牛一 (利舞臺廣場)

今晚，一家大細，有老有嫩，一行5人去左位於銅鑼灣利舞台17樓嘅牛一。牛一，由佢幾年前係銅鑼灣廣場地庫果陣，已經開始幫襯佢。到佢幾年前搬左嚟利舞台，再開到成行成市。唯一不變就係.....CP值爆燈！由於今日6:30左右就去到，所以好好彩唔洗等好快就有得入去。環境：暗暗地幾好氣氛，乾淨程度亦都算係唔話得。食物：今日叫左鮮茄龍蝦湯，丫，唔係，係鮮茄濃蝦湯先啱。牛肉，我地就選擇左極上美國牛肉（大人178，小朋友長者138）。如果喜歡食和牛，佢地個極上日本和牛真心推介。不過今日有老有嫩關係，怕佢地吃不消，都係叫返極上美國牛肉算。不過唔好睇少佢，啲牛肉唔肥，有紋理，好啱老人家小朋友食。豚肉，我真心另一個推介，厚薄啱啱好，唔肥，打邊爐一流。出面自己拎嘅火鍋配料有好多，丸類，菜類，麵類，豆腐類，重有乳酪蛋糕，汽水啤酒。如果你每一樣都拎少少入去試，一定好快就飽。不得不提係佢個日本和牛咖哩加白飯，雖然飽肚，但係我每一次去點都會整一碗細細地食下，試過你就知好野。小朋友最鍾意嘅芝士丸同腸仔。90分鐘嘅火鍋放題，去到最後既15分鐘，佢地會溫馨提示返你淨低15分鐘，你可以選擇加鐘，或者找數。到果陣，食多少少就去拎埋乳酪蛋糕，時間咁就啱啱好。10月31日前，星期一至四晚市，重有85折。正。…查看更多

與友人時代廣場看完了PET PET當家，差不多到晚飯時間，商量過日式放題和日式火煱之間......因為實在太掛念牛一的味道關係，所以我們放題了本來已訂座的日式放題，轉而到附近的牛一。時間尚早，人不算很多，不用等位就可以入座。先來了三盤牛肉和二盤豚肉，然後就是等這個友人推介的限定湯底：北海道淡忌廉粟米湯。不過這個湯底真係有樣奇怪，由上檯開始開盡火力，都煲了整整12分鐘有多才可以開始。我們也曾經懷疑過是個爐問題還是本身個湯底未夠滾就上檯。因為之前試過牛一好幾次，一般湯底都是6-8分鐘就可以開始。牛一的牛肉和豚肉向來都很有水準，味道是不錯的。而且refill很快，你一order幾乎兩分鐘內必要送上。兩個大男人可以吃過5盤牛和5盤豚肉大概已經回本。牛一另一有趣的地方，是他們每天的牛和豚肉的質素都略有不同，有時候豚肉比牛肉好食，有時是牛肉比豚肉好食。就算是同一天，refill的肉也會有些不同。至於外邊的自助區，材料都排得很整齊，一般的丸類，蔬菜都齊備。浪子推介以下必吃，金菇，自製金菇牛肉必玩。萵荀，口感清爽。蟲草花，比金菇還爽脆。與中式火煱相比，我想牛一的日式火煱最好的就是貴精不貴多的主力在於肉類。外邊自助區的我們一向都只吃一件起兩件止。但不好的，也許就是那90分鐘的時間，對於火煱來說真的不太足夠，尤其等這個爐已經用了約莫15分鐘。…查看更多