和拉麵

用餐時間 （9:30pm late dinner）食物 🍜為試真章（決定走蔥蒜），豚骨原味拉麵湯底出色，濃味而不鹹，湯底掛在麵條上，滋味無窮廚師特登為我哋做一個味噌素食拉麵🥦，（叉燒轉木耳絲），糖心蛋俾埋我 lol，味噌味正常，不過不失，但態度用心可嘉！茄子天婦羅 🍆，炸醬薄，食材新鮮，好食，但個人喜歡醬汁比較酸，醬汁有進步空間.酒 🍶有生啤酒Suntory，個人特別欣賞餐廳有半杯（half pint）選擇，同埋細枝hoegaarden，適合一人之境，另外有其他日本酒選擇.店員 🤓問佢有冇素食選擇，會耐心同廚房溝通，再認真覆，唔會Hea答。俾完兩杯凍水，叫佢比杯暖水唔會黑面.餐廳氛圍 🎶 最鍾意見到日式門口掛日式燈籠，餐廳播住日本音樂好有日本居酒屋feel🏮🏮 老闆見我對黑膠有興趣，即刻播俾我聽，仲要係谷村新司 🤩…查看更多

位於運頭街裡的日式拉麵店，門口感覺細細的，但估唔到入面都坐到幾多人㗎喎。一邊有梳化座位，坐得舒適，不過枱與枱之間有比較近，食完離開張枱走時要小心出入囉。🍜 豚骨原味拉麵 (HK$83)．熱辣辣出煙咁送上枱，係比較凍嘅晚上嚟食會覺得好吸引，好正！．先飲湯，湯底看似清清的，入口香滑，豚味好濃郁而不覺膩，正是博多拉麵的特色．拉麵的麵條比較幼身，幸好師傅煮得剛好，有咬口👍🏻．2大片叉燒，切得好薄同而燒得香脆可口，肥嘅位置都好好食😋．留在最後係半隻溏心蛋，因為湯底好熱，令隻蛋黃邊熟咗少少，但大部分依然流心的，呢一餐又有個完美嘅完結🫶🏻…查看更多

星期日食，1PM到，本身預都要等半個鐘，但可能因為落雨，個位又係地舖，落雨人流少好多，所以唔使等位直入！兩個人食，叫咗兩個豚骨原味拉麵同一份日式煎餃子。拉麵嚟講溏心蛋要流同湯要夠熱係基本，和拉麵都做到，而且都好味 叫咗多蔥，可以再多啲餃子一份四件，有點太瘦弱(如圖)，味道一般，覺得不叫無妨。service就好好，上菜快，同埋主動fill咗幾次水地理位置唔就腳，所以唔算成日嚟食，但大埔好少拉麵店，想食拉麵都會特登過嚟～…查看更多

已經好久沒有寫食評了，最近一連食了2間好多人讚的食肆，但都沒有想像的好，所以決定再分享一下自己的感受！一直有留意和拉麵，在食評內絶大部份的評價都很好，所以趁着假期，昨天和女友決定一試。大約兩時到達，由於已經滿坐，所以要攞籌，等到第3張枱就到我們了，大約等了二十分鐘。我們一早已經決定了食什麼，所以只是隨便再看一下menu便下單了。我們只點了2個拉麵，豚骨原味拉麵（$83）和辛辣拉麵少辣（$88）。不用等多久，2碗拉麵便送到了。首先試豚骨原味拉麵，感覺湯底比較稀，味道也比較淡，麵份量也不多。湯底沒有我想像的好，想反2塊叉燒我覺得幾好食😋。之後食辛辣拉麵，雖然是少辣，但也有一定的辣度，唔食辣的人，要諗清楚先好叫😆，除了多了辣味，基本上同豚骨原味拉麵差唔多。不消一會2碗拉麵就吃完，埋單俾錢才發現原來全日堂食有8折，如果是正價感覺CP值偏低了。員工好有禮貌，環境也可以。不過我未必會再試😁。…查看更多

嚟到大埔想食拉麵，十居其九都會嚟呢一間和拉麵，因為覺得佢價錢合理，湯底亦幾啱我口味😆本身佢拉麵款都算多，不過有一部分都賣哂🤣都係食返最普通嘅～男朋友叫咗豚骨原味拉麵 ($78)，呢一間嘅豚骨味超濃，但又唔會過鹹，我覺得拿捏得啱啱好👍🏻而且唔會有油膩感～麵條都相當彈牙😋我就叫咗辛辣拉麵 ($83)😋以我食咁多次辣味拉麵，呢個都算幾辣，但佢唔係辣粉嗰款死辣，都幾香～小食叫咗章魚小丸子 ($32)～我覺得以餐廳嚟講都算合格，唔會好軟爛嗰款，都係正正常常～呢間拉麵店我都encore咗好多次，性價比不錯☺️…查看更多

呢間拉麵店係大埔都幾出名，我終於去左食！估唔到2點幾去到都要等位，不過好快就有位～餐廳座位比較少，如果唔想等位就要早d去啦。————————❦ 味噌拉麵 $80每款湯底都有得揀香滑/特濃，我揀左香滑，已經幾濃味，但係一d都唔膩！叫親味噌都好驚會中伏鹹到痴線，但呢款有嗰個濃稠度而keep到唔會太重口味🤩-拉麵本身係幼身直麵，揀左偏硬嘅麵質，真係好彈牙好好食！叉燒肥瘦適中，炙燒過仲更加香！不過美中不足嘅係就算點左特盛蔥量都係得好少，可以多d就好啦🥺評分：🌕🌕🌕🌕🌗-❦ 豚骨原味拉麵 $75 特濃湯底 +$8朋友既豚骨湯底真係超濃豚骨味，完全feel到煮到有膠質個口感。我本人就鍾意味噌多d，不過呢款都係好好味。評分：🌕🌕🌕🌕🌘-呢到嘅拉麵都算係我食過最好食嘅幾間，估唔到小店都咁出色，會再去食下其他味道嘅拉麵😍…查看更多

好耐冇食拉麵喇！堅持正宗日本博多系豚骨拉麵－和拉麵嘅豚骨湯底分香滑同特濃兩種，第一次食就揀咗基本嘅香滑版，湯頭味道濃而不膩；我偏好硬身嘅直麵，幼身嘅麵條掛上湯汁，啖啖都好滋味；叉燒經炙燒幾香口，溏心蛋唔係好香醬油味嗰種但係效果剛剛好～店員推介鍾意食辣嘅可以試下佢地嘅辣芽菜，加落拉麵或者就咁食都得，真係好好味冇介紹錯，唔小心清咗大半兜🙈依度嘅日式小食定價都唔貴，食埋個野菜煎餅同煎餃子就好滿足喇☺️…查看更多

上完pt當然要慰勞下自己於是返到屋企附近之後就揀咗間拉麵食😋嗰時已經八點幾，雖然唔洗等位，但係好多想食嘅款式都冇哂😭既然第一次嚟，就揀返啲基本款先啦🥰湯有三款，另外可以揀湯底濃度、蔥、蒜同麵硬度我分別揀咗豚骨原味🐷、蔥大盛、要蒜同要麵硬度普通🥢碗麵一上就有台灣食拉麵嘅感覺，因為有筍😭然後蔥超多，啱哂我呢啲芫茜蔥迷🤩🍜湯底雖然冇加到特濃，不過齋飲都係偏重口味，齋飲就未必得，但連埋麵一齊食就啱啱好👍麵冇煮得太軟或者太硬，正❤️🐷叉燒有兩塊稍為用火槍燒咗其中一面，帶有少少焦香🥚溏心蛋有半隻，有流心，正常發揮之後唔夠食再叫多碟炸多春魚，28蚊有4條，即叫即炸，再加埋檸檬汁解膩，好食👍總結下次可以再嚟試其他嘢，我想試雞白湯同和牛拉麵啊😭又抵食仲要係良心店，一定繼續支持💛…查看更多

《豚骨原味拉麵 》$75 隨意見到大埔有間拉麵店就去左試下，意外的好味，性價比高，無論係湯底、叉燒、麵、蛋，定係塊紫菜都好味，而且份量適中😋💕 值得再去👍🏻 加$5仲可以有章魚燒或者餃子同埋一杯飲品（汽水或熱茶）<Tonkotsu Ramen> $75 It’s surprisingly delicious🥰 Just randomly searched for a ramen restaurant and found @woramenhk All the ingredients (noodles, meat, egg, soup and even the seaweed) are soo good. It’s a small restaurant but worth to visit again. Had a great start of a day because of 和拉麵 🍜making such an awesome meal. Thanks for that! 💕You can add only $5 for a cup of hot tea or a can of soft drink plus dumplings 🥟 or takoyaki. Environment: 8/10 Food: 8.5/10 CP值: 9/10 …查看更多

估唔到係大埔一個巷仔有咁多野食舖😂因為呢間拉麵都幾出名所以黎試下，去食晚餐前面都幾多人等🤔我地各嗌佐個豚骨原味拉麵，俾女仔食份量都足夠，男仔可能就麻麻😂但都幾好味！等咁耐都幾值得💕舖頭啲職員都幾nice，會經常主動幫你加水，水係檸檬水黎，覺得油可以解膩🍜埋單既時候嗌住佐我地，我以為係唔記得攞找錢😂原來係諗住俾我地粒檸檬茶糖都幾細心😍係冬日為顧客準備少少既野令人覺得幾暖心☺️下次會想再黎試下其他！…查看更多

等去日本等到頸都長埋，唯有食個拉麵止止渴先。大埔其實都有幾間人氣拉麵店，但今次特登揀呢間良心小店，以表支持💪。估唔到小店唔止職員有禮貎、價錢平民、食物質素仲唔錯添，值得推介!!星期六lunch時間1:30黎到，剛好有位唔駛等。餐廳細細，座位大概20個，由於坐卡位，唔覺得迫，不過張櫈太淋太矮，坐得好唔舒服😹。同朋友兩個都點左豚骨原味拉麵，另外加兩款小食。日式煎餃子($28)特登點比朋友食，應該係包裝野，味道正正常常，皮薄肉少(日式餃子特色)，煎到幾靚仔。章魚小丸子($28)呢個我同朋友都讚不絕口!!雖然唔正宗，但我就係中意呢個外層整到焦脆，丸子心偏實、粉漿較多既口感😋。性價比比餃子高好多!!豚骨原味拉麵($75)多蔥、蒜味湯底揀左普通，所以唔會好黏口，但又好有豚骨味，飲落又唔會太鹹，仲帶少少蒜味，唔錯🤤。拉麵只有幼麵，揀左硬口感，岩我心水。全餐最令我驚喜既就係呢兩塊叉燒!!😯雖然肥，但切得幾薄，食落唔會覺得成舊豬油放入口；由於帶皮，所以咬落有少許韌性；入口先有焦香，之後就會食到濃郁既豚肉味，正!!🤤午市時間免加一，人均大約一百蚊，我地兩個都食到好滿足，非常推薦呢間既經濟又美味既日式小店比大家!!…查看更多

和拉麵位於一條小巷入面，位置都幾隱世😂。舖頭細細，裝修好日式，真係有種去咗日本食拉麵嘅感覺。叫咗豚骨原味拉麵，奶白色嘅湯底，香滑又唔肥膩，飲晒都唔會口渴。麵要咗普通硬度，我覺得啱啱好，夠彈牙。蔥揀咗大盛，上枱時真心好多👏🏻，碗麵本身已經跟咗半隻溏心蛋，拉麵配溏心蛋確係一絕！.最出色嘅就係嗰兩塊叉燒，肥瘦均匀，厚度適中，唔會太薄。經過火槍輕輕火炙過，食落有少少焦香味，十分香口。.埋單嘅時候會送你一粒蜜蜂糖，係兒時回憶呀！.美味指數：4⃣/5抵食指數：3⃣/5再食機率：80%…查看更多

是日又黎到大埔做野，收工肚仔餓，覓食中行到呢間位於街角嘅拉麵店，見到座無虛席，應該唔伏，就同同事試一試。等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～除左拉面，仲有好多唔同小食。拉麵到～由於我走咗蔥所以望落去色水爭咁啲，不過俾果半隻溫泉蛋搭救左！一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~值得一講嘅係侍應服務態度好好，成日都會主動幫手斟水，我哋食到一半嘅時候佢仲主動拎左一個佢哋自己炒嘅辣芽菜俾我哋試，又幾好味喎！不過有少少辣，唔食得辣嘅朋友仔就試少少好啦～總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個都會做，所以我地都..無謂同錢作對呀嘛～…查看更多

係人都知大埔熟食中心多野食，但今次朋友就帶我行遠幾步，搵左哩間拉麵店晚餐。三款主要拉麵，可以按自己既口味落單，我就揀左多蔥。我點既味噌拉麵（$80）我揀左多蔥，真係半碗面都係，超開心。味噌係比較濃味既，鐘意濃味既朋友應該要揀哩個。面身幾滑，口感都幾好幾彈牙。豚肉肥瘦夾雜，煎到微燶，一點都唔會膩。朋友點既豚骨原味拉麵（$75）原味既湯底系無味噌咁濃，但係就滑D，都好香。兩款麺我覺得分唔到高下，其實兩個麺只係湯底唔同，我覺得有機會兩款都要試下，感覺好唔同。湯底真係拉麵既靈魂！中華海蜇（$38）幾惹味，好啱佐酒厚燒芝士玉子（$28）推薦！厚厚既玉子面層搽左沙律醬同芝士，面層同兩面都燒得少少燶，好香口，要襯熱食。甜甜既玉子，咁樣燒下再上，覺得好有創意，真系好鐘意哩個~自家炒芽菜哩個係放係檯面，食客可以自己添既。芽菜都幾辣，好吊到味。餐廳既裝修係行溫馨路線，昏黃既溫暖燈光，有日劇入面居酒小屋既感覺。原來係店內一個角落，擺放住哩部唱機，播放住黑膠唱片，悠揚咁播住從前既日本歌曲，好適合放空，專注眼前既每一箸。整體來講，食物有用心，出品質素幾好，環境都好舒服整潔。下次去大埔揾食，大可試下哩間拉麵…查看更多

踩單車入黎大埔，順便食埋個飯先走😋呢間拉麵係大埔都幾高排名，未食過點都要試下。佢個拉麵有標準湯同濃湯，因為濃湯要加錢，試下標準先。其實平時食既拉麵我覺得都好濃，呢碗反而岩岩好，不過鍾意濃湯既可能要加錢啦。因為2個人share加左麵底，我覺得好抵。🥳 叉燒我就覺得有啲肥。個枝豆好好味，不過枝豆其實都好難水煮得難食。呢個章魚小丸子係惟一我覺得麻麻地既，個麵粉太厚，如果入面唔係齋麵粉，有啲椰菜咁就可以balance返喇。呢個鰻魚燒得好出色！超級嫩滑，真係好好食。店員有特登介紹呢個芽菜係佢地自己炒既。因為本身鍾意食辣，所以食左好多，用黎送拉麵一流。Overall呢間都幾抵食，會返兜。…查看更多