釧

今晚初訪半島酒店的釧，氣氛和食材是一流😄訂座時被告知是一年一度的的魚子醬宴，只有一晚，真是多謝食神眷顧！今晚多種新鮮矜貴食材入饌，黑松露配烏魚白子，原隻已經剝好嘅香箱蟹🦀，海膽魚子醬Brioche，伊勢海老龍蝦啫喱🦞，紫蘇葉油配，譏燒蟹鉗，象拔蚌，鮟鱇魚肝，招牌鮑魚，拖羅壽司😊最後以一碗燉咗三日三夜嘅羊肚菌鷓鴣湯作結尾😇好啱食完生冷野要飲返啖湯潤一潤❤️我覺得雖然平時嘅Menu都好正，但係今次呢個魚子醬主題真係冇得輸，成晚以日式高質食材配搭西式煮法，再加照顧亞洲人嘅脾胃😍一個字：爽！今晚令我對香港美食天堂嘅美譽重拾信心，每道菜都十分精緻。…查看更多

今日朋友帶我去食好西，去左半島酒度地庫食廚師發辦，餐廳叫釧，就等我好好記錄我呢餐難忘既午餐！🎑環境餐廳門外黑色裝修，餐廳「釧」標誌就好似月亮一樣高掛。穿過日本庭園風格走廊，見到餐廳糅合不同月相形象的設計特色，沉浸於一種詩意與華美的氣氛下享用佳餚餐廳有卡位及壽司吧枱，另設有包廂，為左可以見到師傳的廚藝同埋可以同師傳多啲交流，我當然選擇吧枱位置。當日仲係行政總廚鄭師傅為我地主理食物！📝餐牌午餐有3個餐選擇，分別係川($1,680)、華($1,280)、幸($980)，會有不同頭盤同一品料理、壽司等等。我地就揀左入門既幸，有3款頭盤、10件壽司、1件卷物、湯同甜品🍢頭盤 —水雲菜北海道象拔蚌、間八魚配氈酒紫蘇花、法國藍龍蝦茶碗蒸- 第一道菜係清爽帶酸的水雲菜配上鮮甜北海道象拔蚌，醒胃既菜式，為廚師發辦午宴展開序幕。- 間八魚配氈酒紫蘇花用了貝殼紫色碗盛載，配上紫蘇花，燈光影射下既間八魚發出炫彩，晶瑩剔透。- 法國藍龍蝦茶碗蒸充滿蝦油香，慢煮藍龍蝦爽甜肉嫩，內裡仲有鮮帶子，雞蛋滑溜鮮甜🍣壽司 —魷魚、深海池魚、岩手県產石坦貝、池魚、毛蟹、金目鯛、赤身、拖羅、右口魚魚邊、海膽- 由淡口食到濃味既壽司，醋飯調味得宜，師傅話每款食材都係當日新鮮採購運抵香港，亦會揀選時令食材，每款魚類都經師傅配合不同處理方法及調味，例如炙燒、切割方法、加上柚子鹽、醬油等等，去帶出食材最佳的味道！- 最令我難忘既係岩手県產石坦貝，師傅專登問：「準備好未?」，原來師傅會係我面前拍一拍隻貝，貝會好生猛地收縮豎起來，師傅話呢款貝只係7月同8月有得食！味道爽甜，肉質厚實！- 另外右口魚魚邊都好驚喜，作為第9件壽司，呆詭當然好香濃，加上炙燒完迫出油份，魚肉閃令令，入口即融，食完魚油仍然有油香餘韻。🍙卷物師傅先鋪紫菜、要鋪飯、芝麻、炙燒和牛，醃蘿白、拖羅，純熟既技巧將卷物卷好！一口一件，炙燒和牛同拖羅油份充足，醃蘿白恰巧中和到，食落令人好滿足🥚玉子玉子好嫩滑，彈下彈下好似燉蛋一般！🥣湯湯由蜆肉、冬瓜及蕃茄熬制而成，加上少少花椒。蜆肉十分鮮甜，冬瓜亦好適合夏天食用🍧甜品甜品包括時令大糖嶺桃雪葩、豆乳福袋及黑芝麻朱古力。大糖嶺桃雪葩用圓形碗裝住，好似水晶球一樣，上面有粉紅「面紗」包住，打開時先見到粉紅既靚靚外貌，仲會聞到陣陣玫瑰花香，帶銀萡既雪葩下配有自製乳酪、紅茶啫喱、大糖嶺桃肉，職員叫我地要一啖食晒，口感豐富，雪葩既清甜，乳酪奶香幼滑，加埋香濃紅茶啫喱，仲有多汁既桃肉，味道好夾，係食得既冰桃茶！黑芝麻朱古力香濃到食完呼吸都聞刑黑芝麻味，帶住呢陣黑芝麻令我食完都可以回味住整個廚師發辦午餐👨🏻‍🍳服務由門口接待開始，職員笑容親切服務殷勤，令人有賓至如歸既感覺。每一枱客人也有專屬職員照料，所以可以即時回應我地既需求，服務亦十分貼心，亦會為我地介紹食材，令人感覺好舒服放鬆。師傳十分專業，對食材了解充足，我食壽司之餘更學識不同魚類及佢地既合時時令同食材配搭，酒有wine tasting，壽司就係omakase! 雖然以往食既廚師發辦都係日本師傅主理多，但香港師傅唔會有語言障礙，反而交流更好，所以我食完識食左，仲學多左好多魚同具類！🤑價錢$980+1/人🤤總結在一個伴隨月色的優雅空間內，觀賞師傅製作壽司既手藝，享受新鮮食材，同師傅交流同埋職員貼心服務，色香味俱備，食完會令人有滿足感同幸福感。…查看更多