#荃灣#書湘門第和朋友一行四人食lunch, 揀咗呢間環境闊落，乾淨企理嘅湖南菜館。荃灣分店午市先至有米線，而家有八折，滿$200仲可以加一蚊有酸菜魚。落地玻璃對住德華公園，景觀不俗。點了口水雞米線 + 滷水豬手米線 + 肥腸酸菜魚米線 + 麻辣豬耳小食，仲有$1酸菜魚。口水雞例牌份量，味道幾好，墊底青瓜爽脆新鮮。豬手原隻上，炆得淋而不肥，不過唔記得影相😆 肥腸煙靭，魚片滑，米線偏淋。最好食反而係$1酸菜魚，酸菜好好味，湯底又正，標準辣度唔太辣，嗜辣者可以要求大辣或者勁辣。三碗米線大大碗，加埋豬耳及酸菜魚，四人share都飽晒。午巿冇收茶位，有一壺菊花茶消滯解油，人均$55，以環境及食物質素，真係超值。如果一個人去，推薦酸菜魚米線，八折及加一後$60，星期一至六午巿供應。…查看更多
