古今二 (荃灣千色匯I) (已結業)

大家好今晚去左荃灣既古今二食日本野呢度既壽司卷都幾有創意首先吃一個龍卷風沙律都係一個龍卷風型狀既蟹子沙律菜都幾新鮮仲有好多蟹柳同蟹子跟住就食兩款壽司卷第一款係金龍卷外表都似一條金龍其實就係包左炸蝦既壽司卷再放左三文魚炸蝦炸得好香脆配三文魚既軟滑口感仲有加左一些脆片另外一款超級龍卷風同樣都係炸蝦既壽司卷不過係夾埋鰻魚 芝士同一些脆片都係軟同脆既配合都幾特別跟住再食雜錦天婦羅炸蝦炸得好香脆裏面仲保留好嫩滑既肉質天婦羅仲有青椒釀左蝦肉有少少似日式既煎釀三宝同埋另一舊天婦羅紫薯就系外脆內軟唔太甜最後就係櫻花蝦茄子燒加左好多既櫻花蝦令到燒茄子更加惹味總括呢間古今二既食物都唔錯其中新派既卷物仲好有創意…查看更多

日式麻醬豆腐沙律滑嘟嘟又好香豆味既豆腐配上日式麻醬，呢個組合非常夾，沙津菜新鮮爽脆～金龍卷聽聞呢間餐廳好出名卷物，呢款金龍卷由三文魚、炸蝦、芝士捲成，賣相吸引，卷物表面吱左少少辣既沙津醬，味道咬落少少脆口，幾有層次～雜錦天婦羅炸粉好酥好脆，有蝦天婦羅、包左魚肉既秋葵天婦羅，紫蕃薯仔天婦羅，上枱時熱辣辣出哂煙，份量好足～～吉列廣島蠔(4隻）廣島蠔咬落無腥味，同樣都係炸到金黃色，咬落好脆口，唔錯唔錯！…查看更多

.荃灣嘅古今係同朋友諗唔到食咩就會去食嘅餐廳，十分推薦!!!價錢合理，而且選擇多🤓..金龍卷 98每次都一定要點嘅金龍卷💁🏻‍♀️用上了三文魚、cream cheese、炸蝦做成嘅反卷😆炸蝦同樣好香脆，一定係新鮮炸起，再卷的，每次都一定要叫呢一個!!🧡..蜘蛛 96係用軟殻蟹、牛油果、蟹柳、青瓜做成嘅卷😆，估唔到包住左嘅軟殻蟹都仲好香脆👍🏻🤓..龍卷風沙律 76有蟹子、蟹肉、中華沙律、生菜、各款沙律菜，夾成不同口感，蟹子嘅爽脆，配上蟹肉嘅肉絲，口感好豐富🧡👍🏻..芝麻雞翼 38好新鮮，好香脆🤓..味淋魚干 68新鮮燒，等嘅時間比較耐，最後先到，但比我平時自己燒為好，燒得剛剛好，面層又塗了一層蜜糖🍯..地址：古今二 (荃灣千色匯I) (荃灣) @citywalkhk @sinoclub 荃灣眾安街68號荃灣千色匯I 3樓3013號舖..…查看更多

想食幾次都好多人排隊 果然lunch會少人啲!就咁睇menu卷物好似最吸引✨ 仲有好多牛油果…🤭兩種卷物都有8件 每樣都好有特色 金龍卷入面嘅炸蝦一啲都唔油膩之餘又夠脆口 成件事升華咗好多🥰 至於沙律有柚子汁soo fresh!不過甜蝦得4條有啲瑟縮一角嘅feel 是關個沙律都大兜😗🤣本身胃口麻麻 沙律岩曬我hehe 火山卷入面係鰻魚 本身我都麻麻鰻魚但都覺得唔錯 不過鰻魚控就可以一戰🤪 咁多款卷物都未食得晒 唯有下次再嚟過🤎…查看更多

難得嚟到荃灣千色匯咁就食埋晚飯享受下個寧靜嘅星期六，朋友帶我嚟到千色匯3樓嘅古今二日本料理店，裝修簡約但係居然有個大鳥居；坐落都幾舒適，餐牌如相簿一樣，落單就於一張紙上面選擇，好快地我9們就點咗個柚想蝦您，即柚子對蝦沙律；火山，金龍卷，吉列廣島蠔，鹽燒雞中翼，黑豚豬頸肉串燒；一於試下呢度嘅燒物水準！好快個柚想蝦您就嚟到喇，啲沙律菜都新鮮，食落有水分同鮮甜；對蝦都爽口甜美；如果用新鮮柚子就絕配了！跟住呢個吉列廣島蠔，嘩真係外脆內軟仲爆汁，薄薄嘅炸醬包住廣島蠔，咬落好脆，內裏又有蠔汁，食到唔停得口；至於金龍卷，賣相特別，食落外軟內脆，用軟軟嘅三文魚和飯包住炸脆咗嘅蝦，咬落去首先感受到飯和魚嘅軟滑，最後颯一聲，係蝦嘅爽脆，做得好有水準；至於鹽燒雞中翼和黑豚豬頸肉串燒，都做到一般居酒屋嘅水準之上；最後嚟嘅火山，基本上係飯糰上面鋪滿蟹柳，沙律和牛油果，最大賣點係放上一碟上點火，造成被火圍住嘅效果，打卡一流；我朋友仲拍成錄影放上IG! 而不得不提就係服務員嘅服務超高水準，綠茶不停添加，令您有賓至如歸嘅感覺！…查看更多

係openrice睇荃灣千色匯有咩食，見到呢間評分最高，抱住一個去試下既心態。食完之後，比想像中好。由價錢講起，以日式餐廳黎聽價錢唔算特別貴，中挺價錢，刺身/壽司有寫明由日本空運直送入貨，但大部分日式餐廳都會咁寫明，所以都係姑且相信睇完menu之後，點左4樣野食+2杯野飲- 三文魚腩刺身- 金龍卷- 牛肉壽喜鍋- 埼玉 網燒牛舌- 熱情果芒果冰- 黑牛------------------------------三文魚腩刺身正如岩岩所講，係抱住姑且相信日本空運直送既心態去嘗試，但新鮮程度同三文魚既香口程度令我相信佢係真，而且厚度長度都會顯得性價比更高。金龍卷呢個卷物一次過滿足左我三個願望（芝士、炸蝦、三文魚），三樣野一次過加埋個口感同味道，真係值得一試再試。埼玉 網燒牛舌肉質👍🏻亦非常厚身，醬料唔太清楚係咩，但牛舌配合埋個醬料，真係回味無窮牛肉壽喜鍋呢一個壽喜鍋，個人覺得性價比極高，足料又好味，除左牛肉，仲有豆腐、金菇、娃娃菜，仲有粉絲墊底，絕對飽肚，至於其他蔬菜類吸左個湯底變得非常香口假如想試下性價比高既日式餐廳，個人會推介去試試呢間…查看更多

上個月試過他們荃灣新店後，每次再去荃新天地都人山人海，因此這一次決定轉場到她們位於千色匯的老店，四個朋友來食晚飯:)✏️位置: 8/10✏️環境: 8/10✏️衛生: 8/10✏️服務: 8/10✏️食物: 8/10此分店位於荃灣千色匯3樓，該樓層主要是餐廳，所以雖然餐廳採半開放式的裝修，亦不會感覺壓迫感，而且因打通商場更覺開揚。餐廳以特色卷物為主打，每次來都會點幾款，既好看亦美味🌟柚想蝦你 - $98這款混合沙律菜、中華沙律、蟹子、甜蝦、蘋果、牛油果、柚子及車厘茄的日式沙律，加入了柚子汁及沙津醬調味，清新、香濃、味道豐富🌟牛肉壽喜鍋 - $208有牛肉、生菜、豆腐、金菇、秀珍菇及一隻雞蛋，加上壽喜鍋湯，食材新鮮，味道鮮甜🌟雜錦天婦羅 - $88有天婦羅炸蝦、蕃薯仔及秋葵，即使放了一會仍然香脆，蕃薯及秋葵很鮮甜，外脆內軟🌟埼玉 網燒牛舌（4件） - $78燒出來很有牛香，而且口感嫩滑不韌，配上帶點麻油香的檸檬燒汁，香味更加鮮明突出🌟火山 - $128每一次都覺得這分店做得最好看、像熔岩般的卷物，由8小件堆成一大件的火山，放上帶子、青瓜、牛油果及蟹柳，配合千島醬及蟹子，口感豐富，味道鮮甜🌟蜘蛛 - $96用炸軟殼蟹、青瓜、牛油果及蟹柳的特式卷物，沾上燒汁，軟殼蟹口感香脆，其他食材鮮甜味美🌟金龍卷 - $98由三文魚、芝士及炸蝦組成的金龍卷，三文魚夠鮮甜，加上微融的芝士及香脆的炸蝦，口感豐盛🍽古今二(荃灣千色匯) 📬地址： 荃灣眾安街68號荃灣千色匯1期3樓3013號舖…查看更多

又到咗晚市冇得堂食嘅日子，想食嘢唯有外賣返屋企，今日去開荃灣千色，梗係喺呢度搵嘢食啦，見到呢間古今二，記得上次同太座喺銅鑼灣食過，味道唔錯，一於揀佢！落單唔使十五分鐘，食物就可以拎走，效率唔錯！“柚想蝦你”呢個沙律裡面有蝦、柚子、車厘茄、牛油果、蘋果、蟹子、蔬菜配上柚子汁，醒神健康開胃，特別係牛油果配柚子汁原來好夾！“宮崎黃金炸豆腐”雖然返到屋企先食，仍然食到外脆內軟，小食送啤酒一流！“金龍卷”卷內有芝士、炸蝦，加埋上面嘅三文魚，互相配合又唔會搶咗大家嘅味道，不俗！“搖滾樂”卷入面仍然係包住芝士炸蝦，呢款仲有埋牛油果，卷上面係鰻魚，非常肥美同多汁，喜歡食鰻魚嘅不可錯過！“ 網燒牛舌”牛脷控嘅我見到有得食一定唔會放過，食落好嫩好豐富嘅感覺，我覺得做得非常好，再多幾塊會好D，哈哈！…查看更多

#古今二今次講嘅係位於荃灣千色滙嘅古今二💕日式料理店舖💗💗店舖主打卷物為主 小編今日就幫大家試下😋😋店舖裝修俾人感覺好整潔🤍🤍但建議大家早少少嚟食 因為好多人排隊😂😂柚想蝦你 $78💰（7.5/10）真係好大碗💥💥送到上枱嚇親✨✨配料有柚子🥗好多菜🥬中華沙律🥗甜蝦🦐牛油果🥑蘋果🍎蟹籽🦀車厘茄🍅再配埋柚子汁同沙律醬 配埋一齊撈真係好好食😋😋成個感覺好Fresh💓💓而且好健康 絕對可以當係餐前小食✨✨成個沙律都係酸酸甜甜咁 有海量嘅柚子‼️新鮮嘅甜蝦 軟滑嘅牛油果🥑配埋爽脆嘅蘋果💥💥真係好好食 絕對可以叫多一個😍😍一定要再返嚟食呢一個👅👅雜錦天婦羅 $88💰 （8/10）雜錦天婦羅🍤有炸蝦🍤炸迷你紫薯🍠炸秋葵蝦肉🦐炸粉一啲都唔厚 而且炸蝦都大大條咁😻😻而迷你紫薯就外脆內軟💗💗 甜甜哋咁幾好食👅👅熱辣辣放入口好過癮‼️‼️配埋天婦羅汁好正✨✨金龍卷 $88💰 （8/10）金龍卷一共有8件 主要以三文魚 炸蝦🍤同忌廉芝士製成🤪🤪卷物係由鮮炸炸蝦同忌廉芝士卷成 芝士味好香濃😍😍而炸蝦外脆內軟✨✨卷物上面舖佐塊三文魚 三文魚好鮮嫩 再加埋沙律醬做點綴💓💓賣相一流 而且口感豐富 一啖放人口好滿足😻😻埼玉網燒牛舌 $58💰 （8/10）牛舌Total有5塊 每一塊都厚切 仲要大大塊💓💓 最重要係一啲都唔韌😋😋仲要好有口感✨✨好軟滑而且好彈牙‼️‼️令成個牛舌更上一層樓嘅係嗰秘製醬汁😍😍有好香嘅麻香味 係意想唔到嘅Match💥💥一定要點個汁去食👅👅辣妹 $95💰 （8/10）有8件主要以辣味吞拿魚🐟忌廉芝士同炸蝦🍤卷成 芝士味好香濃 而炸蝦亦都脆卜卜 係鮮炸💗💗好香口 而辣味吞拿魚係吞拿魚蓉✨✨係會放係卷物嘅上面 入口即溶 再加埋有啲脆片 令到可以享受多種口感😋😋 吞拿魚蓉同蟹籽令到賣相更加靚 打卡一流‼️‼️睇到呢度 快啲約埋朋友一齊去‼️‼️推薦指數🌟 8 / 10 🌟📍#巨B覓食尖沙咀 #巨B覓食荃灣 #巨B覓食銅鑼灣古今二 (荃灣千色匯) (荃灣)⚜️荃灣眾安街68號荃灣千色匯1期3樓3013號舖⏱星期一至日 1130-2230…查看更多

不止一訪古今二，作為荃灣友呢間餐廳一直都係我最喜歡既外帶店之一，貪佢質素不俗之餘又可以用APP撳定外賣準時去拎仲有折扣。最近終於有時間食低堂食打番張卡好好食番個食評。餐廳賣點係提供各款有創意既日式料理，款式種類選擇好多，淨係特色卷物已經多到令人花多眼亂，每次都要花好多時間做選擇唔可以全部都要。.荃灣裝修比觀塘店光猛好多，感覺整齊簡單。餐廳唔算好大，每次去到人流都幾多幾滿，訂左位先去會穩陣少少。.柚想蝦你 💲78⭐️3.7/5每次去到古今二都必點沙津，佢既沙律份量好足同埋試左幾款都好食。今次試“柚想蝦你”沙津，內容係：甜蝦刺身、牛油果、柚子、蟹籽、蘋果、沙津菜、海草、車厘茄溝柚子汁。基本上佢菜底同沙津汁都差唔多，換既主要係配料部份。我特別喜歡佢既沙津醬，雖然份量多但我絕對可以每次全清。.除左沙律，特色卷物都係黎古今二必點項目，卷物目測有超過三十多種選擇，有生有熟版本，總會搵到幾款合適。今次隨意點左三款特色卷物：蜘蛛、煙花同金龍卷。大大盤擺盤好靚，小卷每款成八件，份量不少。.蜘蛛 💲88⭐️3.8/5蜘蛛係炸軟殼蟹、青瓜、牛油果、蟹柳配搭。蜘蛛既炸軟殼蟹係主角，傳統圓卷型，炸軟殼蟹同牛油果基本上係爆餡姿態出現👍🏻。 .煙花 💲95⭐️4/5煙花係配辣味三文魚、辣味吞拿魚、脆脆。叫卷物或者沙津我通常都會揀有脆脆既版本，其實即係薯片脆脆，貪佢口感好。卷物係吞拿魚蓉配三文魚小卷，加埋醬汁好醒胃。.金龍卷 💲88⭐️4.2/5今晚三款我最鍾意呢款三文魚、炸蝦、芝士卷物。面鋪三文魚刺身加少少沙津醬點綴，入面係經典既炸蝦卷再配埋芝士。其實我幾鍾意有芝士既壽司，雖然係非傳統港式創意版本，但好食就夠。.雜錦天婦羅 💲88⭐️3.8/5怕淨食壽司卷物會單調，係串燒同天婦羅之間選擇左天婦羅。唔知係唔係每次都係相同款式，今日既雜錦天婦羅係有海老、迷你甜薯同秋葵蝦肉。特別欣賞迷你甜薯，外脆內軟甜甜的紫薯出奇的夾，會再Encore。.總結：坊間能夠食到同類花款多又好食既日式創意料理店不多，呢間堂食外帶佳宜，已經係多次encore系列。…查看更多

🌸荃灣美食🌸古今二🇯🇵今天相約了朋友到荃灣一帶閒逛❗而友人今晚想吃日本菜，而又想起一間馳名創意卷物的的日本餐廳-「古今二」，因此今晚就決定在此餐廳享用晚餐❗餐廳裝修優雅簡約舒適，以木系為主調❗而服務員的工作態度也十分友善，他們都非常之清楚了解餐廳提供的食物❗能夠向客人詳盡地介紹餐點❗客人都能在輕鬆舒快的環境下享受餐點❗1️⃣🌟蜘蛛 $88蜘蛛是由香脆炸軟殼蟹、新鮮熟成牛油果、青新爽脆的青瓜及鮮味蟹柳組成的創意和風卷物，卷物的口感相當有層次，既有香脆的軟殼蟹，又有清新的牛油果、爽脆多汁青瓜成餡料，味道相當不錯，而且賣相精緻❗️美味指數：⭕⭕⭕⭕⭕賣相指數：⭕⭕⭕⭕⭕抵食指數：⭕⭕⭕⭕⭕2️⃣🌟金龍卷 $88金龍是由鮮嫩的三文魚、濃郁忌廉芝士、及香脆炸蝦組成的創意和風卷物，卷物的口感相當有層次，既有香脆的炸蝦作餡料，又有濃郁的忌廉芝士，加上鮮嫩的三文魚刺身在卷物上等、賣相就如一條生猛的金龍，賣相及味道都相當不錯❗️美味指數：⭕⭕⭕⭕⭕賣相指數：⭕⭕⭕⭕⭕抵食指數：⭕⭕⭕⭕⭕3️⃣🌟柚想蝦你 $78這是一個有新鮮柚子肉、大蝦、翠綠沙津菜、粒粒鮮味蟹籽及中華沙津組成的特盛沙津，沙津份量十足，配搭和風沙津汁味道相當清新滋味❗️美味指數：⭕⭕⭕⭕⭕賣相指數：⭕⭕⭕⭕⭕️抵食指數：⭕⭕⭕⭕⭕4️⃣🌟雜錦天婦羅 $88雜錦天婦羅包括香脆炸蝦、香甜紫薯及彈牙的青椒釀魚肉，各款炸物也炸得相當黃金香脆，表皮不會充斥著太多炸粉，肉質不會乾身，味道不俗❗️美味指數：⭕⭕⭕⭕⭕賣相指數：⭕⭕⭕⭕⭕️抵食指數：⭕⭕⭕⭕❌5️⃣🌟網燒牛舌5件 $58網燒牛舌肉質鮮嫩滋味，帶有淡淡焦香，以鹽和胡椒調味，配搭恰到好處❗️美味指數：⭕⭕⭕⭕⭕賣相指數：⭕⭕⭕⭕❌抵食指數：⭕⭕⭕⭕❌🌟為是次餐廳用膳的推薦菜色❗總括而言，此餐廳食物質素甚高，而且價錢相宜，提供多元化的日式和風料理❗餐廳位於鄰近荃灣站的商場，交通方便，屬於荃灣一帶的高質日本餐廳，是區內日本美饌之選❗…查看更多

之前lunch hour經過見到好多人等位，襯夜晚早收工就黎試試佢啦。座位闊落坐得都舒服，員工好friendly。菜式方面都多選擇，不過最特別就係佢有好多款特色嘅卷物，個名都新奇啲🤣份量都幾足，下次會想再食呢🙌🏻🔸 火山（HK$88）造型同常見嘅卷物好唔同，卷物上成座山咁，佈滿青瓜、牛油果、蟹柳、同帶子，配住黎食口感超豐富呀😁🔸 金龍卷（HK$88）每次食日本野都一定要叫嘅金龍卷當然都有啦，出面嘅三文魚配住入面卷住芝士同炸蝦，入面嘅炸蝦仲保持住脆身，一細口咁食好滋味😋🔸 柚想蝦你 （HK$78）夏天想食返啲清新嘅小菜，就試左呢款沙律啦。超大盆，2個人都差啲食唔曬呀😆入面有甜蝦，加埋柚子酸酸甜甜好開胃～🔸雜錦天婦羅（HK$88）想一次過食曬幾款天婦羅就可以滿足下啦，有炸蝦、紫薯同青椒蝦肉。炸衣好脆身，而且都唔會太油膩。特別中意紫薯個款，好甜好好食🙂🔸原條茄子燒（HK$48）茄子燒超大條，上面仲有慢慢嘅櫻花蝦。有其他客人路過見到都問呢個係咩菜式黎🤣有醬汁嘅茄子好入味，偏重口味少少呢…查看更多

一直都知道呢間日本菜好出名食卷物，款色同組合都超多選擇🤗🤗地方光猛好坐，8點去到都要等一陣先有位。🎈櫻花蝦茄子燒(原條) $48我覺得除咗卷米一定要試之外，呢個櫻花蝦茄子燒都一定要試，呢個茄子個燒汁超香帶有甜味，再加埋鋪滿櫻花蝦，我同朋友一陣間就K.O.晒成條茄子😂😂😂🎈秋葵蝦肉天婦羅 $49平日天婦羅食得多，不過秋葵蝦肉天婦羅就第一次試，咁新穎嘅組合當然要試吓啦。原來係將蝦肉釀入秋葵入面，不過我就覺得個味淡咗少少。🎈柚想蝦你 $78呢個沙律用咗甜蝦取代平時嘅大蝦，再加埋柚子、中華沙律、蘋果、牛油果、蕃茄仔同埋沙律菜，再配埋芝麻醬，成個組合都非常清新好味😋😋😋🎈金龍卷 $88呢個比平時既炸蝦卷再多一層三文魚同芝士，食落去個炸蝦仲係脆口👍🏻🎈煙花 $95呢款有齊辣味三文魚同辣味吞拿魚，雖然冇咩辣味，不過都幾好食，加埋脆片又幾得意😎…查看更多

行完千色店後，晚飯時間來到餐廳，因為早食午餐嘅關係，下午五點幾已經有啲餓，黎到餐廳大約六點左右，當時還有很多吉位，但很快六點半便坐滿人。🥗龍捲風沙律 $68Crazy Salad 放上枱嘅時見到呢個小山丘，令人興奮😆，真係勁足料！由蔬菜、海藻、蟹柳、脆片堆成，撈埋一齊食有多種爽脆口感。🍤金龍卷 $88Golden Dragon Roll 食材由三文魚、炸蝦、芝士卷成，三種食材味道超夾，三文魚和芝士都好滑溜。🦪火山 $88Volcano Roll係巨形卷物，有青瓜、牛油果，上層係鋪滿厚厚層蟹柳、帶子和蟹子，飯和蟹柳做底層，係比較清甜嘅卷物。🦀蜘蛛 $85Spider Roll食材有青瓜、牛油果、蟹柳、軟殼蟹，軟殼蟹鬆脆得黎柔軟，帶海鮮少少鹹味。🍆茄子燒 $35Eggplant燒茄子上鋪滿櫻花蝦和醬汁，係一道惹味菜式。每一道菜都堆砌精美，充滿心思，而且好食得黎都幾健康，好多卷物都有青瓜、牛油果呢兩種食材。…查看更多

其實之前係觀塘都食過幾次…呢間餐廳主打Roll…好多款式…而且價錢好合理…味道仲唔錯添…今日黎開荃灣買野…原來係呢度都開左分店…所以又黎試下…望下餐牌…感覺比以前選擇多左…仲有串燒同鍋物今次點左個沙律…加左2個rolls…串燒豚肉鍋日式麻醬豆腐沙津…其實落左麻醬已經好好味…沙津有生菜…車厘茄…豆腐仲有三文魚籽…樣樣野都好新鮮…而且份量好慷慨添…之後就黎金龍卷同煙花…金龍卷裡面有炸蝦…鋪左塊三文魚…加左pad沙津醬…炸蝦黎到仲好脆…好味煙花就有蟹籽加吞拿魚蓉…上面就“嬸”左d估計係薯片碎…幾特別…都唔錯之後叫左串豚肉荔枝串燒…熱辣辣…食串燒好多時都點呢味野…呢度既豚肉燒得香口…夾住荔枝甜甜地好夾。最後就加多個泡菜豚肉鍋…好足料…好多豚肉…仲有金菇…白菜…大蔥…豆腐…呢個泡菜鍋都幾辣…如果鍾意食辣就啱哂…呢度地方半open…唔算大…不過都算坐得舒服…比觀塘光猛。食物保持水準…價錢合理…查看更多