南大門

今次專登入南大門食海鮮，去到坐9號枱有位英姐話今晚我負責招呼你哋。因為自己拎咗兩支酒。一支係香檳，另一支係紅酒。英姐好快就準備好decanter。招呼非常好。一行四人，食咗加拿大象拔蚌刺身、阿拉斯加長腳蟹(兩食蟹身蟹蓋芝士焗伊麵底、蟹腳清蒸)、椒鹽瀨尿蝦、豉椒炒蟶子，再加個椒鹽鮮魷。飲飽食醉回味無窮。啲海鮮全部都做得好好，絕對冇投訴。現場環境舒適，海景也相當靚，值得一再光臨的餐廳。整個用餐體驗也相當好。…查看更多

🦀🦞🐟🐚海鮮大餐慶祝今餐全部加埋總數$3502四個人食 8樣菜式今餐都係去龍華海鮮買之前都坐過海景位，感受過呢個位置食住野望住個海，今餐坐普通枱8號檯，仲撞番上次服侍周到果位「英姐」每食完啲菜式，就換碟，基本上張檯唔會有好多野食放係到，英姐服務態度太好一定要比個手指公英姐真係無得頂今餐已經係第六次黎南大門食，野食質素無變到都係好好食環境好坐得舒服又乾淨，廚師加工技術都係保持到好好，值得再黎今餐既海鮮只有翡翠鮑魚係自己買，其他都係去龍華海鮮買🦞🐟🦀🦐No1,油鹽水花甲No2,豉椒炒蟶子No3,上湯龍蝦麵底No4,翡翠鮑魚No5,蒜蓉粉絲北寄貝No6,油杉斑No7,蒜蓉粉絲扇貝No8,油鹽焗奄仔蟹水果係海鮮店送的😚今餐好滿足🙆🏻…查看更多

今日經過鯉魚門，就即興去咗食海鮮～ 行到南大門見個景唔錯，就入咗去食我同媽咪兩個，晌出面嘅海鮮舖買咗4款海鮮，賣海鮮嘅叔叔，晌佢嘅舖頭簡單處理咗啲海鮮，就同我哋一齊行去南大門加工，去到南大門講俾佢哋聽，你想點煮就得～ 最後材料同加工費會一次過計好。入到餐廳感覺環境舒服，位置可以望到幾靚嘅海景，只可惜今日天氣不太好，下次等好天一定會再去另外，服務我哋嗰枱的女士，態度非常好，服務很周到，令我哋食得好開心，自然就更能享受美食啦～ 讚…查看更多

久違既海鮮 去左老豆鐘意食既南大門 當日坐左係17號枱 直接對住個海景 風景非常靚.不得不講既係 裝潢靚既同時 侍應都好好人 食海鮮一定遇到既成碟殼 娟姐一見到就會幫我地換碟 都唔洗我地叫人幫手換 首先上枱既係生蠔 非常新鮮/惹味 可以同侍應講要啲辣椒仔 加1、2滴再食就一流第二碟就係南瓜汁龍蝦炆米 南瓜汁配上新鮮既龍蝦 仲有脆口米粉 非常好食第三碟就係豉汁粉絲蒸北寄貝 北寄貝超大隻 食之前 淋返啲豉汁上面再食 紮實既口感加上豉汁 正第四碟係豉椒炒蟶子 呢碟十分惹味 煙韌既蟶子搭上香口既豉椒 搭配一流第五碟係炸鮑魚 成個鮑魚最為畫龍點睛既點就係上面既椒鹽 又香又脆 再配埋紮實既鮑魚 冇得彈第6碟係海鮮湯 魚同蜆一齊煲 因為落左豆腐 仲有點豆香味 食完咁多海鮮後再飲 令到個湯十分香甜最後就到蒸魚 蒸魚就冇咩好講啦 同咁多海鮮相比 就難免有啲失色 但係作為最後一碟 佢成功填滿我地胃最後既一絲絲位置…查看更多

系外面選好海鮮就行過去喇🦞🐙🐟平日未夠6點鐘walk in黎，有窗口位坐✌🏻皮蛋酸薑酸薑沾d糖，再放個皮蛋系面，一啖食落去，超級好味🔥🔥 皮蛋仲有d溏心👍🏻豉椒炒蟶子超肥美既聖子王，啖啖肉，又爽又嫩，系偏咸左dd蒜蓉粉絲蒸扇貝呢個味道普通，雖然有一大pat蒜蓉，但香氣差d椒鹽鮑魚成隻鮑魚包左一層薄粉落去炸，食落小小酥脆又香口椒鹽瀨尿蝦幾野味😋啖啖肉油焗奄仔蟹超級好味🔥🔥🔥 蟹膏香濃，蟹肉都好甜👍🏻…查看更多

好耐冇食過海鮮，又好似未試過晏晝食海鮮做lunch，今日就試吓。呢度要行到最入，不過環境幾好又夠寬敞。店員話佢哋最頂層有露天座位，不過今日未ready，其實望住個海景食真係好正！聽店員介紹，去咗隔離一間海鮮檔買材料豉椒炒蟶子勁入味，唔太鹹，口感好爽一啲都唔靭椒鹽瀨尿蝦有成隻筷子咁長，輕輕用刀叉已經切得開，入面有超膏，非常好味！白灼花螺就算乜野醬都唔點已經好有鮮味豉油皇大蝦非常厚肉，蝦味濃郁，蝦頭有好多膏粉絲蒸貴妃蚌開心到想喊，因為有激多粉絲及蒜蓉，貴妃蚌肉厚彈牙陳皮蒸南非鮑魚海鮮檔話如果係果皮蒸的話，用南非鮑係最好嘅！果皮味好香，口感軟綿唔韌海鮮豆腐湯食海鮮點可以冇海鮮豆腐湯㗎呢？！飯後有芒果及木瓜，感覺好健康！服務態度一流有禮，望住個靚景食心情更加開朗…查看更多

今日同朋友去三家村影相，咁近鯉魚門，當然來個海鮮LUNCH ，朋友介紹去一間有無敵海景嘅酒樓，雖然要行到最入，但係係好值得嘅，而且樓底仲好高，地方好寬敞。間餐廳仲有兩層，樓上仲有好幾間廳房，多人嘅可以考慮，最特別嘅係佢仲有露天嘅地方，天氣涼涼哋嘅時間，坐呢到，望住無敵海景，一流行去餐廳前，先去買海鮮，分別買咗蟶子、瀨尿蝦、花螺、大蝦、貴妃蚌同南非鮑魚豉椒炒蟶子蟶子加入豆豉同三色椒，炒得好香，蟶子好入味，又不會好鹹，仲好爽口唔靭椒鹽瀨尿蝦巨型嘅瀨尿蝦，有筷子咁長，好厚肉，仲有好多膏又又長，椒鹽煮，好惹味白灼花螺清甜爽口又乾淨豉油皇大蝦好大隻，又厚肉，蝦味濃，蝦頭仲有好多膏粉絲蒸貴妃蚌好多粉絲，好多蒜蓉，咁當然要叫個白飯，貴妃蚌入味，又爽口彈牙陳皮蒸南非鮑魚好香嘅果皮味，蒸得恰度好處，好淋，仲好入味最後來一碗海鮮豆腐湯，仲有原隻木瓜配芒果做甜品，大滿足…查看更多

久違了的鯉魚門，這天選了到南大門午膳。鄰近海鮮檔早已派員在餐廳門口徘徊，積極向我們推介海鮮。起初我們以為禮貌上應該優先讓南大門（作為星級海鮮酒家）提供海鮮食材，但餐廳員工卻表示他們沒有海鮮供應，只提供烹調加工服務，人客需要外購海鮮食材。菜牌上只有小菜、粉麵飯、飲品等。於是我們隨海鮮檔人員外出自行選購海鮮，最終買了南非鮑魚 （清蒸）、賴尿蝦（椒鹽）、東星斑 （清蒸）和蟶子（豉椒炒）。海鮮檔主表示會將海鮮直接送到餐廳處理。除了上述海鮮外，我們還從菜牌點了兩個小食：脆皮牛腩、椒鹽茄子和清炒菜心。令人摸不著頭腦的是，最先上桌的竟然是最濃味的椒鹽賴尿蝦，蝦肉明顯過火，肉質略嫌乾且實，幸好鑊氣搭夠。緊隨着賴尿蝦的是豉椒炒蟶子，這次炒蟶子時間倒掌握得不錯，獻汁可以薄一點更佳。 之後兩道清蒸的海鮮 （東星斑和南非鮑魚）才出場，雖然用清茶清過味蕾，還是覺得廚房應在食物由淡至濃上桌的程序上多加留意，以免糟蹋了優質食材。東星斑和鮑魚都蒸得恰度好處，是整頓飯的焦點。正當我們想追加一碟炒飯時，換碟姐姐建議我們點白飯，海魚的精華都去了蒸魚豉油中，拌白飯一流。態度真誠專業，贊！最後上桌的是兩度小食脆皮牛腩 （其實是酥炸鹵水牛肉）、椒鹽茄子和清炒菜心。其實此時大家都已經身心滿足，不過還是清了碟，包括海鮮檔隨後送來的西瓜。關於代客烹調加工費用，南大門的餐牌上的確有清楚列明，並強調餐廳沒有跟任何海鮮檔聯營（大概是想強調一切買賣海鮮瓜葛，與餐廳無關）。用膳完畢，結帳，我瞄了一下賬單（冇錯吖，全都是我們點的食物，“海鮮代支”價也正確無誤……），by default  我將賬單拍照留念（賬單如圖），然後 “照單全付”，大家吃得開心滿意就行了，走得！之後跟友人談及這頓飯，友人正計劃帶外國朋友前往，問我收費詳情，我義不容辭提供賬單作參考。友人的whatsapp 回應只有兩個表情符號：驚訝和爆笑！！ “海鮮代支”字面上是餐廳代客人向海鮮檔 “找數”，但實情是客人自行去海鮮檔選購，然後餐廳代海鮮檔向客人收款，這個 “代收貨款”安排嚴格上是餐廳與海鮮檔之間的協議，不涉及餐廳向客人提供的餐飲服務範疇，因此將海鮮材料價也列入收取加一服務費的範圍是不適當的。當然在特殊情況下，例如客人委託餐廳員工出去海鮮檔代其搜購海鮮，則可能有充分理據收取服務費。也許從餐廳的立場來看，代支又好，代收又好，餐廳方面提供一條龍結帳服務喎，真係做多咗嘢（會計部都要入賬支帳啫）……..當然消費這回事，沒有抵唔抵，合唔合理，始終都是一個原則：你情我願。其實南大門在這方面手法可以做得更高層次，例如明確表明“本店替客人代支外購食材，一律按代支價收取加一服務費”。充分披露向來是一個最有效的擋箭牌！對熟客作出豁免是另一回事。人人都想做精明的消費者，卻未必人人做到；但即使花得不精明，也要花得甘心。以上意見純出於善意，希望南大門既然在地裡上佔優，也能夠在營商風格上令消費者心悅誠服。…查看更多

老婆親戚到訪，想帶佢地品嚐香港地道海鮮，就唸起鯉魚門呢個專食海鮮嘅地方。我之前都食過幾間鯉魚門的海鮮店，唯獨是未有去過南大門，於是早幾日打去留位，聽聞window seat 都係一大賣點，識坐梗係坐近window 啦！我地訂左7點，親友在7月前已到酒樓並已安排入席，由於我當天要打波，所以錯過了挑選海鮮的時間 (不過咁仲可能會帶給我一點驚喜)。講講環境，酒樓的落地玻璃讓我們可以飽濫香港東的無敵大海景，當日我地仲欣賞到日落前的美景！第一道菜是龍蝦刺身，第一啖咬落口，一個字可形容‘爽’! 新鮮龍蝦蝦肉結實，有口感，至於係邊間買既？我要問下親戚先（你地有興趣可ＰＭ我）。。跟住上桌嘅係椒鹽瀨尿蝦，切好的瀨尿蝦上碟放得齊齊整整，是大廚用心制作，實屬難得。大大隻瀨尿蝦配上椒鹽真係冇得輸嘅，入面嘅蝦膏好甜美，雖然女士們一般都好介意炸嘢，但見到咁新鮮嘅椒鹽瀨尿蝦，都不得不吃了。　炸嘢梗係有Ｄ油，我接受到嘅，瀨尿蝦肉質鮮嫩，蒜味加鹽度適中，尚算乾身。吃完椒鹽瀨尿蝦，再來的是蒜蓉粉絲蒸扇貝，扇貝加上平凡的粉絲就變得不平凡了。扇貝已去了多餘的內臟、裙邊等，基本上拿上手不用看就可以吃了，唯獨蒜蓉量有點不足，粉絲好像沒吸透扇貝汁，或多或少都扣了些分數。唔好俾佢停，再來的是清蒸軟殼黃油蟹，蟹肉鮮甜，就係’蒸’先能食到黃油蟹嘅精髓，膏黃肉厚，這些黃油蟹應該有季節性，今次不吃，就可能要等下年了。花了十分鐘KO左黃油蟹，就到豉椒炒蟶子上場，這道豉椒炒蟶子皇，味道非常香濃惹味，蟶子啖啖都係肉，而沒有半粒沙，加了一點的辛辣，至為惹味，實為海鮮之佳品，可試！炒花甲是檔主送的，一樣沒有半點沙，不過不失吧！清蒸斑仔，蒸的火候剛好，魚肉嫩滑，配以醬油，的確鮮甜！我們也叫了一道時菜及炒面，炒面不油，量略少，多人吃可能要加底！最后有一道小風波，話說龍蝦頭及某部位用來煲弼，我們催了超過半個鐘，都沒人跟進或者’hea’住處理，最後等了４５分鐘才上桌，這是當晚唯一美中不足的地方。…查看更多

我們一大班弟兄姐妹好友們，週日黃昏來到鯉魚門的無敵海景之"南大門"海鮮，南大門的座位和環境都很舒服，菜色很好，色香味美～～邊嚐美酒佳餚，邊觀賞來往的大郵輪，食得非常高興， 盡享醉人的維港夜景，回味無窮... …查看更多