麻辣派對 (瑞生酒店)

超愛吃辣的我這次來到麻辣派對，這裡選擇很多，有水煮系列、麻辣香鍋、酸辣鍋、小炒、川渝涼菜等等，環境很有派對氛圍，輕鬆舒適的氣氛口水雞 $68雞件份量多，而且肉質嫩滑，雞皮彈滑，辣油充滿麻香，配上花生碎、芝麻和蔥花，很香口惹味金牌酸辣水晶粉 $48配料有肉碎、榨菜、花生，水晶粉很Q彈有咬口，湯汁酸香味突出，富香料味，香辣美味凍蜜語水果茶 $38有西瓜、火龍果、香橙、奇亞籽，很豐富，味道清甜，非常解辣…查看更多

這天晚上我約了朋友在尖沙嘴吃晚飯，經過網上的推薦，我們便決定來到這間酸菜魚餐廳試一試，店內環境寬趟和清潔衛生，店內客人很多，證明食物的質素應該非常不錯，餐廳會播放流行音樂酸菜江團魚($198)花椒，芽菜爽口，水晶粉十分軟身，荳芽彈牙，酸菜，江團魚嫩滑細密，而且冇幼骨，非常新鮮，份量非常多手柏青瓜($48)青瓜十分爽口，味道十分鮮甜，細細粒，很易入口，用涼拌的做法，非常適合這個炎炎的夏天食用派對口水雞($68)用芝麻粒灑面，芫荽，口水雞嫩滑細密，非常新鮮，味道廷辣金牌酸辣水晶粉($48)稔香軟彈的肉碎，細碎的蔥粒，爽口的花生，酸酸的榨菜，水晶粉晶瑩剔透，十分煙韌，份量非常多免費紅豆沙紅豆沙煮得很軟身，味道恰到好處，不會太甜整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度和積極，所以我認為這間餐廳是值得再去惠顧…查看更多

本人夏天，就會諗起酸菜魚既酸爽😍今日黎到尖沙嘴呢間人氣高既川菜餐廳！餐廳環境樓底好高，現場燈光佈置等都十分有feel☺️☺️會準備口罩袋同濕紙巾俾顧客，仲有尿袋可以借😳👍十分為顧客設想酸菜江團魚🐟個酸菜魚啲配料非常之豐富！揀江團揀得冇錯～冇骨同魚肉好滑，配合嗰啲湯底幾正。配料有花瓣、乾辣椒、小米辣椒、泡椒、水晶粉同埋魔芋😋個酸菜魚啲湯好香魚味同麻辣～自己揀咗小辣但可能中辣會更加適合，麻辣味更強烈會更滋味～所以食得辣可以試吓叫辣啲！湯底有好多水晶粉都係呢盆魚嘅靈魂🤩啲水晶粉吸晒啲酸辣嘅魚湯，又飽又好味～金牌酸辣水晶粉🍜見到金牌呢兩隻字緊係要試下啦😍碗酸辣粉好大碗🤩聞到陣酸味都流嗮口水🤣呢到既水晶粉真係幾唔錯，偏幼但唔易斷好有嚼勁，勁吸湯底！我唔敢食太辣所以嗌左bb辣😂都幾後悔 其實小辣好d 應該會仲爽😂😂七味雞脆骨🐔首先想讚下個份量，真係食極都仲有😂👍每舊雞脆骨size都差唔多大細～平均包裹炸粉唔會好鹹，成粒轉一轉七味粉好香口！最後仲會送上甜品🤩🤩總括而言，呢間餐廳都幾正宗四川口味，尖沙嘴雖然有好多美食揀，但呢間幾值得一試噶😉…查看更多

朋友係附近返工，知道我係一個麻辣控，常常都話要帶我黎，今日係尖沙咀附近shopping完，終於有機會試下。雲南酸菜米線可選BB辣、小辣、中辣、大辣，選了BB辣，顏色睇落好似好辣，食落好香，唔會太辣，配料有花生、肉碎、芫茜、炸菜、酸菜。金牌酸辣水晶粉水晶粉晶瑩剔透，麵條煮到剛剛好，唔會太腍，又唔會太硬，每一條都吸哂麻辣湯味。清炒萵筍唔係周圍都有萵筍食，見到呢度有，一定要食，萵筍爽口，清炒煮出黎非常鮮甜。手拍青瓜涼拌黑木耳凍蜜語水果茶水果茶配料非常豐富，有西瓜、火龍果、奇亞籽。食辣野一定要配返杯冰涼飲品。…查看更多

上網見到麻辣派對個環境勁令，就約左朋友同我去試下上到去真係有d驚豔，放左幾幅人像畫，天花放左好多花做裝飾，用左古典風牆紙，成個環境感覺好正😍乾煸四季豆😍呢個本身對佢冇乜期望，但反而有驚喜，佢炒得好入味，都有幾多肉碎，調味係啱我呢d重口味既人食既，如果有叫個飯黎送就更正😋金牌酸辣水晶粉😋因為本身以為水煮魚係得魚肉，所以叫左個水晶粉黎試，呢個水晶粉又真係好食過水煮魚入面個d,唔知係咪因為酸辣湯底同水晶粉夾d呢😊蕃茄味水煮魚😊見到好多人係度食水煮魚，唔係好中意食魚既我都試下佢，蕃茄湯底就啱翻我呢d唔太食得辣既人喇，魚因為我都冇乜研究，就揀左江團，第一次食，好彩都係冇魚鱗冇骨，可以放心大啖食，佢一鍋勁大，應該可以兩三個人食，仲有放左水晶粉落去，吸收哂蕃茄湯既精華好好食😊💕糖水💕就食完個陣佢送左紅豆沙比我地食，好窩心丫，佢煮得都有起到沙，對我黎講唔會過甜，正食咁多野埋單都係三百零蚊，幾抵食，唔落深圳食都得喇👍🏻…查看更多

麻辣派對雖然唔係第一次食，但係之前只係食川式小菜,不過因為男朋友最近迷上食酸菜魚。經朋友介紹話依到嘅酸菜魚幾有水準,所以一於帶男朋友嚟試吓。黎到果然見到幾乎每台都order酸菜魚或者水煮魚。呢度有幾款魚可以選擇,經店員介紹之後我選擇左江團魚,肉質鮮嫩之外亦都比較少骨。除咗有大量酸菜之外,底部仲有大量薯粉。金牌酸辣水晶粉上枱嗰陣時真係嚇親,因為冇諗過咁大碗。酶同辣嘅味道啱啱好,得而平衡。面頭仲有大量嘅肉碎同花生。山城回鍋肉夠晒鑊氣,肉片嘅份量都幾多,我選擇咗中辣,於我來講辣度啱啱好,好惹味。…查看更多

這間餐廳位置方便，加上有朋友吃過後推介，所以這次尖咀遊晩餐點選了這裏。雖說是賣辣的餐廳，每一道菜還是可選擇不辣。派對6小時燉湯($68)，材料很多，有雞腳、味道突出。友人說這個湯比家裏的老火湯好喝，因經過長時間烹調，材料的味道融入於湯水中。戀味毛肚($68)(BB辣)，雖是BB辣，但個人覺得辣度與麻婆豆腐一樣。毛肚薄而大片，每次點毛肚都怕毛肚太靭，這裏的毛肚非常爽，而且不用咀嚼無數次才嚥下。川味麻婆豆腐($68)(小辣)，四川名菜，吃辣的怎能錯過麻婆豆腐。均勻的豆腐粒，辛辣加上麵豉獨有的鹹香，做到麻和辣的味道，令清淡既的豆腐變得精彩。絲苗白飯($12)，白飯永遠是麻婆豆腐的最佳伴侶，看見附近每一枱每人都點一個白飯。配合酸菜魚或麻婆豆腐吃，比粉麵更適合。金牌酸辣水晶粉 ($39)(BB辣)，不愧是金牌，比一般的粉麵飯特別和好吃。水晶粉爽滑，其透明的麵條混和着辣汁，令本是透明的麵條帶着紅色，甚為好看。水晶粉滑，但仍能吸收湯中的辣汁。因選了BB辣，辣味沒有蓋過酸味，兩種味道也能平均嚐到。配料比想像中多，看看圖片就知道。大量葱粒和芫茜加重水晶粉的香味。大量花生粒也提升整碗的爽口鹹香。中間的肉碎粒與水晶粉混和吃，在辣湯底下更顯肉的香濃。清炒萵荀($78)，原本只是想點一碟清菜，以免吃太多麻辣食物，結果成為我最喜愛的一道菜。這道菜在其它餐廳較少見，我們都是第一次嚐。萵荀清新爽脆，又帶點滑嫩，毫不油膩，每吃一口都能解辣。在眾多辣食中，可說是「萬紅叢中一點綠」。最後送上甜品馬蹄露，有很多馬蹄粒，在吃過辣物後喝一口，倍感清爽。…查看更多

10大2小慶祝母親節晚飯，我們點了黃燜豬手，黃燜雞鍋，銅盤烤桂花魚，清炒萵筍，川味麻婆豆腐，酸辣土豆絲，七味雞脆骨，金牌酸辣水晶粉， 手拍青瓜，咕嚕肉，口水雞，四季mt, 涼拌黑木耳。由於有小朋友關係，有些菜我們都點bb辣或小辣，可能這原因，除了黃燜豬手鍋，黃燜雞鍋，清炒萵筍，水晶粉，七味雞脆骨好味之外，其他的菜味道都一般，連主打菜式：銅盤烤桂花魚都令人失望，魚有點泥味，因為侍應說桂花魚會比較鮮，沒有泥味，所以很失望的一個餸。酸辣土豆絲：不酸亦不辣，失望。另外，餐檯是長方形擺放，人多點菜亦不方便，如有長檯較好些。平均人消費約$180。…查看更多

本人最喜歡麻辣菜式 今晚太對我的胃口了，可以盡情享受水煮魚、口水雞、酸辣水晶粉～地點在尖沙咀熱鬧地段，店舖菜式雖然是中式，但裝潢都是西式的，暗黑宮廷風，有多張畫都十分特別。我們點了四川水煮魚、回鍋肉、口水雞、酸辣水晶粉，友人吃不得太辣，所以我們點了小辣，水煮魚一大盤份量超多，辣椒香撲鼻，魚的質感很嫩滑😋回鍋肉內除了豬肉片、有椰菜、紅椒也有雞蛋，整碟炒得香，豬肉有點脆脆很惹味，口水雞皮爽肉嫩，我們吃得很滋味招牌酸辣水晶粉也很出色，如此大碗都只是三十多元，有花生、榨菜、肉醬、芫茜多種材料，水晶粉韌度剛好，不過軟過硬。餐廳濕紙巾玩味十足😂整體服務也不錯，上菜速度快，最後還送糖水，綠豆沙最適合下一下火～下次要酸菜魚和青椒魚～～…查看更多

今日在尖沙咀美容，大約一時半完結又有點肚餓，和朋友打算在尖沙咀吃完午餐才回家。當我走到龍城藥房時，看到對面有間大大的餐廳叫麻辣派對。這幾天口淡淡，一直想吃辣的食物，這家餐廳正合我心意。兩個人一起吃午餐，叫了一個麻辣雞鍋及兩個粉面。本身我們也是好辣之人，因為只是第一次吃這餐廳，所以全都只是叫了小辣。兩碗粉麵，金牌酸辣水晶粉及肥牛肉雲南米線很快便上菜了。前者，酸辣得宜，水晶粉幼身又QQ，吸盡了酸辣汁的味道，超好吃！而肥牛肉雲南米線，就比較沒那樣酸，米線比較林身，肥牛吸了麻辣汁，也很好吃。一鍋麻辣雞鍋有半隻雞，和朋友一起分享，份量剛剛好。廚師把雞件切成細少份，每一件雞件也能滲透入辣汁，又辣又麻又香。最後餐廳還送了甜點，可以中和滿口辣氣！吃完了辣東西，肚子覺得暖暖的，好滿足喔！…查看更多

我的另一半很愛吃辣，吃甚麼都要加一點辣味，可謂無辣不歡。但筆者我卻是一個對於辣椒甚無好感的人，少許尚算可以。不過，今次就答應了另一半挑戰自我，去麻辣派對與另一半一同跟辣椒開Party。挑戰自我之餘，還可以迎合對方口味，為將來做好準備。我們在數天前已預訂座位，打算挑戰尖沙咀新開這間麻辣派對。其實早在一年前，另一半已經提議到深圳的分店對我進行訓練，只是我用不同藉口一拖再拖。到了2019年，我決心要從十小辣的辣度提升到三小辣。來到餐廳後，感覺十分奇妙。餐廳的裝潢讓我從緊張的感覺慢慢舒緩，黑黝黝的外牆配上鮮色燈光，再有不同的神秘畫像和植物襯托，成功令我沒有聚精會神在火紅紅的食物上。同時，另一半就慢慢想，思考著該Order甚麼食物。轉眼間，點餐紙已經完成。我乍看一眼，發覺另一半真的很貼心，知道我不擅長食辣，點的都是BB辣和小辣，對於我來說算是一個好開始吧。⍢ 1. 水煮酸菜江團, $168江團魚，可能香港人未必經常聽到。然而，江團魚肉細嫩，少骨刺，味道鮮美，而且蛋白質含量豐富，為魚中珍品。配上水煮酸菜做法，麻辣味瞬間散發，口腔內依存辛香餘味，花椒麻香在肚內滾動。 這道菜中有不少配菜，添加多一重口味。⍢ 2. 派對口水雞, $68口水雞同是四川特色菜餚，但相比起剛才的水煮江團，卻有點兒失色。雖則辣味依然吸引，但口水雞的雞骨頗大，骨肉比例有待改善，不過整體雞肉都是鮮香嫩爽。⍢ 3. 酸辣土豆絲, $68我認為，是一道人人都會愛吃的家常菜。說白了就是一碟香辣薯仔絲，但妙處就在於那種酸辣味。當然，固名麻辣派對，這碟土豆絲確實是又辣又麻又辣又香。吃一小口，足以令我咳一回。如果價錢調低一點，必定更為吸引。⍢4. 金牌酸辣水晶粉, $39最後，我會特別推介金牌酸辣水晶粉。價錢只是$39，但份量就十分超值。而且酸辣水晶粉內亦配有肉碎等等味料，加上獨有酸辣味，其實單點一份就足以令你飽肚。吃得辣的朋友，絕對要試一口湯一口水晶粉，非常之有咬感。食辣過黎，我整身熱騰騰，雖然過程有點吃力，但完成後卻有成功感。感覺現在已不懼怕麻辣，並開始領略到辣椒的麻香感，和明白為何另一半那麼喜歡。我相信自己很快就能食辣，甚至比另一半吃得更辣！大家唔好心邪，食完辣野需要用濕紙巾清潔一下～Full Menu;…查看更多

新識好友無辣不歡，仲食得好辣，話要帶我一嚐辣的滋味，其實我唔係好食得辣，但也可試試衝破自己。原來她心水推介是位於尖咀的《麻辣派對》餐店。餐店燈光柔和，裝潢很特別，以花為主，懸掛着一個個色彩繽紛的大花球、四處擺放了假花草、牆上掛了很美的花畫、貼上優雅的花牆紙，還有花花圖案的射燈，而最吸睛是兩幅美女油畫。環境咁有氣氛，完全估不到是吃川菜的中菜館，有新意！內裏設有四人卡座、數張長二至四人枱，另間了一個設有幾張四至六人枱的小區，真是好適合開派對。地方不算很大，但枱與枱之間有一定距離，坐得舒適。枱上已放了兩份餐牌，細閱點菜紙，項目不少，有重慶銅盤烤桂魚、水煮系列、香鍋辣子系列、泡椒酸辣鍋系列、輔菜、麵系列、川渝涼菜、家常小炒、田園菜蔬、海鮮系列和飲品，而每款菜式都可選擇走辣至大辣，可迎合各客人受辣程度，貼心！咁多選擇，都唔知點揀好，還是由食得辣的友人決定一切。******************************未上菜之前先來一支青島 Tsing Tao ($28/355ml)，冰涼透心，一邊吃辣一邊飲酒，爽呀！而唔飲啤酒的我，幸好每枱都備有一大瓶薄荷檸檬水。******************************先上小辣的涼拌黑木耳 Chilled Black Fungus（$38），細小的黑木耳 相當爽口，每件大小適中，易於入口。入口微涼，帶有辛辣和醋酸味，酸酸辣辣，對我而言，是可接受醒胃的涼拌菜式，也不錯!******************************還有中辣的酸辣土豆絲 Sour & Spicy Shredded Potato ($68)，一上枱便聞到陣陣香辣，加埋面頭大量的紅椒 和灑滿紅辣粉，看來...還是先淺嚐一下。土豆絲 吸收晒辣味，果然厲害，對我而言的確辣了一點，仲有麻痺口腔的感覺，但友人就吃得津津有味，很喜歡，若然爽口一點就更好。******************************接着是中辣的派對口水雞 Party Chicken ($68)，浸着辣油，舖了香脆的花生粒 和甘香的芝麻，齋看已經覺得火辣。口水雞 細細件，方便入口，嫩肉中夾雜少許油脂，既滑溜又不會太肥，辣度岩岩好，友人極之喜歡，還再點一客外賣。******************************最後來一碗金牌酸辣水晶粉 Hot & Sour Powder Crystal($39) ，友人擔心我受不住，所以遷就一下，要了B辣。大大碗，好有份量，面頭舖滿香脆的花生、爽口的炸菜、清香的蔥花 和芫茜，仲有鹹香入味的肉碎。水晶粉 晶瑩剔透，滑嘟嘟，有點Q彈，味道酸酸辣辣，辣度很岩我，越吃越滋味，味道和口感也不錯！但就了就我，當然未能滿足友人，幸好有支「麻辣派對」辣粉，見她加了不少仍面無變色，厲害！******************************很窩心！餐店送上甜品($0)解辣。是日甜品是熱雜豆沙，熱辣辣上枱，煲至有點起沙，仲有煙煙韌韌的薏米仁，口感豐富，味道美味，真係可一解火辣。------------------------------雖然友人的辣度我暫未接受到，但我卻喜歡了，因為怕凍的我，吃辣過後感到冬日慶烚烚，爽！…查看更多

之前已經試過銅鑼灣分店，今次試下尖沙咀，因為見佢有得即日網上訂位之餘，8點後入座仲有8折優惠添由於hubby鍾意食辣但其實又唔係食得好辣，所以好食得辣嘅我為有將就下佢今次點左川北涼粉，都係保持到水準份量多第二都係點左干煸四季豆，不過今次略嫌佢煮得唔夠銅鑼灣分店乾身，但都係唔錯的！第三，今次第一次試佢嘅辣子雞，辣子雞香港好多地方都有得食，但佢哩度份量大，又炒得夠乾身，香口，我反而幾鍾意食佢裡面嘅的蒜頭最後，見食評話佢個水晶粉都好出色，果然係失望，夠惹咪，湯底一流，面質出色飲品方面，都係叫左佢嘅招牌水果茶，但都係一開頭飲第一啖略嫌甜左少少，等冰溶左少少，味道就剛剛好希望佢個8折優惠會keep住有，因為如果折左後又加一，即係9折我覺得價錢都ok,但如果無左8折，就略嫌貴左少少，不過有靚環境，又唔會食完成成身味，又想食辣，我都係會選擇哩度…查看更多