家上海 (形點 I)

不論假日還是平日的晚市都要等位，足夠證明是有質素有棒場客。而餐廳內亦有落地玻璃，空間感十足！今晚一家人一齊食飯，可以叫更多Item Share ：麻香雞絲粉皮：粉皮晶凝通透，食落質感彈性；配合著麻醬味極濃，很開胃的前菜。金牌小籠包：一籠6隻，每人一隻唔洗爭！皮薄，但不易穿，而且內有熱辣辣肉汁，新鮮蒸好即刻出爐！上海粗炒：經典上海菜！唯略油，而且麵質較硬。但整體份量及色香味是很不錯。鐵板灌湯生煎包：有四隻，用鐵版奉上。正常生煎包味道，內𥚃亦是十分新鮮的豬肉！ 而生煎包底部是用鐵板保留了温度，且吃落有點脆。張大千紅燒獅子頭：兩個大大舊獅子頭，汁濃味配白飯一流。整體用餐一流， 見到午餐Menu會更平，下次有機會再食。…查看更多

第一次食，算唔錯👍只係擔擔麵份量比較少，一碗真係唔夠飽🥹中午時段去食，唔需要等位😆但係問佢攞個碗總共叫咗第三位侍應生先睬我😅可能太忙啦，最出色就係個小籠包，下次都會再幫襯嘅👍…查看更多

好耐冇食上海嘢！揀咗元朗YOHO商場入面嘅「家上海」。12點幾嚟到，見到門口有幾個人喺度等緊，最後等咗幾分鐘就入得。安排咗張四人枱比我哋兩個人坐。我哋點咗四樣嘢食。滬江油淋子雞（半隻）$198雞上枱後賣相同餐單嘅相片一樣咁靚，可惜味道較淡，口感好鮮嫩、軟滑，就係吾夠香味。最後忍唔住叫佢比碟醬油！但雞肉係新鮮同埋肥美。半隻嘅份量都幾多。楊州炒飯$88成個飯食落口好香，炒得夠晒乾身夠晒鑊氣！蝦仁好新鮮彈牙，都有五、六粒。好味！紅油抄手$58抵食之選👍🏻一碟入面有八粒！冇平時食開嘅咁大粒，但一口一粒好方便！另外，一見到個樣以為會唔夠味同埋唔辣，點知食落好有驚喜！味蕾上感受到甜、辣、同埋濃濃蒜香，食落好開胃。同平時喺出面其他餐廳食到嘅紅油抄手味道唔同，個人比較鍾意呢個味道。金牌小籠包（六件）$54見網上食評講到好好味，而留意四周嘅枱都幾乎會叫一碟小籠包。味道的確唔錯。一咬開勁多湯汁流出來。肉餡都足料。點埋薑醋汁食落唔濟！兩個人埋單$466（收+10%服務費，茶位每位$13）…查看更多

🥇鍋塌豆腐 $88因為媽媽中意食豆腐，佢一見到就話要叫呢個😙食落口感似紅燒豆腐咁樣，但個醬汁再特別啲😚意外地超好食！😜😜🥈蘿蔔炆肉 （忘了價錢🤣）上枱時佢下面有個小蠟燭維持住呢道菜既溫暖😌所以食到最後都仲好熱！炆既肉同蘿蔔都超淋超入味呀😱😱😱🥉金牌小籠包 $54事關小編唔中意食小籠包🤣見到屋企人食得津津有味咁，又爆晒湯，應該就幾好食啦😜🥉鐵板灌湯生煎包 $56食到呢度其實已經好飽😁😁😁呢個生煎包煎得幾香脆！不過有啲滯，食一個就夠了🤢🏅家傳丁香雞 $90呢個雞就最普通🤣 同埋價錢都唔平～小編唔係好食得出丁香即係咩醬黎～唔推薦試呢一個！…查看更多

要數YOHO人氣餐廳，我諗都非家上海莫屬，每晚6、7點餐廳都堆滿晒人等位，所以識用一定係用商場App攞定位先。同老公2個人，前菜叫咗燻蛋同醉乳鴿。燻蛋個蛋黃係半凝固，上面加上淮鹽，入口散發啖啖嘅煙燻香氣，唯一扣分係本身燻蛋無乜味，要靠淮鹽，我覺得唔夠味。平時醉雞食得多，醉乳鴿真係比較少見，所以點咗醉乳鴿。乳鴿肉質細嫩並帶酒香，亦食到乳鴿肉嘅味道，唔錯。而主食，我哋就叫咗小籠包同揚州炒飯。小籠包，皮薄唔易穿，湯汁濃郁， 配以薑絲醋，真係好好食，必食！至於揚州炒飯，夠鑊氣，而且唔油膩，飯亦炒到粒粒分明，推介！最後，賣單時食咗$300多啲，仲送咗$150 coupon可以留返下次食再食😋總括嚟講，呢間性價比唔錯，難怪每日咁多人等位，值得推介！…查看更多

🥢家上海✨每次行經過元朗Yoho，家上海門口前總是人山人海！喺店外見到家上海裝修，以為呢個裝潢喺度食飯應該唔平！點知一望個menu，令人非常驚訝，真係非常抵仲要有好多款上海菜簡🤍當日我哋合共三個人叫咗一個炒飯三個餸已經非常之飽🥰🥰🥰推薦美食：金牌小籠包 ＆ 鍋塌豆腐味道：🌟🌟🌟🌟🌟環境：🌟🌟🌟🌟價錢：🌟🌟🌟🌟服務：🌟🌟🌟🌟溫馨提示：由於排隊人數真係好多，所以強烈建議要預先訂位。當日我夜晚6:30左右拎飛都要等大約個半至兩小時先至入到座～🌟金牌小籠包 (5件) $54家上海必食金牌小籠包，小籠包皮厚度適中，而且內有鮮甜肉汁，豬肉餡料重鮮肉味！非常大推薦🦐🦀家上海蝦蟹炒飯🍚 $118味道非常適中，最值得一讚嘅係飯身粒粒分明，非常鬆軟，而且配上蝦粒同埋蟹肉絲，令到炒飯除咗有鹹味亦有海鮮嘅鮮甜味道鍋塌豆腐🥰 $78千萬不要小看豆腐嘅平平無奇，呢個餸我認為非常適合餸飯，豆腐味道偏甜，內滑及外面被濃濃嘅特製配料包圍著！非常推薦而且一件嘅豆腐亦很大所以非常抵食🌟💚乾煸四季豆 $78又有一個非常適合餸飯嘅干扁四季豆，非常推薦如果一整餐都係肉為主，呢個四季豆我認為係非常適合大家！不過由於我認為咸左小小，所以配飯食非常適合！整體而言！家上海每道餸都好值得推介，同埋真係要來幾次先食得晒佢所有必食嘅菜式！…查看更多

位置方便，旁邊便是元朗西鐵站。今天中午去食，雖然是假期，但幸好不用等位。但服務員態度真的有夠差，叫她幫我加點水，她回覆的語氣十分嫌棄。耐收茶位費，星期日每人$11，不便宜啊。點了麻香雞絲粉皮，金牌小籠包，蘿蔔炆肉和蝦蟹炒飯。麻香雞絲粉皮感覺一般，醬汁太多，下次會要求少牆，性比價實在不值。小籠包可以，與我以前在上海吃的味道差不多。蘿蔔炆肉，肉質鬆軟，適合老人家吃，味道還好。蝦蟹炒飯，整碟都沒有蟹肉只有幾隻蝦。整體來講，中規中矩，沒有再吃的慾望。…查看更多

家上豆、家上敏，都市愛情故事的開端。由上水坐小巴到型點再搵家上海原來蠻不容易，左轉右轉，上上落落兜到頭暈終於望到曙光咯。未齊人被拒門外罰企足足半個鐘，火到黎終於入座！要等情緒平伏一下先有胃口。早前竟然兔師拉未齊人可以入座？是否兇過阿嬸們呀？食飽埋單離開時才發現原來祥嫂坐隔離檯喎！掛住食完全無留意，難怪三個侍應阿姐阿嬸長期蜜蜂纏住，車輪轉般走來走去貴賓服侍。大閘蟹季節已開始實在太好啊，我倆係唔會放過您地架！蟹粉小籠包、蟹粉煎餃、等等等等。嬸嬸們服務殷勤笑面迎人有禮貌，使得我開心滿意。二位檯比一般為大，不太迫夾，可接受，只是檯與檯始終太靠近，沒怎麼有私人空間，完全聽到大家話題，甚至我可以夾到隔離檯食物呢！芒果茶桑格利亞，味道十足無酒精 sangria 啊，鮮果味突出，加點梳打薄荷葉幾好飲。鹽焗花生，乾爭爭最討厭，我倆都不吃的。拍青瓜，食味平凡麻麻地，唔夠冰凍唔夠爽脆唔夠清新。脆煎灌湯小籠包，滾熱辣原粒啪！包面嚥韌，包底金黃脆脆焦香，絕配伴侶一咬爆開！真係嚇一嚇，湯汁海潚一般，凶湧澎湃差點噴出嘴外，好采及時緊閉雙唇關好閘門！燙汁夠燙嘴，最美味既溫度，極愛！醇香肉汁令所有味蕾都醉掉，感覺直奔全身，好味到打冷震啊！堅係清得乾乾淨淨，一滴不漏，一塵不染，一掃而空，一再回味，好想好想來多轉呢！灌湯蟹粉大包，足足有我手掌般大，使得我雙眼放光！立即用吸管插入，大力一啜！香醇鮮肉湯汁夾鮮甜蟹粉直擊味蕾，心心眼湧現，無可抵抗的攻擊力，絕對的味道震懾靈魂！傳統正宗食法只渴湯而不吃包的，感覺太浪費喎！我有我享受話知您感受，我真的不想浪費如此的佳餚美饌，淋下大量黑醋即刻處理，全數收到肚仔去，包皮內側充滿肉湯同肉碎，滿足幸福。巨大版小籠包。嚥韌充滿彈性的包皮，內側隱藏著大量肉鬆還有點點蟹粉黏在一起，唔食就笨喇﹗黑醋提味不少，更加開胃醒神，一二三啖消減殆盡，食完仍想添食呢！文思豆腐羹，刀功出神入化，賣相討好一流富美感。豆腐絲幼如髮絲，滑到不得了！添上檸檬葉使到味道更清新更豐富，抹去單調感！厚薄拿捏得分寸不差，黏黏稠稠熱燙燙，意料外之美食！煲仔咸肉菜飯，煲仔熱辣辣，咸肉油脂已溶入嚥韌乾爽飽滿飯粒中，真係要拍案叫絕！不過都係銅鑼灣美廚雞油菜飯略勝一籌。撈埋文思豆腐羹享用，味道更多變化更上一層樓！蘿蔔炆肉，還以為家上海有東坡肉食添，原來只不過係炆豬肉，誤會誤會。始終跟東坡肉有天段距離，反而跟客家炆豬肉差不多，烹調得蠻入流入格。顏色富光澤，顏色吸引增進食慾，醬油調得甜美不咸不濁，香噴噴回味無窮。五香腩肥美極至但不油膩，皮嫩肥膏爽彈瘦肉嚥韌不乾硬，每口清新乾爽！油脂甜香助味不少，撈煲仔咸肉菜飯，多種味道共冶一爐，亙相暉映食到唔停口！濃郁醬油堅好送飯，如果加埋辣椒醬就大件事喇！起碼要叫多一碗白飯先夠喉。蟹粉小籠包，沾點黑醋降降溫整粒掉入口，嚥韌的包皮破開，濃烈鮮味蟹粉極速奔馳，尾隨著香甜肉汁及高湯，好味到要閉目享受，不可以被外界騷擾！每隻都程半月形飽滿肥嘟嘟，非常靚仔美觀。餃面薄薄黏黏充滿麵粉香氣，餃底煎得透徹金黃香脆絕不馬虎。大量鬆軟豬肉混上點點鮮味蟹粉，那有給我挑剔的餘地！上海炸豬扒，真有她的獨特烹調及風味，既不是吉列亦不是脆炸，不用額外的醬汁額外的調味，鬆脆炸漿緊鎖所有香氣及肉汁在內，但切開頓時流失，何解不讓食客親自操刀呢？下次要求免切的，我要原汁原味自己咬，所有精華一滴要不漏地吸收！優質的醃味使我不能停下來，保持原始的質感一件接一件的塞入口，開心美滿。上海粗炒，外觀扁撻撻及凌亂不堪，應該可以設置得更好睇的。過甜的味道使我感到很累很膩呢！不想食都要食完去，不要浪費！醬油味略重，食不到其他食材味道，菜還菜、麵還麵，椰菜沒怎炒過略生，求其撈撈沒有合體。薰蛋，滷水味溏心蛋灑下少許椒鹽添添味，室溫整件啪入讓她們在嘴內融合，少甜豉油咸味在外，搭上甘香無比黏黏蛋黃，咸甜交錯，別俱特色。女兒紅醉雞，不是溫也不是凍，常溫蠻不錯。滑溜溜的雞皮，嫩彈彈的雞肉，不硬不鞋。輕輕的肉汁，微微的雞甜，用上陳年女兒紅份外可口。酒香醇美不澀，跟花雕完全不同層次，驚喜的演繹。家傳丁香雞，強到可以媲美海南雞的鮮味嫩滑質素！雞皮鳳脂甘甜黏著彈彈白肉，滾埋大量丁香汁，芬芳的氣味直通鼻孔，獨持的香氣及味道，很想來碗油味飯交流一下。金牌小籠包，灌湯特別醒神，一啖一隻方便快捷！像是飲著豬肉濃湯似的，樂在其中，讚嘆不已。鮮肉鍋貼，微溫到來，靜靜地等待起動。新鮮豬肉無得頂！天然甜味略醃己無與倫比，配起厚身焦香的餃皮更加美妙，拍爛手掌。椒鹽小黃魚，非常有潮州冷魚飯的影子。煎封小黃魚，兩面金黃脆身，包著嫩肉，仍有少少魚汁。咸咸的外皮搭上淡味魚肉，還可以吧！我比較喜歡食蒸黃魚。酒釀煎大蝦，不是乾煎的嗎？跟餐牌張相差天共地，朋友仔即時回應不吃了！無緊要，我會負責任的全部消滅掉。酒味感覺不到，味道似泰式雞醬酸酸甜甜，求其褪晒殼急急處理。廿十成熟的蝦肉乾乾硬硬，仍有一絲蝦味，沾上甜酸汁濕濕地較易入口。酸辣湯麵，通透晶瑩鮮紅色湯汁樣子不錯。大量豆腐木耳筍絲蛋花，味道清淡有點單調。酸辣湯麵，腍腍不彈的白麵條沒有任何味道，掛上清淡的酸辣湯，味道始終削削的。硬著頭皮食，係我自己話要食麵作句號既。…查看更多

係元朗嘅上海舖頭唔多，要好食ge唔多而且要就腳更加唔會多，而元朗呢間家上海，我就覺得正正有齊以上嘅優點😂元朗分店加上海係喺元朗Yoho一期，喺元朗西鐵站行過去好近，大約五至10分鐘就到！平日呢間餐廳都好多人排隊，可見佢食物都唔算太差。甘今日我就叫左熏魚、麻香雞絲粉皮、小籠包、一碗酸辣湯、半分濃湯砂鍋雲吞雞、密棧火方響鈴夾同埋薺菜肉絲炒年糕。個人覺得熏魚同埋雞絲粉皮就做得麻麻地，熏魚個汁做得唔錯不過魚就做得比較大件唔夠薄，粉皮就攞得太多芝麻醬，食落口感麻麻地！不過至於其他食物就做得幾好，例如酸辣湯酸度同辣度適中唔會太辣，雲吞雞個湯煮得好味加埋雲吞一齊食非常夾！火方響鈴夾食落脆口而且甜甜地幾好味😋至於個炒年糕又唔會太油又唔會太過鹹。總括間餐廳方便就腳，食物質素還可以，不過價錢就略為貴左小小，間唔間中食都係一間唔錯嘅選擇！…查看更多

今天到了元朗附近，很想去食上海菜所以呢就去咗Yoho形點嗰度食上海菜，而家呢間上海菜就係是很好吃的就是家·上海。平時食呢間上海菜係要等好多位，但係因為疫情關係，而家就唔係好需要等好耐就可以直接入座，而且人數不是很多。第一個係前菜，係麻醬雞絲粉皮，吖呢個麻將好濃郁粉皮好滑好好食，青瓜好爽，雞肉好嫩。跟住就係炸豬扒湯麵，呢個湯面真係好好食架，因為嗰炸豬扒炸得好林，係最靚嘅豬扒肉部分，湯麵軟硬度適中，十分好吃。呢個係鐵板灌湯生煎包，個生煎包裏面係菜肉包嘅餡，但係個底煎得好香，食落去一啲都唔硬，好食過真正上海店嘅生煎包。最後就梗係必食嘅金牌小籠包啦，呢個真係冇得頂，係小籠包嘅始祖，簡直係必食嘅名物，所以我係10分推薦大家食呢一個小籠包嘅，因為佢個皮簿餡靚，所以好好食😋…查看更多

同朋友兩個人食dinner慶祝生日因為要留肚食蛋糕🎂都唔算叫左好多野食兩個女仔黎講 分量都算好多 好飽除非佢地上茶之後，有碟涼拌雲耳我地再叫左碟雞絲粉皮好清爽、啲花生味唔會太重甜甜地又夠凍 好醒胃的前菜金牌小籠包（有6粒）唔算等好耐，上菜算快啲肉汁都好多好juicy 又熱辣辣個皮唔會好厚成舊面粉團 厚薄適中叫左碟上湯津白好清甜，分量都叫多，不錯不錯生煎豬肉窩貼就一般個皮有少少厚，味道就正正路路唔會伏但上次叫過生煎包好肉仲比較juicy上海炒年糕佢放埋豆瓣醬一齊上菜 辣辣地比較開胃味道夠味之餘，唔會太咸加埋啲肉絲、冬菇、椰菜絲一齊炒都香口生日帶蛋糕去，平日就唔收切餅費侍應都好好準備好碟方便享用雖然話用餐時間限1.5小時但過左都無話趕/black face整體都滿意，侍應服務都有效率有禮貌…查看更多

經常路過也見到晚上十分多人在這餐館等位食飯，今日終於可以一試。本來就非常喜歡上海菜，可惜香港好吃的上海館本來就不多，有些更越來越難食。今次來試一下下午茶，的確比較化算，二人餐連加一$149。正價時段略嫌有點貴，套餐會便宜一點，但零活性是零，都時set死左菜式。我們點了一客小籠包，一客鍋貼、一碗酸辣麵同一碗紅燒牛肉麵。小籠包的皮不會太厚，有滿滿湯汁，倒出黎都不是油油的，吃下去不是肥豬肉的質感，是軟軟的豬肉呀！鍋貼也不會乾巴巴的，超級大隻，漲卜卜的，內裡都有點湯汁，不過底部剪得有點焦比較硬了一點。酸辣麵最意外，材料足不止，酸辣度配合得剛剛好，不會只有醋酸或只有辣，也不會杰得似漿糊，麵又沒有皂水的味道，超好吃👍🏻👍🏻至於紅燒牛肉麵也配上少許牛筋，超級軟稔，湯底也不會很味精很咸。不得不另外一讚，點了龍井茶也算不錯，不是番渣茶，茶也算很滑之餘，絕不會淡而無味。…查看更多

每星期都看到家上海門外多人排隊，今日我與閨蜜6:30pm到了等候，大約7:00pm入座。店內都算多位，裝修有上海店鋪的味道，可以看到師傅整小籠包的過程。花鵰醉乳鴨 $98 花鵰醉雞試得比較多，醉乳鴿卻是第一次食，酒味香濃滲入乳鴿內，口感不錯。蒜拍黃瓜 $48 黃瓜切得細粒，方便進食，旁邊有芥茉醬可點，不過原味更為清新。金牌小籠包 $54 一籠有6件，看到每檯客人都點，小籠包皮薄，熱辣辣的湯汁配上份量剛好的豬肉餡，好味道。上海酸辣湯 $48 一碗可分兩少碗，最意想不到這個酸辣湯比較辣，雲耳，蝦仁，肉絲，荀絲，豆腐，尚算足料。…查看更多

父親節一家人開開心心的晚餐，爸媽他們都是比較喜歡中餐所以特地早一點排隊，因為星期六很多人也慶祝父親節所以超級多人，我們已經五點半到了可是也要等到七點才可以入座，好彩店也有安排櫈仔老人家可以坐下休息！我們七點入座即刻點食物先，家上海蝦蟹炒飯呀、上海肉絲兩面王、金牌小籠包、蘇式燻魚、酥炸臭豆腐、上海醃篤鮮、原桶黑豆腐花、高力豆沙香蕉🤤每款食物都好好味👍🏻而且服務好好👍🏻我們都食得好開心🥳怪不得這店常常那麼多人！…查看更多

上海菜是我一位摯友的至愛，常問我何時去試，就今晚!入座前店員已說明用餐時間為一個半小時，入座後店員隨即詢問茗茶口味，服務快捷，店內裝潢帶有古樸風!餐前小食先端上 $12 沒有給予名稱的餐前小食，有麻辣醬作調味的雞件，雞件嫩滑，是開胃菜。上海酸辣湯 (一位) $48 正常水平，辣味酸味並重。金牌小籠包 (六件) $54 皮薄餡靚，小籠包內的肉汁味道不錯。大排湯麵 $68 豬排味道及烹調技巧不錯，湯麵麵條正常水平，湯底清甜。淮揚軟兜 鱔 $138 有香味，味道適中，但鱔的份量極少，整體份量同樣是少。高力豆沙香蕉 (四件) $56 內裡有一片香蕉和豆沙蓉，加上糖霜，甜味恰到好處，炸得挺身，口感柔軟，熱度剛好入口不油膩。餐牌有很多菜式選擇，就以這晚饍而論，在調味方面有家的感覺，看來要大夥兒進餐試多一些菜餚才能真正體會家的風味!…查看更多