木船

一直都知道太和有好多野食，但就係次次都冇機會去呢一間食木船食泰國菜。咁岩今日返屋企嗰陣經過又見到冇人等位，今次仲唔係機會去試一試？！顧名思義間餐廳叫做木船，入到去梗係有一啲木船嘅設計啦！餐牌菜式選擇好多，本身諗住一定要飲冬陰功湯，但見到個椰子雞煲好似又幾抵食幾吸引。上菜速度幾快，唔洗等太耐。首先黎既係柚子沙冰同龍眼冰，都幾真材實料，兩杯飲品上面都有好多新鮮果肉。柚子沙冰酸酸甜甜，味道啱啱好。龍眼冰就好清甜。跟住係幾大碟既青木瓜沙律，個汁唔係特別酸，口感好爽口算幾開胃。朋友本身唔鍾意食青木瓜，但佢都覺得好好味。我地仲叫左個細小食拼盤，入邊有四個小食，每款有兩件。有炸蝦棒、蝦餅、扎肉紙卷，仲有個魚味嘅波波。值得一讚係個紙卷幾脆幾香口，好好味！另外仲叫左個芝士磨菇雞翼，個芝士汁好濃郁，仲好熱辣辣，入邊仲有啲蘑菇filling。依個真心要試下。之後黎既係串燒雞肉炒飯，雞肉好嫩好滑，而且好juicy. 碟飯太大碟，我同朋友都食唔晒哈哈！ 最後仲有超期待既椰子雞煲。一打開煲蓋已經好大陣椰子味，雞肉幾嫩滑，個湯好濃好甜，忍唔住真係當湯咁飲左幾啖😂，證明為左佢而放棄多陰功湯係正確既選擇。整體黎講依間木船好高質，下次一定會再黎試下佢其他Signature既菜。…查看更多

太和站行過黎唔洗十分鐘，招牌大大隻船，幾易認，上船開餐喇。Menu大大張圖，又幾好睇，忍唔住慢慢睇晒成本。有別於傳統泰菜，木船主打新派泰菜，一於睇下可以帶黎幾多新鮮感。青木瓜沙律係泰國常見前菜，青木瓜新鮮爽口，加上青檸同醋ge酸、魚露ge鹹鮮，非常醒胃，但就缺少左係泰國食到ge辣勁，如果再辣d會更正。另外，佢仲加左平時唔會落ge提子，但撈埋黎食唔多夾。椰子雞一上枱熱辣辣、香噴噴，趁熱飲啖椰汁試下先，椰汁香而不膩，椰肉清甜，連骨雞件肥瘦適中，一啖肉配一啖汁咁食都幾正，不過雞件本身應該無醃過，唔夠鹹，有d可惜。好大座菠蘿炒飯，放係枱面高過個人。外面睇落雖然唔似椰子雞出晒煙，但拎開虎蝦同菠蘿之後，見到d飯係剛剛炒起，夠熱。虎蝦燒得幾香，啖啖肉，算實淨，唔霉，點d甜酸醬幾醒神。炒飯雖然唔似大牌檔咁有鑊氣，但都算香，連埋菠蘿炒都尚算粒粒分明，唔會濕晒。食完飯就食埋菠蘿，非常鮮甜多汁。夏日芭東海灘其實係菠蘿椰子沙冰，每一啖都品嚐到酸、甜、香，加上涼透心ge沙冰，咁岩當晚天氣回暖，飲落真係有夏日感覺。朋友飲柚子蜜，無乜特別，偏淡。…查看更多

之前聽住大埔嘅朋友仔講木船呢間泰國餐廳幾好食，咁今日出左黎大埔，所以就決定黎食返個LUNCH先。同朋友分別點左 青木瓜沙律($62)、椰子雞($98)、招牌菠蘿炒飯配虎蝦($158)、多d乳酪/多D/多D莓($48)、龍眼冰(+$15)，後尾睇返先發現每樣都有D生果喺到青木瓜沙律：有青木瓜絲、蘿蔔絲、番茄仔、花生、腰果，吱D青檸汁再加上醬汁，食落幾開胃椰子雞：試下飲左啖個汁，好濃厚，食埋D椰子絲都入晒味雞件D肉質都好嫩滑又充滿椰香味，不過食嘅時候唔好食得太急，要注意有少少碎骨招牌菠蘿炒飯配虎蝦：叫得招牌，當然一定要叫份黎試下啦，一上菜賣相已經非常吸引，用菠蘿殼裝住D炒飯，另外配上一串菠蘿串同虎蝦，淨係睇到都已經流水黃薑飯炒得夠乾身，有少少味調出黎，炒飯食落有雞肉、菠蘿粒、提子乾等配料喺入面，另外仲可以自己加D肉鬆同辣汁，食落唔錯而菠蘿串D菠蘿非常新鮮 ！JUICY之餘又夠甜，一流虎蝦食落去新鮮彈牙，夠鮮味大合照多d乳酪/多D/多D莓：配上新鮮藍莓，飲落去莓味香甜，即使佢本身係乳酪飲品，但飲落都唔會太酸龍眼冰：味道有別於一般出面飲開嗰D，佢係偏向濃味而非甜味，都幾特別仲有D龍眼肉可以食下呢到免加一，埋單$381，佢份量都幾大下，食完都幾飽補上MENU…查看更多

今晚女朋友想食泰國野 所以專登搵左間口碑唔錯既泰國餐廳黎試試 唔近屋企果頭 係專登走過黎食既 希望唔會失望啦餐廳既環境同裝修都唔錯 好多情侶同一班朋友都黎食 咁岩仲比左張corner位既枱比我地 睇睇張menu先 黎到泰式餐廳點可以唔試試個泰式奶茶阿 係泰國都成日飲 所以呢個都係正宗既 唯一唔同既佢係會再係上邊加cream 令到個奶茶更加滑同埋香另外既餐飲就係新鮮椰青（$35） 係幾清新既 同埋果肉都可以食埋 岩曬食浪味野食既泰國野中和一下講下個前菜先 第一道係青木瓜沙津 呢道菜作為前菜就岩曬啦 因為酸酸甜甜咁 非常開胃 可以儲足戰力食個main dash阿小食拼盤每樣都有2件 個炸蝦球入邊夾住一條蔗 咬落都幾爽口 仲有其他食物例如米紙卷 魚餅 全部都新鮮炸起 外皮香脆跟住就係食個招牌菠蘿炒飯配虎蝦（$158）作為呢間餐廳既招牌菜 當然無令到我失望啦 入黎果時都見到每枱都會有一碟 面頭有2隻大虎蝦之後就有串菠蘿串 自己一個食既話份量都幾多既 個炒飯好夠獲氣 虎蝦又大隻又彈牙 而且菠蘿炒飯個飯炒得唔酸 恰到好處最後2個人賣單一共373$ 雖然唔話平 但個人認為都抵食 叫到成枱野食同野飲 都唔洗400$ 所以呢排無旅行去既人又想試試泰國野既你可以試試佢…查看更多

出開大埔嗰邊搵朋友，夜晚佢推介咗一間泰國新派餐廳話要同我一齊食吓！所以就跟咗佢去呢間「木船」試一試喇！🛶行到去門口其實都已經有啲人排緊隊等位，但好彩2人枱咁啱有張俾我哋！👍🏻雖然呢間餐廳唔係啲好寬敞嘅餐廳，但入到去個感覺都算舒服同埋個環境幾colorful！青木瓜沙律 $62食得泰嘢好多時都會叫青木瓜沙律，少食辣嘅我一心都係食少少就算，等我朋友食多啲（佢太鍾意呢個沙律😂）。估唔到佢又出奇地好味，夠凍得嚟又甜甜辣辣幾開胃！Combo小食拼盆(小) $52除咗個沙律外，都諗住叫多個小食。最後揀咗小食拼盆，感覺多啲泰小食可以share食。招牌菠蘿炒飯配虎蝦 $158起初見menu張相好似好堅，以為出到嚟個樣點都會有啲出入，結果一送上枱時望到即刻眼前一亮！串燒菠蘿🍍勁甜勁好食！虎蝦🦐配埋個汁嚟食好夾，但留意一吓個汁有少少偏辣。菠蘿炒飯份量比我預期多，啲飯去到好底都仲有！食到我地勁飽，叫得上招牌，果然有驚喜！😝上：迷紅小象 $45下：夏日芭東海灘(菠椰) $58嘢飲方面我哋叫左兩款。迷紅小象係菠蘿、蘋果同香蕉做出嚟嘅沙冰，飲落去菠蘿同蘋果味好出，酸得嚟好醒胃！菠蘿椰子🥥沙冰就比較接近平時椰汁沙冰，但又有啲菠蘿嘅酸甜吊一吊！幾特別～其實呢喥嘅嘢飲都幾有亮點，好多都好大杯，賣相又夠勁，搞到我唔識揀！😂見到隔離位飲咗呢杯，都好似好吸引咁！有機會真係想試試佢！…查看更多

呢間木船泰國菜我已經係第三次嚟食啦，因為佢位於火車站旁邊，非常方便就腳，而且菜式款式新穎，真係要食多幾次先得！上次我嚟食就係叫呢個菠蘿炒飯，同埋飲巧克力巨人，賣相超靚，雖然好想再食，不過今次決定叫啲新嘢。首先我就食咗青木瓜沙律，辣度適中，唔會遮左酸甜嘅味道，作為前菜開胃一流！另外，小食拼盤每樣小食有兩件，個炸蝦球裏面夾住一條蔗，本來我以為係木條，原來係食得嘅！清清甜甜，配搭着炸物食冇咁乾。另外，呢個米紙卷都10分香脆！呢個椰青海鮮焗飯簡直係重點要食嘅！係三重椰汁味嘅享受！最上面有多到漏嘅椰漿，仲加埋火炙過嘅芝士，飯裏面亦有買椰肉，再配埋旁邊個杯椰汁，成個椰青用盡晒，完全唔浪費。我哋仲叫咗一個生菜包，不過唔係包肉碎，而係豬頸肉。我最鍾意沾嗰個泰式醬，非常惹味，一片生菜最好包住兩至三片豬頸肉，咁樣食我覺得個味道最平均。食到有啲口渴，就飲番杯野。脆爆芒果園最正係有粒芒果味嘅雪米糍，同埋爆谷。杯泰茶亦唔太甜，啱啱好。…查看更多

同個friend無聊入大埔逛逛，去咗太和搵食，呢頭有許多隱世美食，上次自己食過午餐，今次來試試晚餐。店內裝修好有特色，有些壁畫，有些佈置像置身於一艘船中，平日晚飯時間都好多街坊幫襯。過咗立秋天氣依然好熱，點了個青木瓜沙律醒醒胃，這個有少少辣，份量唔細，材料包括青木瓜絲、甘筍絲、車厘茄、提子、櫻花蝦及花生，加了醋汁，酸咪咪，青木瓜好爽口，纖維勁豐富，好健康。Combo 小食拼盆(小)~ 剛剛炸起，好香口，有魚餅、網炸春卷、蔗蝦及泰式炸蝦餅，春卷有芋蓉，好香，這個份量剛剛好 夠兩個人。招牌菠蘿炒飯配虎蝦~ 嘩！兩隻大虎蝦放於菠蘿上，蝦肉新鮮，仲有一串新鮮菠蘿輕輕烤過，又香又甜。炒飯都有新鮮菠蘿粒，飯較軟，好好吃。朋友點了新鮮柚子沙冰，清新柚子味，有柚子肉，好解暑。米紅小象~ 菠蘿蘋果香蕉集一身，估唔到可以咁夾，是一個好好的配搭，推介要試。 …查看更多

依一日我哋兩人嚟食呢間在太和嘅泰國餐廳。店嘅裝修都幾靚，我地七點左右入去嘅時候個天仲有少少光，店內望出門外感覺舒服。首先嚟咗頭盤嘅青木瓜沙律，因為我哋怕辣所以請咗店員幫我地點好小辣。木瓜好清新爽脆，配上清甜嘅紅提子同埋花生，仲有青檸檬汁及酸辣汁，好涼快同埋開胃。跟住我哋仲叫咗有小食拼盤，上枱嘅時候啱啱炸起熱辣辣，有炸春卷、魚餅、蔗蝦等等不同小食，配合埋酸甜醬，我哋雖然兩個人但可以有唔同款式食物試到。之後到我哋嘅主食海鮮焗飯！上枱嘅時候我好有驚喜，佢好有心思咁樣分開焗飯同埋椰青水。椰青水係直接飲嘅，好清甜。 焗飯佢真係做到爆漿嘅感覺，面頭加咗濃椰漿，多到流出來。裏面嘅炒飯底都好有椰香味，就咁食飯都好好食。而海鮮有青口、大蝦、帶子等等，好足料。我哋食列椰青肉都用鐵匙羹「不」埋出嚟食。我哋兩個人叫嘅嘢飲都好有特色。依杯乳酪沙冰好好飲，入邊仲有新鮮嘅藍莓。呢杯朱古力飲品裏有朱古力百力支、oreo、同埋Kitkat。雖然浸在朱古力飲品裏面，但係食落口都好脆。依餐嘅食物都唔錯，食得好開心。非常之飽！😊 絕對值得下次同多d朋友再來…查看更多

好彩今日早左放工，7點都未夠，都差不多滿座.....間餐廳裝修唔錯，牆上面嘅Gravity我幾鍾意，仲有中間位置個裝飾船望埋去真係好似隻木船咁～招牌菠蘿炒飯配虎蝦 - 個樣勁靚，整到同個Menu一模一樣，仲好足料。兩隻虎蝦同埋果串燒菠蘿燒得好香甜。個炒飯夠乾身，啲料多到.....雞肉、肉鬆、提子乾、菠蘿肉，勁豐富味道仲有蛋香嘅甜味，正！青木瓜沙律 - 除咗青木瓜絲、花生同埋紅蘿蔔絲，佢仲加咗腰果、車厘茄同新鮮紅提子，沙律當堂豐富同fresh過平時街食嘅好多。小食拼盤 - 因爲貪心，想試多幾款小食，果然無揀錯，每款都好好食呀，魚餅同炸芋頭春卷必吃。仲有，呢度嘅青檸梳打同泰式奶茶，堅有誠意。梳打水呢度用返泰國皇室都指定飲嘅Singha，唔係通街都用嘅7喜。泰式奶茶絕對飲得出用嘅係泰國紅茶，甜度適中。難得有咁誠意又好味嘅泰國嘢，仲可以坐得舒舒服服，絕對可以encore。…查看更多

成日經過呢間木船見到都好多人小妹係假期前同朋友決定要試一試 果然係要等陣位 不過好好彩,等左一陣就有位 食野之前仲可以學泰文 有一D推介既泰菜飲品都有好多特別款! 岩哂打卡 小妹同朋友叫左以下食物:青木瓜沙律($62): 份量都好大, 有青木瓜絲, 蕃茄, 提子, 幾開胃, 好似食極都仲有咁新鮮椰青($35): 幾清甜, 解渴一流新鮮柚子沙冰($42): 重點真係新鮮柚子, 柚子真係好新鮮 , 滿滿咁鋪係面 招牌菠蘿炒飯配虎蝦($158): 呢個上枱好震撼, 好大碟, 菠蘿, 提子乾, 肉鬆加兩隻大虎蝦, 配搭得好好 沙嗲串($63): 叫左一串牛, 兩串豬, 一串雞, 呢度既串燒都做得幾出色, 上枱仲係熱騰騰, 又唔會燒得過, 肉質仲KEEP到嫩嫩地 約好朋友, 下次要再試下其他野…查看更多

經過太和見到呢間餐廳門口裝修幾有特色於是就入去試下 餐廳裝修幾靚 真係好有木船既感覺 前菜點左青木瓜沙律 口感唔錯 酸酸辣辣 夠晒開胃不過對於兩個人既前菜就有啲多 未必食得晒啊再黎就係小食拼盤 最好食係炸春卷 配埋甜酸醬 好食！ 佢每樣有兩個架 食到一半先記得影 價錢都唔算貴 推介大家黎食下 炒飯點左串燒炒飯 一次過可以試串燒同埋炒飯串燒好香好夠味見到佢既菠蘿炒飯都好吸引架下次黎可以試下呢間餐廳有幾種魚可以選擇 我地就試左冬陰功 條魚上枱果時有火爐係下面燒住 保證熱辣辣冬陰功好夠味 唔算好辣 魚都好滑 唔錯叫左菠椰黎飲 呢個係椰汁沙冰 加埋菠蘿好有夏日感覺 另外泰奶都係好飲 唔會好甜 又好有泰國風味最尾埋單$400幾蚊 食到好飽 下次想食泰國野會再黎！…查看更多

呢間餐廳嘅裝修貫徹木船主題。店內裝修就係一架大木船，牆身、門口全部都係木板舖砌。門口右邊有木造嘅船位，天花吊飾有纜繩、船燈等等。兩旁有圓形鏡模仿船嘅窗口，加上色彩繽紛嘅噴畫，見到心情都好d～食物飲品造型設計都幾靚十分吸引眼球，味道唔錯。青木瓜沙律 $62沙律都幾大兜，味道係泰式酸辣汁個味，食落有蒜、酸、辣、甜四種味道混合，同生蝦點嗰個汁味道接近。沙律入面有車厘茄、提子仔、青木瓜、紅蘿蔔絲、腰果、花生等等。一開始食覺得沙律清甜清爽，食到下面就越嚟越辣，蒜味都變得濃郁幾過癮，一個沙律食到唔同感覺幾得意。Combo 小食拼盤（細）$52小食拼盤有蔗蝦、春卷、泰式魚蛋同泰式魚餅。呢個菜cp值高！醬汁味道偏甜，個人最鍾意個蔗蝦，熱辣辣，香脆彈牙，食落口仲有淡淡蔗汁香甜味。另外魚餅都好特別，質感好軟。春捲香脆、魚蛋質感係屬於比較鬆散嗰種。招牌菠蘿炒飯配虎蝦 $158第一次見菠蘿炒飯擺得咁靚☺️有兩隻大大嘅虎蝦，炸得香脆，蝦肉結實彈牙。仲有一串又甜又多汁嘅菠蘿。下面有肉鬆同紅色嘅泰式辣醬，甜甜辣辣有蒜味。炒飯飯粒分明唔會太濕，有炒蛋、雞肉、提子乾、菠蘿肉等等配料，鹹甜適中，味道不俗。脆爆芒果園 $58呢杯芒果沙冰酸酸甜甜，表面係大量忌廉，仲有焦糖醬、爆谷、芒果粒，後面仲有粒芒果雪米糍，入面係雪凍嘅芒果cream。芒果smoothie 本身都好冰凍幼滑。夏日巴東海灘（菠蘿椰子）$58椰子沙冰都係打得好幼滑，仲有半片菠蘿。椰奶味濃郁，最正係可以刮椰子肉食～…查看更多

好耐冇食過泰國野，就同friend黎左呢間木船食飯。呢間餐廳環境好靚，用木黎佈置，襯番木船個名。一開始叫左個青木瓜沙律，味道酸酸甜甜咁，十分開胃。份量都好多，應該夠3個人以上食。跟住叫左個串燒雞柳泰炒飯。呢到嘅炒飯真係好好食，炒飯好香，鹹淡適中入面仲有啲類似豬肉乾嘅肉粒。而雞柳串都好香，仲有沙嗲汁可以點黎食。最後就叫左個酸辣明爐烏頭。雖然叫酸辣，但其實唔係好辣，只有少少辣味，岩晒我呢啲唔係好食得辣嘅人。個湯汁都係酸酸地，好易入口。入面仲有磨菇點綴。而烏頭方面，烏頭肉質鮮甜，魚肉都好多，又唔會好多骨，值得一試。我地都叫左兩杯野飲，一杯係鮮柚子沙冰，另一杯就係叫泰公主。鮮柚子沙冰有好多新鮮柚子果肉，飲品幾甜，唔會好酸。而泰公主就會較酸，入面都有士多啤梨果肉…查看更多

今晚相約到朋友去太和一帶搵好野食，行到太和路近翠怡花園一帶時，見到有間食泰國菜的餐廳，它的門面有别於一般的泰國菜餐廳，看似沒什麼特别，但一開門進去便見到餐廳內裝飾得像在船艙內一樣，天花掛著一束大麻繩及設計特別的小燈，旁邊有很多面鏡，就像船艙內的窗口一樣，而餐廳的中間打單位置伸延出有張大枱像船頭一樣，內裡還可存放食具，真的打做得非常别具心思。 我們坐低後商議點了青木瓜沙律、Combo小食拼盤、溶岩椰青海鮮焗飯，還有兩杯飲品，我點了杯用新鮮草莓打製成的沙冰，他們叫泰公主，泰文叫帕差拉吉蒂雅帕，朋友就點了杯脆爆芒果園，睇著menu上的圖片已非常吸引，menu上第一、二頁還寫滿簡單的泰文，可給客人參考學習。 和朋友一邊聊天，很快我的飲品便出場了 泰公主沙冰，色澤紅紅的，當店員放抵它時已聞到很香的草莓味，飲落，嘩，草莓味濃郁，有別於出面飲到的沙冰。接著青木瓜沙律都來了，青木瓜非常有咬口，配埋酸酸味味的泰式醬汁加埋小紅提的清甜味道，整體非常之夾。到Combo小食拼盤及溶岩椰青海鮮焗飯都出場了，溶岩椰青海鮮焗飯用了個大椰青裝著，滿滿的飯和海鮮，面頭淋上椰漿汁製作成流出來的溶岩漿，飯旁邊放著一杯水，我正奇怪為何會放著一杯水在那裡時，朋友便諗到那杯應該是原先那個在椰青內的椰青水，於是朋友飲了一口去確認了，Bingo, 海鮮飯中有蝦，巳預先剝好殼，方便食用，帶子慢煮成八成熟的狀態，食落口感嫩滑，墨魚圈爽口彈牙，而青口食落還有海水及鮮甜的味道係當中，有別於平時出面食的雪藏無味道，至於下面個炒飯，當中加有蛋、紅蘿蔔和菜絲混合埋濃濃的椰漿汁和芝士一起去焗，筆起的時候還可與內裡的鮮椰肉一起配合食，非常滋味獨特。而小食拼盆，當中有庶蝦、肉丸，魚餅和米紙春卷4款不同油炸小食，庶蝦彈牙鮮甜，肉丸吃得出是用新鮮的豬肉打成的，咬落還有些肉汁流出，魚餅吃落鮮甜，至於米紙春卷就非常香脆可口。在我們一直享受緊美味的食物時，朋友的飲品突然登場了，脆爆芒果園，非常巨大，面頭滿滿的忌廉上充滿新鮮的芒果汁及爆谷粒, 而杯中就是用了新鮮的芒果和乳酪打製成的沙冰，朋友話飲落酸酸尾尾，非常之清新，她一邊發掘及飲用時還飲到有新鮮的芒果粒係裡頭，突然她吃到一粒軟棉棉的物體，原來是粒麻曙，她說還飲到些似啫喱狀的物體，估計是menu 上寫的芒果布甸吧，朋友說口感十足，非常之過癮。全部的食物都非常新鮮美味，我們吃到非常之飽和滿足。…查看更多

朋友生日所以揀左黎依間航海主題嘅特式泰國小店喇一入去發覺入面佈置一如其名，成隻船咁有埋船窗，就連座位都用埋木桶，好特別又有心思！我地今日雖然係平日晚上，都要等左一陣位。依間野假期大排長龍嫁，所以假期要預多啲時間等位喇。一打開menu就俾啲特飲吸引左泰國巧克力巨人super size成堆cream仲有百力滋同kitkat條裝巧克力，好邪惡！大大杯飲極都飲唔完，好抵飲，如果甜度可以降少少就perfect 喇朋友叫左多啲莓，沙冰飲品有粒粒果肉，味道好真唔會係藥水味，仲有薄荷葉同blueberry 做裝飾。前菜叫左青木瓜沙律同埋小食拼盆，沙律帶啲辣味食落好惹味，至於小食拼盆有魚餅、蝦球、春卷幾款小食，配埋自製泰色辣醬好夾！最欣賞係溶岩椰青海鮮焗飯，成個椰青刮空左裝住滿滿嘅飯，仲有青口、帶子、鮮蝦好豐盛啊個醬調得好好味又唔會太濃，另外仲有一杯超甜椰青水附埋，抵到呢！…查看更多