豪園小食 - 炸一字雞翼專門店

由細到大去開既厚德商場而家已經唔再叫厚德商場, 而家叫TKO GATEWAY!!舖頭都日新悅異, 裝修都變得靚左同埋清潔左, 而家仲多左呢個FOOD LANE, 入面有勁多小食舖, 岩曬中意掃街既我!!呢間豪園一字雞翼係正FOOD LANE既入口, 所以今日一黎到就左呢間黎試!!!佢地最主打既就係炸一字雞翼，炸一字雞翼係將一隻雞翼1開為2, 咁食起上黎就方便好多, 女仔係街食雞翼都變得可以斯文啲!!佢有原味，蒜醬豉油，車打芝士同黃金脆脆四個味可以揀。我地揀左比較特別既黃金脆脆同埋車打芝士。叫雞翼可以追加撈麵，撈麵有3個味沙爹, 咖喱同埋車打芝士, 因為已經揀左車打芝士雞翼, 所以就揀沙爹撈麵!!(追加$10)黃金脆脆炸一字雞翼6件套餐跟飲品 $38一定一定要點呢個!如果中意食新加坡好出名既黃金魚皮片既老友一定都會好意食呢個味既雞翼!!勁多蛋黃脆係上面, 味道一流!!車打芝士炸一字雞翼6件套餐跟飲品 $35 芝士熱騰騰!!溶溶地咁係炸雞翼面度, 芝士勁多!!記得一定要趁熱食!!潮流係咪興慢煮?我見好多舖頭都加入慢煮既菜式, 慢煮豚肉, 慢煮叉燒咁, 今次呢間慢煮雞都要試下，佢有非常冬陰公，極品麻辣皇同埋幸福住家雞3款味!幸福住家雞?個名好搞笑喎, 我諗都冇諗就叫左呢個, 到底係咩黎架呢?原來係香蒜洋蔥!!可能係媽媽會成日煮既雞翼, 所以改左個咁得意既名!!幸福住家雞 $38 4件洋蔥味極濃!!食下食下又食到啲蒜香味!!不錯!!中意食洋蔥既朋友一定要試!!淨係食雞翼又唔係好夠飽, 所以又叫多左個豪園豬扒飽。豪園豬扒飽 $28店員好親切咁問我地使唔使幫我地先將包切開2份!勁貼心!!豬扒好大塊, 突晒出個包!!而且炸得好香口!!食完好滿足, 拍得住澳門既豬扒包!!我地跟餐叫左兩點飲品, 檸茶BB（右）同埋咸檸BB（左）, 我地有問店員點解叫BB, 佢就解釋BB係解冰冰, 係一種創新既製法, 秘訣係唔使我地自己篤檸檬, 但又飲到同一個味道, 岩曬我呢啲懶人!!真心覺得咸檸BB好飲!!除左黃金脆脆雞翼外, 呢餐第2中意既食物!YEAH!!!!…查看更多

相信好多香港人都知道前一排旅遊發展局搞咗<美食車先導計畫>，計畫成不成功各人有各人嘅睇法，但在我來講，起碼我認識到一檔好好食的一字骨專門店。<豪園小食>就係我今次想介紹嘅主角，由美食車轉戰實體店，地點選擇了在將軍澳的平民商場內。翻新後的商場叫<TKO Gateway>，而美食街就取名<FoodLane>，位於商場的最底層，感覺so fresh！🍀🍀🍀店鋪細細所以餐牌都要抬頭看看燈箱，但是沒關係，因為清楚易明。👌👌👌當中有慢煮雞翼，可惜沒有推出拼盤不能一次過試曬三款，唯有下次再來吧。二人三色拼盤當中有原味，蒜醬豉油味和車打芝士味。原雞翼外皮好香脆，內裏雞肉嫩滑。加上蒜醬香豉油後鹹香並重。而配上芝士汁則芝味無窮，三款也很好吃喔豬扒包可說是一字骨以外另一出色之作，豬扒大過包呢。鬆軟的麵包內夾住炸得酥脆的厚豬扒，而且還加上芥末醬和茄醬，惹味得來又不會乾爭爭咖喱魚蛋看似普通但是絕對比街外普通的魚蛋質素高。魚蛋爽口彈牙而且口感實在不會輕飄飄的，配上微辣惹味的咖喱汁，令人欲罷不能。飲品方面還有比較特別的<檸茶bb>和<檸水bb>。別以為是普通茶餐廳的那種，要是這麼普通我也不會特別介紹啦。檸茶和檸水的甜度適中，而且夠冰凍！但當然這不是特別的重點。特別之處在於飲品中竟然有類似檸檬皮茸的微粒，增加口感喔！！雖然不是什麼超級大寶物，但是見微知著，可以感受到店家的用心。加油喔！雖然只是一家小小的小食店，但是美食無小事，期待你們越走越強大，方便我們周圍也可以吃到出色一字骨…查看更多

如何度過悠長的農曆新年假期？ 答案就是食！ 不斷咁食！ 仲要食好嘢！TKO Gateway 新開的 foot court 走葵廣路線， 大部分食店係賣小食， 作為food court嘅鄰居， 梗係要襯下熱鬧， 今日同屋企人決定幫襯下😋我哋特意來拜訪豪園小食， 聽講佢做美食車做得好成功，而家開咗間實體店， 佢嘅"蔡芯咖哩魚蛋"仲上過電視~豪園小食自稱係一間炸一字雞翼專門店， 梗係要試下啦， 喺嗰度等咗大約十分鐘， 熱辣辣即叫即炸嘅車打芝士味一字雞翼就出爐啦秘製車打芝士汁味道濃郁， 店主真係落足 醬汁， 呢個芝士汁嘅特別之處係個奶味好出， 口感好smooth 好creamy ， 同7-11撈麵嗰啲cheese爭好遠~ 趁熱食就feel到芝士汁裏面卜卜脆嘅雞翼外皮， 口感好有層次💖跟住就到限量鹹蛋黃味嘅炸一字雞翼啦， 見到外皮佈滿黃金脆脆， 係秘製鹹蛋黃粉同脆脆蒜香粒，雖然係好邪惡， 但真係好惹味好香口， 加上食炸一字雞翼唔使吮骨， 好容易食到停唔到口。淨係食肉唔夠嘅，需要啲澱粉😆😆 我哋點咗個豪園豬扒包，$28 一個包其實都唔平， 但一攞上手就知點解買呢個價錢， 塊炸豬扒有成隻手掌咁長 ( 可能仲闊過一隻手掌)！店主話豬扒係用無骨梅頭扒炸食， 果然呢塊豬扒嘅肉質好淋， 炸既時間恰到好處，外皮脆卜卜，裏面仲保持好多肉汁， 而且肉味好突出， 認真高質， 加上個包係香芝麻餐包， 食落更加香口， 成個包感覺比麥當勞某啲夾肉既包更加好食👏👏呢個時候飲番杯凍飲冇得彈，加15蚊有杯鹹檸bb， 真係落足鹹檸檬！ 甜味同鹹味平衡得幾好， 絕對有茶餐廳嘅傳統港式風味！整體而言所有小食同飲品做得好有水準， 雖然價錢比一般小食店貴， 但物有所值， 難怪佢做美食車做得咁成功開到一間實體店。…查看更多