鮮芋仙

一見到話會出呢個夏日限定已經想試 終於喺某個週末去咗尖沙咀分店 好幸運等一兩張枱就有位！一個迷你冰絕對足夠兩個人食👀🧊迷你芒果白玉冰💰HKD48（Rating：7.5/10）望到芒果顏色已經知道唔酸 幾好彩！冰上面淋咗芒果汁 食到比較下面就變返黑糖汁 本身都鍾意食呢度嘅麻糬冰 相比起嗰個 呢個冇咁Heavy 有白玉 所以都滿足到想食煙韌嘢嘅渴望👍同埋因為唔係牛奶冰 所以反而覺得上面球雪糕更有存在意義！缺點就係食到下面冇其他冰咁多配料 就有啲悶 但都滿意…查看更多

- 鮮芋仙第一日推出夏日限定嘅盛夏芒果系列! 我哋食完晏晝之後三點幾就去食啦🦆🦆🦆 呢個時間鋪頭入面比較少人，坐得舒服~🥭迷你芒果白玉冰 💰48 唔好睇個碗細細，其實裏面堆滿哂淋咗芒果醬嘅牛奶冰，最鍾意白玉夠煙韌，芒果粒份量多而且甜度適中，一個人食晒應該幾飽🤣🥭芒果豆花椰奶西米飲 💰38 超級足料🫡🫡🫡 上面嗰層係芒果粒同椰奶，中間係芒果醬同西米，下面嗰層就係豆花☺️ 建議大家撈勻之前每層飲啖先，可以試到椰奶同豆花味，因為撈勻之後芒果味會比較蓋過咗佢哋🙈 不過芒果控應該會好鍾意💛·補充一下：呢個系列嘅飲品甜度、冰度都係固定嘅；同埋我哋覺得兩個人叫兩杯野飲 / 一杯野飲+一份冰 已經足夠，除非大家空肚去食😂 不過我哋都覺得值得一試，特別係飲品! 👍🏼(P.S. Follow埋我 IG @foodstepsinhk 每日更新美食! Thank you🙆🏻‍♀️)…查看更多