龍門金閣海鮮酒家

爸爸出左trip成個月終於返港, 今晚同佢補祝父親節飯, 知道佢中意食中菜, 就特意搵左間網上評價比較高既中菜酒家食dinner。呢間酒家唔算好大, 幸好有預先book檯, 正正晚飯時段, 餐廳內已經座無虛席。父親節飯當然爸爸發板, order左幾款佢中意既菜式, 其中亦係酒家所主打推介款式。【秘制黑醋骨】HK$108糖醋汁平均附於每件表面, 算幾多以食, 入味得黎又夠林, 甜甜地, 送飯一流!爸爸知我中意食"避風塘”, 所以order左兩款都係以"避風塘”煮法~【避風塘瀨尿蝦】HK$288平時食瀨尿蝦, 剝殼剝到手痛又麻煩, 呢度既瀨尿蝦已被預先去殼再炸, 非常貼心, 可以大口大口直接放入口, 瀨尿蝦炸得脆, 脆皮亦很薄, 稍嫌肉質乾左少少, 不過夾集炸蒜食, 少少辣又夠香口【避風塘百花釀鮮魷】HK$128鮮魷size超大隻, 老闆介紹為自家到印尼直接取貨, 所以新鮮之餘, 價錢都平d!鮮魷非常爽口, 鮮魷中亦釀左手打蝦膠, 同樣時鮮甜彈牙, 雙重彈牙口感, 正!! 而且炸皮薄而不帶油膩, 絕對是色香味俱全之一! 推介!!【黃金蝦球】HK$148炸皮炸至金黃, 上檯時已聞到陣陣鹹蛋黃香, 口感帶少少粉, 入口香脆帶些少鹹香味, 蝦球略帶爽口。最後仲有糖水送作完美句號...…查看更多

朋友聚餐，最喜歡選中菜餐館，一圍檯坐得舒服，圓檯傾計可以傾得更暢快！今次朋友揀選呢度，也是朋友的朋友介紹，聽說老闆在「海鮮界」立足很多年，很有經驗的！那今晚一定要試試海鮮了！先來一鍋濃湯雞煲翅嘩嘩嘩，未落肚已興奮，看到整碟8両翅，很豐盛呢，而濃湯有成隻雞，非常足料！價錢只是$398，勁勁勁抵 雞肉都比返人客品嚐架，煲到差不多去骨咁滯，不過我想留返個胃食其他野，所以沒吃到雞肉一煲大約可分6碗左右，每碗翅的份量不少，成梳很誇張，下次同長輩食飯，呢個很得體又滋補，一啲都唔失禮呀！唔好以為佢係味精湯，我地返工屋企後，都無話勁口乾口渴極力推介！另一道是店長推介的冰鎮咕嚕肉同平時食法唔同，加咗一大堆頭的冰粒，吃的時候，表皮是脆凍，但內裡是暖軟的咕嚕肉唔多骨，皮也不厚，味道也剛好可能是冰鎮關係，唔似傳統的多汁海鮮當然是必點啦以下是推介給吃得勁辣的朋友仔辣酒煮花螺紅紅的湯底，花螺超級入味，辣道十足，越吃越惹味！避風塘瀨尿蝦一大堆「避風塘」蓋過瀨尿蝦，打開後驚喜非常看！原條大大隻已去殼的大size 瀨尿蝦新鮮熨口，淡淡肉，肉質很彈牙，新鮮惹味吃完一條很想繼續食多一條避風塘停不了避風塘大肉蟹原隻大肉蟹，份量也不少，端上來時已聞到很香口的味道有幸被我拿到一隻大蟹鉗，好大隻，也入味，啖啖肉另外還有些懷舊菜蝦子柚皮我是第一次食，賣相不錯，但不是我杯茶，但同行長輩很like!總括來說，呢間餐館我會列入為我的encore list, 雖然內裡裝潢都有點懷舊feel, 但其食物、味道、份量及價錢是「物有所值」的！…查看更多

喜愛試食餐廳新張的同學，又再約晚飯，這次是在柯士甸路，說是中菜。記憶所及，柯士甸路多數是韓國菜為主，有新中菜廳開張，倒很有興趣。來到餐廳前，有點熟識的感覺，都是一些舊式中菜館的裝修，有點懷舊之感。今晚聚會的同學並不多，只有四個，最後決定，只點選四個小菜，怕吃不下那麼多而浪費。最先上場是小炒王，單是上枱時已經香氣四溢，令人唾涎，入口感覺炒得非常乾身，非常合適與啤酒同飲，每種小菜都沾滿香味，脆口非常。愛啤酒的同學只來了一位，當時差不多他一個人吃光。冰震咕嚕肉，上枱時大家都覺得震驚，有如一座冰山放於眼前，視覺上已經很難得，入口卻是外凍內暖，甜甜酸酸的，味道濃郁，而且更是口感香脆，真的令大家有點驚喜。再來的是避風塘瀨尿蝦，這個又再帶來震撼，剛才是冰山，現在是瀨尿蝦山，避風塘式的，有如一座金山一樣。蒜香入味，令瀨尿蝦的鮮香更為突出，有點辣，卻帶點綴之感，令口感更豐富。最後是避風塘炒蟹，同樣的蒜香濃郁，平時不吃蟹的我，也要吃一塊，都是被蒜香所吸引，蒜有點辣，卻帶出蟹濃厚味道，非常地愛上這個味道。每次有新餐廳新開張，大家都愛一起晚飯作聚會，同時又可以品嚐新味道，這個活動同學們都愛上。…查看更多