林昌記

在尖沙咀行到去紅磡嘅路上，就會發現到在天橋嘅轉角有一間不太起眼嘅小食店 - 林昌記。每次嚟都有唔少街坊或者學生排緊隊叫嘢食，呢到嘅魚蛋好出名。有一次，林昌記嘅老闆喺我落單之際，問我有無興趣試新菜式 - 金蛋，見到有隱藏餐單，當然要試試看。原來金蛋係炸魚蛋，每粒魚蛋都唔需要炸粉就落去炸，好香口，值得一讚係老闆加上咗秘製嘅辣椒油同千島醬，有甜有辣，一路食唔停。之後再去林昌記，原來即使老闆唔喺到，餐單又無，都可以同姐姐落單要金蛋，所以大家不妨一試喔！…查看更多

因為經常坐過海巴士,所以我經過呢度gei次數都跟住提升,個個都話佢好食,即刻買原味挑戰,因為一粒魚蛋好唔好食,原味已經可以分高下佢D白魚蛋係細粒款色,不過相當扎實,唔似D麵粉魚蛋大粒但好似食空氣~所以佢好彈牙同埋有魚味,由於我唔食辣椒油所以第一次我係就咁吃咁純gei原味都已經好清甜,好好食,第二次我就醒目啦,自備甜醬豉油,咁又唔同玩法,呢個自製menu都好正,其實少少甜醬已經好吊味呢次我聽到有人買金蛋,我心諗:menu無gei?原來佢係隱藏menu~~係炸魚蛋,好彩我聽到,下次又去叫因為係即叫即炸所以要等一陣,不過出來的時候真係好吸引!!雖然係金黃色,但無多餘油分,外層好酥脆好薄.但內裡依然係白滑彈牙,會令人食完又想食.今次用自備醬汁都好食,但原來跟佢preset好gei千島醬先係完美,所以下次大家記得金蛋一定要千島醬!!!…查看更多

之前每次經過天橋都見到好多人圍住呢間鋪頭，就諗呢間鋪頭到底係買乜同有咩咁特別，行埋去先知原來係買魚蛋！🍡我地叫咗原味魚蛋同埋咖喱味魚蛋$20。企喺度等嘅時候聽到好多人話要一份金蛋！但望黎望去個餐牌都見唔到金蛋！原來金蛋係隱形餐牌！即係炸嘅魚蛋！😯😯同男朋友見到之後就忍唔住要多一份金蛋黎試！食咗啖之後，我哋互相對望都覺得嘩原來咁正咁好味！同千島醬真係好夾！佢哋炸到粒魚蛋啱啱好，外脆內軟而且好彈牙！😍以後食魚蛋又搵到個好地方！😋😋…查看更多