龜記茗茶 (新都會廣場)

今日約咗成班朋友一齊去個friend屋企玩，聚會點少得手搖飲品，之前見依間台灣手搖飲品喺葵芳新都會開咗，一路都未有機會去試，趁今日呢個機會試吓係咪台灣嘅原味道門面好有台灣裝修風味，雖然我係小人物，都要享受一下生活，嘆番杯手搖我哋主要揀佢推介嘅飲品，價錢算係一般手搖飲品嘅價格1.茶王珍珠奶茶第一個一定要試一定係茶王奶茶，推介大家一定要加珍珠，佢啲珍珠唔係一般手搖飲品店嘅黑色珍珠，係透明，仲有少少粉色嘅珍珠，顏色吸引，咬落仲好煙韌份量好多，但最出色都係個茶底，茶味好重，好香濃，唔會俾奶冚咗浸茶味，果然係茶王2.三韻珍珠奶茶呢個係佢啱啱新推出，餐牌都未有加入去， 三韻即係蜂蜜珍珠奶茶，蜂蜜味道係好純正，唔係普通一般嘅蜜糖味，加入珍珠奶茶味道升級左一個層次，值得一試3.普洱珍珠鮮乳茶普洱珍珠鮮乳茶嘅奶味超濃郁，普洱茶嘅香味同鮮乳融合埋一齊，但傾向奶味較重小朋友都啱飲三款珍珠奶茶都各有優點，適合唔同口味嘅朋友，我哋都好欣賞唔同茶款有自己特色4.雷夢蘆薈蜜一開始唔知雷夢係乜嘢，仲怕會中伏，睇到推介先知原來係lime，見佢咁特別，所以我哋都試咗一杯，發現原來都唔錯，加上有蘆薈粒粒喺裏面，口感好清爽，蜂蜜味道唔係太甜，夏天飲仲好開胃朋友平時唔太鍾意飲珍珠奶茶，所以揀呢款，飲過都讚唔錯5.紅柚翡翠最後係我揀嘅紅柚翡翠，因為見佢好特別，有好多人飲完都好推介，所以我就決定試吓佢，點知飲落真係好唔同，柚子肉非常之多，可以話每一啖都有，酸酸甜甜好開胃，夏天真係好啱飲夏天我哋有多一間必飲手搖店…查看更多

過到嚟「新都會廣場」攞嘢，偶然經過呢一間「龜記茗茶」，印象中好似舊年年尾晌台灣踩單車時見過，因為個名比較特別，見唔少人幫襯，就試番兩杯。晌等待期間，上網睇睇，原來佢晌台灣有超過百幾間分店，主打健康天然古早味嘅茶飲，唔會太多花巧嘢，並以較高級嘅茶葉做茶底，務求以質取勝。一般台式茶飲店嘅裝修都比較簡約，呢度都唔例外，不過，晌一側墨綠色瓦仔牆身上，寫住「#小人物大生活」，喺幾搶鏡，見唔少人企埋去打打卡。餐牌嘅分類都幾文青：醇萃、鮮調、鄉韻、奶茶、鮮乳、蜜蜂工房，仲兩款配料可加，如大多數台式茶飲店，糖度及冰度都可以自選，少量款式除外，如蜜蜂工房系列就有糖度固定。如果心大心細唔知揀咩好，就不妨晌「熱銷排行榜」中睇吓有無心水！小弟一向喜歡珍珠奶茶或鮮乳飲品，而蜜蜂嘢就啱晒我老婆。佢哋都沖咗啲奶茶俾大家試飲，不妨飲杯試試再決定揀咩飲。環保少少用上紙杯，不過，就可惜啲睇唔到裡面個樣，但都麻煩咗店員未封蓋前俾小弟影張相，難得佢哋又無所謂，服務一欄加多少少分:)！雷夢蘆薈蜜 $42老婆問我咩叫做「雷蒙」，哈哈！如果去得台灣多你就知佢哋好多音譯嘅名詞改得特別有詩意，「雷夢」咪即喺檸檬囉，但呢杯所用嘅喺青檸，加上用咗「蜜蜂工房」嘅天然蜂蜜，飲落味道清新滋潤，加埋杯內有唔少蘆薈粒粒，添加多一份口感，清爽解渴。碎銀普洱鮮乳+珍珠 $43雖然久唔久都去飲茶，唔喺香片就普洱，不過，好老實再細分嘅，就真喺唔講究喇。而眼前呢一杯碎銀普洱鮮乳當然喺以鮮牛奶為主打啦，飲落香滑，奶味濃郁，細味之下滲出茶香，同飲奶茶又有啲分別，而珍珠口感比較軟糯多啲，但落得非常之多。一杯台式茶飲好唔好，歸根究底都喺講用料，用料好就已經成功一半啦，加上好嘅配搭，製作認真，都差唔得去邊。…查看更多