稻八日式火鍋炸物放題

平時打邊爐打得悶？今次我終於找到一間既可以任食火鍋，又有另類食物任食。我急不及待地帶朋友去食，說一定會為她帶來新鮮感，就是稻八日式火鍋炸物放題。我個人覺得，餐廳的名字可以再吸引一點，因為它的炸物並不是一般我們放題食開的，而是要自己動手，既好玩又好食的「炸串」 。餐廳位於大埔舊墟，熟悉大埔的朋友都知道這條街，從大埔超級城行過去都是5-10分鐘左右。我們食第一輪，5:30-7:30，價錢便宜點，又少人一點，食完還有時間讓肚子消化一下。我們今次來，除了想打邊爐之外，其實都想嚐嚐稻八的炸串放題。所以我們選了一個比較入門級的牛肉任食套餐。✢ 1. 炸串放題炸串的選擇非常多。老實說，單食炸串亦可開一個套餐放題，讓人一邊飲酒一邊食炸物。款式有：蝦肉、燒賣、番薯、菇類、秋葵、青椒、丸類、腸仔、火腿等等。加上，炸串並不限於菇菜類，亦有部份肉類選擇，值得一讚。首推當然是蝦肉炸串，想不到竟然會提供已除去蝦殼的蝦肉，用來伴酒一流。將炸串沾上炸醬及米糠，再放入爐內適時取出，再輕輕灑上調味料（稻八提供六款調味料選擇），感覺就像在日本食炸串一樣過癮。我會推介灑上海苔味、七味粉，更加惹味。✢ 2. 壽喜燒甜醬油湯 ＆ 台式鴨血湯火鍋湯底選了雙拼。一款為壽喜燒甜醬油湯；另一款為台式鴨血湯。壽喜燒湯底帶淡淡甜香，不會搶奪配料本身的味道，而且其甜味會令到更加開胃。至於鴨血湯底就偏向濃味，帶陣陣辣香。兩個湯底之下，我會將肉類放進鴨血湯底，菜類放進壽喜燒湯底，避免過份吸油，健康一點。✢ 3. 特級美國穀飼牛放題這份特級美國穀飼牛放題套餐為入門級的選擇。肉類主食方面包括特級美國穀飼牛、美國自然豚肉片、羊肉、日本北海道雞片，四款基本肉類。雖然這是入門級，但其牛肉質素亦有保證，食落絕不韌口，牛味濃郁。日本北海道雞片亦不錯，相當滑口，可以encore。✢ 4. 自助吧當然，火鍋除了肉類之外，其他配料亦非常重要。稻八的自助吧亦有大量選擇，丸類、腸仔、豆腐、菇菜等等。值得一提的是，自助吧旁有兩位姐姐在切菜，相當新鮮。✢ 5. 甜品任食方面，還包括大量甜品，可以任取的包括雀巢雪糕。喜歡食雪糕的先等一等，因為最後每人可以憑單據換領 Haagen-Dazs、Movenpick 或Dreyer's 杯裝雪糕，所以一定要留肚到最後。稻八除了火鍋好食之外，其炸串亦是重點之一。果然是，一邊打邊爐；一邊玩炸串。…查看更多

難得走入太和區，想打下邊爐但又想去下新的火鍋店，看這間介紹的環境和裝修不錯，很附合現代的美感亦非常日式，就選擇來這一間了。我們一走到店，空間十分闊，服務員已經馬上招待，態度很好，位置和空調也十分舒適，不會感到冷氣不足和位置太迫，選這間沒有令我們失望。餐廳自助區也有很多選擇，有可直接食用的螺肉，中華沙律等等，其他肉類和菜都有充足供應。飲品方式反而選擇唔多，但有無糖亦有很大眾的飲品，相信也足夠我們去選擇。至於火鍋放題食物和湯底的素質不錯，接下來主要分四個方面來說，火鍋配料，肉類及海鮮，炸物和甜點。火鍋的湯底我們點了牛乳牛骨湯，牛奶味也很濃郁，十分順口。其次，火鍋配料種類繁多，有各種菇類，蔬菜，肉丸，午餐肉和豆腐製品等等。其中，菇類和蔬菜的表現非常出色，清新可口，能中和不斷吃肉的油膩感，而肉丸及豆腐製品的口感則是正正常常，不過不失。不過，午餐肉真的是太鹹了，有點失水準。火鍋配料附近也有一盆沙拉，味道不錯，十分適合愛吃素的朋友。火鍋放題主打的肉類及海鮮則令人驚艷，澳洲和牛牛肉的顏色很鮮豔，油花的分部也十分漂亮，澳洲和牛牛舌也彈牙可口，令人停不下口，餐廳所提供的豬肉和雞肉表現也符合其水準，不過個人還是更愛吃牛肉。海鮮的種類也多，足夠新鮮，解凍也沒有問題，個人認為海蝦的表現最出色，爽口彈牙，值得執行。餐廳更設有炸物區，客人可以自己動收炸天婦羅，十分有趣，味道也還不錯，有興趣可以一試。最後，餐廳也有提供甜點，放在火鍋配料區的小蛋糕，一人一杯的哈根達斯雪糕，其他可以任吃的雪糕，也算是不過不失啦。…查看更多

大埔既舊墟直街一向好多好野食~~~上次去完OPPA韓國燒肉放題，今次就選擇左日式火鍋+炸物放題 - 稻八!!!! . 而阿魚同朋友就選擇了「海鮮拼盤火鍋放題」($248)，除左有雞肉、羊肉同豬肉外，重有海鮮拼盤一大盤!!!! . 🐟💬： . 呢個放題，有好多湯底可以選擇，今次阿魚選擇了： (1) 鏗魚昆布清湯 (2) 北海道3.7牛乳牛骨湯 . 極推介「北海道3.7牛乳牛骨湯」，湯底都幾有奶味，同埋好滑!!!!! . 無論食肉或海鮮都岩!!!! . 而肉食方面，就有雞、羊、豬選擇，不過就無牛肉!! . 但係餐廳的雞肉同豬肉都係非常嫩滑~~~會令人不斷叫黎食!!! . 另外要推介的就是「八爪魚」，爽口彈牙!!!正!!!! . 同埋元貝同扇貝都好食!!!!! . 好大隻之餘，又有鮮味!!! . 生蠔有蠔味，同海水味!!! . 出面重有好多配料比你拎!!!!正!!! . 如果你玩炸物放題，一定要炸蝦，因為蝦好食、彈牙!!! . 亦有野飲同熱茶!!! . 除左臨走前，會有一杯雪糕送比你外，果到重有d雪條同燸米糍比你任拎!!!.有哈根大師同埋MOVENPICK比你選出 <3. 所以真係會捧住個肚離開...... . 🐟FISH'S REMINDER🐟💡阿魚提醒💡 . (1) 留意返，「海鮮拼盤火鍋放題」($248)係無牛肉的 . (2) 海鮮拼盤只有蝦、八爪魚、蜆、蠔等，係有得再叫，而帆立貝、北寄貝、螺、元貝係無得再叫的。 . (3) 記得要預留時間去玩「炸物放題」，炸物方面都好多選擇，不過阿魚就炸左燸米糍!!好似炸雪糕咁好正!!!記得千其唔好炸太耐，唔係既話，D雪糕會溶晒。 . (4) 多選一個湯底要另加18元 . 🐟📝：8.5/10 …查看更多

今次是特登入大埔帶媽媽去食放題的~本身果日我冇咩心機，因為近排太多鎖事心很煩，但係食左呢餐之後，又成個人開心返哂稻八是連鎖店，質素甚具保證~睇這頁MENU，感覺好似食緊牛xx, 牛x 咁，但呢度是更豐富更好味~~食牛肉就梗係揀甜鼓油湯啦! 不過有機會都想下次試~~肉類方面，我就揀左米國穀飼牛連刺身套餐~~有剌身食先似放題架MA~未食之前，行個圈，睇下環境，再計劃下食野的策略先~~開頭以後雪糕得呢D~~到我埋左單之後竟然有驚喜喱~~好戲在後頭! (PS, 呢D雪米滋有幾隻口味, 芋頭、芒果、云尼拿同芝麻等~都幾好味, 唔覺意咁食左幾粒~~好多蔬菜呀~~擺放得好乾凈整齊~飲品櫃附近就是醬料BAR入面有HOMEMADE的薄荷青檸梳打，好似NON ALCOHOL的MOJITO，非常清新，但有點甜，如果加D冰會更好飲~~~我行完個圈返黎，就見到成枱都係野食了~擺到整整齊齊添~~全部望落去色澤都好鮮明，唔會好似剛剛在冰箱拎出黎咁，望落算幾新鮮~~肥瘦同厚薄恰到好處，份量仲剛剛好，食一ROUND已經夠飽，唔洗再操心要再加單了~以下幾樣肉類係我推介的~~北海道雞肉片~薄切無筋好味道~而且一D都唔肥，並唔係平時食果D急凍雞脾肉~美國穀飼牛真係好有牛肉味，口感一流， 一放落去游兩個圈就食得，而我最愛就是牛頸脊呢d 有嚼勁的位置，又juicy 又濃味，食極都唔厭！另外，牛柳粒都非常正，唔一定要燒黎食，打邊爐都能保持原汁原味的！呢度d 肉質素好好，放心加錢upgrade d 靚肉啦！超級豐富的說~~蔬菜都唔野少~~食到7分飽先記得點刺身，原來是任點一次的，我開初仲以為係店鋪自己安排一小碟拼盤咁，知道任叫覺得好抵，但個胃quota 有限，叫左最鐘意的刺身每樣幾件就算(都唔少), 食材認真新鮮乾净，特愛大甜蝦！YUMMY!!要說的另一重點是，呢間放題仲主打了炸物的，特別之處在於俾你自己炸~~~呢D咁似川菜的串串香~??非也!! 係串好哂的俾你用黎做天婦羅的然後你會問，手殘星人點炸呀~???見到上面呢個架步係咪覺得好似玩緊煮飯仔咁呢~??放心，食材好乾爽，先將串串放入炸漿，再火入熱油炸，極安全，不過還是唔好俾小朋友炸了~~雖然我覺得易到小朋友都識整~~炸好左喇~~仲有D蒜鹽,黑椒粉哂上去, 大師作品呀!!!!正!!!有響鈴同山根無限供應~仲有d 熟食，例如8爪魚仔同中華沙律呢d 童年經典日本前菜，格中食下，覺得冇得頂呀！更加有d 好多不同的有餡丸任食，我最鍾意呢隻流心芝士丸，有些少芥辣味幾過癮~食到好滿足，走的時候發現門口原來有個小冰箱放貴野雪糕，有movenpick, haagendaz同dryers deluxe, 正呀！拎埋走邊行邊食，有d 又食又拎嘅感覺~~千祈唔好錯過喇~…查看更多

相約朋友到大埔這家日式火鍋炸物吃放題，全因知道這裡有一個 DIY 炸物區，可以自己做天婦羅，有得玩又有得食。放題除了有我喜歡的 DIY 炸物外，還包括日式火鍋、仼飲非酒精飲料、沙律吧及雪糕，加$30 就可以享用清酒、梅酒及日本生啤放題。極上安格斯牛小排放題 $258 - 我們選擇了$258的極上安格斯牛小排放題配味噌芝麻豆乳湯。套餐包括特級美國殻飼牛、美國進口牛肉、羊肉、美國自然豚肉片、日本北海道雞片，刺身、炸物，並送牛白肉、牛𦟌、花膠餃子和墨魚膠等。任食自助區 - 蔬菜、什菌、丸類、腸仔、豆腐、芋絲、各式麵食、漬物。DIY 炸物區 - 一串串已經串好的食物，自己點上天婦羅炸粉，再放入油炸，可配自己喜愛的調味。仼食糯米糍和榴槤綠豆雪條任飲非酒精飲料Movenpick 或 Dryers 雪糕，每人限食一杯。…查看更多

窩夫與蝦子餅在大埔稻八用餐，有緣遇上住在大埔的好友，原來稻八很受大埔街坊歡迎。窩夫與蝦子餅選定了每位238元的極上安格斯牛小排放題，限時120分鐘。為慶祝荃灣分店一周年，惠顧238元放題的客人每位只需加20元便可無限追加澳洲M6和牛。選好放題級別，便選火鍋湯底，基本湯底有八款選擇。窩夫與蝦子餅選了鰹魚昆布清湯，一滾起便香氣撲鼻，路過的鄰桌食客也聞到很香呢。醬料自助吧。無限任飲的飲品選擇不少，窩夫習慣喝沒有氣的飲料，取了蜂蜜雪梨。蝦子餅取了來自韓國的蜜瓜味牛奶飲品和咖啡味牛奶飲品，包裝太可愛了！沙律吧的沙律菜看來很新鮮。第一輪的嚴選澳洲M6和牛盛合來了，有牛肩胛肉、下腹腩肉和牛胸肉，三個部位的口感都不一樣，窩夫特別喜歡腍滑的那種，三款的共通處是牛味濃郁，叫窩夫與蝦子餅吃得津津有味。手切牛肉的水準也不錯，但比不上澳洲M6和牛。花膠軟硬適中，吸收了湯底，十分好吃。牛白肉與牛柳粒。從自助吧取了油揚、響鈴、蕃茄、雞髀菇、冬瓜和粟米等。還有金菇、芋絲和魚蛋等。惠顧238元或以上的放題還可以任食刺身，點了三文魚、鮑片、榮螺、八爪魚、大北寄貝、劍魚、甜蝦、象拔蚌、櫻花魷魚和帶子，排得很整齊。三文魚是腩位，非常肥美，其他各款都新鮮味美。美國豚肉片、羊肉片和雞件，其中以雞件比較遜色。墨魚滑和蝦滑各有特色，墨魚滑比較彈牙，蝦滑的蝦味超濃，蝦子餅形容為燒賣味。再來一碟澳洲M6和牛。稻八的一大特色是可以自己動手做炸物，也是任食的。任食的雪米糍有兩款口味，另有四款雪條。結帳時會派發一張雪糕紙，每人只限一杯。窩夫選了Haagen Dazs士多啤梨味雪糕，蝦子餅則選了Movenpick雲呢拿味雪糕。…查看更多

好耐冇打邊爐喇！天時暑熱有時真係唔想打。不過聽朋友講哩間日式火鍋除左有平時食到既火鍋料之外，仲有得自己整天婦羅嫁！😆出面既火鍋料都幾齊全，我想食既材料都有齊哂，最特別既係有蕎麥麵同日式甜品！普通既火鍋料就唔多講喇，不如講下個湯底啦！今次叫左壽喜燒同埋鴛鴦鍋(味噌芝麻豆乳+地獄火岩)，壽喜燒鍋底比較淺，味道係帶半咸半甜既醬油味，因為底淺所以水分好快會蒸發，所以湯底會好易變咸，要不斷加水沖淡先得！而味噌芝麻豆乳湯就幾正，真係飲到少少味噌同豆乳味，同豬骨湯其實又有d似😂 地獄火岩我就冇試到，因為本身唔食辣，叫到地獄又好似好激咁😂😂 不過我既好辣朋友話味道唔錯，又唔算太辣，鐘意辣味既你要試下喇！我地叫左最貴果個set,全部肉同海鮮都想試諗住都唔爭得幾多😁 佢地既M6和牛好正！推介你地食，M6和牛夾透晒光切得超薄身，油脂分佈好平均，唔會一碟靚一碟唔靚，牛味算幾濃郁，食入口真係會化開嫁！😜 自製天婦羅…選擇都幾多！例如有蝦 、菇類、茄子、芝士腸、素帶子、麻吉燒丸、南瓜等等俾你炸！仲貼左張步驟提示俾你step by step跟住整，平時喺屋企都好少整天婦羅，今次可以整番夠本喇😁 只要沾完粉漿同天婦羅粉就可以落油炸兩分鐘，個人覺得炸蝦同麻吉燒丸都唔錯😋 整體有得玩有得食都ok啦！不過都係唔會食得多，此終都係熱氣油膩野嘛😚最尾緊係要食埋甜品啦！哩度除左有D牌雪糕之外，仲三款日式甜品，每款都幾好食。抹茶和果子外層既透明水晶皮好有彈性，抹茶餡份量同甜度都岩岩好👍紅豆糯米卷，入面除左有紅豆餡之外，仲有蕃薯蓉😜 好有驚喜！糯米皮又幾有咬口幾煙韌。另外果款雪梅娘就一般啦，都係糯米皮包住好多cream，食完都有d膩。…查看更多