東京チカラめし

行經旺角 The Forest，一入去見到 "東京チカラめし"，係日本有40幾年歷史嘅超人氣過江龍「燒牛丼元祖」，鍾意食牛肉就啱啦！店內都幾闊落，有吧枱及卡位選擇，環境整潔乾淨。枱上有調味料，可依個人口味自行調配。餐廳除咗主打燒牛丼之外，仲有即叫即燒嘅鐵板定食，亦有咖喱飯、豚丼、鰻魚丼、餃子、唐揚炸雞、吉列豬扒等，款式與別不同，好吸引呀！鐵板野菜燒牛肉定食      $70依度都有鐵板食，好特別呀！燒牛肉好juicy，肉質是半肥瘦，牛味香濃及軟嫩，醬汁微甜亦帶少許鹹，用嚟拌飯好美味，旁邊嘅蔬菜，翠綠鮮爽，食起嚟更fresh，配埋味噌湯同沙律，好滿足呢 ~咖喱吉列豬扒飯    $60炸至金黃香脆嘅豬扒，肉質嫩滑，有肉汁，咬落去好鬆軟，口感脆脆，再淋上日式咖喱汁，味道帶少少甜，相當美味可口，同時，加上軟韌醇香嘅米飯，這款都係我最喜愛嘅！鰻魚    $48醬汁香濃，魚肉軟嫩，油脂好豐富，帶出燒烤香氣，甜中帶鹹嘅醬汁，充滿日式風味！追加燒牛肉    $45啱啱食咗鐵板牛肉，咁好味，立即追加份燒牛肉。牛肉烤至焦香，肉味濃郁，牛肉吸收咗秘製醬汁，非常入味，鹹中帶甜，就算淨食唔配飯都咁美味。唐揚炸雞     $18                炸雞size都算幾大，外皮炸至金黃，炸粉好薄，鹹酥香脆，雞肉鮮嫩，食落多汁，唔乾身，滋味日式小食。溫泉玉子     $15半生熟日本雞蛋，裡面流心蛋黃，口感滑嘟嘟，用嚟拌飯食好味。OOHA白桃烏龍茶味礶裝汽水  $13  OOHA柚子海鹽味礶裝汽水 $13兩款汽水帶有果香味，少少甜，清爽解渴。…查看更多

🥘🥢🇯🇵日本過江，一般快餐店▫️QR code點餐☑️鐵板野菜燒牛肉定食 -$70又估唔到咁大份，牛肉同墊底嘅椰菜份量都好多，椰菜翠綠，唔會好淋，幾爽口。個汁都ok，唔會好鹹。跟餐嘅除咗白飯，仲有一碗椰菜絲沙律同埋一碗麵豉湯。白飯用上珍珠米口感剛好。椰菜絲沙律有紫椰菜、綠椰菜加粟米粒，配上沙律醬幾清新。麵豉湯亦都正常，有海帶同埋腐皮作配料。☑️餃子3件 -$18餃子個底煎得幾脆，而且個皮幾薄，配燒汁幾好食。🔘咖喱飯配唐揚炸雞 - $60個咖喱汁都ok,偏甜唔會好辣，但係份量較少，多一份咖喱汁要$5，炸雞唔得，唔熱之餘仲要好硬，唔知翻炸過幾多次，又擺左幾耐⋯⋯🔘唐揚炸雞3件 -$18以為好食，叫多咗，後悔已經太遲了。…查看更多

是的，星期三就是最適宜會議的星期三今天拍板還有2天可以做所以老闆又拉著精銳部隊的核心成員和客戶“聊天”作為“愛將”，她當然是連我也帶上開完會她就走從來就是她的本色跟她這麼久，都習慣了這就是我們的默契幸好，今天早幸好，今天在旺角幸好，開會只用盡我腦力，未有用盡我腳骨力行去型格The Forest都未算太累剛好見到 日本過江龍牛肉丼店個個都慕名而來眼見今天排隊的人尚可接受我都排隊試試掃掃QR Code 就可以點餐我就選中鐵板野菜燒牛肉定食$70唐揚炸雞$18 和 汽水$12作為一個日式定食，沙律同味噌湯是必不可少兩者的大小剛剛好因為鐵板野菜燒牛肉的好足料野菜和牛肉分量平衡之餘熱辣辣上枱，仲有煙出調味很好，燒牛肉汁拌飯一流絕對是另一個白飯神偷3件唐揚炸雞不遜於炸雞店外脆內軟鎖到雞肉本身肉汁配著甜辣酸汁吃又是另一種味道沙律是粟米加椰菜淋上凱撒沙律汁讓人大大提升興趣對凱撒沙律汁意猶未盡？可以請店員再添一點那又可以一口炸雞一口沙律保持平衡最後才慢慢欣賞味噌湯味噌湯是滲透著海帶香味美中不足的是沒有我最喜愛的日本滑嫩小豆腐除了鐵板野菜燒牛肉大大碟，別看沙律，味噌湯，炸雞 及 白飯 每個都細細一客全部吃光都是會讓人捧著小肚子離開店鋪據說，今天有大新聞，吃好就回家爬爬新聞整體味道：♥♥♥♥♡環境：♥♥♥♥♡服務：♥♥♥♥♡衛生：♥♥♥♥♡抵食：♥♥♥♥♡♡ 東京チカラめし ♡  ♡ 旺角奶路臣街17號The Forest 地下G8號舖 ♡…查看更多

𝗴𝗶𝗻𝗴𝗲𝗿 𝗽𝗼𝗿𝗸, 𝗴𝗿𝗶𝗹𝗹𝗲𝗱-𝘁𝗼-𝗼𝗿𝗱𝗲𝗿 𝗯𝗲𝗲𝗳, 𝗷𝗮𝗽𝗮𝗻𝗲𝘀𝗲 𝗿𝗶𝗰𝗲, 𝗮𝗻𝘆𝗼𝗻𝗲?🙌🏼 𝘁𝗵𝗲 𝗽𝗼𝗿𝗸 𝘄𝗮𝘀 𝗮𝘄𝗲𝘀𝗼𝗺𝗲 -- 𝘀𝗼 𝗳𝗿𝗮𝗴𝗿𝗮𝗻𝘁 𝗮𝗻𝗱 𝗳𝗹𝗮𝘃𝗼𝘂𝗿𝗳𝘂𝗹! 𝗶𝘁'𝘀 𝗽𝗿𝗮𝗰𝘁𝗶𝗰𝗮𝗹 𝗮𝗻𝗱 𝗮𝗳𝗳𝗼𝗿𝗱𝗮𝗯𝗹𝗲 𝗮𝘁 𝗮𝗻𝘆 𝘁𝗶𝗺𝗲 𝗼𝗳 𝘁𝗵𝗲 𝗱𝗮𝘆😋.日本平民美食除咗牛肉丼飯之外豚肉生姜燒都係另一經典， @chikarameshi 嘅豚肉生姜燒有大量豬肉片配上滿滿嘅洋蔥，加埋鹹甜醬汁惹味又好送飯🤤 另外冬天限定嘅鐵板系列仲有椰菜燒牛肉，平時食唔夠菜嘅必點😛…查看更多

每次經過啲間燒牛丼飯專門店都大排長龍，想試咗佢好耐了。今晚經過終於見到佢冇人龍，立即衝入去試吓！ 鐵板野菜燒牛肉定食 $70定食好豐富，有個椰菜絲沙律菜、麵豉湯、白飯，同埋熱辣辣嘅鐵板雜菜牛肉！上枱時仲係出晒煙，果然好有鐵板嘅感覺！雜菜當中有椰菜、芽菜，和燒牛肉好配合，而且份量非常多，秘製醬汁味道比較濃郁，用來送飯真係非常味美！$70 可以食到個唐揚炸雞3件 $18雖然唔係即叫即炸，但因為流量高品質仍然新鮮，上枱時依然係熱辣辣。脆皮炸得香脆，肉質都幾嫩滑，$18 有3件真係好抵食。如果配埋沙律醬會更佳。總結：香港都有其他過江龍牛丼飯專門店，例如吉野家、すき家，但燒牛肉就只此一家。質素方面我覺得係平分秋色，如果食厭咗牛丼飯，試吓燒牛丼飯都的確唔錯！…查看更多

晏晝lunch hour經開旺角呢頭，見呢間人氣丼飯唔算太多人，決定入去一探究竟😬👅鐵板野菜燒牛肉定食加溫泉玉子加可樂💰7️⃣0️⃣➕💰1️⃣5️⃣➕💰1️⃣2️⃣一場嚟到當然要試吓佢哋主打嘅牛肉先啦！😚我又想懶健康咁食啲菜所以就叫咗呢個鐵板set ~牛肉份量俾得相當慷慨👍 椰菜爽脆，洋蔥入味，個汁加埋呈現完美流心狀既溫泉蛋一齊撈飯超正😋😍呢度menu選擇唔算太多，主要都係豚肉/牛肉搭配其他小食形成唔同組合～如果可以有埋我都幾中意既鰻魚丼揀就正啦！😆 應該都會相當出色🤭…查看更多

今日晏晝day off🤩 諗左好耐食咩好，最後決定黎呢間bookmark左好耐但又唔想排隊既燒牛丼元祖碰吓運氣😎Weekday大約一點幾去到，一個人唔駛等就有位😆餐廳搽用自助QR落單，好方便👍❤️鐵板野菜燒牛肉定食 💰7️⃣0️⃣個湯好足料，味道唔會過鹹👍燒牛肉用鐵板上夠晒風味兼熱辣辣😍牛肉燒得好香，好夠味，肉質唔韌👍配上鹹鹹甜甜既燒肉汁同爽口椰菜，加埋碗靚靚煙韌珍珠飯，好好食😋 唔覺唔覺就食晒成碗飯🫢⭐️餃子3件 💰1️⃣8️⃣餃子皮唔算厚，餡料唔會太淋幾有口感，我點左啲沙律醋汁都幾夾👍不過如果可以再脆啲就完美啦😆口味正宗，價錢又親民，確係一間唔錯既日本過江龍！😁…查看更多

曾經喺東京站附近食過一碗好難忘嘅燒芝士牛丼但已經唔記得咗間舖叫咩名😭只係記得都係連鎖嘅不過一定唔係すき家有連鎖牛丼店到港都好想搵番—————————————————————今次到東京チカラめし攻港觀乎其他食客嘅燒芝士牛丼似乎同中島心目中嗰個有啲分別都係食番個普通牛丼試吓味先睇個樣都似模似樣😋果然味道都係同日本食到嗰個爭好遠不過個牛肉醬汁都幾好味至於👨🏽‍🦱嘅鐵板牛肉定食好香聞到即刻偷佢啲嘢嚟食🤣係好食嘅但係份量稍嫌有啲少 性價比稍低😭幾時先食得番嗰個燒芝士牛丼呀—————————————————————✖︎ 燒牛丼配餃子 $58✖︎ 鐵板野菜燒牛肉定食 $70…查看更多