坐忘

bookmark左坐忘好幾年，平日13:45到，依然座無虛席，剛好有人埋單，等左幾分鐘就可以入座。叫左招牌既豬軟骨咖喱飯（$75），咁就又食到聞名既豬軟骨同招牌既咖喱，睇相都睇得出份量十足，豬軟骨有4大塊，物有所值！豬軟骨煮得軟腍，非常滿足，最欣賞係啲醬汁既調味，無論係豬軟骨既醬汁定咖喱汁都帶甜好開胃，兩隻汁撈勻食味道更有層次。加配左烤雞（$15）烤雞都好有驚喜，用左雞髀肉，雞皮帶焦脆，雞髀肉滑嫰，$15食到兩大塊高質雞扒，好抵食！非常推介！整體而言，豬軟骨、咖喱同烤雞味道係令人滿意，經過唔洗排隊值得一試，但未到值得排好耐隊既程度…查看更多

坐忘個名好搞笑，好有日本人佛系風格主打蔬菜咖喱飯新界人都成日想中過去食，順便行吓海旁公園而家2024年，兩年前2022年食過一款最難忘嘅廣島蠔雜菇咖喱飯，呢款菜近呢一兩年次次打電話📲都話冇😢😢希望餐廳有一日會再提供🫡有同感嘅人，俾個like🙏2024年至今仍然仲想食水準都keep到仲係咁多人排隊排到去後面Seven😌必食-啲飯當然係珍珠米，仲好健康加咗南瓜食材元素，真係好細心呢😋-呢間咖喱飯咁多香港人鍾意食，岩香港人口妹，我諗其中之一賣點就係個汁係偏甜？ 本人喺日本食甜咖喱飯都冇咁好食🤣-我諗個個食客有同感呀，佢啲汁太多，食汁都包😂…查看更多

天后健康滋味日式咖哩飯坐忘 Camper's📍天后電氣道127號地舖➰位於天后站約10分鐘路程嘅坐忘，係我其中一間Lunch嘅飯堂之選。✥豬軟骨野菜咖哩飯 💲66 ⭐️4.2/5⭐️豬軟骨份量十足，比手掌更大，入口即溶，軟稔而味濃，非常惹味，仲有各種蔬菜配搭，飯底亦唔係普通白飯，加入左粟米粒及蕃薯粒，十分健康，配上日式咖哩汁，送飯一流。✥烤雞野菜咖哩飯 💲60 ⭐️4.2/5⭐️烤雞亦係皮脆內嫩，雞扒已經切成幾塊，方便進食，調味上有少少日式胡麻醬味道，頗為滋味，而其他配料大致相同，同樣十分健康美味。➿➿➿#坐忘#天后美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#豬軟骨野菜咖哩飯 #烤雞野菜咖哩飯➿世上偶遇也是重遇，祝大家拼命無恙🫶🏻賣吓廣告先，一個90後偽文青鐘意食好西聽好歌去旅行😋🎵✈️有興趣睇更多好西好歌好玩推介，或者大家有好嘢Share嘅🥳請大家Follow下我IG，比D支持，多謝✨：@healoop.foodie…查看更多

呢間係食過最好食既豬軟骨咖哩飯，就算住係新界都會成日想過海食既一間餐廳🥰🥰（5分為滿分：🌕）味道：🌕🌕🌕🌕🌑豬軟骨野菜咖哩飯($66)鋪頭招牌茶，黎得都一定係叫佢架喇🤣個豬軟骨真係世界級，炆到好淋又入曬味，咬落啲軟骨係入口即溶，啖啖骨膠原🤤咖哩方面唔會太辣，有啲似日本既湯咖哩帶有少少甜味，岩曬香港人既口味🤏🏻🥰推薦👍🏻👍🏻👍🏻👍🏻蕃茄牛肋野菜咖哩飯($65)呢個係第一次叫既，牛肋比起豬軟骨無咁吸引，但牛味都好重，同埋牛肋都有番相當厚度，不過我都係鍾意豬軟骨多啲🐷15種野菜咖哩飯+醬汁糖心蛋($60+$6)呢個係女小編最愛既坐忘餐單😆因為佢有好多款唔同既蔬菜，感覺好似食完唔會肥咁😂😂😂蓮藕好爽口，平時麻麻地蓮藕既我都食曬，另外薯仔都係好好味🤤🤤佢個飯都係蕃薯飯，不過感覺好似比以前食細份左🥲豬軟骨7小時煮定食($66)呢個其實係錯有錯著，因為我以為呢個都有咖哩🥲點知原來得沙律菜🤣所以呢個岩想無咁heavy既朋友仔😺價錢：🌕🌕🌕🌕🌘港島區黎講60幾蚊有咁高汁既咖哩同豬軟骨食真係相當抵，就算再追加配料都唔係好貴，價錢抵食，份量都足夠👍🏻交通：🌕🌕🌕🌕🌑位於天后食街既街尾，係天后話行過去都好快，如果泊車都有好多選擇，包括多層停車場，同埋維園既咪錶場，不得不提維園既咪錶場位置非常多，我地lunch time去到竟然一去就有位，非常lucky，建議大家去開個頭都可以試試運氣😎🤩 順帶一提，坐忘都好近東海岸公園主題區，大約行5-10分鐘都到，食飽飽行去睇下風景都非常舒服🥰🥰環境/服務：🌕🌕🌑🌑🌑當日午餐時間去都唔算太多人，雖然店鋪唔係特別大，但佢會安排客人隔開少少坐所以坐得都舒服😌不過想講一講門口個位男店員比我地既感覺有啲惡同唔識變通？🙈🤣因為我地一行4人去，同佢講4個人，但佢聽到就話2人一枱喎，咁大家都知道而家係2人一枱既，同佢講4個人係想佢可以安排2張鄰近既坐位🙈最後佢都係將我地安排係2張唔近既枱🥺好在落完單有人咁岩食完，我地自行要求先可以坐番埋一齊，呢點我覺得可能要改善一下🙈🙈同埋鋪頭位置都比較窄同少位，加上長期都多人排隊，所以食完都唔會坐得耐，大家唔好諗住食完仲坐係度吹水唔走💦🤣性價比：🌕🌕🌕🌕🌘呢間算係小編最愛店鋪之一，而家襯紅隧無咩車就專登揸過海黎食🤣平日下晝食係爆曬人龍，同埋呢個有另一間分店係鰂魚涌，附近番工既朋友仔有口福了🤪…查看更多

放工約左朋友 試試想食好耐嘅坐忘友人六點多到坐忘門口排隊我地其餘兩人一到就即刻入座餐廳內座無虛席 充滿咖哩香氣我點了雜菇茄子牛肋咖哩飯送來的時候不覺有異但waiter姐姐突然跑來收回咖哩飯話師父放漏左野原來係茄子飯係南瓜飯 雖然冇咩南瓜味拌埋咖哩汁 好好味不過食到最後覺得咖哩汁有點多因為雜菇好掛汁每一啖都有滿滿嘅汁朋友叫左豬軟骨野菜咖哩飯好鍾意拌碟嘅野菜有薯仔 紅蘿蔔 翠肉瓜同西芹豬軟骨好入味下次黎會再叫呢個!…查看更多

♡難得來到天后終於有機會試依間餐廳睇相已經覺得好吸引！1點半過後依然多人 好彩一個人黎唔洗等位~裝飾好有日式小店既感覺menu選擇算幾多有d眼花撩亂第一次就試佢有旗仔既好似安全d~所以我就叫左豬軟骨野菜咖哩飯$65(少左飯)豬軟骨有兩大舊 真係好大舊淋到無牙都咬到！又入味！咖哩汁比起來就有d淡口 比豬軟骨蓋過左但兩者夾埋既層次就比較豐富無咁單調而佢既飯都好特別唔係普通白飯黎加左粟米蕃薯南瓜一齊煮感覺都非常健康 有好多野菜☺️…查看更多

呢間天后小店，店主係日本人，對健康飲食有種堅持。呢度既食物標榜無味精無添加，醬料都係homemade，而且每碟都有大量蔬菜！想客人食得健康，真係好欣賞店主！呢度既招牌係煮左7小時既豬軟骨，友人點左豬軟骨丼，我就點左豬軟骨野菜咖哩飯。個豬軟骨係煮得超「林」，用筷子輕輕一夾就夾開咗，真係無牙婆都食到！食落去感覺膠質好重，係骨膠原啊！而且好鍾意佢有好多菜，友人個丼係沙律菜，而我嗰個係西蘭花、蘿蔔、翠玉瓜等等，個菜唔係白烚，係有調味的！不過個咖哩汁我覺得好淡，完全唔辣，比豬軟骨個汁蓋過哂，但豬軟骨個汁好好味，撈飯一流！真心推介👍🏼😋唯一可以挑剔就係店面細左啲，坐得不太舒服，基本上一定要同人撘枱，但我覺得都ok既，香港寸金尺土，仲要係港島區，明嘅！希望店主可以一直keep到個質素！…查看更多

見到好多post話尼到既豬軟骨好好食，而且好有日式feel，所以黎食下。lunch時段1點半左右到，排大約10mins有位。雖然入到去感覺可能少少逼，但裝飾有style，坐得舒服，就冇左逼既感覺。當日，侍應服務唔錯，俾餐牌，添水，亦冇趕你食快d。叫左豬軟骨7小時煮定食($65)，豬軟骨野菜咖哩飯($65)，黑椒燒汁牛肋丼($56)，野菜湯($12)。豬軟骨有2件大大件，配以沙律，感覺上較其他餐廳健康。而且餐廳原本都主打野菜飯/烏冬，10幾款野菜一齊煮，素食者都岩食。定食原來會跟野菜湯，味道清甜，再加入粟米，紅and白蘿蔔，清熱潤肺一流，而且冇味道，飲完唔會鹹，仲解渴添。最期待既豬軟骨果然冇令人失望，超級超級好食。軟骨經7小時煮，已經變到黏稠既狀態，啖啖係骨膠原漿，好似食緊花膠咁。而且每件size都有手掌咁長，普通女仔食，食1件都飽，男仔食哂成個餐，一定夠飽。另一款豬軟骨配以咖哩，其實一入餐廳，已經聞到好大陣咖哩香味。而尼個咖哩汁，入口去到好後期，會feel到bb辣，都係好少好少既辣。而尼個飯就吸引d，因為加入左蕃薯煮，健康有營養，好重蕃薯味。尼款配搭多款蔬菜，例如紅蘿蔔，翠肉瓜等，就唔係沙律，感覺多樣化。而豬軟骨，同定食個款一樣，份量味道都perfect。不得不提既係，牛肋煮得亦唔錯。入口個陣，冇諗過會咁軟咁"林"，完全唔韌，好似入口即溶咁。而且黑椒味重，配以雜菜食，送飯一流。整體，就算要排一陣隊，都試得。已經想再去食。餐牌仲有烤雞添。…查看更多

餐廳晚市六點開始六點半已經近乎滿座兩個人分別叫咗：豬軟骨野菜咖哩飯 追加野菜，牛油燒雜菇沙律烏冬🍛豬軟骨兩大嚿 好淋好入味 yummmmm咖哩野菜好好味，係日式既甜咖哩 唔會好辣美中不足係個飯只係暖 個人覺得唔夠熱既咖哩飯食落比較滯 扣咗分🥗啲雜菇燒得好香 有好多沙律菜 好fresh不過個烏冬既汁咸咗啲啲 所以扣咗啲啲分好健康好多菜既晚餐真係好難得！仲要又好味又唔貴，免加一埋單$160難怪咁多人幫襯絕對會再嚟…查看更多

和風小店🏮食物不過不失👌🏻👌🏻 豬軟骨野菜咖哩飯 Slow cook pork cartilage curry $69：肉份量好多⋯⋯但係無咩軟骨而且肉質非常老，好失望耶😭 反而配菜更可口唷，野菜種類頗多🥒飯更混入左黃金番薯🍠 依然有興趣食既話可以試下雞牛，可能會有驚喜☺️後來另外有朋友試完話雞肉幾唔錯👍🏻.今次同行朋友點了湯烏冬，可是湯讓豬軟骨汁味道更淡，比飯遜色。.週末夜市都頗多人，好快坐滿嗮！…查看更多

小編係炮台山番工 相信識搵食嘅朋友都知炮台山好多野食今日要介紹嘅就係近天后方向嘅CAMPUS坐忘！由日本人開 主打加入大量蔬菜嘅咖哩菜式，無論係咖哩飯定沙律 總有一款啱你口味！不過小編最愛嘅都係店家嘅豬軟骨！經7個小時嘅慢煮 肉質入口即溶 而且份量極大件小編份工好遲先放飯 食完呢個lunch夜晚真係唔洗再食加上佢地嘅飯並唔係普通嘅白飯 而係加入南瓜蓉嘅飯配合咖哩汁同吃 最高享受！值得一提嘅係佢地嘅「雜菇咖哩飯 」 充滿煎炒過嘅牛油香好可惜店家無提供雜菇豬軟骨飯...要再另追加強烈要求加入！…查看更多

第二次拜訪坐忘，一定要繼續叫豬軟骨飯食😍基本上豬軟骨就只有兩款，普通版或咖哩版。上次試咗普通版嘅豬軟骨飯，今次就試咖哩㗎啦！野菜咖哩飯嘅飯係粟米飯，而且配上份量不少嘅蔬菜，例如翠玉瓜、西蘭花🥦、椰菜花等等。呢到嘅咖哩都幾特別，同平時食開嘅咖哩幾唔同。咖哩汁係好液體的，食落唔辣，又唔係平時日式甜咖哩嘅味😂對我嚟講就係多個汁送飯嘅感覺。呢個咖哩可以一試嘅，但下次再嚟嘅話，我會叫番上次食嘅普通版豬軟骨飯，因為兩大件煮得入味又腍嘅豬軟骨已經夠我送飯了🤤.經過七小時慢煮嘅豬軟骨，軟骨已經變哂啫喱咁嘅樣，食落口好似食緊啖啖肥膏咁，肥膏般口感嘅軟骨係近乎入口即融🤤不過今次豬軟骨嘅肉位食落有啲鞋🤔但唔緊要，我仍然有想專登嚟港島呢邊再食坐忘豬軟骨飯嘅衝動！🤣…查看更多

跟這兩位朋友本來去年年尾約了吃飯，但因為一些原因延到18年1月，來到這間朋友推介的小店。想不到位置不算方便（天后站出向炮台山方向行5-10分鐘），但依然大排長龍。辛苦先來到的朋友幫我們排隊呢哈哈標榜天然無食物添加劑。手寫的餐牌感覺可愛呢。份量極。大。 豬軟骨有兩大舊，野菜也有很多不同種類，有翠玉瓜、蘿白、椰菜花等等。豬軟骨夠味也腍，但兩大舊吃完真的有點膩，幸好有多種類的疏菜平衡。咖喱汁香但不辣，貫徹日式咖喱味道，雖比不上日本的質素，但質素依然極高。飯是有點淋，超級飽肚朋友點的，眼見蠔的數量不少，見他吃得一滴不淨，相信醬汁配飯也十分惹味再添加一份野菜，新鮮健康埋單每人百多，食材用料新鮮不欺場，咖喱香口之餘不太辣，若想再吃日式咖喱的話會再想來吃，畢竟城中好吃的日式咖喱不多呢。…查看更多

之前一直都有留意呢間餐廳 今次黎開天后終於有機會試下由於餐廳座位有限 要人齊先可以入座 不過老闆娘都會 keep 住出門口望 睇下有冇客人已經到齊就可以準備入座入到去望左餐牌好耐 太多選擇樣樣都好吸引 最後揀左豬軟骨野菜咖哩飯 $69本身以為只係幾件豬軟骨 點知係兩大塊厚切既豬軟骨扒!! 一咬落去好腍好入味 軟骨煮到好似半融化既狀態 第一次食呢種口感既豬軟骨配上唔同種類既蔬菜同咖哩汁 忍唔住一啖接一啖 平時唔太食肉既我都唔捨得食剩 最後捧住個肚滿足地離開有機會的話會再黎試下其他野…查看更多

天后一間叫「坐忘」-Camper 的日式餐廳， 的確令人念念不忘。 店子小小的， 一到午飯時間便立即坐無虛席, 門口亦經常三五成群的輪候。這間Camper 的確受歡迎。這裡提供的菜式不多，一個menu已清清楚楚的顯示了出來。入到去眼見大部分人都點了咖哩, 還有招牌七小時煮豬軟骨，我一於都羊群心理柯打了一份"豬軟骨野菜咖哩飯"。碟飯一上枱， 滿心歡喜。 飄來的陣陣咖哩香噴噴之餘，分量十足， 兩大件豬軟骨加上大量野菜瓜果， 還有粒粒分明的番薯南瓜蓉珍珠米飯， 很有誠意，很健康的一份午餐。 我已急不及待將叉子插進豬軟骨中， 三爬兩撥的將它分開， 接著開心大發現啊， 內裏暗藏玄機 ，一大件呈半透明的豬軟骨 “閃令令”的在我眼前， 我又再急不及待的把它放進口中，嘩…… 升天了。 豬軟骨很入味多肉汁之餘， 我已被滿口的豬軟骨沖昏了頭腦， 滿口都是 QQ 的，滿口都是膠原蛋白。咖哩汁香濃而不辣， 不會嗆喉， 豬軟骨經過七小時煮，本身已入味得很，加上濃濃的咖哩汁， 兩種調味同一時間放入口， 味道濃郁得震撼味蕾。 野菜有多種蔬菜瓜果， 薯仔、西蘭花、翠玉瓜、紅蘿蔔、椰菜花， 真的什麼顏色都吃盡了，野菜分量也很多唷，佔了碟子的一半。 每碟飯都配番薯南瓜濃珍珠米飯，相比白飯，簡直是誠意之作，營養價值甚高， 多菜少肉又含豐富蛋白質，更標榜No MSG- 無味精, 簡直是將食物金字塔吃落肚， 健康無負擔。其實這裏用餐價錢是$58-79, 但吃到那麼有質素又好味又健康又用心的食物， 真的不算貴！！…查看更多