段純貞牛肉麵 (Tower 535) (已結業)

@duanchunzhen.hk serves taiwanese cuisine blending traditional ingredients and flavors from sichuan 🌶 signature classic beef noodles 🐮 beef bone broth simmered with an aromatic blend of 23 spices 🐄 choice of thin or handmade noodles 🍜 tender and juicy marbled beef cuts 🥩 heirloom family recipe that has been passed down for generations 💫 also serves a variety of classic taiwanese dishes and sides 🥢 @duanchunzhen.hk 台灣美食 融合傳統眷村食材和四川風味 🌶 招牌經典牛肉麵 🐮 牛大骨慢火細燉湯底 搭配23種香料藥材 🐄 可選擇細麵條或手工麵條🍜 鮮嫩牛肉 油脂均勻 肉香醇厚🥩 祖傳秘方 思鄉之情 💫 還有各種台灣小食🥢🐮犇牛四寶麵 (手工麵) HK$108beef noodles with shank, tripe, tendon, and sliced flank (handmade noodles)牛𦟌結實香軟 牛筋軟腍 充滿骨膠原牛肚軟脆彈牙 嫩五花軟嫩 手工麵又長又闊 煙靭彈牙厚薄不均為了吸入更多湯汁 🐮 經典紅燒牛肉麵 (細麵) HKD$86sliced beef shank noodles (thin noodles)牛𦟌切片 佈滿肉筋 結實香軟傳統細麵 掛滿香濃牛肉湯🐄 滷水拼盤 HKD$78assorted marinated meat platter 滷水入味 牛肚軟脆彈牙牛腱半筋半肉 滑嫩彈香 肉香醇厚滷蛋糖心 豆乾鮮菌濃香🥟 新鮮豚肉鍋貼 HKD$48taiwanese fried dumplings圓潤飽滿 微脆焦香豬肉椰菜餡料 厚實脆爽 鮮甜多汁🐓 鹽酥雞 HKD$48taiwanese fried chicken鹽酥雞好大粒 炸粉不厚炸到香脆 雞肉嫩滑多汁🌶 紅油抄手 HKD$58shrimp and pork wontons in house special chili oil 雲吞皮薄 蝦仁豬肉 餡料好足 口感爽彈配自家製紅油 麻辣惹味 🐥 雞湯抄手 HKD$58shrimp and pork wontons in rich chicken broth 雞湯鮮甜 雲吞皮薄 蝦仁豬肉 餡料好足 口感爽彈🐖 酥炸排骨 HKD$48deep fried pork chops金黃酥脆 排骨粉嫩 鬆化香口🍶 養生無骨紅棗黃酒雞 HKD$84yellow rice wine boneless chicken with red dates 雞肉嫩滑 無骨啖啖肉 高湯濃郁鮮甜 紅棗養生 帶點酒香🧋 珍珠奶茶 (少冰 少甜) HKD$32milk tea with pearls 奶香茶香 珍珠軟糯煙靭🍋 薏米柚子蜜 (少冰) HKD$32honey grapefruit juice with barley柚子蜜清甜 薏米煙靭有咬口📍 @tower_535 銅鑼灣謝斐道535號Tower 535地庫B01號舖🇭🇰…查看更多

今晚唔想食太貴，黎咗段純貞牛肉麵食晚餐。週日晚上6點鬆d到，有好多位。主餐牌有牛肉麵，風味麵類，小菜，私房小食，飯類，飲品。原來仲有甜品，同隔離京都勝牛嘅一樣。設有加一服務費。落單自己掃QR code。三寶麵 $94 另加一碗三寶麵麵大大碗，連個碗都印左個招牌名段純貞。先飲一啖湯先，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單，落到喉嚨有少少辣。牛有兩件腱心，4件牛肚，同兩件牛筋。餐牌介紹牛腱心肉係一隻牛只有五碗份量左右，炆得超淋又重牛肉味，仲帶d骨膠原重既牛筋，餐牌寫明係美國牛肉，好味道。牛筋都係炆得超淋而骨膠原重。第一次食呢度既牛肚，都唔錯，大大舊同滑溜又夠淋。配菜有兩條小棠菜同蔥花，我叫左多蔥，食落啖啖爽口青蔥連湯，正。另外有一小碟鹹酸菜，都唔差。麵條可揀手工麵或者細麵，我哋揀左手工麵。手工麵粗身有咬口，好似刀削麵，我自己就非常鍾意。燉番茄腱心半筋半肉麵 $92 另加一燉番茄腱心半筋半肉麵同三寶麵基本上一樣，只係兩條小棠菜變左一隻燉番茄，而半筋半肉份量係各3大舊左右，呢碗腱心肉就唔太夠淋。湯底方面係加少少番茄味，所以帶少少酸酸哋。餐牌介紹手工麵搭配湯底最好，因為更吸湯。兩款湯底既味道都唔錯。新鮮豚肉鍋貼 $48 另加一新鮮豚肉鍋貼一客5隻，塊皮煙煙韌韌，煎得燶燶地，不過就唔多脆，入面明顯有豬肉，菜同薑。伴有蔥花同醋。如果塊皮係脆會好d。雞湯抄手 $58 另加一雞湯抄手一客6粒，雲吞皮又薄又滑，入面有蝦同豬肉，質素可以啦。個湯就真係雞湯，加上蔥花添菜味，好清甜。伴有兩條小棠菜。棉花糖雪糕 $58 另加一就算幾飽，甜品都要食。甜品餐牌同隔離京都勝牛嘅一樣。棉花糖雪糕外面原來係棉花糖，仲有少少燒過，入面包住雲呢拿雪糕，上面有抹茶粉同黃豆粉，配有唔同顏色嘅脆脆餅碎，加強口感。仲有半粒士多啤梨裝飾。賣相係唔錯，不過個人唔太鍾意太多棉花糖，而且雲呢拿雪糕味道好唔出。士多啤梨擺放亦唔太美觀，反轉放會好d。呢個甜品味道麻麻。裝修好靚，以木為主，感覺古色古香，座位舒適，適合同友人飯聚。食物方面，牛肉麵質素當然係好，其他就相對差d，不過價錢唔貴。…查看更多

2021年6月16日 晴今晚收工同男朋友拍拖, 因為我個口痛食唔到硬野所以就揀左牛肉面黎食。我地一人叫左一碗面再加個抄手, 碗面會配埋酸菜, 幾開胃。三寶面多蔥 $92, 揀左手工面, 面條闊身, 有少少厚度, 我覺得都幾好但男朋友就話厚左d, 都係睇個人口味吧。湯底本身有豆瓣醬所以有少少辣, 但好少辣only, 好香好惹味, 飲曬碗湯喉嚨都唔會好乾 牛肉牛筋同牛肚都煮到好淋, 就算我口痛都食到, 而且好入味, 出色招牌紅燒腱心牛肉面 $84, 個牛同三寶面個一樣, 不過多幾舊咁, 但唔知點解我覺得佢呢碗個湯再濃dd 同辣dd 雞湯抄手 $48, 雞湯好濃味, 又係俾我清左碗底, 抄手同雲吞我真係唔識分, 但好有蝦味, 咬落結實, 唔會係一咬就散曬個d, 好食最後仲叫左杯仙草奶茶少冰少甜 $28, 加胚芽+$4, 少甜左佢真係唔甜, 唔會好似其他餐廳咁少甜都仲係好甜, 非常好一開始店員送錯左飲品, 交換返個陣佢都好有禮貌講返唔好意思同隔離枱交換左, 不過人地未飲過, 介意都可以換過杯新俾我地:) 幾好禮貌, 唔錯啊…查看更多

記得2019年中，在將軍澳東港城2樓某一角已經見到「段純貞牛肉麵」的裝修圍板，一直非常期待，但等到年尾都未開幕；去到2020年初，甚至裝修圍板上的廣告照片都消失了。再過不久，舖位已變了另外一間餐廳。在差不多已經忘記了的時候，估唔到去到2020年底，「段純貞牛肉麵」終於正式進軍香港，還要在荃灣及銅鑼灣連開兩間分店。裝修簡樸得來有點風味，望落去有點似台北市某幾間牛肉麵或小籠包名店的裝修風格。雖然「段純貞」源自新竹市，又只有10幾年歷史，唔排除參考了台北市其他著名牛肉麵店的裝修設計。餐牌第一頁及牆上一大幅題字將小店的歷史、及皇牌紅燒牛肉麵的繁瑣炮製過程娓娓道來。段純貞女士於民國37年（1948年）移居台灣後，便在新竹地區一帶，以腳踏車為攤檔販賣自家炮製的醬料及滷菜。由於段女士祖藉四川，擅于製作豆瓣醬、泡椒、麻辣醬等，她所炮製的醬料就有别於台灣本土風味，很受歡迎。身故後，其孫兒感念其手藝，於是以祖母之名於台灣新竹開設第一間牛肉麵店。只用了短短幾年時間就薄有名氣，並陸續在台灣其他城市開設分店。最近一年鋭意進軍海外，將會在香港及大中華地區陸續開店。香港分店的餐牌與台灣總店有些微分別。最馳名的多款紅燒湯底牛肉麵當然不會缺少，但偏偏部份乾伴麵款式就消失了，較難以理解連清燉牛肉湯麵也沒有。始終並非所有人都嗜辣⋯⋯即使「段純貞」的紅燒湯底香而不(太)辣，也並非人人都可以接受；少了清燉牛肉湯底就等於做少了生意。在香港食台灣牛肉麵，只要店家來自台灣、在台灣又稍有名氣，就一定不會便宜。以牛肉麵標準來說，三寶麵（$94）索價相當貴，尤其對比台灣「段純貞」只售NT$200（約HK$55）。紅燒湯底沿用台灣總店秘方炮製，過程複雜；皆因秉承創業宗旨，各種麵類調味的醬料醬油等，都依足民間傳統方式及段女士的秘方自家製作。堅持唔用現成桶裝牛脂，而係使用新鮮肥牛爆炒提煉出油後，再下辛香料、四川郫縣馳名豆瓣醬、台灣岡山豆瓣醬、酒釀爆香，之後再加入花椒、麻椒、薑、蔥、蒜等等23種中藥材及香料，文火慢炒8小時才完成醬料，然後再用於炆煮紅燒牛肉。同一時間，又用牛大骨熬煮數小時成牛骨高湯。將紅燒牛肉醬汁同牛骨高湯兩者混合，就成為「段純貞牛肉麵」引以為傲的紅燒牛肉麵湯底。飲一啖湯，其四川口味的鹹、香、麻、辣湯底與別家台灣牛肉麵店的紅燒湯底有明顯分別，口感厚實、濃而不膩；味道複雜，麻而不嗆、嗆而不辣、溫而不火，果然較別家台灣牛肉麵（以香港可以食到的來比較）優勝。每款麵都可自選手工粗麵或幼麵，前者麵質充滿韌性，輾壓厚薄不均、手切大小不一的麵身可吸收更多湯汁，有口感、有嚼勁。後者就滑溜、軟腍，麵身充滿氣孔，更能有效吸收湯底精華，最適合作為乾伴麵；如果用作湯麵就可能愈浸愈腍，變得霉爛。台灣牛肉麵的三寶一貫指牛腱肉、金錢牛肚及牛筋。選用筋肉比例最佳嘅牛腱心，軟膏軟筋膜呈花紋狀。原條牛肉燙香表面後，滙同23香紅燒醬料一齊燉煮幾個小時，奉客前才起鍋切厚條。牛肉保持原狀，鬆軟而不爛；咬落Q彈又有肉香、醬汁完全入味。金錢牛肚軟身、彈牙，有咬口但又唔韌；難得同樣吸收了紅燒醬汁，夠入味。牛筋一樣出色，炆得夠入味。滑溜、軟腍、爽口相互之間取得很好的平衡，沒有太腍而變得脢軟、也沒有太硬而影響口感。據經理介紹，除了兩款採用清燉雞湯底的湯麵之外，其他牛肉麵全部都是紅燒湯底；唯一唔算辣的就只有原味牛肉麵（$82）。送上來之後，目測實在看不出同三寶麵的紅燒湯底有什麼分別。喝一啖，隱隱然仍有少少香麻辣，只是辣味更輕，估計牛大骨清湯及紅燒牛肉湯汁之間比例，前前更加多。莫非銅鑼灣分店開張不久，一眾員工尚未試齊所有麵款，只是聽從廚師轉述？原味牛肉麵揀了細麵，一如所料，麵質較為軟腍，小公主就好鍾意，小編就寧取手工麵。上網一查「段純貞」的台灣網頁，並沒有雞湯抄手（$48），香港分店限定？雞湯呈淡奶白色，飲啖湯，雞味鮮濃，好味過很多小籠包拉麵店或京滬菜小館的雞湯拉麵湯底，唔怪得經理落力推銷雞湯係由鮮雞及雞殻熬煮，並非用現成濃縮雞湯開水還原。抄手唔同水餃，較接近雲吞。一般來説，水餃皮較厚，盛行於中國北方；抄手及雲吞較薄，流行於中國南方，而抄手及雲吞的分別在於包的方法。「段純貞」的抄手參考了香港出名的廣東雲吞，採用全蝦作為餡料，但食落去味道欠缺了大地魚粉及蝦籽，及不上港式雲吞麵名店的出店。不過，蝦肉餡夠鮮味、亦夠爽口，已勝過不少普通雲吞麵店；再配合鮮甜雞湯，好食。只嫌$48得6隻，有點貴。印象中，在香港未食過一碗無論湯底、牛腱心肉、金錢牛肚、牛筋皆滿意的台灣紅燒牛肉麵，「段純貞」好可能係第一間。難得雞湯底同樣出色。期待會盡快引入台灣總店的清燉牛肉湯麵。…查看更多

見到網上邊，近期比較多推廣。睇到呢度其他食評好似寫得幾好，所以無名而來試一試。講真，唔係咁得。可能期望越大，失望越大。呢度啲嘢食，基本上係冇乜鮮味。嗌咗個炸豬扒。。係真係炸嘅，豬肉亦已「乸」鬆，當然「乸」完之後完全冇味。除此之外，其實湯底亦都只係得一個鹹味。完全冇鮮味。牛肉亦同一情況。而飲品亦都一樣。唔係話我自己要求高，唔好誤會。。只不過，可能睇到其他人講到好似好得，對我來講，事實又好似唔係喎。原本諗住嚟食質素，有啲失望。當然諗住食質素嘅嘢，份量在設計上亦預咗唔會大啦。…查看更多

另一間大熱既台灣過江龍麵店，未有得出國之際黎頂下旅行癮先🥴▪️ 原味牛肉麵（7.5/10）💲84呢度主打係牛肉麵，牛腱心肉入口幾軟腍😛有兩款麵底可以揀，店員推介配粗厚身手工麵，會有啲似刀削麵，質感帶點嚼勁，掛湯度都唔錯🤭而湯底係好濃嘅藥膳味，八角味尤其突出，亦唔會話太鹹，食完無話好口渴呀☺️▪️ 蒜香手撕雞乾拌麵(含花生)（7/10）💲84至於呢個拌麵就配左細麵，個底有啲汁既關係，麵條帶點濕身糊口🤤食落有住陣陣惹味既蒜香同埋花生香，配上少少手撕雞同埋酸菜，仲有隻微微流心既滷水蛋🥚▪️ 雞湯抄手（7/10）💲48六粒一口size既，個皮都薄身，內餡係比例恰當既豬肉同蝦，配上清清地雞湯同埋生菜🥬☺️▪️ 珍珠奶茶（6.5/10）💲28珍珠質感會係偏向硬身有咬口，份量對於我呢個珍珠控黎講好足夠，不過奶茶底較淡，奶味偏重無咩茶味🧐▪️ 胚芽珍珠奶茶（7/10）💲28起碼有四分一個杯既胚芽，多左一種麥香同埋層次感，不過用紙飲管吸吮上黎唔係咁容易😂🔎 整體評分（7/10）…查看更多

特別推薦大家✅原味牛肉麵 Classic Beed Noodles✅雞湯抄手 Shrimp & Pork Wontons in Rich Chicken Broth《原味牛肉麵》麵底可以選擇手工麵 or 細麵，我哋今次就揀咗手工麵🍜😌，口感彈口、帶煙韌感牛肉麵湯底濃郁🐮，唔會覺得好咸，食完都唔會口渴，可以一啖麵一啖湯咁食👅牛肉軟身得嚟又會有d咬口🥩，唔係散開晒嗰隻，值得一讚💰$84《雞湯抄手》雲吞皮夠薄又滑，入面嘅餡用上蝦肉🦐同豬肉🐷，餡料食落去感覺新鮮，成個抄手睇落去晶凝通透，真係做到皮薄餡靚，好食😋另外佢個雞湯都唔錯，有清清嘅雞味🐥，個湯係可以飲埋🤤💰$48*酸菜係好好食，食唔停，仲可以refill tim🤤…查看更多

咁耐冇去過旅行真係突然之間好掛住台灣嘅味道，所以呢日lunch就同朋友喺附近搵咗間食台灣牛肉麵嘅新餐廳，而且仲喺台灣有好多間分店！估唔到淨係牛肉麵都已經有起碼10款選擇，當中包括左唔同嘅湯底，夠晒特別！小弟今次就試咗原味嘅牛肉麵，朋友就試咗麻辣嫩牛五花牛肉麵🤩值得一提嘅係呢度嘅牛肉麵你係可以揀手工麵定係細麵～原味牛肉麵 $84落咗單冇幾耐就有麵食啦😋小弟呢碗原味牛肉麵睇落好似唔係太多，但都有成五至六舊大嘅牛肉，而且啲手工麵仲好粗🤩個湯底非常濃郁，味道又唔會太鹹，飲一啖啲台灣思鄉感覺即刻出晒嚟😭啲牛肉亦都煮到好淋，好正😍麻辣嫩牛五花牛肉麵 $84呢個牛肉麵有少少特別，牛肉就選用左五花牛肉，簡單啲講即係類似肥牛～啲湯飲落去有少少蒜味，加埋啲牛肉一齊食就好似食緊譚x嘅蒜泥白肉😂😂😂啲牛肉亦都係好淋，份量亦都好多😍雞湯抄手 $48見到啲雞湯顏色好深即刻飲番啖試吓😂果然唔係虛有其表，啲湯好清甜😍而且啲雲吞皮薄餡靚，薄皮包住蝦肉同豬肉嘅餡料，好滿足🤩🤩荔枝乳酸飲料 $28荔枝同乳酸味都係小弟嘅最愛，飲落去唔算太甜，荔枝味都幾突出👍🏻食完啲重口味嘅嘢飲番啖即刻解咗啲油膩咁😋胚芽珍珠奶茶 $28珍珠奶茶呢啲咁邪惡嘅嘢加咗啲咁健康嘅胚芽落去感覺上冇咁有罪惡咁感😂茶味都幾香濃，飲落唔會太淡冇晒茶味👍🏻珍珠份量都幾多🤩…查看更多

段純貞牛肉麵 @duanchunzhen.hk📍 銅鑼灣謝斐道535號Tower 535地庫B01號舖.台灣過江龍嘅段純貞牛肉麵終於喺講到銅鑼灣開咗分店啦，終於唔使走到去荃灣先可以食到☺️ .🐮 原味牛肉麵 (三寶麵) $92: 三寶有齊腱心、牛筋、牛肚☺️ 各個部位都夠軟淋，令湯汁吸收到入味😚.🌶 麻辣嫩五花牛肉麵 $84: 手工麵又寬又厚，口感好煙韌💕😍 麻辣味唔會死辣，花椒香同麻味都好出色😆 牛五花瘦而嫩，非常高質😊.🥟 雞湯抄手$48: 雲吞有蝦同豬肉，皮薄餡靚👍🏼 雞湯清甜，值得一試😉.🥛 香芋珍珠奶茶 $28: 香芋味比較重人工味，幸好甜度比較低，可以解辣😌.🥛 胚芽珍珠奶茶 $28: 珍珠夠Q彈，胚芽粉帶麥香味，奶茶夠濃厚😇…查看更多

這間主打牛肉麵是由台灣開分店開到黎香港，點可以唔去會一會佢呀......原味牛肉麵：我選擇左細麵做麵底，佢地嘅牛肉十分之琳入口即溶，湯底好濃好香，幼麵吸晒d湯好好味😋必食的👍🏻👍🏻👍🏻蒜香手撕雞乾拌麵：雞絲加埋花生🥜撈埋個手工麵（其實係好粗嘅麵）有小小湯真係好開胃，隻溏心蛋入晒味好正呀喂。雞湯抄手：個湯好清好重雞味，雲吞咬落去有好大隻蝦，真係唔錯。珍珠奶茶🧋好濃茶味好多珍珠呀⋯⋯…查看更多

今天來朝聖來自台灣的牛肉味就來看看能否複製台灣的味道牛肉麵散發濃厚香料的香氣裡面的中藥材使整體味道更富層次感牛𦟌肉帶點牛筋肉質軟嫩配合藥材的清香完全沒有油膩感紅燒版本湯底更加強調香辣香大於辣牛肉片呈剛剛熟的狀態手工麵口感煙韌掛足湯之餘麵身依然完整無缺伴碟的酸菜可以清一清味蕾這樣便能持續地充分感受菜色的味道雞湯抄手的湯底清甜在不帶油份的情況下帶出雞的鮮味抄手內餡扎實拌著一點雞湯一齊食會更美味珍珠奶茶一樣貫徹淡麗風格比一般的來得淡反而是珍珠帶甜味而且會在咀嚼的過程中逐步滲出加入胚芽後多了份清爽的麥香…查看更多