呢個位置前身係聯邦酒樓以前都成日幫襯因為啲點心唔錯海港薈開咗之後，成日都見到好多人等位適逢星期六同屋企人諗住喺青衣城飲茶都係等十張枱，所以決定試吓係咪咁值得等位正價茶錢$17一位，價錢中規中矩剔緊點心紙嘅時候，阿姐話：「流沙包無、金錢肚無、蟹肉鳳尾餃無」我哋正正剔咗流沙包同鳳尾餃，即刻有啲失望最後叫咗六個點心1️⃣蘿蔔千絲酥一上枱又係失望🫣🫣因為同我以前食開嘅蘿蔔千絲酥爭好遠食開嘅蘿蔔千絲酥層酥皮係一層層好分明而且係細細隻，望落唔會有好油嘅感覺但呢度嘅蘿蔔千絲酥好明顯用現成一層酥皮求其包住啲蘿蔔炸比你食入面嘅蘿蔔亦都唔係絲，係一舊舊唔幼細內餡空虛，唔似得以前食過好飽滿嘅蘿蔔絲食完覺得浪費卡路里🌝2️⃣西班牙黑毛豬叉燒腸呢個叉燒腸就正正常常，叉燒份量都多不過叉燒腸入面有包埋芫茜，比較少見多數牛肉腸先會包，好彩我係鐘意芫茜如果憎芫茜嘅人應該會比佢伏咗而且略嫌啲腸粉唔係好夠熱3️⃣蟲草花野菌餃餃皮好晶凝通透，但略為厚咗啲餡料都好飽滿，入面嘅菇味好濃我個人唔係太鐘意食呢隻餃皮因為好似無味嘅一堆澱粉可能襯返傳統蝦餃皮或餃子皮會夾啲4️⃣上海小籠包小籠包皮都係偏厚，好彩湯汁都Keep到醋就唔太正中，用咗浙醋同其他小籠包出名嘅餐廳真係無得比5️⃣中山甜薄罉呢款點心唔係成日見，所以想試吓除咗表面鋪滿椰絲花生，入面都有包住不過係又有太厚嘅問題🫠雖然話「薄罉」但係一啲都唔薄，明顯見工師傅無心機整薄6️⃣椒鹽九肚魚最後呢個椒鹽九肚魚，算係成餐飯最好食椒鹽香口，九肚魚炸到脆脆炸粉雖然唔算薄但還可接受總結💭💭見樓下東X唔駛排隊，啲人都要喺呢度等位以為啲嘢好好食，但點知今次叫嘅都一般般搞到我好掛住以前聯邦🥹🥹…查看更多
