金鶴拉麵 (閩街)

🕖時段-星期四夜晚佐敦店唔多人 可以即刻入座同自己揀座位👍🏻有吧枱同普通2/4人枱_▫️[期間限定]極濃牛骨湯拉麵 $98牛骨湯超香濃同creamy! 拉麵好掛湯 食食下比朋友笑我飲左好多湯😂 食完基本上無哂湯咁濟 每啖都好香濃牛味🤤慢煮豚肉叉燒兩大塊 睇落偏紅好似好raw咁 但食落剛好👍🏻蛋好流心無overcook🥚 _▫️金鶴雞白湯拉麵 $98雞白湯有分極濃($138)同正常($98)濃度 正常濃度都好濃雞香味 下次有機會試下特濃係有幾濃😎有2片雞肉 普普通通好似平時食雞胸咁😹另外有一塊慢煮豚肉叉燒 都係大大件！最特別係有幾條炸牛蒡 趁一上菜食食比較香脆 放耐左易淋 也可點湯食😀_ 🍽環境成日聽人講終於有機會自己去食！朋友話呢間裝修較其他分店更骨子 我第一次來感覺好日本和風🇯🇵如果怕多人餐廳亦提供外賣自取…查看更多

約咗個老友聚一聚食餐飯，地點由我揀，其實老友好易話為，食咩都無所謂，所以，就番回家方便嘅路線，揀咗「閩街」嘅「金鶴拉麵」，一來曾經食過，知道質素去到邊，唔怕害到老友食劣食，二來行5分鐘唔使就到柯士甸站，返到屋企口使15分鐘，超方便。踏進餐廳，跟其他分店嘅格局差唔多，都喺修長窄深，裝修摩登，配以柔和燈光，有別常見嘅木系主調。一幅金碧輝煌嘅金鶴圖喺佢哋嘅標誌，呢度對住吧枱位亦有一大幅。 我哋被安排坐晌吧位，可以睇到師傅整麵，而枱下有小勾，方便勾住啲袋。枱面有成大樽消毒啫喱，又有紙巾，供客人使用。 主餐牌印刷精美，黑底襯上食物圖片，夠格調，而主餐牌主要介紹店家主打嘅拉麵、鰻魚飯及小食。 其次，亦有啲散裝餐牌，喺期間限定嘅「鯛魚雞白湯拉麵」、多款串燒。 芥末八爪魚 $38貪口爽過吓口癮，所以，點咗一客八爪魚試試，芥末味唔會好嗆喉，點到即止，而八爪魚切成小粒，咬落口感柔韌，涼涼爽爽咁，裡面又混咗啲芹粒，作為前菜都幾過癮。 金鶴雞白湯拉麵 $98呢度以雞湯為主打賣點，所以，老友一早就打算試番店家嘅招牌「雞白湯拉麵」。一客拉麵有兩大片日本赤雞雞肉、一大片黑豚叉燒、溏心蛋、炸牛蒡片、筍乾、木耳絲、蔥絲，可以講喺材料豐富。老友就話湯底綿滑濃香，一點油膩感都無，好有驚喜，事後先知個湯熬足6個鐘，唔怪得咁堅；雞肉原來以低溫慢煮，老友大讚夠嫩滑；炸牛蒡片口感脆口，又不失牛蒡嘅獨有甘甘哋嘅味道，麵量十足，至於其他食材及配料就等我再分享。 北海道極濃蟹湯拉麵 $138小弟不時都講，喺鍾意食蟹，但就好怕拆蟹，但呢一道同樣期間限定嘅蟹湯拉麵就啱晒我，因為完全唔使拆，就有蟹肉食，睇見碗面一大堆蟹肉就開心呀！此外，仲有一大片黑豚叉燒、溏心蛋、筍乾、黑木耳絲、蔥絲、紫菜，非常豐富。 蟹肉食得出喺新鮮貨色，味道非常之鮮甜，帶點海水嘅鹹味，大梳大梳蟹肉放入口，今次都算食得盡興。叉燒亦好對口味，鬆化而有少少油香，卻唔會太過肥膩，個人都比較鍾意呢個做法，因為少肥肉。 至於隻溏心蛋，唔使我多描述，睇樣就知做得上乘，蛋黃半凝，又充滿蛋香，其他配料亦都好好食。 麵條亦具質素，厚度啱啱好，咬落有韌勁，夠耐浸，食到最尾一炷都無話浸腍，又好掛湯。湯底就梗喺正啦，夠晒鮮香，濃而不膩，否則，都唔會成碗飲晒。 原來，店家仲有做埋外賣拉麵，唔怪之得不時有啲客快出快入，喺拎外賣。總括而言，兩款拉麵都好有水準，各有亮點，加上服務到位，值得再訪。…查看更多

聽講呢間拉麵店幾出名，我本身未食過雞白湯拉麵，今次一次過試咗史上極濃雞白湯拉麵同金鶴雞白湯拉麵，果然好味道，下次有機會都想帶屋企人嚟試吓。餐廳環境整潔，好有日式餐廳嘅感覺，另外有bar枱可以望到廚師即時煮拉麵同燒烤鰻魚等等。史上極濃雞白湯拉麵$138- 拉麵一上枱我哋立刻試吓個湯底，講真史上極濃同普通雞白湯味道唔係差太遠，可能雞味濃多5%左右，不過質感比較濃稠，飲落去覺得重骨膠原多啲，雖然雞湯睇落好似唔多油，不過飲得多都會膩左少少。每碗拉麵都有炸牛蒡、半隻流心蛋、木耳絲、兩塊慢煮雞胸肉同叉燒，分量都幾多。最吸引我嘅係炸牛蒡同雞胸，平時好少機會食拉麵嘅時候食到，炸牛蒡好香脆，味道濃郁，浸泡雞湯食又有另一番風味。雞胸好軟滑，一啲都唔鞋，感覺比一般脂肪比例較高嘅日式叉燒較為健康，亦配合雞白湯嘅主題。金鶴雞白湯拉麵$98- 呢款雞白湯感覺清爽啲，除咗湯底唔同之外，其他配料同史上極濃嘅一模一樣，所以性價比較高。另外我哋同店員提出淥熟少少日式叉燒，廚師都好好另上一塊叉燒俾我哋。順帶一提，女廁有部電視播韓國男團、女團MV，同日式餐廳風格有啲唔同。…查看更多

金鶴雞白湯拉麵（$98）首先試一啖佢既湯，奶白色，好濃郁，真係好似飲緊雞湯咁。配料有好大舊炸牛蒡、火炙叉燒、慢煮雞胸肉、糖心蛋等，配料份量好足夠！拉麵軟硬適中，叉燒同雞肉夠淋，但味道無特別，主要係佢嘅湯底出色，佢另外有一款極濃雞白湯拉麵，下次可以試吓！活燒蒲燒鰻魚飯($238)鰻魚係用新鮮白鱔，即叫即燒，所以黎到仲熱辣辣，食落表皮有少少脆身，咬落都算肥美，好香既鰻魚汁味，有2大塊鰻魚，十分足料！整個飯有配埋芥辣魷魚同麵豉湯比你，不過不失！整體價錢比較貴，但值得一試抹茶軟凍（$33）有4件，抹茶味重，口感煙韌，味道好好！.成間店坐位不算多，燈光較暗，但環境尚算舒服。見佢外賣有折好抵，下次經過會再試。…查看更多

行到個頭見到好日式既門面就知係呢間 想食好耐終於試到入面有吧枱同普通木枱坐得都幾舒服 員工好好態度又會做下推薦٩( 'ω' )و試左新出既蟹湯拉麵🍜個湯底唔係完完全全既水質 而係好綿滑好重蟹味 最驚喜係面頭真係有啲鮮美蟹肉🦀麵底都好出色 軟硬適中 我最怕食啲好軟既麵🤭而雞白湯同黑蒜醬油湯拉麵湯底都好出色 食完麵都直頭想飲埋佢(⁎⁍̴̛ᴗ⁍̴̛⁎)伴碗有叉燒同雞肉 叉燒肥瘦啱啱好幾唔錯 但雞肉就失色左少少 冇咩味不過幾滑 好似平時減肥既雞胸🤪可能就收鋪 店員請左我地食抹茶軟凍 我唔係matcha fans但好彩佢唔係超濃茶味 質感幾得意幾好食🎉拉麵黎講雖然唔算好平但幾好食 睇落份量唔多但勁飽肚 大機會encore(˶‾᷄ ⁻̫ ‾᷅˵)…查看更多

與別不同的雞白湯拉麵我是為湯底而來的有圖有真相雞白湯是全奶白色史上極濃的一款對我來說太膩了吃到最底會太濃稠正常version 金鶴雞白湯拉麵就是剛剛好飲完有少許黏口的湯底真材實料餚出來碗上最搶眼的炸牛膀夠香脆為拉麵提供脆脆口感.想稱讚一下兩塊表面上平平無奇的雞胸肉好軟熟又沒有渣比平常吃到的雞胸肉更滑輕輕用黑胡椒醃過已能帶出雞味.吃完麵記得要上洗手間洗手間是另一景點跟日本的洗手間不遑多讓不在此詳細說明你去到就會知道…查看更多

尋晚終於試到係朋友圈已流傳一段時間 - 好評如潮, 係本年度性價比高的拉麵 - 金鶴拉麵(佐敦)。雖然尋晚早食時段(6pm), 但不斷入客而外邊仲一直人等枱。 到我地有位坐低就二話不說, 叫了皇牌拉麵 - 「金鶴雞白湯拉麵」($98),及「辛味拉麵」($88), 兩款都是必食。因為湯底好濃, 尤其雞白湯, 一飲就知超足料, 好有膠質感同滴雞味高水準。而辛味拉麵起初擔心會太辛辣, 但原來辣啱啱好我會稱為「女人辣」, 好啱女人食, 仲有兩者的麵質口感好彈牙同好滑, 我地坐Bar枱所以係咁望實師傅點樣淥個拉麵底, 原來少些工力都不行!!同時兩款拉麵都配料豐富 - 雞胸、火炙叉燒、糖心蛋(金鶴雞白湯拉麵)。小食亦一絕, 「煎日式餃子」($33), 「日本明太子雞翼」($48), 我習慣去試一間新店時會盡試其看似簡單既菜式, 因為如果連小小一道簡單菜式已經好好味, 此店一定不能錯過。所以叫了金鶴的煎餃子, 肉質好豐富同最緊要煎得唔油, 食完個口唔會一泡油咁(高手), 而「明太子雞翼」好足料, 一咬成舊雞翼內心包圍晒明太子涵料但都只係$48/碟, 成餐都只食左$ 300以下仲好飽。所以真係 - 本年度性價比高的拉麵店。…查看更多

今日同女朋友在佐敦舟車勞頓，終於有機會到附近的金鶴拉麵嘗試！😋我哋嗌左金鶴雞白湯拉麵，即燒鰻魚飯，煎日式餃子，炸雞，以及溏心蛋。先講金鶴雞白湯拉麵，呢個拉麵嘅重點係個湯底，煮了超過6小時，入口像忌廉咁幼滑但濃郁，但係係食落又非常之清甜，一啲都唔覺得膩，好味道。另外佢亦有200%極濃雞白湯拉麵，希望下次可以一試。🤗然後重點係燒鰻魚飯！據我所知燒鰻魚有兩種方法，一種係好似喺日本食到嗰種燒到脆嘅，另一種係肉比較厚身，食落非常腍而且啖啖肉，呢度既係後者。等左廿分鐘，黎到即刻一嘗，我都唔識講啦，真係好好食！鰻魚肉超過1cm厚，醬汁惹味，食落極之滿足，飯粒粒粒分明，好！😋三款小食味道都唔錯，我覺得個鰻魚飯同雞白湯拉麵麵已經足夠叫人一試再試！😎…查看更多

自己鍾意食拉麵，平日亦會定時定候去食，近期就愛到九龍區覓食，今晚與朋友來到這間佐敦區十分有名的拉麵店，進駐了九龍區，還要在佐敦比較入一點點的位置，很多人都說它的雞白湯是多麼的神，當然要來看看吧。 晚上，店內的客人不算太多，於九龍區的店鋪動輒要等上半小時，所以這晚不用等位...這真不錯。 【金鶴拉麵】位於 佐敦閩街，旺中帶靜。到達門口黑色門面，不過正在裝修中所以有點被檔了，神神秘秘，掛著暖簾已被設計所吸引...入到店內，光暗成一大對比當中慢慢透出一陣醬油香，魚油香...應該是人氣鰻魚飯的香氣吧！另外這裡有掛畫由金箔整成，相當名貴。我倆選了吧枱坐低，因為可以＂欣賞＂制麵和燒烤過程，除吧枱位，仲有方桌座位，可容二至六人。看看餐牌，簡而精，主打雞白湯拉麵，令我想起從大阪開過來的拉麵店 - 「座銀」，亦是主打雞白湯拉麵，但「座銀」價錢不便宜，有時在社交網站，見到朋友不時光顧，我也試過一次都是好吃到不得了。所以今次都是點餐廳有名的雞白湯拉麵以及活燒蒲燒鰻魚。再加一客餃子。🔹煎日式餃子相信即時進食及不即時進食也不夠香脆，脆一點會更好，味道還是不錯的，因為餡料夠多，又夠juicy。雞白湯之奧義店員道「金鶴雞白湯」，採用日本赤雞煲製，熬，了六個多小時所以湯底香濃而不膩，入口綿滑 。🔹金鶴雞白湯拉麵 $98入面有「慢煮日本雞胸、火炙叉燒、溏心蛋、炸牛蒡，加上膠質豐富的濃雞湯」吃罷的飽足感。在我面前就是雪白的湯，湯底打到起泡，濃得起膠，不過沒有「座銀」的那種濃厚度。慢煮過的薩摩赤雞肉，柔軟嫩滑，質感取勝。火炙日本黑豚腩肉叉燒肥瘦適中，散發陣陣油香，肉質鬆化。半熟玉子，葱絲不俗，玉子非水汪汪但都好有味。炸牛蒡不要浸湯吃，因為本來的香脆可口才是皇道，吃下來沒有積聚太多油份，可以當小吃添喔。最後要說是麵條...如果再粗身一點我會更喜歡，呢度嘅麵條煙韌爽滑，質感就不算太實在但勝在拉麵掛湯能力強，吸收到湯中精華，啖啖都非常滿足配雞白湯很合拍喔。在日本時，我也會找鰻重來吃，今次拉麵店也賣起鰻魚飯，實在要試一試。🔹活燒蒲燒鰻魚飯 $198漆盒中，烤得油亮帶焦邊的鰻魚，熱呼呼的烤鰻魚好吸引。襯熱吃先唔記得。用可出日本的高級台灣鰻魚，每日新鮮劏活鰻，再好有心機咁人手逐條起骨，確保鰻魚食落啖啖肉。呢個位真係好加分，朋友怕吃骨，所以覺得更加貼心呢。鰻魚烤至金黃油亮，每份鰻重都用上1/4條鰻魚，亦有有3cm厚，肉質肥美又厚身，一食落去，鰻魚的甘香味超出亦會滲出陣陣焦香的鰻魚醬香氣，拌飯吃別是滋味，鰻魚油份加鰻汁的鹹甜更有陣油香！帶有焦邊的鰻魚，個個位特別有口感又多汁有彈性。呢度仲特意選用日本七星米，所以米質不算黏身，充分了吸收魚油的精華。拉麵店裝修有放心機看似絕無平價拉麵店的格局。令你坐得舒服又放鬆，這裡的雞湯本身的香味略為內斂，並不是大鳴大放的那一種，如果你喜歡輕巧味道但帶出鮮味應該會喜歡【金鶴拉麵】的雞白湯，另外活燒蒲燒鰻魚飯是我本人非常推介的，可以說是在我心中排名頭兩位的高質鰻魚飯，一試難忘。愛食日本菜的朋友下次到佐敦時不妨試試這小店吧！…查看更多

當日係尖沙咀睇完戲已經幾夜下，突然醒起佐敦一間唔錯既拉麵，就同埋友人一齊去再回味～由於友人未食過金鶴拉麵，就叫左我之前食過，十分推介既一款拉麵－金鶴雞白湯拉麵！依款雞白湯拉麵係我冇係其他地方食過既味道，好濃郁既雞白湯！配上脆口既炸牛蒡，因為慢煮而嫩滑既雞肉，肥瘦得宜既叉燒，火侯恰好既糖心蛋，一碗拉麵有唔同既口感店員仲好細心咁提醒我地牛蒡要先食，淋左就冇咁好食，而雞肉因為低溫慢煮所以食落口只係微溫狀態，好細心友人食完都大讚，我都十分impress開業左一段時間質素冇下降另外我今次終於試到上次食唔到既鰻魚飯！果然有驚喜活燒蒲燒鰻魚飯其實係一個set黎既，鰻魚飯再加上一份伴菜同一碗湯～伴菜應該係芥末八爪魚，開胃；湯就清清地，可以解膩～主菜鰻魚飯十分吸引！鰻魚好厚肉，燒得剛剛好，外脆內軟，肉質嫩滑唔鞋口鰻魚份量比我想像中多，幾大條下，可以一啖食晒肉同飯，唔會最後淨番晒啲飯香噴噴既鰻魚汁浸落熱辣辣既日本米，令人一口接一口！美中不足係份量有啲少，唔夠侯啊我地食落之後先發現九點後入座有全單8折，即刻好抵食！…查看更多

佐敦附近上完堂，跟住就當然係要醫一醫肚，行到官涌街市附近竟然有金鶴拉麵🍜分店，簡直太好啦，諗都唔使諗，就選擇佢，因為一直都想試但總是沒有機會。點了一個雞白湯拉麵，和一個醬油拉麵，原來午市有追加小食優惠，當然唔會放過優惠嘅時刻，加了一個唐揚炸赤雞，煎日式餃子🥟，但胃口大的朋友想加多一個燒雞泡魚乾，最後是可以食得完。雞白湯拉麵，牛蒡刨成絲，炸得好靚，且香脆，白雪雪的雞胸肉，肉質嫩滑，店員溫馨提示，小心湯底沾到這兩款食物，會影響口感。奶白色的雞湯底，不油膩，不鹹，口感香滑，配上彈牙的拉麵🍜，正除了兩塊雞胸肉外， 更有兩塊叉燒和半隻溏心蛋，這個價錢有這樣的質素，簡直性價比高👍🏻醬油拉麵也不輸蝕，高湯加上日式醬油做湯底，味道雖然較為清淡，愛味道偏淡的朋友可以一試，配料一樣有雞胸和叉燒各兩塊，及半隻溏心蛋。麵條一樣彈牙。小食方也不差，唐揚炸赤雞，炸粉漿夠薄身，外脆內軟煎日式餃子🥟，皮薄餡足燒雞泡魚乾，配上醬汁燒成，燒得剛好，不會太乾身，用來送酒一流…查看更多

早前留意到一間拉麵店，推介雞白湯拉麵，坊間多數是豬骨湯底，所以見呢間有雞白湯湯底的拉麵，就被吸引到來。門面的金鶴裝飾配純白牆身，簡約得來帶點貴氣，店內有數個Bar枱座位和數張2人枱，雖環境不算很大，但坐得舒適。金鶴雞白湯拉麵 $98，餐牌介紹個雞湯用赤雞熬製，濃而不膩口感順滑，食完不會口乾。的確是有濃郁雞味，飲落不黏口好順喉，由於不油亦不太咸，飲落確實不膩，食哂成碗都無負擔。拉麵有2塊火炙黑豚叉燒和2塊赤雞雞胸肉，叉燒經火炙過，更顯脂香，叉燒亦是半肥瘦，有彈性亦重豚肉味，好滑溜好大塊。雞胸肉用慢煮方法，所以好嫩滑多肉汁，完全無渣不痴牙，而且不用沾湯食才食出原味及口感。牛蒡經炸過後，除了脆口，因為夠薄身，所以無左個種苦澀味，若再撒點鹽添加味道更是完美。拉麵順滑有咬感又掛湯，份量都足夠，只係個湯再咸少少就更好。浦燒活鰻魚串 $68，賣相非常吸引，邊望住廚師放入爐燒，一邊傳來香味，經過係一種享受。鰻魚好肥美，油脂極香，肉質充滿彈性，甜甜地的醬汁更帶起鰻魚香味，而且外皮燒得脆卜卜，滿分之作，下次要食鰻魚飯。金鶴雞白湯沾麵 $138，個人最喜歡呢款麵，沾麵湯汁一般較湯麵濃，所以咸度濃度會比較重，我食落覺得味道岩岩好，而且麵是冷的，越食湯汁越變冷，店方細心幫客人加熱沾湯汁。配料同拉麵一樣，但多了半隻糖心蛋。可選4片日本火炙黑豚叉燒或慢煮日本薩摩赤雞胸肉，也可兩款各2片。正因慢煮雞胸，所以肉嫩多汁，質感細嫩，我餐廳做得好好，下次我會揀哂雞胸肉。糖心蛋個流心效果好正，半熟蛋黃更顯蛋香，味道濃郁，亦好夾沾麵，係不可缺少的配料之一。沾麵通常我會先食一啖不沾湯的麵，會有淡淡小麥味。之後就夾點麵去沾湯，沾麵經冰震過程，令都麵質更爽彈更有咬感，而用較粗身的麵也掛更多湯汁，整個麵份量較多，食完好滿足但不會膩，好岩夏天食。…查看更多

喜歡吃鰻魚，今天來到佐敦吃一間朋友介紹的金鶴拉麵，除拉麵外，聽說那裡的鰻魚飯亦很岀色。師傅製作拉麵時一絲不苟，我們點了一個飯，一個拉麵。首先來的是拉麵🍜，賣相很吸引，上面的是炸牛旁，挺特別，香脆可口。有兩片叉燒和雞肉，叉燒半肥瘦，雞肉嫩滑。拉麵硬度適中，是我喜歡的幼麵，雞湯底濃郁且厚，掛於拉麵上，超好吃，幾乎喝掉整個湯底，亦不覺膩。至於鰻魚飯，因為鰻魚是即燒的關係，所以等的時間比較長。看見師傅很有耐性地把魚骨鉗岀來，燒的火候亦剛剛好，鰻魚厚身，肉質嫩滑，滿滿油香。日本飯粒粒分明兼有咬口，整體真得很不錯。侍應親切有禮，亦會主動添水，有機會再來。…查看更多

師傅們都相當用心製作。開放式廚房內，有人切牛蒡條、有人炸牛蒡、有人煮湯底、有人點綴菜式，全部在客人面前新鮮準備。.店舖的招牌拉麵，牛蒡香脆帶甘甜，糖心蛋味道濃郁，最值得一讚湯底厚身creamy，用上赤雞熬製六個小時而成。.湯底由鰹魚高湯混合日本海鹽熬製而成。鰹魚味香甜清澈，配合鹽湯帶出鮮味，鹹味剛好，吊起勁度，濃郁而不膩。叉燒肥瘦均勻，雞肉低溫慢煮，軟嫩彈牙。.肉質厚實，弾牙煙韌，新鮮烤起。.口感Q彈，比啫喱更有韌性，淡淡甜味，抹茶香。.…查看更多

收藏了許久，今天終於有機會一嚐金鶴拉麵！平日的下午一點半到達門外，也有兩三檯的客人在排隊，結果等了差不多半小時才內進，天氣很熱有點辛苦呢我們被安排坐在單邊、向著廚師的高檯。不得不提的是，我第一次覺得坐高檯會是那麼舒服！高凳有很舒服軟墊，不會太淋令客人坐上去時會坎了進去。一片片的大鰻魚正在製作中，肉很厚呢也看得到師傅逐碗拉麵沾麵製作中，很期待。二月下載他們的app成為會員，可獲得買一送一的電子優惠卷，我們當然有下載做會員然後享用優惠卷！我們就要了一樣的拉麵，打算再追加一款小食。店員告訴我們赤雞和叉燒拉麵裡會有，我們就可以不用再叫。我們先點了拉麵，商量了一會後再追加炸雞，因為店員推介炸雞是日本來的；但大約是漏單了最後沒有來，我們也沒有再加，所以只吃了拉麵。沒有很久，拉麵就來了。嘩！這真是我們的第一個反應看相片都沒有覺得特別震撼，但原來端到自己面前親身看到拉麵的外觀會有這樣的感覺。最引人注目的是拉麵上面的一堆炸牛蒡，疊在一起拿去炸得高高的。其實炸牛蒡本身沒有甚麼味道，主要都是食到炸的油味，質感脆脆的。起初覺得幾得意，但吃得多也比較膩，始終是炸物。店員上菜時也提醒若要保持口感應盡快吃掉炸牛蒡；我覺得炸牛蒡是gimmick多於味道，視角上特別，吃起來就是一堆炸油味。一大特色就是我從未試過的雞白湯。奶白色的湯底有少許厚身，無論是質感還是顏色都看得出湯底濃郁。味道是用上一段時間淆製而成的雞湯，很少會飲到有那麼濃厚雞味的湯。雖說是濃厚，味道不會太重也不會過濃搶去整完拉麵的味道，味道很好有誠意。湯底較creamy和少許厚身，飲得較多湯也會飽的，但值得一試。雞和叉燒各有兩三片，不多。想不到低溫慢煮薩摩赤雞會有驚喜。雞肉很清，雞味香。別看它細細的一片，雞肉味很濃，跟一般吃到的完全不同，的確是日本的味道相對上，火焰日本黑豚叉燒就沒有那麼出眾了。叉燒質感適中，味道可以，雖然看得到師傅在廚房裏用火槍燒叉燒，但無論是視角上還是吃上去，我都不大覺得有「火焰」過，稍微遜色。半隻糖心蛋夠入味，糖心的質感也做得不錯；麵爽口，配上有少許厚度的雞白湯幾好味。其實拉麵的份量不算很大，但吃著吃著卻很飽，大概是因為湯底濃厚，讓客人較容易感到飽。食拉麵，把碗裏的湯飲盡是對師傅的一份欣賞和尊重。天氣頗熱幸好冷氣非常足夠，座位雖然是高檯卻出奇地舒服。店員服務正常，只是不知道是不是客人較多比較忙碌，我感受不到其他客人所說的很好服務。離開店鋪才看到其他客人說洗手間值得參觀，可惜今次不知道，要不我必定去一回欣賞這裡的誠意雞白湯和低溫慢煮薩摩赤雞，加上會員買一送一的價錢，絕對抵食！…查看更多