泰源大排檔

好耐冇去過火炭，由昔日嘅工業區，到今日部分土地演變成住宅區，但係歷史悠久嘅大排檔依舊不變，仍然每日製造無限嘅美食。但係呢種特色風味，好快就要結束，政府會收回土地起政府綜合大樓，所以趁路經此區，一嚐香港特色嘅原風味。我們一行6人叫咗下面9款菜式，每一款都只有呢類嘅大排檔，先食到呢種火喉。鑊氣，唔係好多餐廳都做到，甚至好多大酒樓，都做唔到大排檔果種食得出嘅鑊氣。生滾沙田雞粥第一次食呢個沙田雞粥，粥底鮮甜，但感覺唔似係用雞嚟煲，只係食到鮮味而無雞味；雞件好嫩滑，似係後加雞件落粥度煮，否則個肉質會好「鞋」。份量比我想像中大鍋，總體嚟講係好食，值得一試；金牌燒乳鴿平時唔點食乳鴿嘅我，見到咁靚都忍唔住食咗四份一隻，皮脆肉嫩，燒到啱啱好，味道亦都適中，一般燒乳鴿會有偏咸嘅情況，呢度個味道做個平衡做得好好；椒鹽豆腐(送)老細見我地叫咁多嘢，就送咗個椒鹽豆腐比我哋。我初時以為送嘅只係得幾舊，點知係好大碟，炸到金黃色非常之靚，而且係做到皮脆肉嫩，剛強嘅外表，內心竟然如此溫柔，就算冇得送叫一碟都值得；豉椒炒蟶子蟶子非常新鮮同巨形，煮得好夠鑊氣，熟度係做到分毫不差，剛剛好，肉質保持鮮嫩，豉椒嘅醬汁加上鑊氣，令到蟶子進一步提鮮，48蚊一隻，我覺得價錢合理，可以話街市買自己煮仲平，但係我冇能力做到咁出色嘅效果；酥炸大腸一向鍾意食大腸嘅我，好欣賞佢個大腸炸得脆亦唔太肥，腸內洗得夠乾淨，而且份量夠多，多到係食唔哂，始始炸大腸比較膩，好容易會有飽濟感；黃金墨魚咀我一向都麻麻地食墨魚咀，我唔鍾意佢有「骨」，佢呢個黃金墨魚咀，不單只粒粒都冇骨，而且十分嫩滑，嫩滑得嚟又有少少彈牙，加上極邪惡嘅鹹蛋黃外層，完全食唔停口，而且份量之多，就算不停咁食，都好似食極都食唔完咁，呢個真係超正，必食；椒鹽白飯魚炸得好鬆脆，金黃色炸得夠乾身，椒鹽嘅味道係剛好，平時我少食白飯魚都食多幾舊；豉油皇鵝腸上菜時都有啲愕然，點解會咁深色嘅，好似一堆蟲咁有啲驚嚇。味道唔錯，係我想要嘅味道，冇比佢嘅顏色影響到，鹹度係剛剛好，鵝腸好爽脆；西芹炒龍躉球原本個菜式係西蘭花炒龍躉球，問咗老細原來可以轉第二款菜，我哋揀咗西芹炒龍躉球。西芹我冇食到，淨係食龍躉，魚味濃，亦好嫩滑，呢種味道好耐都冇食過。幸運嘅係可以食到呢份滋味，家下除咗僅存嘅大排檔外，都唔太多地方食到呢種香港獨有嘅美味，鑊氣係更加難得。有人會覺得，大排檔唔衛生、環境差，可是食物質素同味道，先至係最重要。…查看更多

今天全家入馬場玩，黃昏離場時，十分肚餓，又要計劃食晚食咩餸。可是今天MTR不提供馬場站列車服務，要來到火炭那邊搵食。沿著拗背灣街出口，來到這區有名的冬菇亭／大排檔，目標是雞粥，乳鴿。不是地膽，誤打誤撞之下，來到這家餐廳。有冷氣，我喜歡，還有膠帳篷阻擋路邊癈氣。　家人點了几款菜式後，先去洗手間，才開始今晚的美食。金牌燒乳鴿  肉質及味道正常。椒鹽鮮魷　魷魚炸皮不厚，而且炸得剛剛好，面灑椒鹽，很惹味。椒鹽山水豆腐　炸豆腐要沾上中間的香蒜辣椒才會更好味。雞粥　　　大大窩雞粥，與期望的生滾雞粥有出入。這個雞粥的粥底偏白，没有浮出雞油。而雞件的切口平滑，雞肉及雞骨是平口。母親大人會煮雞粥，知道生雞肉滾出來的雞粥是什麼顏色，更知道雞肉和雞骨煮熟後會變成什麼模樣。看著這窩雞粥，大家心照了！　可能是雞件問題，雞粥味道很淡。豉油皇炒麵　　每條炒麵顏色很平均，夠鑊氣。有芝麻，豆芽，韮菜，還有傳統的蒜蓉辣椒醬。不過更喜歡浸在雪白的粥內，一同撈粥。粉絲蝦煲　有菠蘿的蝦煲，沙嗲底，有沙嗲肥牛粉絲煲的感覺。鹽水浸蜆  有蜆有粉絲　喜歡這清清的湯底，但更喜歡蜆殼可以做筷子托。小白菜　這晚餐的膳食纖維。今晚埋單六百多，即是每位百零蚊。有齊海陸空，好抵食。…查看更多

作為一個正常香港人，一般都不會為吃大排檔而特意走到火炭，但由於星仔這個遊客今次跟父母來香港，而老人家又只愛吃中菜，所以即使適逢香港59年一遇的寒冬，我們也決定拜訪位於火炭的泰源。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊泰源位於火炭山尾街，距離火車站比較遠，但大排檔出面其實就是巴士總站。由於天氣寒冷，大排檔周圍即使拉上膠簾以擋風，但食客都不太多。畢竟當晚氣溫只有約三四度，膠簾也幫助不大，幸好食店入面還有一個用鐵皮搭出來的房間，所以我們當然也選擇坐進房間內，才感到沒那麼寒冷。由於我們一行七人，侍應就推介這個套餐($750)給我們，當中上下的餸菜可稍作調換，另外還多送我們一個豉油皇炒麵。 豉油皇炒麵(免費)粉麵份量頗多，絕沒有因為免費而減少份量，調味適中，麵條有油光而不會有過於油膩的感覺。 金牌燒乳鴿乳鴿有三隻之多，以此價錢都頗為划算。乳鴿皮入口微脆，肉質不會過鞋，整體不錯。 沙田雞粥雞粥一大窩，每人都分到一碗，雞粥煲得頗綿，雞味雖然不算非常突出，但也能到嚐到雞香味。 椒鹽山水豆腐椒鹽豆腐炸得外脆內滑，椒鹽份量適中，非常香口惹味。 京都骨雖說骨，但比較像豬扒多一點，肉多骨少，而且每一件都非常軟腍，配上酸酸甜甜的醬汁，非常開胃。 椒鹽墨魚咀平常吃墨魚咀，一碟份量都很少，這裡整碟都放滿墨魚咀。墨魚咀椒鹽味適中，炸粉不過厚，不過由於天氣冷，當日食客不多，餸菜同一時間上桌，以至當我吃這道菜時，炸漿已變腍，影響口感。 豉椒炒蜆炒蜆份量都不少，絕沒有殼多肉少或殼肉分離的情況，蜆肉亦不覺有沙，算是不錯。 清炒白菜仔除了夏天大雨水會影響菜價，其實最近冬天寒冷也令菜價上升，難得這碟炒菜仍份量十足，不過略嫌白菜仔油量多了一點。 油浸龍利魚龍利魚機乎佔了整個碟面，可見其份量。龍利煎至外表微脆，肉質嫩滑，說時遲那時快，整條龍利已經被我們吃光。煎蠔餅煎蠔餅份量超多，驟眼看蠔肉份量也頗多，不過跟椒鹽墨魚咀同一個問題，由於全部餸菜同一時間上枱，煎蠔餅很快就變冷，令炸粉變腍，感覺格外膩滯。蒜蓉粉絲蒸扇貝($35/隻)扇貝上堆滿大量蒜蓉和粉絲，粉絲入口軟腍，扇貝很香蒜蓉味，肉質爽口彈牙，味道不錯。食物本身味道不錯，可惜因為天氣冷，食客少，令原本上菜快這特點，變成一個缺點，相信如果天氣不是太冷，餸菜不至太快冷掉，味道不致影響如此之大。雖然侍應解釋廚房有十個爐同時炒菜，所以不消一會餸菜就一起上枱，但如果店方能考慮食客數量，而稍緩上菜速度將會更加好。…查看更多

同朋友機緣巧合黎到火炭, 又唔熟火炭有咩食.. 突然諗起成日聽到人讚既一間大排檔, 就即刻搵地址過黎食~!火車站行過黎大約15分鐘左右, 唔算難搵!行到門口已經有伙記出黎拉客, 好熱情咁招呼我地入去坐好耐無食過大排檔!! 位置唔會太舒服, 張枱係斜既~ 不過黎得食大排檔既人就一定唔會介意!有好多小炒同海鮮揀, 我地費事諗 就叫左個二人餐.. $268其實唔算平, 不過呢度咁出名, 就試下佢既手勢啦落單後好快就有野食啦先黎既係出名既雞粥, 雞好滑好有味, 特別鐘意佢既粥煲得好綿!!可惜雞味同粥味係分開既... 粥有少少淡, 要加胡椒粉一齊食炸乳鴿 .. 由細到大都係最鐘意食乳鴿 (:好鐘意佢炸既乳鴿既香脆度, 皮香肉嫩~! 有質素! 不過比較細隻~原本既西蘭花鮮魷 因為我同朋友都唔想食西蘭花, 改左用白菜炒落左唔少蒜頭, 不過唔夠鍋氣.. 一般炒蜆, 少少辣, 醬汁味道唔錯, 但好多隻蜆都痴埋一舊舊分唔開, 分得開後見到D汁一塊塊應該係炒得唔夠熱 (所以上菜速度好高)椒鹽豆腐 係免費送既! 炸得香脆又唔會乾身, 仲有好多炸蒜粒~ 好味!我地由晚上9:30食到10:30一邊食一邊有好多客人入黎.. 睇黎呢度的確係唔少人聚頭既首選埋單二人餐$268 + 茶芥$6 = $274可能我太耐無黎大排檔, 仲停留係以為食大排檔係好低消費既年代所以我覺得$274呢個價錢唔係太值味道雖然好味但唔係特別出眾 . 有大排檔風味既地方亦唔只呢度所以我會繼續發掘更多又平又好味既大排檔~~~…查看更多