北海道食堂

呢間餐廳上次我哋嚟過，不過冇點鐵板嘅食物。我阿妹推介話依間嘅鐵板燒嘅食物好好味，所以這一次我哋夜晚再嚟試吓先。餐牌選擇好多，花多眼亂我哋各人點左一個晚餐, 最後加多一客甜品。先來嘅係跟餐嘅熱柚子蜜，香甜濃郁。和牛炒飯非常香，一上枱已經被吸引着！和牛粒脂肪係口溶化出好濃郁嘅味道，燒得啱啱好。飯炒得粒粒分明，蔥花都炒到好香。跟餐嘅茶碗蒸好好味，幼滑香濃。配餐嘅蔬菜瓜類也味道清新。鐵板比目魚扒外皮燒得好香，魚肉好滑，配上檸檬汁入口開胃又冇咁油膩。最後我哋食埋呢個北海道十勝紅豆黑芝麻雪糕，非常滿足。丸子有咬口又彈牙，芝麻雪糕芝麻味香濃，配合埋軟綿綿嘅紅豆蓉一齊入口食，好日式嘅甜品😊好滿意的一餐😊值得再次幫襯。…查看更多

呢次我地黎到既餐廳叫北海道食堂 顧名思義係食日本菜 但啲菜式不單止限於北海道 皆因我地都見到有大阪燒之類既食物以宜家香港既物價 晚市黎講 就咁睇餐牌都算抵食環境都幾乾淨舒適 係我鍾意既風格 裝修主要用木材 再加上一啲色彩元素做裝飾 唔錯上菜啦 第一道係松葉蟹肉足两三文魚籽爆丼 蟹肉唔算多 但勝在三文魚籽好新鮮 啖啖魚籽 仲有少少海水味 正第二道係陶板炭火燒燒 甜甜咸咸咁 十分惹味 送飯一流 同埋肉量都幾多 唔洗驚唔夠飽黎個高炒合照先 個set都幾抵食 不得不提 個茶碗蒸睇落平平無奇 但其實佢係又滑又香蛋味最後兩道係鐵板比目魚扒同豚平燒 話說我係第一次食比目魚 感覺唔錯 好有魚味 夠哂油脂 塊皮仲脆卜卜添 而個豚平燒 我就覺得麻麻 可能我唔算好鍾意食蛋 但愛雞蛋既朋友仔不仿一試 幾特別最後埋單$403已加一 以呢到既環境同食物質素 認真唔算貴 可再試…查看更多

放工後近近地和家人在沙田吃晚飯，不過適逢五一黃金週，新城市廣場已被自由行攻陷，所以就走到鄰近的沙田中心，試試這間北海道食堂。店面面積廣闊，坐得寬敞舒適，採用日系淺木色調裝潢，簡約淡雅格調和諧，散發濃濃和風禪意。北海道食堂是全港首家榮獲北海道市政廳認可的北海道餐廳，食材採用北海道優質農產品及海鮮，並以傳統及地道的方式作烹調。Menu 好比字典般厚，圖文並茂，選擇簡直多得令人眼花瞭亂 @@燒北海道產魷魚套餐 $98只需加$20就可將各種單點款式換成套餐，選擇夠靈活，定食套餐加配味噌湯、蒸蛋、前菜、白飯和柚子蜜，保証吃到飽腹。主菜燒魷魚鮮味肉厚，肉質爽口彈牙，火候控制得剛剛好，一點也不會過韌，吃時蘸些蛋黃醬，風味十足。熱騰騰的蒸蛋軟軟嫩嫩，猶如豆腐花般彷彿吹彈而破。跟餐的凍柚子蜜酸甜又清新，喝下去冰爽透心涼。照燒雞扒 $68想不到原來一碟份量頗多，厚切無骨雞扒十分啖啖肉。雞皮薄如蟬翼，脂肪不多，美中不足的是燒得肉質稍為乾了點，未夠嫩滑。鐵板比目魚扒 $98比目魚扒調味不重，只需用少量黑椒、海鹽和檸檬汁提味，已能表達食材的原始鮮味。燒後的比目魚面層酥脆，相當香口，已去骨的魚肉雪白豐厚，質感滑嫩肥美，多汁不乾身。牛肉壽喜燒 $98豐盛的材料不但為賣相加分，吃下肚後的滿足感更是滿分。鍋內加入大量蔬菜，能平衡牛肉的油脂，中和肉類的膩感。向來湯底是鍋物最重要的靈魂，以壽喜燒醬油調和出來的湯底，風味甘甜，帶出食物的鮮味。牛肉片肉質夠腍沒渣，將日本鮮雞蛋打成蛋漿，蘸進牛肉，入口更滑溜，這樣最能嘗出肉質的鮮嫩。…查看更多