金豪酒家

平時出街食都以西,中料理多,但當有大班少少既朋友聚會就反而鍾情於小菜同小炒多.今次有朋友推薦深水埗呢間酒家,有齊中式小炒,涼菜同海鮮可以滿足晒咁多人既喜好.沙薑豬手豬手雪白晶瑩,入口充滿膠原既彈性.尤其豬手皮爽彈又不過韌,嚼勁十足.沙薑底再配上自家調製既麻辣汁及係豬手面灑上青蔥,辣椒,芫茜等令風味更佳.麻辣汁香麻而不過辣,豬手沾上少少麻辣汁已經相當惹味,吸汁力強.係咁悶熱既天氣食冰涼又醒胃.避風塘瀨尿蝦肉果然係餐廳招牌菜式,避風塘炸蒜既鹹辣香齊晒又香口,炸得金黃色,酥脆乾身又唔會過焦導致帶苦澀味.瀨尿蝦拆殻啖啖肉又方便食用,啱晒我呢d懶人.炸好既瀨尿蝦肉爽彈又唔會過油膩,蝦肉中間仲帶有蝦羔,味鮮又香濃.啫啫通菜煲先以烘熱過既砂煲送上,再將通菜下鍋爆炒.啫啫鹹香既蝦乾,蔥蒜香隨住熱氣飄散,香氣撲鼻.通菜青翠又,菜莖又夠爽,十分下飯.…查看更多

傳統中式酒樓來来去去都是那些連鎖分店， 今天去了深水埗黃金商場嗰邊買嘢， 屋企人提議新遷到青山道近嘉頓的《金豪酒家》吃中菜。 餐廳小菜遠近馳名， 非常有水準， 差不多晚晚都爆場 walk in 就要等位～酒樓分咗兩個舖面， 內籠来說唔算好大。 我哋六點幾就坐低， 人未算太多， 店員也好好招呼。前菜嘅咋花生都幾脆喎！👍避風塘瀨尿蝦肉$238這個是真心推介， 製作需時而且每天限量 ，最好之前預訂。唔係普通嘅 避風塘炒瀨尿蝦， 而係經拆肉先再炒， 目測也有十多件瀨尿蝦！ 蝦肉唔係迷你仲要係中等size， 肉質鮮甜，略經泡油， 香口惹味，配支冰凍啤酒夠曬爽！ 瀨尿蝦係好難剝殼， 要有啲經驗同好小心， 因外殼係有好多刺， 這款菜式實在太啱唔識剝殼或者好怕剝殼嘅朋友～見佢都有啲辣椒 係一堆炸蒜裏面， 所以都带微微嘅辣，超正！馳名雞煲翅（4両）$228很久沒有吃翅， 坊間嘅鱼翅都有好多代替品因為講求保育， 在這裏重點嘅係佢嘅雞湯！ 每日用新鮮雞餚製而成， 熱辣辣滚起先放上枱， 一定一定要趁熱。 湯底濃郁稠身， 有黏著嘴唇嘅感覺， 每一啖都感受到雞嘅精華， 鮮味湧進口腔， 好味到震！ 湯料嘅雞也非常鮮嫩， 翅的份量也很足！這個份量有四至五碗， 除開每人来一碗頂吓癮都唔貴喎～ 普通酒樓飲個燉湯都唔得啦～薑蔥魚雲煲比較喜歡吃煲仔嘅菜，因為自己屋企做唔到呢種效果同風味。高溫下薑蔥帶出略炸過嘅魚雲鮮味， 魚雲斬得大件肉質嫩滑。煲仔菜做得乾身， 沒有大量嘅汁醬和油膩感， 回味指數非常高！！啫啫通菜煲堂做的啫啫通菜煲， 熱力迫人嘅瓦煲 發出吱吱嘅聲響特別吸引食慾大增！ 通菜夠嫩味道又唔會過鹹， 還加入大大隻嘅蝦乾爆香， 夠晒惹味。又試了《招牌燒乳鴿》$48， 雖然比較細隻， 不過肉質嫩滑多汁而且皮夠脆，有水準！ 推斷佢嘅炸子雞會做得唔錯～ 下次要試佢其他嘅菜式！另外要讚一吓大廚， 各款菜式雖然惹味， 食完一啲都唔口渴， ！…查看更多

一家人(六位大人一位小朋友), 即興想出街食餐飯, 冇乜特別心水, 上水深水埗探下險, 睇下會唔會搵到好嘢食。呢間金豪好近嘉頓, 交通好方便、又易搵。 擴張, 新鋪開張, 地方唔算多、預算好大, 啲枱都唔會話排得好密, 坐得好舒服, 人手充足, 招呼周到。經理介紹的<好味醬烤骨>, 我哋都見每檯都食。口感唔錯, 味道香濃, 鹹甜適中, 大人細路都鍾意。<沙煲芥蘭啫爽肉> 芥蘭好鮮嫩。用呢個方法煮, 真係一流, 嘢味之極。呢個係招牌雞(半隻), 好好味。雖然知道都係冰鮮雞, 但烹調手法令到佢好滑好嫩, 好似食緊新鮮雞咁樣。<避風塘瀨尿蝦肉> 平、靚、正嘅招牌菜, 啖啖肉, 惹味新鮮, 食過返尋味呀!<龍躉兩味 - 翡翠炒斑球> 重點一題係: 師傅功架十足, 火候充足, 用料新鮮。 如果分量再帶返少少就好啦。<龍躉兩味 - 清蒸班頭腩> 鮮味呀! 又滑又嫩 , 蒸嘅時間啱啱好。嗰啲果皮同蔥都係主角。…查看更多

其實2-3年前同朋友黎過....o個次印象好好, 又平又好食...估唔到事隔咁耐先再次重臨... 因為男朋友未食過, 所以特登帶佢黎...不過其實得2個人試唔到太多野我地叫左2位雞湯翅 (必叫) -- 好足料, 雖然一定唔係靚翅, 但唔腥唔會有骨....而且成碗湯勁濃烈雞味...奶白色...好似所有雞嘅精華都o係哂湯度. 呢個我個人認為係必食...而且隔左咁耐黎都keep到水準...煲仔西洋菜 -- 黎到先將菜放落燒熱嘅煲度...."炸炸" 聲好惹味, 食到尾聲d菜都仲熱辣辣...避風塘瀨尿蝦肉 -- 皮薄, 唔會有多餘嘅粉...十分香口, 雖然炸過, 但依然食得出瀨尿蝦嘅鮮味, 之前食過椒鹽九肚魚, 我覺得呢個會更香口更惹味...花膠鵝掌煲-- $98....4隻鵝掌...5-6花膠, 都算叫足料, 但鵝掌再多d會更好...多人食既話會唔夠分...雖然價錢偏貴, 但味道一流, 底面仲放左少少生菜, 唔會o徒左d汁...而且汁好"杰" 身...好有膠質, 有養顏嘅感覺...埋單先發現由40多元嘅雞湯翅, 加到而家80多元, 竟然o係2-3年加左差唔到一倍....而家佢已經o係我心目中唔屬於平靚正喇, 只屬於食物同價錢相宜.....不過佢嘅食物確係好味, 但現實歸現實, 今次黎確係無以前咁多人呢.....…查看更多

這店我已幫襯過無數次, 但還是會再來的. 因為真的抵吃兼好吃.多次的經驗告訴我, 如果不想等, 除了要訂位之外, 還要訂得早. 今次我們訂了7PM, 準時入座. 但之前訂了8PM, 訂了還是要等, 因為實在太多人了!!好味醬烤骨 - 真的好入味和軟滑炒蟶子 - 一陣風咁俾人掃晒!!雞湯翅 - 愈來愈貴, 但來金豪如果唔食呢個, 若有所失. 足料入味龍疐兩味 - 魚是不錯的, 是略嫌多油砵酒焗生蠔 - 食不出蠔味, 還是流浮山的好味避風塘瀨尿蝦肉 - 有好有唔好, 省卻麻煩, 啖啖肉. 但瀨尿蝦好食既地方係鮮味. 避風塘煮法還是和蟹比較夾.鼓油王炒麵 - 幾好味, 只是貴咗d. 蛋白炒飯 - OK乾身環境是一般火鍋小店格局, 好逼下. 由於人客太多, 想坐得耐一點傾下計難d啦. 但以這個價錢和食物算超值.…查看更多

嘩嘩嘩, 未試過係咁短時間係同一食店內寫2次食評, 但"金豪"真係好值得推介。是夜同祁生的舊同學去金豪大吃大喝一次, 是次約會經過FB足足一個月前約好, 希望係可以齊腳齊人, 不過事實永遠唔會咁完美, 初期預計係10個人, 最終都只有7個可以出席, 不過都無損大家食食食的意慾。今次食左乜........ 好味醬烤骨 (終於知道呢味菜個全名喇) - 真係無野講, 好味, 讚, 肉入味, 腍, 入口溶, 調味係非常之配合。　鮑汁雞腳 - 都有少少擔心雞腳會唔入味, 但煮得唔錯, 入味雞腳好膠身, 大家都食唔停口呀! 椒鹽雞軟骨 - 唔駛多講, 又係一味佐酒的佳品啦。 避風塘瀨尿蝦肉 - 呢味真係岩哂D想食瀨尿蝦和懶得拆肉既人, 蝦肉去殼再加入避風塘料炒, 真係....食極都唔夠囉。 嗜嗜咸肉芥蘭煲 - 唔知係唔係D芥蘭靚呢, 呢種食法D芥蘭特別甜喎。 芥辣牛柳粒 - 望見係綠色的Washabi, 食落有芥辣味, 味道OK。 豉椒炒蟶子 - 呢次蟶子失色少少, 因為炒得唔夠乾身, 而且無左鑊氣, 扣分呀! 金豪風味雞 - 唔知點解今次隻雞最後先到, 搞到大家都食得八八九九時先出現, 令到隻雞無乜人想食, 最好食的部位依然係最搶手, 不過今次D蔥油咸左少少啦。 薑蔥炒蟹 - 大肉蟹$388, 好味蔥甜, 蟹有肉唔散, 好食過避風塘炒蟹多多聲啦。 蛋白炒飯 - 呢味係最後一味, 本來個個都飽哂, 但見到D飯粒炒到粒粒分離, 勁香炒飯味, 大家都忍唔住食D試下.....嘩~ 好味。就係呢碟飯令我有少少懷疑炒蟶子和炒飯係2個師傅去煮既, 點解炒飯會好食過炒蟶子先得架~!!!!!食左咁多野, 飲左唔知幾多知...藍冰, 埋單每人都係$175, 你話唔介紹多D人來點可能對得住自己呢。提示一則, 想去金豪食飯記得訂枱, 因為店內枱數比較少, 唔訂枱想食飯, 下次請早唷。…查看更多