The Right Place (寶勒巷)

三五知己想傾心事又唔知去邊好？尖沙咀呢間bar就應該滿足到大家😌係尖沙咀既一條小巷入面～附近唔會太嘈，環境雖然暗暗既，但超舒服，好適合大家坐低飲杯野吹水😚Dr. Kitty $98呢杯基本上係叫黎打卡既mocktail😍實際上都係幾甜既fresh既😌岩晒啲唔好酒精又想打卡chill下既ladies😙Drink that culture $128試埋佢地杯cocktail🤣 唔知點解有啲中藥咁既甘澀味，麻麻地🙈避風塘軟殼蟹 $98最好食既一道小食😻 用黎送酒真係一流！炸到脆卜卜咁🤤 少少辣～而且份量都唔少🤤🤤🤤非主流墨西哥薄餅 $138呢知薄餅係薄批黎😬 上到枱都好大份😆4個朋友去食share每人都食到2件～橄欖味比較突出一啲😋素菜扭捲粉 $158呢個扭捲粉出奇地好食😙岩晒素食既朋友都可以食😄有不同既蔬菜用番茄汁煮埋一齊，比較健康😌講食物質素都係幾唔錯，價錢都唔算係超貴～仲有特色既mock tail 同cocktail可以試下！大家想黎就記得book位啦😙…查看更多

星期六就係好中意係尖沙咀發掘下啲餐廳～今次一行五人黎到呢間舖頭主要係食西餐，但又有點Fushion嘅菜色～而且佢嘅Cocktail無論係名定係賣相都好別緻～My cup of tea |呢杯Cocktail一黎到賣相就已經吸引咗我～成套茶具咁上非常精緻，而且飲法都好特別，待應叫我先飲熱嘅（細杯），再飲凍嘅，感覺會特別啲～因為有 Elderflower 所以非常之香～避風塘軟殻蟹、避風塘魷魚酥 |呢兩個小食非常之推介！！首先用避風塘炒已經好香，味道唔算太辣，有朋友唔食得辣都食到。軟殻蟹唔會炸到太乾，仲有蟹汁流出黎，非常出色！魷魚酥都幾彈口，但個炸皮可能被啲避風塘蒜碎遮住咗，所以有啲會淋咗啲～但真係好好味，而且都好啱送酒～墨西哥雞肉卷 |除咗炸物之外，主食都不錯。呢個墨西哥卷皮軟而且醬料好香，雞肉不太硬同鞋，而且入面仲有蕃茄等等嘅蔬菜，咬落皮軟肉香多汁～加埋一向都好中意貼Nachos食嘅右上角三個醬：牛油果醬，仲有應該係蕃茄肉醬同Sour Cream醬，好快就食曬成個～燒西班牙黑毛豬豬腩肉 配青蘋果芥末籽醬 |開頭以為腩肉會好肥膩，但因為有青蘋果夾埋一齊食，所以好清新～腩肉嘅肥膏同肉分佈平均，唔會話太肥～仲有佢有加左小小芥末籽醬，食落係酸酸地同微辣，所以甜酸同鹹嘅味道都集於一身，味道層次都幾豐富～總括黎講，呢度食物做得好不錯，而且Cocktail都非常有心思同特別，係尖沙咀飲酒加食晚飯嘅好地方～但呢到嘅侍應不斷催我地叫野飲同埋想幫我地清碟，以為出面好多人等所以想叫我地走，但原來又唔係。服務有點兒奇怪～…查看更多

上次試過呢間餐廳覺得野食好味，環境又唔錯，所以再約朋友黎食多次。呢間有啲好有特色的cocktail，酒鬼朋友一見就好興奮😂 左揀又揀後最後佢揀左my cup of tea,而我就揀左local fushion.My cup of tea唔只係presentation特別，飲法都好特別下。茶壺入面裝的係煮熱左的Gin同green tea syrup，而另一杯係凍的Gin溝Elderflower liquor, syrup & apple juice. 上枱後waiter就倒左杯熱的酒落隻中式茶杯到，叫朋友飲左杯熱的之後再飲凍的。原本覺得酒煮熱左會無咁重酒味，點知出乎意料地Gin酒味都好重同好出，朋友話酒味好嗆喉，鍾意飲酒的人會覺得好正👍而凍個杯就較甜，飲完熱個杯再飲呢杯會有refreshing的效果。相對黎講，local fashion就無咁特別。都杯cocktail主要係飲到幾強的whiskey同好香的橙味。因為whiskey都算幾重所以對唔太飲開酒的我黎講係要等啲冰溶多啲，溝淡左個味同濃度先比較易入口😅避風塘軟殼蟹呢間餐廳的招牌菜之一點可以唔試下。軟殼蟹炸得鬆脆又唔油膩👍好欣賞佢的炸漿，整得好薄而且就算放耐左都仲keep到個脆度❤軟殼蟹的件算都唔少，我同朋友各自都有食到3~4件。整體黎講好香口但偏鹹左啲，用黎送啤酒就perfect.吉列西班牙黑毛豬芝士漢堡伴黑松露炒蛋配薯條強烈推介呢個漢堡😍本身好少食豬扒漢堡的(通常都係食牛肉patty),但因為朋友唔食牛所以就叫左呢個黑毛豬漢堡，點知係喜出望外地好好食🤤吉列黑毛豬炸得外脆內嫩，雖然豬排無牛肉patty咁多肉汁，但佢Q彈鮮嫩口感亦都令我一試難忘。加上好香的黑松露炒蛋，honey mustard sauce同蕃茄同生菜，好食程度一啲都唔輸牛肉漢堡。呢個漢堡係想再encore的菜式👍最後點少得一個美味甜品黎收尾。呢個蘋果批都幾大個，兩個人share啱啱好。一上枱就聞到好香的肉桂味，切開鬆脆的外皮後香味更加濃郁。烘到微焦的puff皮，煮到軟酸甜的蘋果再加上甜甜的云呢拿雪糕，真係完美的組合…查看更多

約左朋友來慶祝生日。我們都是第一次來，一來到覺得這裡裝修很特別，富有舊香港的味道。我們一坐下便點了黑松露薯條，主菜方便，點了蟹肉海膽汁意粉，帶子意大利飯，當然少不了招牌避風塘軟殼蟹！果然，招牌菜的確不錯👍蟹炸得很鬆軟，味道很得宜，不會太咸！！既然慶祝生日，當然甜品是重頭戲！2個甜品： 香蕉卷和綠茶心太軟雖然製作時間要30分鐘，不過我們也覺得很值得！香蕉卷外脆內軟，熱熱的！好正！心太軟，一切下去綠茶朱古力香味飄出來！不用幾分鐘便吃光了！…查看更多

約了一個很久不見既朋友聚一聚，時隔一兩年，大家思想如一，就係放假緊係要嘆番杯！選址尖沙咀區！這一帶近年開了很多酒吧類型的餐廳，提供各式各樣既西餐或小食天會提供很多酒既款式！最後我地二揀一，一致的選了位於寶勒巷既【The Right Place】，希望真係Right Place吧！不論由尖沙咀或尖東站走過來都差不多距望，非常易找，因為門外有開放式位置，劃了十餘個位子可能是方便一眾吸煙人士！而室內就冷氣開放！入面既氣氛都幾正，因為好像有種睇賽事熾熱既感覺。環境寛鬆，有時候會有特別燈效，但當晚是有有兩個大型投影熒幕播著一些音樂MV，沒有過於嘈吵，是輕鬆，Chill住坐既！裝潢算是新式型格，我們坐的位置，後面是窗戶望到的外面香港街景，挺有特色。而左手面就是一個大大的酒吧的調酒位置，好多特色飲品同Cocktail，有唔同嘅口味！店員亦好樂意向我們介紹邊款Cocktail或者野食適合自己！非常有耐性呢！【The Right Place】除了有好酒，更有好野食！翻開餐牌...食物款式多之餘又吸引，當然食物以西式為主，基本上沙拉、漢堡、意粉、小食這些都是必有的！侍應們非常親切有禮地再次介紹同落單！邊等邊傾計很快食物便到了...避風塘蘿蔔糕$78見到「避風塘」這三字被它吸引了，呢款係傳統Mix創新，因為落左薯片脆脆！蘿蔔糕份量係勁多，真係建議有三個人食先好叫，因為超飽肚！蘿蔔糕，外脆內軟，一路食一路噴煙...熱辣辣。設成方體容易入口，配上炸蒜茸+埋脆卜卜既薯片又幾夾！不過避風塘嘅香辣蓋過晒蘿蔔糕味道雖然炒到好香但辣味重了點...係惹味!但減少點辣度對蘿蔔糕本身既味便會出一點呢！另一樣...避風塘軟殼蟹$98對的！又是避風塘！因為真係好少食呢隻味，所以一人揀一款！呢款用上中式點心蒸籠盛載，軟殼蟹有兩大隻，一隻切開兩件，岩晒每人一件，都幾有份量架！呢度軟殼蟹用左原隻「真蟹 」去炸，食到啖啖蟹肉之餘仲好酥脆又係用左中西合璧既元素，超香既椒鹽再加左薯片脆脆！唔惹味就假既！仲食到一絲絲蟹肉！呢個推介呀！呢個時候我杯Mocktail上場啦Right Place Tour $98點了熱飲，因為少飲凍野！，佢既Mocktail用左中國茶杯，好得意又夠懷舊，飲落去飲得出香甜味，清清新新，因為加左蘋果同桃茶，所以解膩真係一流好好飲！相信叫熱飲，呢杯會係Number No.1多人點吧！巴馬臣芝士香蒜松露油薯條$78好似都仲係食緊小食類！哈哈，呢個薯條真係食到我地停唔到！捧過來見到已經覺得好正！賣相名晒邪惡！點解？因為面頭的現刨芝士如雪花般散落在上！真係啖啖都食中巴馬臣芝士！都係用蒸籠盛上，好多蒸籠係枱面幾可愛，呢個薯條炸得剛剛好，金黃色又夠香脆，但唔覺油膩可能被巴馬臣芝士、蒜香及松露香蓋過了，松露味都特出的！食得好開心！用料確實是一絲不苟！不是求其堆砌有形無實呢！朋友個杯Non Grand都到了!Non Grand $108呢杯野飲都係玩fusion咁，其實係薑汁豆漿，薑汁味好香但你會感覺上飲到少少杏仁味...微甜、入口順滑、喝下去好舒服，仲有花膠，Mocktail變糖水真係發覺呢度飲品都好有特式！很創新！再上鮮蟹肉煙肉海膽汁扭捲粉伴海膽汁$188！朋友因為海膽而點的這個扭捲粉，而我就讓了很多給她吃，賣相不錯，而面層有大量蟹肉煙肉同豐富海膽制的醬汁煙煙韌韌的扭捲粉好Creamy，每啖都食到蟹肉，扭捲粉其實好好食個口感！至於份量還好，可能我們點的小吃較多，所以都吃光了！但一人獨享是不可能得，Share食先食的晒呀！兩個人點了兩杯飲品，三個小吃，一個主食，好飽了，食物份量足，質素又好好，環境同氣氛都唔錯，最緊要坐得舒服，非常適合好友相聚！同時亦都係放工後食飯飲野既好去處。有些朋友平日不常見，但需要她的時候總會及時在身邊出現，親愛的，謝謝你。💖…查看更多

星期六放工，約了朋友放工一同去酒吧喝杯酒，吃頓飯。尖沙咀一帶有許多bar restuarant，而The Right Place 前身為 M1 Bar，餐廳面積大，燈光偏暗，周圍都有投影電視，氣氛不錯的。而我和朋友被安排一排高桌椅坐，比較不舒服。避風塘軟殼蟹(2pcs) $98軟殼蟹以蒸籠盛著，雖說只有2件，但份量很大呢，非常足料！軟殼蟹炸得香脆可口，配上薯片脆末一起吃，很有口感，特別的風味！口裡盡是啖啖蟹肉，肉質鬆化不覺乾柴，也不油膩，是不錯的小吃呢！美國安格斯牛肉芝士煙肉煎蛋漢堡伴薯條 $128墨黑色的漢堡一口一手不能掌握，麵包皮烤得很酥脆，自家製牛肉很出色，厚肉多汁，一咬下去，肉汁在嘴裡爆發，滋味無窮呢！而煙肉沒有犯下一般餐廳的通病，不乾柴，毫不失色。薯條炸得香脆可口，實在是畫龍點睛。烤德國鹹豬手 $228烤豬手皮脆肉嫩，外層又脆又煙韌，內裡肉質嫩滑。豬手鹹香惹味，但整體油膩，吃多兩口便食滯不消。來bar restuarant當然少不免淺酌一杯，我們分別點了不同的Cocktail。Local Fashion $138用上Whisky及soda水，再加上橙皮、紅棗，口感清新脫俗，也相對容易入口。Cocktail soup $148而朋友貪新鮮點了cocktail soup，湯也不可以說是湯，也不是果汁。lemongrass infused vodka加上菠蘿汁、椰子奶，入口頗嗆，不是每個人都受得起。飲用前更會先在鐵板上灑上一片蝦醬汁，非常特別。這家餐廳挺適合朋友聚餐，菜式特色新穎，大可和朋友一邊吃飯，一邊喝酒！…查看更多

星期一番工通常都未係狀態，同事們相約去寶勒巷食飯+飲野；仲話保證話正!!咁就去見識下啦；黎到好似普通酒吧，行入d～咦有個好80−90年代既假窗，中間有個好大既屏幕播住外國歌，仲有維密睇 好Fusion既感覺避風塘軟殼蟹$98軟殼蟹用左原隻『真蟹 』去炸，食到啖啖蟹肉之餘仲脆卜卜，外面超香既椒鹽配上西式既薯片，配合番依到中西合碧既元素日式照燒茄子安格斯牛肉芝士漢堡伴薯條$128漢堡比想像中大想一口吃到全個不是容易的事，我們更表演誰可以一口吃到整個漢堡，但沒人成功哈~安格斯牛肉做漢堡真的很幸福, 很香的牛味咬落去肉汁都流出來了；第一次吃漢堡加上茄子口感好特別，微甜的照燒汁令成個漢堡更香口更多了層滑溜溜的口感燒西班牙黑毛豬五花腩伴芥末芥花籽蜜糖青蘋果$88五花腩真係好肥呀，吃每一口都是罪惡感，但燒黑毛豬真係好香口，可以夾住青蘋果吃會比較沒那麼油脂重Tofu Pudding$148Home-made Ginger, Soy Infused Tennessee Whiskey, Soy Milk, Fresh Ginger, Brown Sugar店員教用豆漿撞散豆腐花，再焗7分鐘先再食；食到好香豆味，酒味唔會好重，都幾得意，第一次係酒吧食豆腐花哈…查看更多

有時收工就係想揾人飲返兩杯，吹下水。但唔係成日都想同女友一齊食，話晒都想有返啲私人時間。所以最啱就係揾兄弟出黎傾下偈摸下酒杯底，近近地就黎啱地方。避風塘軟殼蟹。味道似日式做法無咁辛辣濃烈，辣味同蒜香味都夠幾啱用黎佐酒。軟殼蟹夠份量，所以炸完除左脆口，內裡仲保持濕潤，不失鮮味。水牛芝士捲捲粉。水牛芝士都算多，主要係以蕃茄肉醬黎帶出整個捲捲粉嘅味道。芝士嘅咸味就作為藥引點綴當中嘅酸甜。手造捲捲粉質感好特別，滑得黎又好煙韌，有啲似千層麵但又更腍身，MIXED埋一齊幾好食。竹炭和牛漢堡。點左五成熟啱啱好，漢堡扒好厚起碼有１.５CM所以食落好有漢足感。手打漢堡感覺肉質更結實同多肉汁，入面炒香過嘅洋蔥碎配上和風醬汁更帶出微微香甜，令整個漢堡味道更多更豐富。最令人回味係佢手上腌子薑黎做襯托，酸爽味道除左大大降低漢堡嘅飽滯感，更令味蕾感受性更大，享受整個漢堡包嘅滋味。薯條。炸得夠脆同香口，大大條唔會到乾爭爭。同埋佢係連皮炸成呢點好重要，有皮嘅薯條先係真正嘅薯條，風味先最好。士多啤梨菠蘿。好清新唔會好甜，飲黎解油膩一流。MY CUP OF TEA。一黎造型加左唔少分先啦，上枱時分左兩杯，可以先分開飲左原味先，之後再溝埋做成COCKTAIL。好創新地用上苿莉花茶黎做雞尾酒，味道又幾唔錯。有時唔使一定飲到酩酊大醉先好嘅，少少地飲下COCKTAILS享受下美食，就已經好舒壓了。…查看更多

M1集團旗下的餐廳無論在食物、環境和服務都質素保證，所以今次朋友生日，就在這裡吃生日飯吧！餐廳環境幽暗，以深棕色為主調，設有吧台。一邊牆上掛上中西方藝術畫作，另一邊牆上以香港街景的仿窗花作裝飾，木製桌椅和地板，帶出復古懷舊風，是一間中西合璧的酒吧。餐牌所見，食物選擇種類不算多，但款款精緻，在飲品上也有突破，有不少「以茶入酒」的飲品，感覺很有新意呢！⭐️Between your tea$138基調是綠茶，加入橙酒和西柚蜜糖。入口有暖暖的茶味，香氣都很清新，也相對容易入口。⭐️Ginger Season$74菠蘿汁、檸檬汁和梳打水，配上新鮮的薑片，口感清新脫俗。⭐️避風塘軟殼蟹$98以蒸籠盛著軟殼蟹，特別有風味！軟殼蟹炸得酥脆，配上薯片脆末一起吃，邪惡而美味！⭐️煙肉、燒南瓜、法邊豆、車厘茄、帕馬厘芝士汁捲紙通粉拌香煎鵝肝$168鵝肝非常厚嫩肥美，配上南瓜、芝士、蔬菜、通粉一起吃，口感豐富，南瓜中和了鵝肝的膩感，入口更添風味，不會覺得肥膩。⭐️魷魚、西班牙辣肉腸、燒南瓜、鹹蛋黃、法邊豆義大利飯拌輕煎被海道鮮帶子$188店員端上時還冒著裊裊香煙，米飯吸滿濃濃的高湯，送入口中濃郁的鹹香在口中釋放，伴著鮮美的爽脆帶子，忍不住一口接一口送進嘴裡，是在滿足呢！⭐️綠茶心太軟配自家製紅桑子雪糕$68店員特意為我們畫上生日祝福，在甜品旁邊放上一枝仙女棒，冒出閃爍的星星火光，實在很有趣呢！綠茶心太軟有別於朱古力心太軟，綠茶心口感清新，吃多了也不會覺得甜膩，配上紅桑子雪糕，酸酸甜甜的濃滑口感，令人回味。▪️就這樣度過了一個愉快的晚上，餐廳在服務、食物和環境方面都不俗，下次會再光顧。…查看更多

四年一度的世界盃又開鑼了，朋友預早一個月已經訂了尖沙咀一間酒吧去睇開幕戰。這個時候，區內的酒吧都比平時旺。我們到達時已經差不多滿座，幸好我們有預早訂位，不一會就獲安排入座。進去後，埸面很熱鬧，服務員都穿著球衣做制服，剛好有客人慶生，點起小煙花慶祝，全場都為他鼓掌。趁著還未開波，我們先點菜。餐牌像是報紙一般，我們要了一個魷魚煙肉鮮菠菜芝士忌廉汁意大利粉($138)、避風塘軟殼蟹兩隻($98)及烤德國鹹豬手($228)，來到酒吧沒理由不喝酒，朋友就要了一杯Asahi啤酒($70)，我不能飲啤酒，不過其他酒就可以，於是就要了一杯法國Chateau Galau 2013紅酒($74)。啤酒都很大杯，而且是用Asahi啤酒杯奉上，而我的紅酒也不錯，Chateau Galau果味濃郁而不帶苦澀味。魷魚煙肉鮮菠菜芝士忌廉汁意大利粉的意粉是幼身的，煙韌有咬口，魷魚新鮮爽脆，菠菜幼嫩，忌廉汁內還加有洋蔥、小蝦乾及切成小片的煙肉，味道不錯。然後佐酒的佳品也送到，先是避風塘軟殼蟹，炸得外脆內軟，香脆可口，它不像避風塘炒蟹般辣，只是用上炒香了略帶微辣的蒜蓉，及帶甜的粟米片碎，不辣也好食，裡面的蟹膏及蟹肉仍很鮮嫩。然後是烤德國鹹豬手，豬手烤得帶肥的外皮脆口甘香，內裡微鹹的瘦肉部份仍帶少少肉汁，瘦肉連著脆皮一起吃是最好味的。加有五味粉的薯角炸得香脆可口，單食或佐酒也不錯。伴碟的還有少少的酸菜，有助解除豬手的肥膩。慢慢歎完晚餐，就等世界盃開幕禮及今屆的首埸賽事了。晚餐平均消費每人$340。…查看更多

今日約左兒時識既好朋友黎尖沙咀食飯我想食中餐、朋友想食西餐最後網上搵到依間中西合璧，食物款式多，而且食評又唔錯既餐廳。 滿足哂我地兩個有要求既女人👧🏻👧🏻-餐廳環境唔錯，牆上有些特式掛畫職員安排好座位，奉上menu款色多籮籮，叫左好幾款食物🥁先黎🌟避風塘軟殼蟹🌟天氣炎熱，吃香口既煎炸物可提升食慾平時食泰國菜，必點至愛軟殼蟹 🦀估唔到西餐廳都有😳見隔離台叫左，食物賣相好吸引隔離蟹香，我又跟住叫黎試下一上台，嘩左聲好大隻🦀呀 珍寶size 好正🤤🤤🤤🤤🤤酥炸軟殼蟹，粉漿薄薄的熱騰騰、香脆又可口軟殼蟹沒有特別加調味料避風塘方法炮製 夠哂惹味炸蒜、辣椒🌶️、仲有薯片等做香料脆脆的口感👍🏼-再黎🌟啤酒脆槳智利銀鱈魚柳芝士漢堡🌟👍🏼竹炭麵包熱辣辣、好鬆軟愛吃魚，但又怕骨，所以好鍾意食魚柳😁皮脆肉滑既炸銀鱈魚柳 正呀📣魚夠厚身口感佳，魚肉juicy不乾身配上傳統做法既啤酒🍻特脆炸漿一份完美既Burger🍔-我地兩個女仔，兩個大胃。再黎一份Risotto 🌟輕煎北海道鮮帶子意大利飯材料有魷魚🦑，西班牙辣肉腸，燒南瓜，咸蛋黃及法邊豆材料好豐富！❤️北海道帶子表面輕輕煎香，入口外香內滑❤️帶子內裡半生熟，但保持了像刺身般既口感、味道鮮甜❤️意大利飯金黃色粒粒飽滿分明，加入咸香蛋黃、味道提升-飯後點少得甜品呢🌟綠茶心太軟配自家製紅桑子雪糕外表鬆脆內裡軟滑既心太軟係人見人愛既甜品。餐廳居然有❗️抹茶❗️心太軟雙重口感加上香濃既抹茶味道，我地兩個抹茶控，就算口講要減肥，都冇能力抗拒依款甜品🤤看著澎湃既綠茶醬流出來，有種興奮既感覺😋紅桑子雪糕夠滑，酸酸的口感，減輕晚飯既飽滯感-同知己食晚飯，怎可以沒有酒呢佢有好多款特式cocktail ，每款都好特別職員見我地個樣十五十六咁 ，主動介紹每款cocktail 👍🏼我地各自選擇一款share 🌟Between your tea茶香味醇、酒味偏重成份有：Genmaicha Tea, Green tea syrup, Home made Genmaicha infused Gin,Red Grapefruit Honey, Dry Orange Liqueur 入口有陣陣茶香、酒香； 帶少少甜味一口喝下 喉嚨瞬間有種熾熱感覺 爽😇酒杯都好精美-🌟The Tofu Pudding依款我們當作飯後甜點自行將d 薑汁豆奶倒落去木桶到⌛️然後等十至十五分鐘⏳豆奶味香、少許薑味亦有濃濃的whiskey 酒香亦可加少許Brown Sugar ，甜甜的易入口-❤️飲飽食醉 很滿足❗️…查看更多

TGIF! 是日在大陸出差完畢，回到港希望去chillex 下，之前見另一個app得知這裡開左間屬M1集團的酒吧餐廳，見此地大有好評，於是就來試試！先來warm mocktail, 蘋果加蜜糖夠滋潤，不過88蚊一小杯相信只買中國風gimmick見這裡有港式fusion小吃，就選了避風塘軟殼蟹，大約100蚊有兩大隻炸得香脆可口的軟殼蟹，非常抵食，建議多於2人分享會能減少濟感！之後來了是日龍蝦配risotto, 這度有驚喜！ 龍蝦以XO醬焗比以芝士更香口更鮮味，而且啖啖肉食得開心。要讚的還有底下以栗米為base的香甜意大利飯，沒有傳統的意大利飯油膩，還有粒粒chorizo增加口感，個人更喜歡！甜品新嚐試，whiskey豆腐花！這個有點份子料理及fusion感覺。侍者先來把豆奶倒進木桶，然後等十分鐘左右就可以食！但侍者會提你要盡快食，免得變味！味道真是有酒味的豆腐花，好特別，多吃幾口已覺醉呢！而且份量好大食完真的好飽！大家千萬別以為這是cocktail而一人叫一個呀！PS: 要讚的是服務真是好好，我們等主菜等得太久，經理覺得非常抱歉，多次道歉後把我們主菜變成on the house, 我們好感激亦都好欣賞他們以客為本的服務態度！…查看更多