道鮨日本料理

日本料理中的「廚師發辦」（Omakase），由廚師決定菜式，由於沒有特定菜單，令客人對師傅付以信任，前幾晚我便和家人來到銅鑼灣的道鮨日本料理，細味Omakase匠心獨運的精髓。一入門口就見到這個流水石缸，有如置身於竹林，呈現平和之美。餐廳面積廣闊寬敞，環境寧靜，可以坐在吧檯，親眼見證師傅精湛的廚藝與刀工，飽了口福的同時也是一場視覺饗宴呢！這次我就選擇坐在偏廳，簡約淡雅的原木系裝潢，格調和諧，散發濃濃和風禪意。廚師發辦套餐收費為每人$1350，雖然絕不便宜，不過由前菜、刺身、煮物、壽司至甜品統統有齊。先來三道前菜，賣相小巧精緻，每上一道菜時，店員會親切地介紹餐點特色與用餐方式。蕃茄配蛋黃醬新鮮蕃茄點上香滑濃稠的蛋黃醬，雖然不算很特別，但勝在輕盈清新，喚醒味蕾。高野豆腐和平時的豆腐不一樣，高野豆腐質感像海綿，孔洞綿細，較為實在，帶淡淡豆香。松前漬將昆布和魷魚切成細絲，醃泡於甘甜的醬汁之中，口感十分爽脆。刺身包括八爪魚、青鯛及北海道牡丹蝦，因為是剛剛活宰，所以店員提醒可以先由新鮮到仍會微微郁動的八爪魚刺身開始。八爪魚刺身口感清脆彈牙，有嚼勁而又充滿肉汁。北海道牡丹蝦刺身可以一蝦兩吃，在細滑帶彈性的蝦肉中，還有一顆顆碧綠色晶瑩小珠般的蝦籽。另一邊廂蝦頭就沾上天婦羅粉炸香，粉漿夠薄，吃起來很香脆，帶來截然不同的食味口感。接著端上的是五件壽司，分別是車海老、海鰻、左口魚邊、北海道帶子及深海池魚。當中北海道帶子十分值得推介，大大粒肥厚的肉身光滑細緻，味甜富彈性，而且這裡的所有壽司，師傳預先把wasabi放在飯和魚生片之間，飯粒已經塗上醬油，調較好味道讓客人可以即時入口。海鰻肉質爽嫩，比起平時食鰻魚飯略嫌韌口的冰鮮貨是兩碼子的事，而且因為本身味道已夠鮮甜，所以也不需掃上厚厚燒汁，以免掩蓋了食材本身的鮮味。車海老夠厚肉，蝦肉爽彈，又不失蝦味。左口魚邊經微微炙燒後滲出魚油，一入口回味甘香。以清、甜、爽見稱的厚切深海池魚，肉質緊實爽滑帶油香。吃完第一輪壽司後，就輪到燒物登場！第一塊燒雞頸肉可以甚麼醬都不落，先試其原汁原味，咬下去比普通雞肉更爽口，即燒熱辣辣散發焦香，然後就可沾點碟旁的柚子胡椒醬，柚子酸香交織著惹味的胡椒，引人胃口大開。東松蠔厚實爽滑，蠔味清新順口，在口中緩緩釋出甘甜海水的鮮味。之後又再來六件壽司，這麼多壽司，一定夠飽吧 赤貝裙邊特別煙韌，加上卷物內裡混有其他配菜，層次感豐富。金黃色的海膽充滿甘腴鮮味，滑嫩得像鮮奶油一樣的口感，一入口即化，不會澀口，味道濃郁又回甘。Omakase選用時令食材，不時不食，以春季最當造的鯛魚入饌，金目鯛香滑無比。平時都比較少吃黑龍魚，趁著Omakase就可吃到季節時令食材。拖羅肉身呈粉紅色，肉質油潤而軟滑，入口即溶，灸燒後更能帶出濃郁鮮甜的魚味。之後奉上—杯熱湯，這天是貝柱湯，湯頭格外清澈。喝下去真材實料，有數粒小貝柱，鎖住最鮮的甜味。最後甜品以日本蜜瓜作結，赤肉蜜瓜極之多汁，瓜肉細嫩緊緻，留下甜美芳醇的果香餘韻。…查看更多

講到食日本嘢就梗喺食唔少啦，而壽司更不在話下，但「廚師發辦」就一隻手數得晒，都喺兩次咁大把，第一次就晌銅鑼灣嘅「鉄人旨花 」度見識，第二次就晌黃埔嘅「鮨文」滋味重溫。今回，經友人介紹，嚟到新開無耐銅鑼灣嘅「道鮨」，細味「廚師發辦」！店子位於食廈全層，一出電梯就見，經過門前鮮紅色嘅布簾，就睇到一室裝修甚具和風嘅環境，最代表嘅自然喺三段流水石魚缸擺設，整體感覺傳統而雅緻。由於壽司吧枱已有熟客訂晒，我哋被安排到吧枱尾內側嘅廂房，房內有啲二人或四人枱，如夠人多，亦可以作為包房之用。當然，食「廚師發辦」以坐吧枱能跟師傅有交流喺最理想嘅位置。晚市只供應「廚師發辦」，定價$1,200/位（+10%），有問過店員將來會唔會有其他價位嘅選擇，回覆喺考慮中，咁就讓食客多個選擇。然而，食「廚師發辦」喺唔便宜，所以，如果想一試師傅嘅手勢，午餐就嚟得實惠好多。前菜三味先登場喺3款賣相的骰精巧嘅前茶，分別帶有高野豆腐、螢光魷魚及日本菠菜，其實唔止靚，所用嘅器皿亦別緻過人，體現出日本菜之美。高野豆腐睇落以為喺滑溜嘅豆品，一入口就知喺另一回事，口感煙韌，有啲似素食嘅麵筋，吸晒啲湯汁，頗有趣。螢光魷魚相對就唔會有咩驚喜，但口感柔軟，食味不俗。日本菠菜伴上櫻花蝦，味道好清，而啲菠菜質感細柔。唯個人覺得，以上前菜三味呢個組合算唔上為客人帶出太多驚喜。穴子苗咩喺「穴子」，咪即喺鰻魚囉，曾經晌大坑嘅「八寸」及黃埔嘅「鰭文」生食過，煮熟嚟食反而第一次。啲鰻魚BB好雪白，其實無乜味，但好滑溜，一入口就滑落喉嚨，而伴碟嘅蘿蔔關東煮清甜無渣。刺身三點唔使多講，賣相一環就絕對值得俾滿分，3款刺身都各有特色。前端嘅喺海螺，口感爽脆到不得了；中間位置嘅喺水八爪魚，質感柔滑，而最得意喺啲「吸盤」，爽爽哋，好有咬口；最邊邊喺牡丹蝦兩食，青綠色一粒粒嘅喺卵（蝦籽），蝦肉綿柔得嚟帶點有膠質嘅黏性，蝦味鮮甜，蝦頭酥炸，甘脆卻無半點油膩。清酒煮鮑魚食壽司前，再嚟一客鮑魚作過場，店員提示我哋，先喺淨食，再嚟就沾點鮑魚膽做嘅醬，最後就喺拼埋啲珍珠米一齊食。淨食時確喺食出鮑魚嘅甜味，口感柔韌；再沾上醬汁時，有種豐腴感；混埋飯粒一齊食，唔喺魚翅撈飯，變咗鮑魚撈飯。6貫壽司由於唔喺坐吧枱，所以，逐件逐件上壽司就有點費時失事，故此，下一輪喺壽司登場時，就一次過擺出6貫。眾所周知，食壽司就梗喺由淡到濃較為合宜，不過，有啲人就會隨喜好而食，而壽司飯已加入赤醋作調味，亦塗上適度芥末及醬油，所以，就咁放入口「即食」便可，間場再食點酸薑片有助清清味蕾。真鯛壽司小弟唔喺咩壽司達人，逐件逐件壽司評價實在難，只喺以常人口味跟大家分享。真鯛食起嚟比較清爽，魚肉嘅纖維比較細嫩，油份唔會好多。油甘魚壽司一撮紅紋喺其標記，個人覺得跟食真鯛有啲差唔多，未喺好能夠分別到，但魚嘅鮮度就好得。順便講講啲飯，雖然未能晌吧位睇師傅搓壽司手勢，但啲飯搓等鬆軟，無種死實嘅感覺。魷魚壽司件魷魚好雪白，入口好柔軟，帶少少煙韌感，配鬆軟飯粒，真好。車海老壽司呢件車海老非常大隻，一橙一白嘅蝦紋，猶如車呔，所以就叫車海老。肉質好有彈性，跟上面所食嘅牡丹蝦喺好唔同，極富鮮甜味。吞拿魚壽司今回唔喺就咁放件吞拿上壽司度，經過一點點處理，令外觀變得精巧好多。味道上，因為有丁點麵豉提鮮，令魚味更出。赤身壽司赤身當然比吞拿再正啲啦，色澤嫩紅而有光澤，如牛肉般咁新鮮，肉質好細緻，魚味突出。燒雞頸肉豬頸肉就食得多，雞頸肉又喺咩玩法。雞頸肉燒得有點焦香，簡單以鹽同黑椒調味，賣點在於旁邊嘅柚子胡椒醬，少少辣，柚子味突出唯一挑剔喺雞肉有點偏鹹。小長井生蠔嚟自長崎嘅生蠔，有個好陌生嘅名字「小長井」，絕對喺第一次試。呢款蠔入口較黏身啲，蠔肉肥美且蠔味重，餘韻長，好新鮮，而生蠔面面金黃色嘅喺酸汁啫喱，可以平衡番個鹹度。4貫壽司食廚師發辦只食6件壽司點滿足到大家嘅口癮，再一輪有4貫，而今次睇落明顯比上一輪嘅壽司更高級，唔講咁多，即刻去片。帶子壽司睇帶子嘅呎吋，就知喺大大隻嘅刺身級，用料無欺場，而切法都有別常見嘅橫身切開，喺按紋理直切。咬落肉質柔嫩軟綿，味道非常鮮甜。深海池魚壽司晶瑩而帶點紅嘅深海池魚望落好有光澤，足見其新鮮度，魚質嫩得嚟帶爽口。毛蟹壽司是晚所食嘅壽司，毛蟹壽司喺「賣飛弗」，因為拆蟹麻煩吖嘛。件壽司唔單止鋪滿蟹肉，多到就嚟瀉，而且，更加多件蟹棒。啲蟹肉好鮮甜，極有蟹味，更加咗蟹醋調和，非常滿意。霜降拖羅壽司上一輪已經試過吞拿、赤身，呢訂有更高層次嘅霜降拖羅，色澤喺嫩紅色，油脂分布又平衡。唔喺誇張，入口細嚼，油香慢慢晌口腔內爆發，油潤十足。海膽壽司海膽嚟自北海道，晌壽司飯之上堆到滿滿，入口甘香豐腴，綿密細膩，紫菜亦十分脆口，唯賣相感覺迤咗啲唔靚仔。木魚湯比起上次晌「鉄人旨花」所飲嘅雜魚湯，今回嘅木魚湯就有少少單調咗。雖然店員有提及木魚碎喺即刨，味道亦自然而清香，但個人覺得都喺有少許淡口，尤其食完件海膽壽司，感覺更明顯。熊本皇后蜜瓜尾聲，唔喺甜點，就喺上等水果。赤肉嘅皇后蜜瓜，相信有十幾度嘅甜度，入口超甜兼多汁，雖然少少哋得三幾位，但滋味甜入心。雖然成晚食咗唔少菜式，亦有唔少客，但整體流程暢順，用餐時間兩個半鐘左右，恰如其分，不急不緩；每道菜式送嚟，店員都會作簡單講解，服務不俗。好老實，計埋呢次，都喺食過3次嘅壽司廚師發辦，絕對喺經驗唔多，用料都無欺場，部份菜式見心思，但仍有少部份地方有改進空間。…查看更多

開張才一個月的道鮨，運作暢順，口啤不俗，傳統江戶前壽司的手藝，同時又花樣多多添加新意思。 原來師傅們真有點來頭，出身於日航酒店嵯峨野，亦有曾在西村工作，日本人訓練嚴格，怪不得功架紮實。 環境雅緻，竹、木、流水，慣見的傳統日式風格。 廚師桌子只有十個位，清明節假期前一夜光顧，剛好滿座。 三位師傅年青友善，看來非常合拍，穿黑衣的最健談，懂得與客人打交道，旁邊是邦師傅。 另外兩位大多時候密密耕耘，專注製造及介紹美食，今晚招呼我們的是這位豪師傅。 圖中可見他正在刨木魚，鰹魚風乾至堅硬如木頭，色澤如是，刨深些，方能濛濛見到生魚之本來菸紅色。 晚上只供應廚師發板，劃一收費＄1200/位，無需選擇，沒有餐牌，只需告知師傅有什麼不吃的便成，在銅鑼灣來說，走中高檔路線，吃過就知道其實非常實惠，因為份量十足。 海鮮刺身早已準備就緒，慢煮、昆布漬、醋漬等等，企理整齊，見到已經垂涎。前菜三點 前菜見功夫，看得出擺設上花了心思，同時亦不乏創意。 方型玉子兩面微焦，成份加進蝦及魷魚，軟滑中吃到粒粒蝦碎的口感，隱約的蝦味，不鹹不甜，保留蛋香原味。 松葉蟹薯蓉烤至金黃焦脆，因為香惹，喚醒味蕾。 爽鹹的雜菜沙律，味道濃郁。 切勿忘掉中央的一串糖豆，黑豆浸糖煮至十分甜蜜滋味，好吃！ 真鯛刺身 真鯛刺身先到，前面的一片來自背部，後面的是更肥美的魚腩，依次序吃，更為滿足。 赤貝刺身 繼而是赤貝，同樣是一客兩件鴛鴦配，爽口鮮甜，尤其後面的是群邊位，配合青瓜絲紫菜卷，口感更加爽脆。醬油漬八爪魚 以醬油慢煮八爪魚，已經完全軟棉，只留下少許咬口，相比一般吃過的鹹，配上新鮮山葵碎，是日本人喜歡的傳統江戶食法，非常日本風。 北海道牡丹蝦三吃 一只牡丹蝦三款做法，賣相及食味皆精彩，今晚我最欣賞這一道。 最前方有塊餅仔的一件，放上蝦頭拆出來的肉及膏，略為炙燒，香鮮提升，餅仔身軟有韌性，口感不俗。 中央的一件絕對是極品，牡丹蝦肉卷起包着蝦膏，味道極之鮮甜，回甘悠久，好味到冇朋友！ 蝦頭炸至完全酥脆可吃，稍加小小鹽，已經足夠，若然用以佐酒亦一流。 昆布漬鮑魚 又係有三種吃法，非常適合多心的我。 第一口先來個淨吃，吃到慢煮鮑魚軟熟鮮甜的原味，第二件蘸少許鮑魚肝汁，豐腴的享受，最後是以灑下山椒鹽的壽司飯配鮑魚肝汁吃，肥美感昇華兼實在。五款十吃的刺身之後，第二幕的壽司開始，因為用上赤醋飯，生魚片配合地刻意處理得濃味點。昆布漬左口魚壽司 清甜鮮美，配合得宜。 梳子魚壽司 𠝹開炙燒，迫出豐富的油份。 醋漬小肌魚壽司 剛吃過油份高的梳子魚，豪師傅認為應該配上一道酸香的醋漬小肌魚，以作解膩，但以我口味來說，就覺得過酸了，蓋過了魚味！ 鰤魚壽司+刺身 接下來是我非常喜愛的肥美鰤魚，略為炙燒，一客兩片，鰤魚壽司來自上腹，鰤魚刺身來自下腹位。日本大蜆壽司 非常大隻很多肉，口感軟棉鮮甜。甲魷魚天婦羅 中場休息，來了一客甲魷魚天婦羅，即是墨魚，口感極之爽我好鍾意，天婦羅炸漿算薄，味道好好，唯獨稍為沾多了點油，天婦羅的技巧有進步空間。 生蠔 終於來到生蠔，兵庫縣的道穗蠔，肥美軟熟，加上醋汁啫喱是現在常見的做法，蠔味不算濃，師傅用水沖洗，並非蠔店專家的做法，不過日本蠔就是這樣吃。 青柳壽司+刺身 師傅大力拍打令牠更爽，我們要配合，在狀態最佳之下快吃，味道超甜，前面的壽司是背位肉，後面的刺身是裙邊。 車海老壽司 第二道我最喜愛的菜式亦是蝦，這件車海老非常廷直，肉質有彈性，處理得非常有心思，師傅話把牠的蝦腳磨成了粉，灑在蝦肉上，雙層口感，份外鮮美。毛蟹壽司 大大啖一口吃之，毛蟹膏加毛蟹肉，口感肥美，可惜鮮甜感不強。吞拿魚腩壽司 特別把拖羅𠝹開，刻意炙燒筋位，因為筋包住魚油，炙燒會做出有點脆的口感，記起一般燒拖羅筋都是脆的。海膽刺身 包尾的是紫菜海膽，甘香豐腴，完美無瑕。木魚湯 最後就是開場介紹過的木魚，即刨即滾，鹹味自然香味足，湯清味佳，但木魚碎嚡口不好吃。日本蜜瓜 超甜密瓜，冇投訴位。朱古力雪糕 多送的甜點，有芝麻、紅豆、綠茶，朱古力等選擇，我今晚心儀朱古力，幼滑美味富可可香。 如果想找個地方吃得開開心心又可以很飽，道鮨絕對值得考慮，三位年青師傅非常細心解釋食物來源及吃法，最重要的是願意花心思時間做出一款多樣的刺身壽司，有趣感誠意；難得取價不進取，材料難免並非頂級，但靠技巧及份量取勝反而更值得欣賞，$1200/位，俾足料了！…查看更多

越嚟越多和食餐廳做Omakase廚師發辦。之前都試咗幾間，有專做天婦羅嘅，亦有以浜燒做主題。今次呢間真真正正以「鮨」做返大前題，「鮨」除咗解和食之外，其實佢係泛指江戶前壽司，鮮魚同醋飯係最主要嘅素材。1）松露油水牛芝士番茄 加 韓式辣椒醬燒雞翼呢味韓、意、日嘅混合創作，開胃之餘，亦都用呢道菜嘅酸、辣、甜、咸打開咗味蕾。2）真鯛魚腩、八爪魚，牡丹蝦刺身牡丹蝦裡面仲包住咗蝦膏起，一啖咁食，蝦膏嘅鮮香散發到成口都係，但都掩蓋唔到牡丹蝦嘅鮮甜味，勁！3）天婦羅蝦頭連啲蝦腳都好鮮香，個頭就唔使問啦，酥脆酥脆！4）墨魚海膽，深海池魚，車海老，竹籤魚，帶子 紅醋飯壽司最好叫定要壽司同山葵分開上，咁就更加試到鮮嘅鮮味。深海池魚同竹籤魚係極為鮮味嘅魚，建議放到最後先食。5）燒真鯛白子呢個除左係咁大條真鯛嘅精粹，簡直就係成晚嘅精粹，質感似食緊蒸至半熟嘅蛋白，味道就係咸鮮嘅最高境界。6）大拖羅  左口魚裙邊 穴子 野生油甘魚（鰤魚）日本海膽 小貝柱 蔥拖羅拖羅出場，質感，鮮味，層次，魚油香都再次升華。油甘魚同左口魚裙邊都唔輸蝕，穴子同小貝柱殿後，再嚟埋海膽，精彩絕倫！7）兵庫縣 赤水蠔 酸汁啫喱酸汁啫喱將蠔嘅鮮味提升，海水味不重軟柔和，跟其他海鮮非常搭配。8)北海道海膽 蔥拖羅 三文魚子飯海膽嘅甘香，配上蔥拖羅嘅油香，仲有三文鮮子嘅咸香，香氣直貫口中，飽足感滿分。9）木魚清湯現刨木魚，開水焗7分鐘，最原始嘅鮮味。10）稻庭烏龍麵加埋呢碗幼滑嘅烏冬，大滿足！11）靜崗哈蜜瓜仲要嚟埋件甜到入心入肺嘅靜崗哈蜜瓜，回本です！…查看更多

香港人對飲食追求愈黎愈高，尤其是日本料理，由早年比較流行嘅迴轉壽司到成行成市嘅放題改變，願意花錢去食啲高級日本料理，其中不得不提廚師發辦。除左食物，仲講究環境、同師傅間嘅交流，我地唔係試過好多間，完全係門外漢，每次食都好似去學習般，廚師發辦不時不食，加上師傅經驗豐富，令我地對好多食材有啲基本知識。坊間雖然都出現過一啲平價板嘅omakase，但食過嘅都應該知道係完全不同嘅體驗銅鑼灣道鮨日本料理可謂近期試過比較有水準嘅廚師發辦，位於渣甸中心，上左樓，加上係月初先開業，估唔到平日晚上都有咁多客人，相信靠口碑傳開。打開電梯，可見餐廳裝潢走傳統日式風格，以木色為主，布簾、流水、竹葉等，環境清幽。（但好搞笑，播嘅係kpop，哈）圍繞吧枱，最接近師傅嘅位置，約可坐七、八人，記得預訂位置。師傅就喺面前製作，透明度高，亦係廚師發辦嘅一大特色師傅根據當日新鮮食材，設計餐牌，可以享用當季魚生，而如果有特別需求，可向師傅提出，較為個性化。當晚約有八位客人，師傅都好細心，照顧到每位需要試左定價每位$1200嘅omakase set，整餐飯接近兩個半鐘，氣氛歡愉，亦不時提出有關食材嘅資訊，可以見到每道菜嘅配搭都係經過精心安排。前菜：鴨胸、粟米湯鴨胸軟諗，加上醬汁，幾開胃；粟米湯凍上，呷一口為以下美食作開始。真鯛刺身先食魚背，再食魚腹，可算係食過最為鮮味嘅鯛魚，魚片爽脆醬油八爪魚八爪魚新鮮，味道濃烈，底下墊有昆布，吸收醬油，保留八爪魚鮮味赤貝刺身一向係我個人私心之選，赤貝大粒，加上即磨山葵，帶出鹹鮮味清酒鮑魚鮑魚薄片，味道香濃，配上赤醋米飯，一口接一口。梭子魚壽司梭子魚屬春夏時令魚，面頭輕輕燒開，魚味濃郁，完全唔腥。海膽魷魚壽司魷魚黏身而爽，海膽份量大方，入口軟滑，平時唔係太喜歡海膽，係怕遇到唔新鮮嘅海膽，食廚師發辦基本上會食得好放心。車海老壽司赤醋飯配山葵，加上新鮮車海老配搭，邊個唔鐘意。地蛤壽司加上醬油，突顯肉身鮮甜多汁，爽口唔韌，平時比較少食到咁大粒厚肉。烤白子第一次食白子，聽就聽得多，烤白子微稠魚油感，口感好軟熟，難怪咁多人一試愛上。生蠔蠔身肥美大粒，配酸汁冇咁膩口。青柳貝裙邊、青柳貝壽司青柳貝味道清甜，貝肉爽身薄脆。毛蟹壽司蟹腳鮮甜。三文魚籽壽司面頭以金箔點綴，更加豪華。三文魚籽粒粒飽滿，魚肉四溢，鮮味十足海膽手卷海脆份量多，唔算好濃味嘅，口感軟滑，入口即溶，適合我呢種平時唔係太沉迷海膽嘅人。拖羅壽司唔係屬於油脂好多嘅部位，粉嫩色澤，食落較爽。最後，師傅都好貼心，仲問我地夠唔夠飽，可以來一個熱烏冬，但我地已經好飽昆布清湯清湯製作有誠意，昆布都係自家製，味道清淡暖胃。靜崗蜜瓜一大片蜜瓜，瓜肉多汁香甜，作為結尾，取代甜品，相當滿足…查看更多

XO仔將下週出遠門，學妹因要托師兄做速遞員，週二晚就請食細佬最愛o既壽司，仲專登訂定位去試間新開只有兩週o既「道鮨日本料理」。壽司屋位於銅鑼灣一幢食廈內，地點方便又易搵。店子門前先有一塊鮮紅色o既布簾。穿過紅布即見三級流水石池，格調十分幽雅，配上四周木造o既屏風、天花、椅桌，和風味濃。行上石池前方o既梯間前，右手邊先經過一間廂房，原來當晚已有熟客訂咗。店子中央為兩位師傅o既大舞台。開放式壽司吧位透明度極高。如果小情人想甜蜜地望住對方進食，可選拍窗o既二人散枱。入面內廳仲有多張二至多人合拼式散座，人多黎開P應該都可以轉埋做房。店員不但服務周到貼身，而且仲好親切健談。閒談間得知開瓶費暫設為$200一樽，大小同價，絕對可以接受。新店晚市現階段只有「廚師發辦」，所選之魚材全為即日空運到港，價錢亦會因應當晚有咩貨返而定，每位HK$1,000 – HK$ 1,300左右，不過如食客要求到，訂座時或埋位前講明自己個預算，師傅都可以盡量配合。傾咗冇耐，晚餐迅即由前菜「鯖魚伴菠菜拼蟹膏海帶蘿蔔件」揭序。前菜之鯖魚伴菠菜：鯖魚本身鮮濃，墊底o既菠菜翠綠嫩口，點埋個秘汁食則分外甜潤。前菜之蟹膏海帶蘿蔔件：後方件蘿蔔煮得好夠腍，頂面以蟹膏伴海帶點綴，成功增添鮮甜之味道及幼嫩爽脆之口感。簡單前菜都已盡顯心思，實在令人期待接著落黎o既魚生。兩位師傅忙於處理剛到步o既海鮮食材之餘，仲喺大家面前即刨山葵，並預告所有魚生都已調好味道。真鯛：第一道上場o既真鯛刺身已淋上豉油及混入咗山葵。碟中兩件原來係真鯛o既不同部位，前面嗰件為魚背，後面嗰件則為魚腩，師傅建議由前食到後。白身o既真鯛清香而潤，魚背較爽，腩部就較軟腍，各有各美味。醬油煮八爪魚：以醬油煮熟o既八爪魚質感爽脆，滲滿咸香，連同昆布食感覺真係好海洋。黑陸魚：輕輕用火槍辣過o既黑陸魚刺身皮層香口帶脆，魚肉爽厚肥潤，少少山葵豉油足以吊出鮮甜。北海道牡丹蝦：喺肢解鮮橙巨大o既北海道牡丹蝦之前，邦師傅先展出原隻靚蝦，以證真材實料，俾貴客一個驗明正身o既機會，並提到蝦籽呈綠色全因未經處理過。牡丹蝦o既蝦膏釀入咗喺蝦身入面，外層爽脆滑溜，食落口腔洋溢著濃郁o既鮮甜，加埋綠色o既蝦籽仲多咗份清爽，感覺就好似返咗去小樽咁，好有驚喜！炸過o既牡丹蝦頭不單香脆唔油膩，咬落去索索聲，可謂極其鬆化，仲要冇渣喎，實屬送酒佳品也。清酒昆布蒸鮑魚：金碟上有三件以清酒昆布蒸煮o既鮑魚、鮑魚肝醬汁、及飯糰一小球。師傅提議第一件先淨食，第二件就加點個鮑魚肝醬汁，第三件再連埋鮑魚肝醬汁及飯糰三合一體黎食。淨食鮑魚可嚐到鮑魚鮮味得黎有陣芬芳，彈牙又帶脆o既質感。之後單點鮑魚肝醬汁就突出咗肝醬濃厚o既鮮甜。最後加上小飯糰就好似將兩者o既鮮同甜和諧化，整個舖排原來係有意思o既。。。食完多款刺身後，師傅就呈上自家淹製o既日本淮山同薑薄片，俾食客洗滌一吓味蕾，迎接跟住落黎o既壽司及小食。淮山同薑片酸甜消滯，輕巧脆薄，前者有多份黏潤，後者則更清爽。梭子魚壽司：又名「竹籤魚」o既梭子魚壽司被輕輕燒過，入口魚味鮮濃，更覺肥美。深海池魚壽司：深海池魚爽厚油潤，以少量薑蔥調味，組合新穎得好有中菜風味。甲魷魚壽司：潤白o既甲魷魚壽司透出魷魚下夾咗塊山椒葉「木の芽」，就係依塊山椒葉令本身爽潤o既甲魷魚壽司入口有陣強烈o既香草芬芳，都幾得意。赤貝壽司：被即場拍醒o既赤貝壽司顏色橙美鮮艷，質感仲超級爽脆，超！赤貝裙邊卷：師傅將赤貝o既裙邊加配青瓜絲、蘿蔔絲、芝麻等包成卷物。有紫菜包著o既赤貝裙邊卷比赤貝壽司香濃，除咗爽脆之外仲多咗份爽潤，各有千秋。車海老壽司：車海老壽司共有兩件，長長o既為蝦身壽司，旁邊細小o既為蝦膏位。車海老壽司橙白色o既紋理分明，紮實得黎好爽口。個蝦膏位則更為鮮濃。醬油燒虎河豚白子：食食吓壽司，師傅突然攞出兩舊都幾巨o既白色蛋蛋形物體，其實心中早已諗到會喺某某魚o既睪丸，只係唔知原來碟上o既白子乃虎河豚所擁有。意外地，燒虎河豚白子只有薄薄o既外皮被燒至剛熟香口，個心就好比燉奶般柔軟滑溜，且鮮甜香濃，我地兩師兄妹都一致認為此乃全晚之亮點，值得一讚再讚！牛蒡：用作間場o既牛蒡酸甜且脆卜卜，掂呀！宮城県東松島生蠔：生蠔白滑亮麗，嫩滑中帶點爽脆，配上酸汁更可一解之前多道魚生所含之魚油。青柳貝貝柱：小食為醃過o既青柳貝貝柱位，個口感同帶子個貝柱位差唔多，同屬嫩脆爽滑之列。青柳貝壽司：金光閃閃o既青柳貝壽司集軟腍爽脆於一身，而且鮮味討好，極之可口。地蛤壽司：師傅解釋「地蛤」亦即「蜆」。地蛤壽司賣相未必特別吸引，但其口感有少少複雜，一方面有貝柱o既嫩脆，另一方面又有裙邊o既柔軟，塗上層薄薄o既甜豉油已夠醒神味佳。穴子壽司：此乃全晚細佬唯一冇食o既一味，因為如相所示，穴子身上實在太多幼骨，即使全人類都話啲骨可以吞下時，已啃過無數咁多次骨o既XO仔自問冇膽喺出門前試囉！大拖羅壽司：大拖羅壽司入口半溶，肥美鮮濃，哈哈，但願可免費追加多幾件。。。北海道海膽卷：魚生環節由北海道海膽卷作結。海膽卷塊紫菜又薄又香脆，夾埋鮮甜無比，幼嫩滑溜，濃甜化不開o既海膽實在係天衣無縫呀！即磨木魚湯：單尾二人都棄選飯麵，師傅就攞出一條黑色o既木魚，即場刨出木魚碎，放入清湯，焗上六分鐘即可飲用。可能係鮮刨o既關係啦，木魚湯味道較淡，只可以話唔係細佬杯茶。靜岡蜜瓜：甜品青綠色o既靜岡蜜瓜腍甜又多汁，吃畢仲甜到入心。「道鮨日本料理」位置方便，環境簡樸舒適，服務生誠懇好客，晚市廚師發辦魚材鮮美高質，順祝新店生意蒸蒸日上！…查看更多