瀛素食

小弟同寶寶一齊去油麻地搵食，先覺得原來油麻地係搵食好地方，之前同寶寶講想食清清地，又行過見到素食店，啊，好似都幾出名，就入去品嚐品嚐。坐低睇餐牌，幾得意喎，係有素食壽司，又有小菜粉麵飯，唔講以為去咗大牌檔。寶寶話食咩都無所謂，咁就小弟發板。兩個人叫咗三樣嘢，先上菠蘿咕嚕肉，舊「咕嚕肉」一咬就知係菇嚟。老實講，係1d都唔似咕嚕肉。但係舊菇都煎到好香口，食菇都好味嘅。跟住係上乾炒牛河，素牛食落都唔錯嘅，河粉就好有牛河味，小弟我就好鍾意。跟住就上軟殼蟹壽司，呢碟我同寶寶都畀滿分，原因係軟殼蟹香口鬆脆，口感似真壽司。總結，呢間瀛素食尚算合我心意，好味。寶寶就話咕嚕肉麻麻，其他都ok，埋單又唔貴，三百蚊有找。鍾意素食嘅你，可以試吓。…查看更多

今晚可是專程來試下新派的素食，而且亦預早了兩天訂台，從不同的食評看到的評價，我是對這間餐廳有一定的期待，不過食物似乎沒有想像中的好。留了台七點半，但我們兩個人都早了離開公司，所以大約六點九左右就去到餐廳，餐廳位置都幾當眼，就是在廟街玉器市場隔離。餐廳很細，我們安排的二人台亦很逼，如果想舒適食一餐這裡不是理想地點。下單要自己手寫菜式No.，兩個人點了四款就足夠了。第一客就是三色刺身，有三文魚、吞拿魚和鮑片。外表做得幾似，但刺身其實是魚蛋做的，食入口的味道亦當然不同，口感亦有分別，如果要評，吞拿魚的味道比較似。就本人而言，這款刺身可試可不試。第二味就是避風塘一口茄子，幾大碟，兩個人食的話份量略多，比較欣賞的是茄子是即炸的，所以食入口非常香脆，可惜調味粉落得實在太少，一碟數十件只有三、四塊有調味，令茄子大部分都不惹味。食了兩味失望的菜式，終於都可以試下較為出色的。接著來的是軟殼蟹壽司，用紫菜炸成軟殼蟹，口感做得很似，連壽司上的沙律醬一齊食，味道確實很好，值得一讚。最後一款亦正，美味不在於飯和黑松露，而是吉烈豬扒。豬扒不論是外表、口感、味道都做得很似，而且比起真豬肉沒有那麼靭，這與軟殼蟹壽司不同，壽司只是口感似但味道不似。焗飯份量雖多，而且食了三樣食物，但仍可以清了成碟飯。食物好壞參半，而且餐廳沒有飲品選擇，對於我來講，美味的食物亦需配合舒適的環境才算是一間好餐廳，以它的消費程度來講，它可以讓客人坐得舒服一點。總括而言，這間餐廳不適合我。…查看更多