滿堂紅頂級雞煲火鍋

一行三人去左食雞煲呢度除左有麻辣雞煲之外，仲有近年深圳大熱既椰子雞煲！而且仲有清湯同濃湯揀，睇返餐牌，分別就係濃湯就會加椰漿。我地點左一個清甜椰子雞，雞煲黎到，雞既份量都好多，最後食完先見到原來三個人會有一隻雞！雞煲味道開頭比較淡，但煲耐左就愈來愈甜，好味！呢度配料係全自助形式，任食任拎，但可惜質素一般。最後仲有雀巢雪糕任食，係我最愛既紅豆味！滿足！總括黎講，呢度性價比唔錯，$178全包仲可以食4個鐘，值得一試。…查看更多

雞煲已經登陸好一段時間，但相信好多人同我一樣，不時會有上癮，隨時隨地想食雞煲。今次試左「滿堂紅」，佢除左基本麻辣雞煲之外，總有幾款特別雞煲，好適合雞煲迷去試下。佢加左湯底之後就開始任食，配料選擇好多，有幾十款，雖然肉類選擇唔多，但最基本嘅都一定有。連海鮮、花膠都有，打雞煲都可以養下顏飲品亦都係無限供應，種類好多，但我都係鐘意飲飲茶類，唔去下膩，點食多啲呀！環境方面，好適合一大班朋友去食，服務亦好貼心，會提供置物籃俾客人放隨身物品。…查看更多