香港大學校友會

因為裝修後很久沒來了，又掛念這裏懷舊中菜的味道，尤其蝦多士，所以訂了枱。但很失望，這裏的蝦多士，蝦變小了，也完全沒有鮮味。椒鹽鮮魷的炸漿太厚，而且魷魚很細小。脆皮牛腩的炸漿太厚粉。預訂了鹽焗脆皮雞，但這只是一隻普通炸子雞，完全吃不到鹽焗雞的味道。整個晚飯最正常是這一味啫啫唐生菜。濃海鮮脆米泡飯裏面只有蝦，完全沒有其他海鮮，而且湯底好像是加了鮮奶做出的湯。…查看更多

好多年前讀港大，冇諗過最大嘅得着，係做咗香港大學嘅校友，就可以喺呢度訂枱食飯！好好味，超好味，勁好味！蝦多士一定要試！鹽焗雞要預訂都一定要食！從來冇聽過人話呢兩樣嘢唔好味。其他嘢好似肉餅，蒸魚，豬肺湯，等等全部都好好味。餐廳地點好就腳。今日食得好開心。感恩！This is one of the best places for Chinese food in the Central area - all dishes are authentic and absolutely gorgeous! Grateful for the night ❤️…查看更多

我地今晚9個人book左間廂房, 相對出面會有多d私人空間, 講野都會自在d, 不過呢度廂房應該唔太多, 所以要廂房就要預先book, 同埋都唔易book。對於呢1餐我都抱有好大期待, 可能因為咁就期望越大失望越大。蝦多士 - 呢個係全晚我覺得最出色gei菜, 好鬆脆好夠味, 第1碟菜食呢個會更加加大期望杏汁豬肺湯 - 我認真覺得普通, 以某附近餐廳最出名gei 1個菜比較之下就比唔上, 不過佢好足料gei~翡翠生魚卷 - 純粹口感特別, 魚都唔腥但味道1般江南百花雞 - 第1次食, 我都係鍾意食真gei雞, 所以純粹個人感覺, 唔太喜歡紅燒元蹄 - 出到黎d肉好碎濕濕, 同埋d肉有d嚡八寶鴨 - 相對元蹄好, 但都只屬一般貨式杞子桂花桃膠羹 - 味道適中, 唔太甜, 呢個都算幾好總括以言, 以呢個價真心覺得唔抵食, 試1次體驗下就算…查看更多

肺炎這麼嚴重 真的要補補肺同事提議去香港大學學生會的餐廳就去吧很舒適的環境 超方便的地點單叫比較唔知點 叫套餐就簡單一點加錢要杏汁燉豬肺湯真係好好飲當中蝦多士是這裡名菜係油d不過道菜本身係這樣才好食的每人二百令蚊落樓齋坐都抵…查看更多

除咗要預先訂位，仲要訂埋食嘅食物因為鹽焗雞真係好好食😋但係冇得即時叫好彩早一日已經book咗今次叫咗鹽焗雞、蝦多士、椒鹽牛柳、黑松露蛋白炒飯、咕嚕肉、葡汁雜菜煲、桃膠糖水除咗鹽焗雞好出色之外其他都不過不失，蝦多士係幾好椒鹽牛柳（有少少過鹹）、咕嚕肉（同外面嗰啲唔同，冇咩汁，口感係幾趣，但係又唔覺得好出色）同埋炒飯就一般葡汁雜菜煲有少少唔係好靚，都係一般下次食糖水應該早一日訂個紅酒雪梨所以總結下次都係全部嗌訂嗰啲，應該會好食啲…查看更多

一行三人，訂枱嗰陣預訂埋煎釀鯪魚。原本想訂埋紅酒燉梨但無貨。豬肺湯成日心思思想飲，屋企煮太麻煩，出面又無咩地方有得飲。朋友成日話唔覺得有咩特別好飲，但勝在呢度有得飲，味道正常。蝦多士麵包脆口，少油但唔勁，食一兩件ok。煎釀鯪魚跟大家comments加左孖腸粒，魚皮脆口，鯪魚球款式嘅鯪魚肉加新鮮魚肉加臘腸潤腸粒。3個人食其實幾飽下，加左孖腸粒香同埋無咁寡。松露蛋白炒飯正常嘢。糖水方面，我屋企平時飲嘢少糖無糖開，對我地嚟講杏仁茶有啲甜但ok，但核桃露就太甜。埋單91x, 中餐嚟講我覺得唔平，但可以食啲出面無乜得食嘅嘢，而且餐廳人少安靜又唔趕人，靜靜地食嘢傾下計幾好。…查看更多

平日嘅晚上, 一家人去食飯, 有老人家嘅關係, 所以都係食中菜。但係又唔想去普通酒樓, 咁岩有人係大學校友, 所以就 book 呢度啦！餐廳係正中環市中心所以好方便, 入到去可能平日, 而且 member only, 所以好少人而且夠靜岩晒傾計上菜速度好快, 不過員工嘅服務同同客講野嘅態度有待改善先上個杏汁豬肺湯, 好香杏汁味, 而且非常足料好多豬肺咕嚕肉都 ok, 不過不失蝦多士有驚喜好好食, 下面塊多士好鬆軟, 隻蝦又夠大隻仲有瑤柱肉碎蒸蛋蒸得好好食陳皮蒸肉餅都好好食啊最後每人叫左個甜品, 我叫左個合桃露, 味道甜左 D, 不過都有好香合桃味, 而且磨得好滑…查看更多

有一晚係某餐廳到食左一個咕嚕肉，唔脆又酸，大家即時諗起港大校又會既咕嚕肉，杏汁白肺湯，椒鹽鮮魷....我地坐係一間餐廳食緊飯，竟然諗起第二間餐廳既餸，好笑😂！ 於是一星期後，我地就黎左港大校友會食晚飯，訂枱既時候通常都會問你訂唔訂埋餸？例如:鹽焗雞，荷葉......呢d都要預訂，不過不得不提，有位男士係電話既態度真係極差，每次打去訂菜，佢都好趕住收線咁，要咩啊，點啊？點啊？點啊？仲有呢⋯⋯？唔止一次係咁，其他人都有講過話佢勁無禮貌，你講一句，佢就答你點啊，點啊........做服務性行業，係咪最少都應該要有基本既禮貌呢？今次叫左蝦多士，椒鹽鮮魷，桂花炒魚肚，子薑咕嚕肉，全部都好正😋…查看更多

是日姨媽生日，表姐們話今晚食呢間，話呢度只招待hku學生會會員，我地都係痴住表姐係hku舊生先可以入去食咋，對於[只招待會員]幾個字，唔多唔少都會有少少期望。由於包左兩張枱的關係，我地可以有間房，靜靜地食飯。推介以下幾道:菜膽杏汁豬肺湯，湯較清，飲唔到杏汁味，我以為係普通豬肺菜乾湯，而且豬肺切到一粒粒，唔食都唔知係豬肺，不過個湯都幾好飲，感覺會好潤，所以我都飲左兩碗。蝦多士，都幾好食不會太油，蝦原隻上，彈牙，好味。有一道成碟係蛋白，下面有好多脆脆炸粉絲，蛋白好滑，連脆脆食好正。整體上食物無乜驚喜，順帶一提係服務都麻麻，所以應該係無下次㗎喇。…查看更多

新正頭大年初七人日仍是人人生日，傳說女媧創造蒼生，順序造出了雞狗豬羊牛馬等動物，並於第七天造出人來，故此初七為人的生日。初一為雞的生日，初二為狗的生日，初三為豬的生日，初四為羊的生日，初五為牛的生日，初六為馬的生日，初七為人的生日，初八為穀的生日，初九為天的生日，初十為地的生日。初七的晚上Stella與家人慶生，在香港大學校友會吃頓簡單家常便飯。先來個小吃鳳尾蝦多士$80，大蝦爽口方包炸得香脆，又夾雜了金華火腿的鹹香和芫茜香，吃得淡口味道啱啱好，不然，沾少少淮鹽挺美味！菜膽杏汁白肺湯$130（四位），奶白濃湯濃郁可口，杏香較薄。椒鹽炒鮮魷$100，鮮魷上枱香氣四溢，份量略小，油膩令菜餚失色不少！生炒排骨$110，可取是甜酸醬汁將排骨剛剛好包裹著，宛如穿上裁剪合身的旗袍，看得令人舒服！排骨外皮微微帶香酥，肉質內軟。竹笙燴羅漢齋$110，喜歡竹笙的我，却吃不到竹笙？？？羅漢齋嫌那薄薄玻璃獻汁，吃的感覺沒有家常小菜風味。椒鹽脆豆腐$90，很失敗的不脆豆腐，還有倒汗水！！！肉絲炒麵$90，有別一般烹調方式，扁麵身煮得軟身像湯麵加個玻璃獻汁，夾起麵有少許爛爛的樣子，如果喜歡炸過麵的肉絲炒麵，這家的造法一定令你很失望！絲苗白飯$12蛋白杏仁露$120（一窩）很有杏香，杏仁露質感濃郁、美味！名茶$8位，加一小費。校友指定信用咭-5% 總計938.7…查看更多

是日合共9位朋友響附近開會後一齊嚟食飯，由於有位朋友係港大校友，所以我哋可以嚟食飯。呢度價錢合理，所以好彩該校友早幾日已經book定檯，否則肯定無位。杏汁白肺湯 : 非常足料，杏仁味濃郁，白肺乾淨，份量足，一窩可以分成9碗。蝦多士 : 而家得番好少地方做呢度菜，蝦膠新鮮彈牙，即炸熱辣辣，火喉剛剛好，食一嚿真係唔夠喉。粉絲雜菜煲 : 一般般，下次可以改點其他菜。南乳齋煲 : 腐皮超多，南乳味不太濃，一般水準。古法鹽焗雞 : 用上新鮮雞，附上好耐都未食過嘅新鮮雞內臟，諗唔到雞內臟最受歡迎，好快就俾大家食晒。鹽焗雞雞味香濃，鹽焗時間剛好，雞肉剛熟而不會韌。子蘿咕嚕肉 : 通常外面食到的都是菠蘿咕嚕肉，但係呢度就有子薑菠蘿咕嚕肉，而家子薑當做，所以很嫩而無渣，咕嚕肉皮脆肉鬆，可以説是我食過最好食的，強烈建議大家必叫。果皮蒸肉餅 : 果皮香味帶出豬肉鮮味，與坊間行貨之作有所不同，送飯佳品。蝦子柚皮 : 蝦子味淡，未能使柚皮上味，所以味道不夠。子薑雞球 : 由於之前的子蘿咕嚕肉好食，所以我哋再叫一道子薑菜式，但是此菜式只可以説是不過不失，沒有驚喜，所以沒法和子蘿咕嚕肉相比。…查看更多

被同事笑「封」為「食后"二"」(另有一位「食后"一"」),是夜皆「食仙」及幾位「食神」,假港大同學會吃「團年飯」!眾食友點了以下佳餚:1. 杏汁白肺湯: 杏汁不太濃、幼滑,豬肺滑,陳皮絲正!食材各味道層次分明,誰也搶不了誰,讚!2. 桂花炒魚肚: 一定要趁熱食,才可吃到蛋香、芽菜爽,放涼就沒胃口了!3. 腊味炒芥蘭: 一般酒家水準,唯油膩了一點!4. 生炒咕嚕肉: 肉鬆化、酸甜度剛好,好味!5. 荷葉飯: 足料,但嗅不到荷香味,少少遺憾!6. 鹽焗雞: 有雞味,但有點「老火」,沒有那「驚為天人」的感覺…我懷念別家的「荷香焗雞」…該死! 如要如此比較,真的要不得!7. 蝦多士: 賣相靚,蝦膠又彈又多,正! 如果少啲油更好! 她們可以考慮放一「靚仔吸油紙」同上菜,那可解決港人一般的飲食要求!是晚出品水準為一般,且「碟頭」頗細件…但咱們開懷大笑,為這個飯局添上不平凡,這才是「真正飯局」的精粹!…查看更多

聽講呢度既小菜唔錯, 咁岩有朋友生日, 又有港大校友同行, 就黎呢度試下啦~地點好就腳, 不過入面既裝修比較舊, 可能因為用上了黃色既光管啦. 侍應人手足夠, 唔會話叫極都冇人應, 不過就比較少笑容, 或許中式酒家既傳統就係咁樣.黎呢度梗係要試下其中一款"名物", 杏汁白肺湯. 飲落都幾真材實料, 但略嫌杏仁味太搶, 反而嚐不到其他味, 而且豬肺都"啤水"啤得唔乾淨, 食落有D腥.另一樣"名物"就係蝦多士, 呢度又做得幾好, 剛剛炸起就上桌, 而且夠乾身, 食落唔係太油, 唔錯~ 椒鹽鮮魷都幾好, 鮮魷幾新鮮, 熱辣辣再加上濃味椒鹽, 好難唔好食.咕嚕肉就一般, 炸粉厚左D, 而且好油, 食左少少就唔想食; 不過, 一齊炒既子薑就幾嫩幾好食~因為天氣涷, 揀左個"麻甩"煲食下~ 本來呢個煲既材料都幾好, 鱔球夠大, 又有蘿蔔冬菇一齊炆, 不過可惜太太太油! 食完個胃好辛苦~荷葉飯就不過不失啦, 幾多料既, 不過冇咩味~可能有期望d野會幾好食, 但整體表現不過不失而已, 或許再試埋其他名物, 會有驚喜吧?…查看更多

說來這裡來了近一年也未來到，是日終於下起決心來了，為的就是幫我的大佬慶祝又大一歲啦~ 早幾日打來訂位，有些招牌菜要預訂，由於我們人不多所以只預訂了一隻鹽焗雞~ 未齊人但我們也先上來了，訂了位當然立即有位置坐啦，整晚也幾乎滿座的，看來這裡真的挺受歡迎呢~ 我們還在這裡遇見到我們的師兄... 果然是校友會。XD由於其中一位麻煩朋友(?)在未齊人時不停叫肚餓，為滿足她的口腹之慾，我們就先叫了 4 件蝦多士啦。說時遲那時快，眨眼這四件多士就來到了。蝦多士望落 + 食落感覺幾乾身，唔覺油膩喎~ 多士咬落香脆，蝦唔算好大隻，但食落都算爽口的，香口又好味。食完蝦多士之後終於齊人，大圍食飯當然一人叫一個自己喜愛既菜色啦~ 首先有金粟魚肚羹，無叫豬肺湯就係因為朋友堅持想叫呢個。不過這個都非常不錯，店員幫我地盛好平均分配，飲落夠熱，而且好稠身，一點也不會太稀~ 而且很足料，非常多粟米和魚肚，味道清甜又有口感，飲完好滿足~另外叫左荔茸香酥鴨，這個給我的感覺和蝦多士一樣，覺得不太油膩呢。咬落香口鬆化，不過個人覺得沒什麼芋頭的香味，而且鴨肉味道亦不太突出，所以這個比較一般。配合時節既菜式還有腊味炒芥蘭，份量偏細，不過我鍾意芥蘭夠爽口，而且亦清甜~ 腊味由於我前一日先吃過，所以沒怎麼吃了，但賣相就比較一般，感覺不太夠油香呢。之後就是預訂的鹽焗雞啦，這個菜色大家也很滿意呢。大家一吃下去已說雞肉很嫩滑，而且一點也不會太肥。皮層很薄但焗得香脆，食落鹹度亦適中，不過稍為差了一點雞肉的鮮味就是了~還有咸蛋蒸肉餅，基本上這些味道是不會太難吃的。肉餅質感夠實淨，不過感覺沒什麼肥豬肉食落不太夠香就是了，而且味道偏淡呢，但要來送飯還是受歡迎的。整晚實在叫了很多肉，我也不知為何，除了以上外還有一碟中式牛柳~ 中式牛柳算是我很喜歡的菜色之一，喜歡它酸酸的很開胃，這裡的亦弄得不錯。牛柳夠腍身一點也不韌，肉味亦不差，加上墊底的洋蔥鮮甜又爽口，這個不錯呢。最後就有火腩大鱔煲，開初以為不受歡迎原來大家都幾喜歡吃的。大鱔雖不太肥美，但就幾鮮味而且好香果皮味，除左火腩外，仲有好多配料如冬菇蘿蔔等，我食左好多蘿蔔，因為好鮮甜又無渣，朋友還覺得這個的汁很惹味用來撈飯呢~沒叫甜品因為預備了生日蛋糕，這裡切餅費也不收，實在非常好~ 不過它不收我的原因其實是因為真的要我們自己分的，他們只是幫我將個蛋糕放進他們的雪櫃罷了... 哈~ 是晚大家也吃得很滿足，用HKUAA既東亞卡還有 95 折，食物不差而且價錢不貴，算是聚會的一個好地方。大佬大佬，祝你生日大快樂啦!!! =))))…查看更多

因中秋節，故全部門的十位同事一同吃團圓飯。早已訂枱及餸菜，所以去到便可以上菜。杏汁白肺湯：湯是十分香濃而滋潤。由於我不喜歡吃內臟，所以只吃了兩啖豬肺。雖然不喜歡它的質感，不過感到它應該是很新鮮的。蝦多士：每件都是均勻的金黃色，炸得非常漂亮，而且十分香脆。北菇紅燒豆腐：材料有炸豆腐、冬菇、紅蘿蔔片、菜心，蠔油汁的味道，整體OK。竹笙燴羅漢齋：材料豐富，有竹笙、冬菇、蘑菇、粟米芯、筍、紅蘿蔔片、芽菜、菜心，味道不俗。勝瓜炒雲耳：勝瓜太焾，不夠爽口。雲耳夠焾。西芹炒斑腩：斑腩粉漿不厚，肉多，而且不太油膩。西芹爽口。古法鹽焗雞：雞肉非常嫩滑，一點也不油膩。雞雜是此店名物，但因為我一向不喜歡吃內臟，所以只試了少許，味道還算可以。 菠蘿咕嚕肉：豬內的粉漿不厚，肉多而嫩，非常香脆。配大量菠蘿、青椒及酸甜度適中的醬汁，非常開胃。　糖水 x4：四款糖水－－蛋白杏仁茶、合桃糊、芝麻糊、紅豆沙，我選了杏仁茶。杏仁味香濃，稠度適中，非常好味。白飯 x3埋單連加一及貼士，共$2100。是非常貴的一餐，但各款小菜都很好味。大時大節來吃一頓真的很不錯。…查看更多