牛摩 (屯門時代廣場南翼)

久不久就想打邊爐，不論春夏秋冬都想。晏晝食放題就最好，有大把時間消化。鐘意一人一鍋，湯底揀左蟲草花雞白湯，港式特濃沙嗲湯。今日揀左經濟嘅$139特選美國牛肩胛，除左牛仲有雞肉，豚肉，羊肉卷。牛切得好薄，但都有牛味；雞肉唔好煮太耐都滑；豚肉正常厚度，唔錯；羊肉卷就太酥和肥，麻麻地。蔬菜區選擇不算好多，一個櫃，但新鮮補充快。丸類都係大同小異，主力都係食牛肩胛，只試左幾粒。呢間嘅雪糕好食，有朱古力味同乳酪味，仲有爆谷機，爆谷係焦糖味，放係雪糕面或淨食都好脆。蛋糕都係日式口味，可以嘅，都係一口泡芙好食啲。可惜枱比較細，想放多啲野都冇位。…查看更多

北海道黑咖喱湯從未試過黑咖喱打邊爐做湯底，佢唔會好濃好”傑”身既咖喱湯，亦唔會搶咗牛既味鮮味。可以一試意式芝士蕃茄湯呢個湯底好濃，亦有芝士味。酸酸甜甜湯底係最開胃。我地揀美國特級牛肉放題。豚肉和雞肉都係任食!牛肉好大塊好薄，又林又有牛肉鮮味。唔駛點醬汁都食到佢好重牛味~好好食呀雞肉同豚肉亦都切到好薄，好嫩好滑，好快就食得啦。另外仲可以出去夾d蔬菜同丸!每次落完order 再叫牛, 雞同豚肉，都好快送到。 未漏過單。甜品有 乳酪雪糕 (有士多啤利味同原味)。…查看更多

平安夜緊係要食好啲啦！而我係一個牛控，平安夜又唔會同人迫，又唔想夜晚捱貴餐，就係下午呢個時候就同男朋友一齊黎到市中心，食牛摩呢間牛摩都食過幾次，只不過係無今日禁多人，同埋無今日禁豪氣食禁好，平時會簡特級牛肉，今日係平安夜就食好少少，選擇了極品牛小排 配上壽喜燒，由於我好鍾意沾生蛋，壽喜燒係會附上一隻生雞蛋！極品牛小排睇落雪花分布平均，有紋路，顔色鮮嫩！好期待牛肉好鮮，好有嚼勁。店內可以見到廚房員工係有order先用機片d牛肉出黎既，唔係事前冷藏切好既牛，抵讚。另外每次上牛，d牛都放得好整齊，唔會話堆埋一齊。放入鍋裡面滾20秒左右就可以食得，鮮嫩既牛肉加埋d湯汁，沾上蛋汁，豐富了口感，正。相反；牛舌用係打邊爐我個人確實一般，感覺好似同隻牛鍚鍚禁，雖然牛舌打邊爐食落有牛味，有咬口！味道唔會比牛小排遜色！而我男朋友就好鍾意既種感覺！佢大讚牛舌有咬口唔會入口即溶，仲有牛味，好特別，我同男朋友宦係第一次打邊爐係牛舌！醬汁呢度既醬汁種類都有唔少，可以比客人自行調配，而我只係鍾意沾生蛋，醬汁係欣賞有禁多種類，適合唔同人士既口味！配料配料以蔬菜類為主，提供了唔同種類既蔬菜，而且大多好新鮮，可以家下香港人愛肉之外都注重健康。丸類相對蔬菜類為少，不過選擇都唔少！冷盤有中華沙律、栗米、芝麻醬烏冬等，食物未黎到可以先食冷盤止下餓先都係一個唔錯既選擇！不過天氣凍我都係等要熱騰騰的食物還好，我怕食完冷盤會更寒冷甜品甜品有蛋糕、泡芙、乳酪雪糕、朱古力雪糕🍦等等女人係有第二個胃就係人都個架啦！泡芙細細粒禁真係可以食唔停口！仲有唔同既口味，要食落口先知架！甜品refill得好快！唔擔心食哂就無至於雪糕，有乳酪同朱古力選擇，仲有一啲配料係隔離比客人自助添加，唔好貪心喔！食得哂先好拎飲品都有好多供應心客人，有沙冰亦都有茶，當然唔會粉得汽水啦，我就會選擇茶類，一黎係熱飲岩哂凍天，同埋可以消除牛既油膩感！岩哂我我會推介食 特別牛肉 同 雞肉因為都可以滿足到一般牛控既胃口，當然大時大節可以食更高級啦！相係之前同朋友食既時候影的雞肉係我甚少打邊爐會食既野，但呢間牛摩既雞肉我會食，因為好濃雞味，就禁睇好簡單，好似無咩調味，但味道又有驚喜，肉質好嫩熟，又係我男朋友好食之一整體黎講，店內衛生都唔錯，食具都係乾淨；服務態度都好好，唔會係hea 應而且無任何態度唔好既情況出現，仲好細心只要見到地下有少少水積就封起果度提醒客人小心！唔錯我會繼續光顧呢間牛摩…查看更多

今次試吓牛摩屯門分店，原來質素比屯門市嘅牛X更勝一籌。價錢都算合理，尤其選擇午市時段90分鐘放題，時間完全充足。呢間牛摩都算多嘢食選擇, 尤其蔬菜特別多唔同種類選擇，又有多種丸類，甜品方面選擇唔多，不過都幾好味，最重要係有乳酪雪糕食飲品種類都有凍汽水，思樂冰，熱茶熱咖啡等等火鍋方面，最正係可以一人一爐，唔怕衛生問題，自己鍾意食乜就放乜落去馺今次叫咗中等價位嘅特級牛肉，牛肉色澤都好新鮮，脂肪比例唔太多，非常好食，只係比較薄，口感唔太滿足。第二碟牛肉，都保持到質素，唔會好似牛X鍋咁，叫貴牛肉時，第二碟一定唔係嗰個質素，所以呢間係值得推薦。連豬肉同雞肉都好好味真係俾10個讚發覺宜家屯門越來越多好嘢食…查看更多

由於稿件加入相片後一直都未完成，所以未能送出，但已足足遲咗幾個月…真不好意思，請見諒天氣突然轉冷降至十多喥左右另一半又提議火鍋找到附近屯門時代廣場牛摩… 2人枱很快已有位，由於前晚已吃過90分鐘放題有了經驗，一坐下…先取枱上的吉碟雖然湯底熱窩未上枱，也可先出去自助吧取食物以爭取時間！驟眼看…食物素材都幾新鮮，而且蔬菜種類也很多款式選擇現時放題食店多數都有這溫馨提示不要浪費食物 但我們坐下的時候…見到隔離枱剛埋單離場竟然滿枱未吃的食物看到連忙趕緊清潔檯面的服務員臉上的表情，眼望著要清理桌上將要浪費的食物都覺得有點兒誇張，實在是無奈！是兩大碟蔬菜丸類，腸仔等…全部未放入煲的食物但礙於衛生問題，我相信店員都一定要放棄及清理客人已取回枱上的食物想起這世界仍有很多想吃都沒有得吃的人，真的叫人心痛我倆都喜歡清湯底另一半選昆布清湯底最喜愛這店獨有的…蕃茄薯仔清湯底，其他同樣食店多數都是蕃茄濃湯底:(如果能加設芫茜皮蛋清湯底就更加perfect我們選擇了最基本的價目但送來的牛肉和豚肉都不錯啊當然是超勁薄切啦90分鐘時間很快已到但其實都會很飽！在這寒冷天氣裏有一餐溫飽晚餐都已經足夠了…查看更多

係屯門區打邊爐每次都只聯想到牛一，某日經過時代廣場個邊原來仲有間叫牛摩，仲有壽喜燒湯底添，所以個日火鍋引起就決定去試。牛摩的門面給小妹的感覺係幾特意，可愛的卡通LOGO都加了兩隻牛角，一睇就知以牛為主打。.呢間火鍋店主打一人一鍋，但有幾張檯係可以共享一鍋，我地選擇左後者 （我倆都係想食壽喜燒湯底）。不過一人一鍋就可以試多款湯底，又可以按自己喜好選擇湯底，自然彈性得多，而且價錢係一樣的啊。.90分鐘的任點任食火鍋分為四種肉類，由平至貴：精選牛肉、特級牛肉、極品澳洲和牛及日本霜降黑毛和牛，價錢由$99-$359不等，午市和晚市分段時間的價錢也會有不同。（另加一服務費，加時每30分鐘+$50/位）我們點了第二貴的極品澳洲和牛，7-9pm的時段，$289+10%。揀呢款牛肉仲包埋前兩款較便宜的牛肉。換句話說，即係可任食三款牛肉，豚肉、雞肉、帆立貝、藍青口、大海蝦和廣島蠔。.另外出面仲有自取火鍋配料，蔬菜，丸類、麵等，款式不多。.火鍋醬料吧；.出面仲有自助汽水機、沙冰和北海道低脂乳酪雪糕機；.熟食部分有數款壽司、白飯和咖哩汁等，當然小妹係唔會浪費胃口係呢度，梗係主打食牛肉！.餐廳有七款湯底可選擇：昆布清湯、長崎豬骨湯、熊本蕃茄濃湯、九州地獄湯、薯仔雜菜湯和壽喜燒湯 （跟雞蛋一隻），還有最新推出的溫室蘑菇清湯。我倆都係壽喜燒的超級粉絲，一到火鍋店見到有就會叫，今次都唔例外！.不過估唔到佢地既壽喜燒湯底同之前食開的味道咁唔同，一向食開都係甜甜地既，而呢一鍋聞落亦都有甜甜的味道。但放片牛肉落去，完全唔使沾醬已經好鹹，一點甜味都無！所以同店員反映後，換左一鍋新既黎，味道上係無咁鹹，但甜味同樣欠奉，完全唔似壽喜燒湯底，似普通豉油湯，不過算吧，無理由又換，只怪自己揀錯湯底吧。.極品澳洲和牛和牛切得好薄接近透光，同意留下的評價，幾片疊埋一齊食口感會好好多，脂肪比例小，入口肉質細嫩，咀嚼中滲出的牛肉味頗香，質素不錯。.豚肉的脂肪比例稍多點，食落有點嚼勁，肉味濃郁。.估唔到他們的海鮮質素都挺不錯，每樣的份量都不少，海蝦望落新鮮，蝦肉食落爽口；帆立貝都比出面的大，富咬口，估唔到廣島蠔都大隻，他食左都話幾鮮甜！就算之後再加單，質素都係相當不錯。.出面最多既都係丸類，蟹子丸、芝士丸，咖哩丸、龍蝦丸等等，如果鐘意食芝士，小妹大力推介呢款芝士魚腐，咬落去芝士半溶架，好食！埋單每位$318，價錢可以接受，牛肉豚肉和海鮮的水準其實都不錯，但始終火鍋的湯底都好緊要，所以今次只比OK面，希望壽喜燒湯底可以改善一下。…查看更多