飛陽砂鍋粥潮州打冷小廚

椒鹽爆三式，包括有鮮魷，九肚魚同埋腰果，九肚魚同鮮魷都鬆脆，唔錯，而腰果少少咸味，正蠔餅，個面脆卜卜，而蠔肉好新鮮同飽滿，非常好食豉椒鵝腸，好似細細碟，但食極都仲有，個碟好似一個黑洞咁，盛裝左數之不盡嘅鵝腸滷水雜併，就咁睇好似得幾塊紅腸，但內裡有好多好多塊紅腸，正，d鵝腸都係一樣食極都唔完，仲有其他腎，大腸等都好好食5個人食呢煲羊腩煲，佢d羊腩都煮到淋晒，又係食極都唔完嘅羊腩，支竹同馬蹄都夠食，d汁撈飯簡直一流…查看更多

💛 飛陽砂鍋粥潮州小廚 💛..............................當日本身約左朋友去佐敦食「紅伶飯店」可惜我呢個門釘人又摸門釘 原來老闆娘病左希望老闆娘快啲好返 好人一世平安💛.我條打冷癮出咗嚟啦 唯有即刻開個和你Eat睇睇黃嘅打冷得幾間 最後就決定直入元朗啦！舖入面油煙都幾大 最後忍唔住調咗去出面坐😣..............................～ 鵝肉 $80.肥瘦適中 唔會太油膩 但又有鵝嘅油香皮下帶丁點肥油 鵝肉好鬼嫩滑😍滷水汁非常出色 食到微微花椒八角味滷到超入味 會令人回想起嘅一碟鵝肉🦢但略嫌切太薄 加上鵝肉會連骨 食落無咁爽我嗰碟入面有一塊無骨又厚啲嘅鵝肉 哇_ 好正我諗我下次嚟會叫返鵝片 應該會好食啲🤤.～魚香茄子煲 $75.呢個就好夠重口味啦💛我都幾滿意！鹹魚味都幾重 惹味到不得了 撈飯一流😍茄子唔會煮到爛晒腍晒 仲有啲爽爽口感唯一要批評嘅地方係唔係好夠鑊氣 冇咋咋聲🙁.👏🏻：7/10（呢兩樣嘢）.～蠔餅 $65.蠔餅上枱哇左一聲 因為份量好多 有兩大塊不過睇真啲就有啲失望啦 中間太厚啦😔邊邊位係好好食 味道都好 又夠脆但一食到中間就好似食緊pancake咁🥞好腍又食到粉漿陣味 所以我地食淨左中間啲位有少量蠔殼 但情況唔算嚴重 蠔都唔算腥既🦪.～ 椒鹽九肚魚 $85.九肚魚就無咁高質啦 炸皮唔厚但唔夠脆而且椒鹽味道唔夠 打冷嚟講就有啲失望😖變左茶記小菜嘅質素 簡單嚟講唔夠鑊氣同重口味唯一可取之處係大細啱啱好 一啖一嚿但唔係好推薦大家叫呢個餸食😣😣.～馬拉盞白菜仔 $75.呢個簡直係我地不智先會咁叫😂因為呢日無通菜 又想食馬拉盞炒嘅菜陣味完全唔夾 大家真係唔好勉強啦！同埋唔知點解有陣臭豆腐味😣麻麻地姐可能係我地配搭嘅問題啦 總知大家唔好咁叫🤧.👏🏻：5/10（呢三樣嘢..............................🎈 飛陽砂鍋粥潮州打冷小廚 (元朗)元朗鳳攸南街3號好順景大廈地下8號舖..............................#CREATINGHK黃店 #CREATINGHK元朗…查看更多

打冷就食得多, 好味打冷更加唔好錯過, 今日講既就係飛陽砂鍋粥潮州打冷小廚餐廳就腳, 元朗西鐵站行5-10分鐘就到,雖然舖頭無一般打冷鋪咁大, 但麻雀雖小五臟倶全重點緊係食物啦, 一般黎講食物都幾大碟, 價錢只係普通價錢, 抵到爛由於叫得太多, 所以揀d黎講啦蠔餅: 蠔仔大大隻, 一般打冷食既只係好細既蠔, 同埋炸得好脆口, 正! 成份蠔餅都好巨型大雜: 真係好大兜, 食物幾入味, 墨魚都好林, 唔似其他食肆咁硬柴柴. 仲有豬腩肉係入面! 第一次見, 無得彈! 其他例如鵝腸, 老蛋等等應有盡有, 足料之選!爽滑魚皮: 辣辣地, 就算唔太食得辣既都無問題! 魚皮爽口, 加埋少少辣汁更加惹味, $50蚊都唔洗. 最緊要係其他舖頭好少有, 必食!!!…查看更多