金鶴拉麵 (閩街)

今日因為要去土瓜灣影相，所以就諗住喺土瓜灣食嘢，點知揀極都揀唔到食乜，最尾老公就提議去佐敦嗰度食拉麵，佢話佢之前食過好好食想我去試吓😚😚因為本身我哋都好鍾意食雞白湯，所以就叫咗一個雞白湯拉麵（😋8/10)同埋一個雞白湯沾麵（😋9/10)跟住我哋仲嗌多咗一個燒鰻魚（😋10/10)，同埋一個餃子(😋9/10)佢個燒鰻魚真係好好食，好厚冇乜骨同埋燒得好香，個醬唔會死甜（😋10/10） （好味到掛住食唔記得咗影相）佢哋10月做緊優惠，最尾第二個拉麵半價😝😝😝…查看更多

雞白湯拉麵愈開愈多，搵間就腳嘅試下。2個人，叫左4樣野，雞白湯拉麵無揀特濃，要左個基本版，另外試一試沾麵，同兩款串燒，黑椒牛舌同鰻魚。湯麵正常發揮，湯頭香濃唔咸，無味精感，叉燒同雞肉厚薄適中，叉燒無油膩感，如果想食麵又驚食滯就啱曬。沾麵驚喜，沾汁唔會過咸，唔算杰身，麵身較粗，配合到沾汁做到掛麵效果，食落比湯麵口感更好。鰻魚油脂感飽滿，魚皮香口，一串兩人分啱啱好，喜歡鰻魚可以直接叫鰻魚飯，牛舌厚切，牛味ok但黑椒味太濃，失色。…查看更多

政府禁晚市堂食 唯有提早下午茶嘅時間出去搵下好嘢食 呢間分店有聽過人介紹 但係自己甚少去佐敦今日去完附近做野  就決定食番個熱辣辣既拉麵門口裝潢幾有日本氛圍 位置有吧檯 如果食串燒望住師父燒都好有日本氣氛 最期待係佢個雞白湯湯底 因為平時唔多拉麵店有 雞白湯沾麵 $138雞白湯湯底非常濃郁 有微微黏口嘅感覺 睇落去平平無奇但係食落去非常驚豔 個面都非常彈牙 片肉有少少慢煮feel 呈現粉紅色食落好嫩口蠔拉麵 $138拉麵成個湯底好香濃嘅蠔味 成個湯都飲哂😋上面仲有啲蟹肉加埋豚肉 好豐富半熟蛋加埋蠔湯都幾好食燒多春魚 $58呢個多春魚燒得非常惹味 好有日本燒物水準一份有小小唔夠喉燒牛舌 $68牛舌火喉控制得好好 夠嫩亦香口juicy估唔到呢間拉麵店除咗拉麵好食，串燒亦都非常有水準👍。食物：8/10 價錢：8/10  環境：9/10…查看更多

咁耐冇旅行已經好耐冇食過日本嘅味道，一直都好懷念日本拉麵嘅味道，而疫情期間最方便就係叫外賣，最近知道只要用Openrice係佐敦分店外賣自取就可以有8折，而部分小食更可享有半價，真係好抵，所以今次即刻黎試下外賣同堂食有冇分別！金鶴雞白湯沾麵($138): 沾麵微冷，配上暖暖嘅湯就恰到好處，湯底濃郁，而且份量極多，拉麵軟硬適中，另外配上超嫩嘅雞肉同叉燒，赤雞肉經低溫慢煮，入口柔軟嫩滑，而叉燒層次分明，帶有脂香，入面仲有一隻溏心蛋，煮得好入味！日本明太子雞翼(2pcs)($48): 雞翼炸到脆卜卜，少少辣好惹味，入面仲釀咗滿滿嘅饀料同明太子，超推薦！燒雞泡魚乾($68): 雞泡魚乾用醬汁去燒，食落唔會太乾，而且同沙律醬好夾，絕對可以一試！…查看更多

鹽味拉麵$88雞白湯沾麵$138好味指數：😋😋😋😋😋抵食指數：💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：路經官涌街市，發現一間看似頗高級的拉麵店，所以一試。試了2款拉麵。鹽味湯底清，但帶重重的魚介味。雞白湯用赤雞熬煮，有濃濃的雞味，又creamy。2款湯底都不油，比平時吃到的豬骨湯底沒那麼膩。拉麵是粗身的那種，夠彈牙又掛湯。叉燒和雞胸肉都不肥，又不鞋口。要推介大家參加他們的會員計劃。可即時獲得溏心蛋或可樂。$1=1分。儲夠1500分，便可獲得鰻魚飯一客。…查看更多

香港雞湯拉麵唔多，今日就試下過江龍金鶴拉麵。💁🏻‍♀️有別一般拉麵店，座位都算闊落，仲有籃可以放袋。👍🏻除左拉麵仲有鰻魚飯，不過我就為左拉麵而黎，分別試左雞白湯拉麵同沾麵。.🍜雞白湯拉麵 $138炸牛蒡好吸睛，雞湯好白好奶好似忌廉湯一樣咁濃厚，啖啖都係精華，慢煮雞肉同叉燒都好嫩滑，麵質中間偏硬同湯夾都好夾。溏心蛋做得好入味，如果再流心就更完美。.🐔雞白湯沾麵 $138湯底同拉麵唔同，顏色無咁白，點知沾上麵食一樣咁濃味真係好神奇，不過可以再熱D。雞肉比拉麵既多，可以食返夠本。裝修非常日式比左好多心機，環境都舒適。.💁🏻‍♀️另設加一服務費，差唔到$150一個人，抵唔抵就真係見仁見智————————————.…查看更多

之前喺跑馬地嗰間座銀試過雞白湯拉麵，一值都很喜歡。今日朋友推介來到佐敦閩街的金鶴拉麵，都係以雞白湯拉麵做招牌。這間店位置比較隱蔽，係喺對住上海街嗰間日本城嗰條橫街，同周邊有點格格不入。.裝修同環境都舒適，但當然唔會有日本嗰種感覺啦。我哋叫咗三個拉麵兩份小食。總括來說，味道幾好。只係拉麵個湯底唔係喺店內烹調，而係東京空運直送 🤭，配嘅係熱茶而唔係冰水。=============🍜特濃雞白湯拉麵($135)，兩塊慢煮雞肉，兩塊豚肉叉燒，半隻溏心蛋，炸牛蒡，葱絲等材料配上雞白湯。.雞白湯以日本赤雞、鰹魚魚介、素菜等食材熬製成。濃郁香滑，味道有點像忌廉湯，雞味略為內斂。不過其實都唔係喺店內烹調，而係東京空運直送 🤭.雞肉是用上日本薩摩赤雞胸肉以慢煮烹調，口感嫩滑。黑豚肉叉燒層次分明，肥瘦適中。炸牛蒡香脆可口，不要浸湯吃。溏心蛋做得剛剛好，流心，香甜。麵條，煙韌爽滑。.🍜雞白湯沾麵($138)，跟雞白湯拉麵相若。唯獨湯不夠熱。而且我覺得雞白湯做拉麵比較適合。因為沾麵，麵同湯分開上，比較適合味道濃郁嘅豬骨湯。.🍜黑蒜醬油拉麵($98)，兩塊慢煮雞肉，兩塊豚肉叉燒，半隻溏心蛋，昆布等材料配上秘制黑蒜醬油湯混合鰹魚湯，入口黑蒜味香濃甘醇，不會太油膩或過鹹。.跟餐+28可追加小食，我哋點咗炸赤鷄同芥末八爪魚。.=============…查看更多

推薦指數：🤩🤩🤩🤩佐敦一向多好野食 ，今次就黎試頗有人氣的金鶴拉麵啦！位置係佐敦站同柯士甸站的中間，要一讚的係店內環境舒適、店員服務態度好好！😀👍🏻同朋友BOOK好位一去到就有位啦，我地嗌左雞白湯沾麵同埋生燒蒲燒鰻魚飯🤤雞白湯沾麵一到就見到滾燙濃郁的雞白湯底，半熟蛋同慢煮雞肉係另外碟上，而拉麵亦都分開一個碗上，自己可以按自己的喜好去沾雞白湯的份量。😋個雞白湯比想像中濃味同杰身，麵條的軟硬度適中剛好，沾住雞白湯底一啖「雪」入口，爽呀！食麵就應該係咁「雪雪雪」先得！而慢煮雞胸肉質淋滑，雖然味道好啖但配埋濃味的雞白湯，所以係岩岩好！而溫泉半熟蛋當然係不可缺少！😚但今晚另一期待的係莆燒鰻魚飯🤩，因為我同朋友都好鐘意食鰻魚，所以見到有呢個鰻魚飯立即二話不說就嗌啦！即點即生燒鰻魚飯，鰻魚份量十足，厚身得黎但燒到表面焦脆，一啖鰻魚一啖飯放入口，感覺到鰻魚油香係口中爆發✨。個鰻魚仲熱辣辣，真係岩岩即燒好就送上黎☺️兩個人一齊SHARE沾麵同鰻魚飯係岩岩好呀。滿足哂一次過試到金鶴的兩大招牌菜！…查看更多

朋友閒時最鐘意跟住餐廳排行榜周圍搵食，有次行到呢間好評十強門口，可惜撞岩落場時間，一直念念不忘要再黎，今日我就黎陪佢還個心願。活燒蒲燒鰻魚飯 ($198)炭燒香氣撲鼻而來，表面焦香微脆更加正中我死穴，急不及待夾開鰻魚，就發現同平時食開既唔同。 如果你習慣軟糯至可以輕易以筷子斷開既肉質，可能會愣然呢度既鰻魚不論皮肉都好有彈性，絕對唔係傳統日本食到入口即融個種，反而係似彈牙既燒白鱔串燒，甚至近乎脆肉鯇咁爽口。 緊緻有回彈既魚肉同時有香醇既油脂，同稍稍沾上濃厚燒汁既七星米一齊放入口，魚油同米香交織出和諧樸實既美味。我最欣賞燒鰻魚既火候控制得岩岩好，焦脆得黎仲好有肉汁，近乎叉燒窿邊既甘香酥脆令我好滿足。 平心而論，份量係同想像中有點落差，以此定價會預期係重量級3cm厚原條鰻魚，最後發現正常女仔食量都可以ko，厚度亦屬中等，但一試無妨。雞白湯沾麵 ($138)首先讚一讚雞白湯上台時起哂泡好夠熱，用比湯麵粗身既麵條沾湯，掛湯力唔錯，口感亦幾煙韌。 雞白湯濃厚有奶香，真係感覺到包含左赤雞既精華，雞味濃郁鮮甜。 配料揀左火炙日本黑豚叉燒+慢煮日本薩摩赤雞胸肉，前者有輕微火灸香氣未算入味，後者好軟滑，整體不過不失，未有太大驚喜。沾麵湯由於唔係石鍋咁上、麵條亦經過冰鎮，所以凍得比較快，個人覺得凍左會有少少腥。但少有地menu已經寫明可通知店員加熱湯底，過程流暢，大致上全程都食到熱辣辣既沾麵，抵讚。 最後可以加鰹魚湯調淡沾麵湯就咁飲，湯底會變成以魚味為主調，一個價錢食到幾種味道都唔錯。醬漬日本糖心蛋 (Free, 原價 $12 x2)一坐低就見到大大個QR code寫住做會員即送糖心蛋或汽水，即時dl app用入會既100分換左客糖心蛋。 入味就不在話下，半熟蛋漿creamy又有蛋味，朋友話係成餐最好味喎，所以連埋沾麵附有既一隻，前後共兩隻糖心蛋佢都輕鬆啪哂，足見有幾正。唐揚炸赤雞 ($33)新鮮炸起，雞皮好香脆，嫩滑有肉汁。不得不提服務貼心得過份，成餐起碼添左廿次茶，直到埋單一刻依然飲到熱茶係感覺良好既。…查看更多

『金鶴拉麵』已經不是第一次吃，之前去過佐敦分店已很喜歡它的拉麵，今天來到北角的分店，決定要再次回味一下～北角店的menu跟佐敦店的一樣，不過店面比較小，下午2時半來到，過了午飯時間，所以店內客人不算多，我和友人就找了角落位置坐下。這次沒有點「雞白湯拉麵」，而是選了「黑蒜油醬油湯拉麵」，一來到已聞到黑蒜油香味！試試湯底，沒有想像中濃味，反而是屬於較清的那種，並不油膩，咸度亦剛剛好，與平時吃的黑蒜油湯很不同，這個湯香得來不會搶了其他配菜本身的味道，個人覺得很不錯～配著彈牙的拉麵來吃，雖不濃味但同樣惹味。配菜方面，這款黑蒜油拉麵並沒有炸牛蒡，但仍有口感軟綿的雞肉、油脂分佈均勻的义燒和超級入味的溏心蛋，水準跟上次吃到的一樣高，而且分量足。另一碗點了「雞白湯沾麵」，上一次也有吃到的。由於友人很愛吃雞，所以特別要求4件肉都要全雞LOL 沾麵湯底雞味依然濃厚，比拉麵湯底稠身，所以很掛麵，而麵條粗身得來十分彈牙，很易入口。吃到一半還可叫店員加魚湯至雞白湯，令沾麵變成拉麵，一款兩種吃法，正～～小食叫了「煎餃子」，餃子皮煎得金黃脆口，內裡餡子足料，雖然味道沒很大驚喜，但也值得一試。吃了不同分店，水準都是平穩地高，應該會成為小女子久不久就來的店子呢～------------------------------By alvahana…查看更多

要說近期冒起得最快的，一定少不了『金鶴拉麵』，身邊有不少朋友都很推薦它的「雞白湯拉麵」，所以今天決定來試一試！晚上6時許來到，店子已座了不小人，店內裝備走高檔路線，和風得來帶點高貴感；座位夠闊落，讓客人可以慢慢享受美食~「雞白湯拉麵」是招牌菜就當然要點！拉麵一來到，最吸睛的是上面一條條的炸牛蒡，小女子平時對牛蒡沒什麼特別感覺，但這個很有驚喜：牛蒡炸得脆脆的，一點也不油膩，吃起來甜中帶甘，味道有層次，會令人吃個不停！來到主角雞白湯，是由赤雞熬製6小時而成，雞味濃厚，不咸不油，質地順滑得來掛得上拉麵，拉麵亦軟硬度適中，口感帶點彈牙，與雞白湯形成絕配～其他配菜也不得不談：雞肉片看上去沒什麼特別，但口感非常軟綿，果然不愧為以低溫煮成的達摩雞；义燒片油脂分佈平均，味香肉嫩；溏心蛋也完美做到流心，十分惹味。朋友叫了「雞白湯沾麵」，雖然跟拉麵同為雞白湯，但湯底明顯不一樣，沾麵湯底較為濃稠，味道也更濃，雞味更突出，喜歡濃厚雞湯的話點這個就沒錯了～沾麵比拉麵粗身，彈牙得來很滑身，也更加掛湯，所以吃起來有點撈麵的效果。雞肉、义燒和溏心蛋就不用說了，跟剛剛一樣的高質。還要一提的是店員很貼心，替朋友把冷掉的湯再加熱呢。另外還點了小食「日本明太子雞翼」，雞翼烤得金黃香脆，雞肉鮮嫩，裡面釀滿了明太子，有少許辣，還帶有芝士香，極之開胃惹味，一人一隻著實不夠吃……這個絕對要點啊！這間的價錢其實不比坊間的高很多，但食物真的超．高．質！無論是湯底、雞肉還是明太子雞翼都令人回味無窮，加上服務和環境都很贊，小女子決定要再來吃多幾次啊～～------------------------------By alvahana…查看更多

喺香港試過好多間沾麵都係死鹹,同喺日本食嘅沾麵完全兩回事. 今日朋友帶我嚟呢度試雞白湯沾麵.店舖雖然唔係好大,但都幾舒服,吧枱對面有一幅金色為主嘅和風壁畫,幾靚.除咗沾麵,朋友點咗客”燒黑豚肉串”,一上枱已經聞到好香,食落有炭燒香味同甜甜哋鹹鹹地嘅肉味,肥瘦適中,肉質爽彈多汁,好正!! 食完肉串再等咗一陣,我個雞白湯沾麵終於到喇! Order沾麵時,侍應會問”要兩塊雞定四塊雞?”由於我第一次嚟,我要兩塊雞,所以會有叉燒. 個湯好creamy,好有雞味,唔會死鹹. 個麵粗得嚟有咬口,好彈牙,軟硬適中,又掛湯,好味!! 雞肉超有雞味而且頗嫩丶無雪味! 叉燒半肥瘦,有油甘香,幾乎入口即溶! 隻糖心蛋凍食都無損佢嘅滑溜程度麵嘅份量比較大,食完好飽好滿足! …查看更多

香港人愛吃豚骨、醬油拉麵，但有時食得多也想轉轉口味。之前去日本時就嚐過一家很美味的雞白湯拉麵，自此一直對其湯底念念不忘，直至用認識「金鶴拉麵」，才發現原來香港也有高水準的濃郁雞白湯拉麵！金鶴拉麵開業只有短短數月，位於佐敦站與柯士甸站之間的小街內，覓食當日便因太不起眼而經過門口也不發覺，但卻在短短日子內成功造勢，吸引不少人特地探路光顧！拉麵店門口已明顯花過心思，白鶴圖案的圓窗甚有日本當地小店風格，而走入店內裝潢亦半點不失色：黑色主調配金箔畫帶點貴氣，吧台座位用上北歐風梳化高腳椅，似是要擺脫拉麵店的平民形象。雙眼忙碌過後不夠數秒，店員便主動走過來延續好印象，先提醒我們座位下可擺放行李，然後又熱心地為我們介紹店內兩大主打：雞白湯拉麵及鰻魚飯，在香港地方實屬難得。雖然聽說鰻魚飯都是即劏即燒備受好評，但因為本身衝著雞白湯而來，所以分別點了雞白湯拉麵、雞白湯沾麵及煎餃子。拉麵不消一會已上場，最矚目的卻非乳白色的湯底，而是一束立在麵上、炸得香脆的牛蒡，獨特配料成為店家特色標記。炸牛蒡以外另有半隻溏心蛋、兩片黑豚叉燒及兩片赤雞雞肉，配料豐富對得起$98的價錢。味道方面，湯底未試已聞到濃濃雞肉香味，入口鮮甜不膩似阿媽煲的中式熬雞湯，若期待是日式雞白湯清新風格可能未必對胃口，但若喜愛濃郁香口的湯底則應覺得相當驚喜。至於麵條雖＇煙靱彈牙但未算最突出，反倒是經慢煮製成的雞肉極為新鮮嫩滑，為拉麵起了畫龍點睛之效，令整碗雞白湯拉麵擔得起「招牌菜」身份有餘。…查看更多

今日又來到佐敦，第二次食呢間隱世嘅日式拉麵鰻魚飯店。因為男朋友非常鍾意食鰻魚，每次想食鰻魚就忍唔住再嚟幫襯啦。入到去依然係咁靚，我諗呢間鋪頭都開咗不知不覺又幾個月啦，隨着網上嘅威力，多咗好多人知道呢間鋪頭咁好食，開始多人左好多，我哋六點鐘去食，七點鐘就已經出現人龍，大家想食嘅話就要早少少嚟啦。首先我哋當然要叫堪稱全港最好食嘅鰻魚飯$198，鰻魚係即叫即燒，見着咁肥美白滑嘅鰻魚，係我地面前慢慢放喺鐵板上面燒，真係非常治癒啊，鰻魚飯嚟到，我哋都急不及待咁打開個蓋，聞到陣陣嘅鰻魚香味，咬落去都係咁肥美鮮甜，真係同出面嘅鰻魚非常唔同， $200一碗絕對係物有所值，加埋啲日本米一齊食，簡直係味覺嘅最高享受。今次我哋冇叫到雞白湯拉麵，試吓雞白湯沾面$138，一樣非常有驚喜，個沾面煮得非常彈牙煙銀，重點就係個雞白湯汁，非常之濃郁，好似將十隻雞濃縮係一碗湯入邊，最細心嘅係啲面啱啱好點晒碗湯，最後留返一啖飲咗佢，就係完美嘅收結。我真心好推介大家黎試，真係一試難忘，暫時都未搵到另一間鰻魚飯比呢間勁好食，如果有嘅不妨話我知哈哈～ …查看更多

活鰻蒲燒飯($198)-鰻魚嘅份量有好多，而且仲要好肥美好juicy，飯都唔會好dry，呢個真係大力推薦！雞白湯拉麵($98)-拉麵相比起沾麵較為軟身，豚肉入口即溶，真係好正，而雞肉都好入味，真係口味無窮，仲有半隻溏心蛋！雞白湯沾麵($98)-沾麵好有質感，個麵雖然係凍嘅，但係tim落個熱辣辣嘅湯汁到真係好出色，湯味夠濃，而且凍咗之後仲可以加翻熱，入面有溏心蛋之餘仲有豚肉同雞肉，個人比較中意沾麵，極力推薦！元祖煎餃子($33)-total有4隻，熱辣辣仲要好新鮮，每啖都覺得好juicy。抹茶蕨餅-可能係新開張嘅緣故，店長非常好人，請我地食呢個日式甜品，凍凍地又唔會太甜，真係幾好味架！--呢度環境好舒服，可以坐好耐，廁所仲要好大有電視，好有日本嘅感覺，而且慶祝生日都唔洗收切餅費，店員仲要好好咁幫我地影咗好多相，而且每一款菜式都會同我地介紹翻點食。--限時優惠: 依家只要download佢地嘅app，係30/9之前都可以有麵類買一送一優惠，真係好抵！…查看更多