車仔麵之家

話說我最好唔鐘意食車仔麵因為好似乜嘢狗屎垃圾都扔哂落去係咁不如我自己煮公仔麵啦但身為一個專業嘅食評家理應係乜嘢都食嘅 咁啱同事今日叫車仔麵外賣就join埋喇！叫咗牛腩、貢丸、甜齋果然！好食！我宣布 我而加正式同車仔麵道歉首先啲餸好足料 牛腩起碼5，6舊 香牛味好易咬同埋唔痴牙貢丸有3粒 仲同平時食嘅好似有啲唔同！佢更加香唔知加咗啲咩香料呢最驚喜係個甜齋 原來用袋裝 感覺好似好多咁湯底好濃好夠味不過應該用咗大量味精㗎喇都預咗唔mind啦好過淡meow meow唯一美中不足嘅係個麵反而冇乜味 將麵同湯一齊食好似分開咗咁提外話 啲同事唔知係咪前世餓親叫到$65都有唔洗錢咩…查看更多

同事同阿姐出去見客，去開灣仔再返黎，我緊係唔放過咁嘅機會啦，阿姐揸車，一來一回分分鐘快過我以前行返去胡忠yo~上次食完臨記車仔麵個酸齋，今日有機會緊係搭同事單買酸齋啦，不過今次去灣仔就繼續食返車仔麵之家啦油麵係我必食嘅麵底，如果唔太肚餓我先會叫幼麵，佢地嘅湯底，食完唔會太口渴，亦唔會太膩魷魚同酸齋keep住入味，佢地最貼心嘅係，酸齋會用個袋仔入住，咁樣可以保證酸齋唔會被湯底沖淡，客人可以食到原味。至於蘿蔔就一般，可能我分唔出何謂蘿蔔甜，只分到澀唔澀啦希望同事下次都會途經啲有好味酸齋的地方見客啦，搭單買仲快過由「袋鼠」送餐🙊…查看更多

香港立食店有幾多間?而立食車仔麵嘅你又見過未?灣仔呢間車仔麵店食晏時間一定排滿人，細細間縮埋一角唔講唔知原來好出名其實我覺得餐牌啲字可以大隻啲車仔麵，上面果碗係魷魚，豬大腸，酸齋油麵加沙爹醬。啲餸就普普通通啦，酸齋分開裝，唔會浸到冧哂，味道酸甜適中幾好味落左沙爹醬嘅湯底比冇落嘅差天共地有落嘅香香辣辣，夠哂惹味冇落沙爹嘅就清湯囉，冇評價下面果碗係豬紅，蘿蔔，雞翼油麵。中規中矩，價格亦較高:(冇傳聞中咁神…查看更多

縱使我都有不少機會在金鐘灣仔一帶搵食，但竟然這是我第一次來這家店食車仔麵，剛好冇人便不妨立食。//見到簡單貼地的裝修，一種傳統的車仔麵格局，女工們都幾熱情地問吃什麼，對我這種選擇困難的，佢都沒有不高興，就點了米粉，配翼尖，冬菇，生菜，大腸（雖冇點店不少人吃的魷魚，酸齋等，但我想試尐佢要煮的菜式，才見佢煮得好唔好食）//有得食了，縱使外貌不揚，因大部分的餸在碗底，但最緊要好味。//翼尖入味，份量有六隻，煮得諗諗地，正！//冬菇係切了條狀，都不是只有蠔油味，新鮮之作。//大腸都係軟身乾淨，高質素之作。//生菜雖然已預先煮好，要時加熱，但唐生菜出奇地脆，實在有點意想不到。//加上湯底應該是用新鮮材料煮製，配上醬料，令成碗麵十分融合，價錢只是30多元，真的在港島區係幾平靚正的麵。//不過如果你不是立食的高手，外賣一樣食到咁正的車仔麵。//…查看更多

因為打算寫食評，先至會望吓呢間同事間只簡稱企街車仔麵既角落小舖叫乜名。雖然有十零款餸可供選擇，但因為食過太多次，基本上已經知道邊款好食，所以嚟嚟去去都係叫嗰四至五款，其中蠔油齋，咖喱魷魚係鐵腳，今次鐵腳外加冬菇及魚蛋。十次中有九次會揀油麵，覺得同車仔麵至夾，有大中細選擇，呢樣非常貼心，照顧不同胃口既需要。曾有一次瞄到有鴨頭响爐頭既湯入面，唔怪得個湯底味道咁濃。…查看更多

去完<金鳳茶餐廳>, 就轉戰去<車仔麵之家>, 因為灣仔區係露露小姐0既地頭, 所以有她帶住, 我就變成一個小朋友跟住, 哈哈!!! 去到0既時候, 又係0岩0岩有企位, 入面都真係幾迫0架, 容納五六個人都差不多0架啦. 係呀, 露露小姐話樣樣餸都好食, 等我試下先!!! 1. 積奇的車仔麵 (豬大腸, 甜酸齋, 冬菇配米粉 $21) ~ 我叫0左少辣, 0岩0岩好!!! 甜酸齋幾好味喎, 雖然唔酸, 不過好有咬口, 正!!! 冬菇好滑, 而且都幾入味. 豬大腸就普通d, 可能太細舊, 哈哈!!! 仲有豬皮(夠爽), 魚旦(夠彈牙)都值得推介!!! 果然樣樣都幾好味喎, 下次我會帶祖安去品嚐下!!! P.s. 之後去0左對面果汁店買0左杯雪梨汁都唔錯喎!!!仲有0黎一個兩大車仔麵對決：<金寶美食> V.s <車仔麵之家>1. 湯底味道各有特色................................打和2. 魚旦.......................................................車仔麵之家勝3. 豬大腸...................................................金寶美食勝4. 其他餸...................................................打和5. 環境.......................................................金寶美食勝6. 價錢.......................................................金寶美食勝整體評價：質素打和, 環境價錢金寶美食勝(純粹個人意見)!!!…查看更多

每次若午飯時在Wanchai，都會把握機會到這車仔麵幫襯。禮拜六下晝兩點幾，依然排長龍，最後叫左基本野，幼麵、豬皮、豬腸、辣魚蛋，當然有我必要ge 酸齋！呢度D車仔麵食左大大話話超過十八年，講真，水準真係保持到。豬皮爽夾滑、豬腸無異味，係魚蛋就應該可以更好。但係講到個酸齋，就真係無得頂，我食過ge 酸齋，呢度Number 1！價錢就平均五蚊一個，其實都幾貴，我個碗都要$25，隨時貴過一個飯盒。不過，好食呀嗎:)，貴少少都值架！仲有佢地係香港[立食]代表，應該支持！＊[立食]即企係度食，無坐位餐廳…查看更多