紅樓

位於銅鑼灣金朝陽中心二期midtown，需於登龍街進入而非時代廣場對面。建議乘坐扶手電梯上1樓，如乘坐電梯便會到達王家沙。因天雨關係，整間餐廳只有我們一枱客，服務員的招待十分欣切，環境亦得舒服。太極馬拉糕絕對要試，蘋果流沙包亦得特別。我們還點了黑豚肉叉燒腸粉、酥皮菠蘿黑豚肉叉燒包、杞子桂花糕，最可惜燒賣和蝦餃當天售完，只好下回再來試試。總括而言，於銅鑼灣有這樣質素的飲茶地方，兩個人五個點心都只是二百多元，絕對超值。…查看更多

lunch同事想飲茶，上網見到這間餐廳新開而且也有點心食，所以便來試試。餐廳都幾大，以紅色為主，天花掛有好華麗的燈，令餐廳感覺更高貴!點餐紙上有多款點心、飯、麵、甜品可以選擇，而今期也有一些蟹粉菜式可以選擇!香檳金蝦餃，蝦餃皮的顏色跟平時食到的不同，這裡的是粉紅色，還加有少許金萡在面頭。蝦都幾大粒而且彈牙!蟹籽黑豚肉燒賣，燒賣比平時酒樓食到的冇咁油，蝦肉彈牙惹味!酥皮菠蘿黑豚肉叉燒包，初初以為是菠蘿包的質地，原來是墨西哥包的質地，餡料有菠蘿和叉燒，叉燒餡料不會太肥，而菠蘿令包酸酸甜甜，很特別的感覺!太極馬拉糕，馬拉糕造型就像太極圖案，味道分別是原味和黑芝麻味。馬拉糕唔會太甜，而且好鬆軟，有淡淡的黑芝麻味，很香口!炸兩腸粉，腸粉內的油炸鬼非常脆口，就算落了豉油浸了一陣子也是很卜卜脆，腸粉皮又唔會好厚，還配有花生醬和甜醬，很美味呢!蒜蓉炒白菜仔，白菜仔不會太油，很香蒜味，而且白菜仔唔會太咸和很鮮甜!紅樓招牌炒飯，這款炒飯其實是蟹肉炒飯，飯炒得很乾身，除了有蟹肉，還有蝦肉、叉燒、菜心、蟹籽，不會很油膩而且味道也不會太咸，很適合女士吃!這間餐廳的食物味道都不錯，而且座位舒適，是下午飲茶的好去處!…查看更多

終於有假放， 約咗好友去銅鑼灣嘆茶。 途經登龍街， 知道Mid town嗰度好多特色餐廳， 研究咗一陣決定去「Redhouse 紅樓」， 華麗堂皇嘅佈置， 樓底極高 又坐得舒服。👍一排望過去嘅 長凳和極高樓底，相當有氣勢👍普洱壽眉飲得多， 今次試蕎麥茶， 好香嘅麥味有點似玄米茶， 一壺靚茶配中式點心絕不能馬虎。有一系列嘅蟹粉菜式～～ 價錢 九十幾到二百幾都有。 中午時間就試 兩款簡單啲嘅菜式。鮮拆蟹粉拌麵$98金黃色嘅蟹粉， 裏面有絲絲蟹肉， 一碗份量share剛剛好, 趁熱要盡快撈勻, 否則個麵就定型。拌麵麵質幼涓有少少煙韌， 配蟹粉好夾。 蟹粉有濃濃嘅蟹香蟹膏味， 唔會過鹹，吃得到蟹本身嘅鮮味。另一款鮮拆蟹粉豆腐$148， 用小蠟燭助熱， 由頭到尾都keep住熱， 因此蟹粉特別香， 豆腐夠滑， 剩食或者再撈返落麵也超美味😋😋點心款式也很精緻華麗， 做工一絲不苟！太極馬拉糕 $42（原味,芝麻味）好想知道係點樣拼製😍😋👍 傳統嘅紅糖馬拉糕拼芝麻味馬拉糕， 賣相精巧細緻， 馬拉糕軟熟芳香， 每一件都拿出來研究～ 芝麻味也很特別。整體味道係超水準！香檳金蝦餃$52蝦餃皮薄薄的， 和平時酒樓嘅點心沒兩樣，一啖咬落就爆開，然後是味道豐富嘅蝦肉， 餡料勁多夠大隻， 滿足！酥皮菠蘿黑豚肉叉燒包$42；使用了黑豚肉的叉燒包， 食材升級, 熱辣辣上枱， 酥皮層可焗耐一點會更香脆。 叉燒包餡 調味恰到好處， 黑豚肉果然 夠爽，冇渣又彈牙心思思再點了一道甜品～ 楊枝甘露。 很少見好似筷子咁粗嘅柚子肉， 再配上大大粒嘅西米還有新鮮芒果肉， 雖然感覺是偏甜一點， 但用料絕對認真。吃了一頓很滿意嘅中式點心和蟹粉菜式， 餐廳座位極為舒適加上 殷勤嘅服務， 實在非常滿意!…查看更多