添好運點心專門店

酥皮焗叉燒包果然係必食推介，皮脆又帶微甜，有啲似菠蘿包個面，包質鬆軟，叉燒饀料多又Juicy,好好味。香煎蘿蔔糕煎到有少少脆邊，香口好味，蘿蔔糕加多dd 臘味更好，會更惹味。家鄉咸水角外皮略嫌唔夠脆，內層煙韌，饀料足，大致不錯！杏汁大白菜燉豬肺個湯奶白色，好香，杏汁味重，配埋菜乾同豬肺食，有口感又滋補。叉燒蔥油撈粗麵有碗湯撈粗麵，麵質彈牙，但味道偏鹹，加湯食就剛好。煎堆個面黑白芝麻都有，幾特別。煎堆煙韌，內有豆沙饀，略甜。…查看更多

本身諗住新年流流梗係要去飲茶食一盅兩件，但係發現酒樓好多都爆滿，而新都城啱啱新開左添好運，咁就去食點心專門店啦！酥皮焗叉燒包 $23即叫即焗熱辣辣，出面酥皮勁好食！懷舊鳳尾蝦多士 $24新鮮炸起，唔會油淋淋！蜜味叉燒腸 $26晶瑩鮮蝦餃 $31鮮蝦燒賣皇 $31陳皮牛肉球 $20蠔皇鮮竹卷 $20鮮蝦腐皮卷 $29其他嘅點心一般水準，唔算特別好食！整體嚟講，不過價錢合理，不過選擇唔算好多，都係啲基本點心，如果想簡單食點心嘅話都可以去試吓！…查看更多