁更鮮味😋蝦都幾大隻，有3隻。野飲要左奶茶同檸茶，正常發揮，今次冇特別叫到泰式野飲。蒜蓉包（$58）共有4件，呢個比想像中細塊，不過都幾脆身，香濃蒜蓉味，食完個口好鬼臭😂👍🏻蒜蓉炒通菜（$88）今次一反常態冇叫馬拉盞通菜，蒜蓉炒清清地。環境方面，餐廳新裝修，以深綠免同木色為主調，整體環境較暗，幾有格調。枱面夠闊，叫多d野食都夠擺。…查看更多