Nonsense

好耐冇同女朋友拍拖，今晚要慶祝疫情好轉，已經連續好多日單位數！土瓜灣朋友介紹左佢地的飯堂比我地，甘即管試下。疫情下，餐廳只可以提供50％的位數，呢間Nonsense 岩岩好一半位置full 晒的，仲有4-5個人係門口等位。我地本身叫左好多野食，加上呢度的食物份量真係好多，所以我地最後係食唔晒要Take away帶走，最開心見佢地係用Paper Box for take away 好環保，呢點要讚呀！1) 陶罐料理椰汁咖哩雞店長話呢個係土耳奇的菜式，一路有火係下面燒住，Curry汁好入味，唔算spicy, 配埋烤餅撈埋Curry汁食，烤餅一份唔夠喉，我太大食啦，extra 再叫多一份，真為好罪惡因為一滴汁都冇剩！ 肥死！2) 黑毛豬肋肉日式煲仔飯日式煲仔飯真係未聽過，店長介紹做法原來係預先加左sauce入去同米一齊用明火煲熟，嘩！好creative!! 難怪甘入味啦 ！ 呢個煲仔飯竟然有飯焦添！3)燒澳洲和牛封門柳 $258 價錢食到呢個質素的和牛，食完您會覺得勝價比係高的。店長話呢個燒澳洲和牛封門柳， 係佢地的招牌菜，鎮店之寶！順帶一提，呢間Nonsense 對抗疫不遺餘力，位與位之間

政府要求食肆14日內只可以50％full, 仲要檯與檯之間有1.5米距離或有阻隔，尋日路過見到呢間酒吧餐廳Nonsense 用左屏風，so far 冇見到有一間食肆會甘有心，好多都係求奇整塊硬紙係位與位之間，呢間餐廳好抵讚，真係令食客好放心！所以先決定今日來食飯慶祝周年紀念！我地叫左好多野食，好似放監甘呀！（1）北海道松葉蟹甲羅盛虎蝦海鮮日式煲仔飯配白味增湯蟹膏混日本珍珠米，日式煲仔飯唔同中式瓦煲的做法，唔係乾身的，是一早落左秘制醬汁在米中，再用日式銅制煲仔去烹調，所以非常入味，食完竟然唔口喝，證明係冇味精！仲有飯焦才是成件事的重點！最後在煲底刮晒d飯焦再伴味增湯食埋佢，真係失禮，老公食到一粒米都冇剩，放監甘！（2）陶罐料理椰汁咖哩雞靚仔侍應哥哥介紹，陶罐料理其實係土耳奇菜，上檯時陶罐下面係keep住有火0既，不過影相就唔覺，陶罐咖哩原來不是巴基斯坦或印度果種，而係馬來西亞風味，唔太spicy，我估可能有d細路仔都食到！今次輪到我清碟，本來送一份烤餅，但因太多咖哩汁， 好想食埋佢。侍應姐姐留意到我需要，問我要唔要加一個白飯，唔收錢，真係好touching! 好貼心呢！ 有種一飯之恩0既