Burgeroom (Fashion Walk)

今日去到銅鑼灣區繼續尋找聖誕禮物，行到咁上下要食晚餐，又想食burger，於是揀咗呢間Burgeroom! 位於名店坊嘅Burgeroom有室內室外位置進食, 室外其實有feel啲嘅，但我都係prefer 坐室內多啲😉店員唔使我哋講已經自動將包分咗一半，但你唔好以為分咗一半就好容易食，因為burger 實在太大個啦🫣基本上好難一啖可以咬到個包😝大烤菇芝士牛肉漢堡 - $115朋友點，牛肉100% ，煮得啱啱好，唔會太鞋，但又唔會好生喎, 因為我識嗰啲burger中間係紅色,依家個顏色係全熟, 但唔會硬/過乾身，keep 到鬆軟👍🏻配埋生菜蕃茄唔會好漏，唔錯軟殼蟹漢堡 - $115一上碟，我真係嚇親，我自問鍾意食軟殼蟹亦都食過唔少餐廳嘅軟殼蟹，但都未食過一隻咁大嘅原隻軟殼蟹🙈好鬼滿足，又大隻又厚身，炸得好脆，熱辣辣又keep 到juicy ，我一路食一路滴汁🫣配埋他他醬，真係好食👍🏻👍🏻仲有漢堡包嘅包好鬆軟，亦都係有烘底，外微脆內鬆軟，製作絕無馬虎黑松露芝士薯條 - $68粗薯條唔似係炸到好勁，亦無好重油益味，反而我覺得有焗嘅感覺，黑松露芝士幾香，幾濃芝士味，7-8成嘅薯條都掛上汁，但食到最尾有啲漏，所以我配返蕃茄醬，咁先可以食得晒😆可樂一罐 - $20普通一罐可樂, 食burger點都要配汽水啦, 係咪？總結，我有少少掛住個軟殼蟹👉🏻👈🏻揾日要再食，下次唔同人share ，自己食哂一整個🤓咁先夠爽🤪…查看更多

Burgeroom 🍔🍔 如果喺銅鑼灣想食Burger 我諗我第一時間就會諗起Burgeroom自從當年有個小學同學推薦啲野好食 環境又舒服個時我地一約就會食呢間個時仲會坐係室外好Chill咁吹水添🍔 蜜糖芥末大烤菇煙肉牛肉漢堡 $120Honey Mustard Portobello Beef Burger 其實我次次黎都係食呢個因為呢個組合係最好食同最多料個漢堡包太大個😂我通常會將佢哋分開再重新組合咁食好似又會出現好多新嘅配料組合個大烤菇又大件又Juice煙肉煎得軟硬度適中 唔會太乾身個牛肉都好食又厚身食得出係落左心機手打果啲牛肉而家蜜糖芥末醬亦都令到個Burger更Juicy 🦀 軟殼蟹漢堡 $115 Soft Shell Crab Burger 我第一次食軟殼蟹漢堡估唔到隻軟殼蟹咁大我同朋友都忍唔住驚訝左一下食落隻軟殼蟹仲要好多肉差唔多啖啖肉 好痴線🤤同埋欣賞廚師無將嗰隻軟殼蟹炸到好油再加埋新鮮蕃茄同埋生菜食落唔會好油膩🍺 啤酒 Asahi （Pint) $60一邊食Burger一邊吹水係最正既我就係飲啤酒果個人啦啤酒最緊要夠凍夠大杯爽呀🧊🤤凍朱古力咖啡 $42Iced Mocha我朋友打完針唔飲得酒就叫咗杯凍Mocha我嘅評語係味道正常同埋 出嚟食飯一律建議飲酒🤣…查看更多

突然間好想食burger 🍔‼️但係又想試下食啲特別既 果斷選擇左burger room-不過銅鑼灣分店既位置有少少偏 -一坐低即刻叫左個黑松露芝士薯條try try佢$68可接受 芝士味好濃郁薯條全部即炸 好脆唯一缺點係黑松露味唔夠出 唔係好食得出有黑松露味-4個人每人叫左4款唔同既burger佢落單有個好處係可以自行DIY咁除左走醬走洋蔥個啲基本操作之外 中意食菠蘿既可以另加想試鵝肝既都可以加 醬都可以另外加-1. 大烤菇芝士牛肉漢堡+菠蘿 醬另上菇🍄雖然好夠味 不過唔算大塊加左菠蘿即刻覺得fresh左 可以試試手打牛肉好厚實好juicy-2. 鵝肝牛肉漢堡一上碟就覺得好吸引一咬落去 鵝肝醬+牛肉汁出哂黎超級juicy 係食落少少麻煩姐隔離仲有少少沙律🥗比你食完鵝肝岩岩好可以一試-3. 黑松露芝士大烤菇煙肉牛肉漢堡煙肉有少少硬黑松露都係唔夠濃 靜係食到少少黑松露味係牛肉同大烤菇啲味夠出 都好多汁-4. 軟殼蟹漢堡呢碟一上黎我真係嚇親會唔會太澎湃😂😂😂 要咬哂側邊啲蟹腳先可以開始咬個burger軟殼蟹好脆 但係又唔會好油呢個真係要襯熱食 我食完一半休息左一陣先食另一邊 搞到另一邊咬落變得好乾身 即刻變到冇咁好食意外既位係隻軟殼蟹好大仲要有蟹膏另外再加左蜜糖芥末醬咬落啖啖蟹肉啖啖醬 好正可以一試…查看更多

朋友好中意食burger 話想試下呢間burger room, 銅鑼灣店設有室內和室外，服務員安排了室內窗邊位坐，lunch 唔太多人， 唔會太逼，可以坐耐小小又唔會嘈餐牌有好多款式，例如鵝肝、帶子、廣島蠔和雞鴨類burger等；超過三十多款，連同素食類、小食、沙律、酒精類及非酒精類飲品，選擇非常多這裡既burger 都係偏巨型，size成塊面咁大，店員會預先將burger 切成一半再送來，同朋友share 就可以一次食晒兩款口味我比較喜歡吃牛，所以order了大烤菇芝士牛肉漢堡，大烤菇烤得剛剛好，芝士覆蓋住整塊牛肉，咬落牛肉好結實，牛肉汁和大烤菇汁都非常豐富，再加埋蕃茄同生菜帶d 清新感，絕對首選朋友order了軟殼蟹漢堡，隻蟹大到突晒出黎！仲要脆卜卜，還有蟹膏呢！入面有埋番茄同生菜，所以食落唔會覺得好HEAVY~我們點了2個burger套餐，只要加多$30會有薯條和飲品~我們揀咗支裝桃汁和石榴汁，原來係澳洲農場自家製，市面上比較少見，有少少氣，好似飲緊果汁汽水，酸酸甜甜夠開胃~總括黎講，burger 有驚喜，價錢合理環境舒適，不失為一個食lunch 好選擇。…查看更多

趁住sogo thankful week去銅鑼灣shopping，今次入去比較少來嘅Fashion Walk食街。其實呢條街嘅環境好正，天氣好嘅日子坐outdoor應該好舒服。🍔🍔作為burger控嘅太太，今次揀咗Burgeroom，點咗「特量芝士漢堡」同「軟殼蟹漢堡」各一，加埋「黑松露芝士薯條」一份。🧀🧀芝士漢堡勁多芝士，漢堡肉質juicy ，味道唔錯。軟殼蟹漢堡質素都好好，軟殼蟹勁大，炸得鬆脆，仲有蟹膏出沒🦀🦀。🍟🍟最後嚟到極之邪惡嘅黑松露芝士薯條，黑松露及芝士味道濃郁，配上熱辣辣嘅薯條，真係食到唔停口。餐廳環境都坐得舒服，好啱幾個朋友食吓飯吹吓水。…查看更多

今日好想食漢堡包，所以約老公放工齊齊去銅鑼灣食巨型漢堡包。六點半已經有好多外國人坐在餐廳外傾計食小食，好寫意咁。餐廳內都有不少坐位，佈置有點像酒吧呢。近來越來越興素肉，估唔到呢度都有得食。不過我係食肉獸，當然牛肉係首選！鮮蘑菇牛肉漢堡有厚厚的牛肉漢堡，咬落是好實淨的，不會好多脂肪，好有牛味。鮮蘑菇份量適中，配上蕃茄同生菜好好食呀！如果加埋芝士應該會仲正。軟殼蟹漢堡比牛肉更巨型，原來係原隻上，啖啖蟹肉。蟹內仲有蟹羔架，熱辣辣脆卜卜，真係要飲凍既氣水先可以清熱。另外點了單骨雞翼配蜜糖芥末醬。芥末味較重，個人較喜歡多點蜜糖味。雞翼炸得好脆，不會太辣，幾好食。這裡的飲品款色多，有罐裝、樽裝同自家製，連咖啡都有。不過食漢堡包當然要飲凍氣水，這個石榴氣水味道很不錯哦！下次要試薯條同魚柳漢堡！…查看更多

約了朋友和她的可愛5歲混血兒子食飯，我讓小朋友話事，他選了burger，我話正，我都好鍾意❤️.🎈餐牌有好多款漢堡，包括有雞、鴨、鱈魚、黑松露、大烤菇，其中特別的有軟殼蟹和鵝肝，亦有素漢堡和素肉選擇，點都揀到一款啱心水！.小食及飲品都好多款，最吸引我嘅係不同的薯條相，有飛魚子芝士、黑松露等，食指大動。.🎈食物.1️⃣Portobello Cheese Burger大烤菇芝士牛肉漢堡 $110 ⭐️⭐️⭐️⭐️⭐️個大烤菇好香好入味，配塊厚牛肉漢堡扒好夾，個口要打得夠大先至食到😋😋 漢堡夠大件兼肉汁濃。.2️⃣Guacamole Cheese Burger牛油果醬芝士牛肉漢堡 $98 ⭐️⭐️⭐️⭐️⭐️近年見好多漢堡店都有加牛油果🥑，感覺健康啲，而且味道也配，這個漢堡同樣地正💖漢堡夠大件兼肉汁濃。.3️⃣Soft Shell Crab Burger軟殼蟹漢堡 $108 ⭐️⭐️⭐️⭐️⭐️一上時大家忍唔住嘩一聲，因為見到成隻蟹🦀，而且好大隻下，新鮮炸好，要等一陣先至放到入個口。好脆好正。.4️⃣Fish Roe Cheese Fries飛魚子芝士薯條 $70 ⭐️⭐️⭐️⭐️原本我哋想叫芝士旋風薯條，竟然賣晒無得食，於是小朋友話想食這個飛魚子芝士薯條，飛魚子的好處是有口感，我覺得芝士可以多啲。.🎈總結✅好多款漢堡，牛、雞、鴨、魚、蟹、素、素肉都有✅漢堡飽的飽已經本身好味，外脆內軟✅漢堡牛扒肉汁豐富✅各種漢堡都好大個好足料好好味✅自助水方便食客推介💖…查看更多

近來比較多吃中菜，決定轉一轉口味，吃漢堡包。Burgeroom 位於銅鑼灣百德新街，從地鐵站出發大約5分鐘到，方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人一共叫了幾樣食物，一起互相分享。香脆雞塊配芝士醬(⭐⭐⭐⭐💢)香脆雞塊一共有六件，雞塊炸得外面香脆，內裏嫩口，配上芝士醬，實在令人停不了口。蜜糖芥末大啡菇煙肉牛肉漢堡 (⭐⭐⭐⭐💢)終於到萬眾期待的漢堡包了。餐廳十分細心，上枱時已經把漢堡一分為二，而且用竹籤固定，方便食客享用。牛肉漢堡大約是Medium的熟度，表面煎得剛剛熟，而內裏十分鮮嫩，有肉汁。另外漢堡扒上的煙肉有著點精的作用，煎得香脆，而且油脂感十足，大大增加了漢堡味道的層次感。軟殼蟹漢堡 (⭐⭐⭐⭐💢)朋友叫的軟殼蟹漢堡也十分不錯。軟殼蟹是即叫即炸的，上枱時還是熱辣辣。吃起來鬆脆可口，配上甜甜酸酸的沙律汁，中和了軟殼蟹的油膩，一個人完成也不會覺得漏。總括而言 這間餐廳漢堡包味道好吃 而且地點方便 下次經過銅鑼灣也會再來  ~~~~~~~~~~~~~~~~~~~~~~~~ Burgeroom (Fashion Walk) 銅鑼灣百德新街50-56號Fashion Walk食街地下D舖推介菜式：蜜糖芥末大啡菇煙肉牛肉漢堡👍🏻地點方便 👍🏻價錢合理 …查看更多

今日有朋友出銅鑼灣食飯，想氣氛輕鬆啲所以去左食呢間漢堡包店，選擇比起shake shack , fivy guys 選擇多超多！因為夏天比較熱所以就唔坐室外露天位置，好寬敞，如果係秋涼嘅時候喺出邊坐，感覺會更加輕鬆！呢間餐廳除咗有一般嘅牛肉、海鮮漢堡以外，仲有特別嘅鵝肝、牛油果等等選擇，素漢堡都有❤️！今次叫左一個墨西哥辣椒大烤菇漢堡$90, 素食之選，墨西哥辣椒聽落好辣，其實都係BB辣，唔會辣到食唔落，係開胃嘅辛辣，配上厚切新鮮蕃茄，煎過嘅紅洋蔥，爽脆生菜同埋極多汁嘅大蘑菇，都幾有分量！大蘑菇菇菇味好香，唔會煎到縮左水或者有草腥味，口感啖啖肉！同埋牛油果醬最畫龍點睛，雖然牛油果味唔算突出，但溫潤順滑令墨西哥辣椒唔會搶盡風頭，融合左唔同食物嘅味道，整體成個漢堡層次豐富，比起另外一個漢堡更加多汁，素食漢堡中十分高分！軟殼蟹漢堡$108好少美式漢堡餐廳會有軟殼蟹選擇，所以今次特登唔食最鍾意嘅牛，都要叫吓呢一個軟殼蟹漢堡，上到嚟比想像中大隻好多，唔係迷你size, 軟殼蟹仲大過個包面，原隻上感覺超豐盛，岩岩炸起十分鬆脆，麵衣算係偏日式嘅味道，唔會好重調味，唔會好鹹，帶出軟殼蟹嘅味道，咁大隻軟殼蟹切開啲肉真係好多，唔霉有彈牙感, 唔係淨係食過殼，炸野加微酸嘅他他醬真係超夾！Mochaccino $42因為有開車所以飲唔到啤酒，好可惜，因為佢有好多款唔同嘅啤酒，好多都未試過添！叫嘅mochaccino當然無配啤酒咁爽快，但係泡沫細膩，偏甜嘅朱古力味同甘香咖啡，都係傾計飲野之選呢！呢間餐廳地理位置都唔錯，係銅鑼灣行大約5分鐘就到，中價位高質食物， 氣氛都好輕鬆，如果下次同朋友來開呢頭，都會考慮再食呢！…查看更多

今日同朋友嚟到銅鑼灣呢間Burgerroom 食午餐！講到明係Burgerroom，當然主打係Burger！餐廳提供嘅漢堡款式好多，有牛肉類、素類、素肉類、魚、海鮮類、雞、鴨類，有40多種選擇，一定有一款啱你心水！仲有多款小食同埋飲品可以選擇。今次用朋友叫左特量芝士牛肉漢堡（$110）同軟殼蟹漢堡（$108），午市仲可以加$30配薯條同無酒精飲品！此外仲叫咗個鱈魚手指配他他醬（$55）。特量芝士牛肉漢堡，牛肉漢堡扒相當Juicy，每一啖都爆曬肉汁，簡單落少少鹽調味，就可以襯托出牛肉香味，微微嘅鹹香配上邪惡嘅芝士，整體配搭相當好食！而且飽足感十足，唔使怕一個漢堡食唔飽！軟殼蟹漢堡亦相當令人驚艷，一拎上枱已經被大大隻軟殼蟹吸引住，原本以為炸軟殼蟹會好乾身，一食落去爆曬汁，濃濃嘅蟹味喺你口腔裏面爆炸嗰一下好正😋😋！而且軟殼蟹都相當厚身，性價比十足！我同朋友一致比滿分！鱈魚手指配他他醬，他他醬中的酸瓜可以中和炸鱈魚手指的油膩感覺，用嚟配薯條都相當唔錯！…查看更多

好鍾意食漢堡嘅大胃，曾經連續幾日食漢堡包都唔厭，但近排唔知係唔係太忙，竟然好多日都冇食漢堡，唔怪周身唔聚財啦，一日冇食，就好似餓咗三年咁，再咁落去會營養不良，幾大都擦勁佢漢堡嘅良朋係汽水，好友係薯條，滿滿芝士不為過，鋪上好似唔使錢咁多嘅牛油果醬，掩飾芝士薯條嘅邪惡表面荔枝冰茶竟然有果蓉？果然係自家製拿來蜜桃冰茶換我半晚飽滯憑外表一睇就知係蟹漢堡，炸得好脆好乾身鱈魚一樣炸得脆卜卜，裡面嘅醬料酸度份量都剛好呢間乜都係自助形式，所以唔使加一…查看更多

雖然算不上是burger控，不過都幾鍾意食，今日就嚟咗呢間burgeroom 朝聖。餐牌分牛肉類、魚和海鮮類、雞鴨類、和素食等差不多40款burger可選，另外有小食和沙律等，飲品選擇亦很多。今日食咗個「黑松露芝士大烤菇煙肉牛肉漢堡」（ $130 ），加$30轉套餐，有埋薯條及飲品，飲品可選餐牌上的熱飲、冰茶，或雪櫃內的樽裝飲品，最後我揀咗個桃味果汁汽水，都不錯。Burger製作需時，同行朋友嗌嘅「蜜味辣雞翼」（$60/6隻）就出場先，試咗一隻都幾好味，辣味唔算好勁，但食落好惹味，似係新鮮炸出嚟，正！主角出場，個包size都幾巨型，一拎上嚟已經聞到好香嘅黑松露味。牛肉漢堡好厚，好有肉味。仲有個大啡菇都好大，而且食落仲有好多水份，唔會焗到乾晒相當juicy。加埋啲溶咗嘅芝士，直情一路食，一路都滴啲汁出嚟，好好味呀！朋友叫咗個「軟殼蟹漢堡」（ $108 ），真係有成隻軟殼蟹係個包度，相當大隻，食落好多蟹肉、厚身，仲有番茄和生菜做配菜，好味！套餐嘅薯條都算粗，又係新鮮熱辣辣炸出嚟，正！可以喺自助吧嗰度自己唧茄汁，食幾多用幾多！Burgeroom仲有個細心之處，就係每個Burger都會幫你切一半，賣相靚之餘，仲方便你同朋友分享呢！…查看更多

Burgeroom好多年前食過，當年還在南華會附近，記得當時的burgeroom是好味到長期排長龍，搬了之後未食過，今次就試下水準同以前有無唔同先！老公叫了鵝肝牛肉漢堡，太久沒吃都忘了，沒想到鵝肝竟然那麼大份，而且是很厚的！牛肉漢堡同樣不欺場，比鵝肝更要厚，肉質好鬆軟，裡面充滿肉汁，好juicy，肉汁都滲透到下面的番茄和麵包上。就連麵包也是軟軟的，麵包也滿分！整個漢堡的厚度實在太太厚了，女生的嘴巴得撐再大一點才能夠將漢堡包的每一層都放進口裡。軟殼蟹漢堡同樣很大份，蟹腳都飛出來，可見這隻蟹有多大隻！炸過的軟殼蟹沒有油膩的感覺，跟番茄一起吃味道很搭。常吃直身薯條感到有點悶，可以試試芝士旋風薯條，溶化中的芝士跟薯條簡直是絕配。食物點的不多，但是份量十足！我的大肚腩已經跑出來跟大家say hello了…查看更多

悠閒嘅晚上，漫無目的地在街上遊走，直至突然個肚大叫左出嚟，先記得原來自己中午飯之後一直都冇食啦，真係要食返啲巨型又抵食嘅先至搞得掂Burgeroom我之前都食過尖沙咀店，銅鑼灣依家比我嘅感覺更加bar同埋美式，型格得來舒適得很。今次就叫咗兩款唔同嘅漢堡，分別係：軟殼蟹漢堡、牛油果醬芝士雞柳漢堡再加埋芝士旋風薯條，等我一一同大家介紹下：軟殼蟹漢堡：淨係上碟已經見到大件又抵食啦，軟殼蟹嘅比例超乎想像，就嚟大份到隻碟都裝唔晒。切落去之後非常軟身，一啲都唔會好乾同好硬，生菜番茄中和左軟殼蟹使用油炸嘅油膩感，食落去角色其份，值得一讚。牛油果醬芝士雞柳漢堡：牛油果醬帶着甜味，非常新鮮，芝士濃郁有口感，內裏嘅雞柳食得出係烤雞嘅質地，油膩感不會很重，就算食幾多也不會感到發胖。入邊嘅醬汁直接加添左漢堡嘅風味，食落去增添不少甜味，風味十足。芝士旋風薯條：呢個可算係最驚喜嘅小食，薯條酥炸程度恰當，芝士濃郁可口，熱辣辣嘅時候食落去新鮮脆口鹹甜得宜，簡直一流呀！無論嚟呢間鋪頭幾多次都好，我都係唔會食厭嘅，因為每一次都有唔同嘅驚喜等着我發掘！…查看更多

這次跟朋友們來到港島區的Burgeroom用餐，餐廳設有室內和室外的位置，環境不錯。一共點了2個漢堡（大烤菇芝士牛肉漢堡、軟殼蟹漢堡）、1客薯條（牛油果醬芝士薯條）、1客小食（雞肉條配蜜糖燒烤醬）及飲料。大烤菇芝士牛肉漢堡店員貼心地將漢堡切開左一半，從橫切面已經看得漢堡很有分量，裡面有烤大啡菇、芝士、牛肉、蕃茄及生菜，配上醬汁吃下的口感豐富。麵包鬆軟，牛肉厚厚的但一點也不”鞋”，肉嫩多汁且有牛肉味，烤菇亦十分juicy，配上蕃茄同生菜感覺更加清新。而且漢堡的份量挺大的，性價比高！！軟殼蟹漢堡漢堡分量很大，上碟時已切一半，女生們分享各一半吃都已挺飽肚。軟殼蟹脆口，有口感而且都頗大件，大過整個漢堡。蕃茄鮮甜而且配有酸瓜醬，酸瓜醬酸酸味味很開胃，好吃。牛油果醬芝士薯條薯條份量不算多但因為芝士頗多且很濃味，所以很飽肚！牛油果醬味道清新，與芝士很搭。雞肉條配蜜糖燒烤醬原本沒太大期待的小食竟然有驚喜！雞肉條的炸粉不厚且十分酥脆！淨吃食雞肉的味道已十分足夠，配上的蜜糖燒烤醬吃到好重的煙燻bbq味，十分搭，非常特別！又是一頓很滿足的漢堡餐。…查看更多