火鍋撚 (染布房街)

🍲今次係我第3次幫襯火鍋撚，因為之前食過兩次都覺得好食，值得再encore。我哋6個人叫咗兩個鍋 — 蜂巢豆腐白湯鍋 & 秘製港式香濃沙嗲鍋；逢星期一叫白湯仲有免費追加蜂巢豆腐同鴨血🤩🐮🦪🦑🫔我哋叫咗日本A4特級霜降和牛、美國桶蠔、黑松露墨魚滑、老油條、即炸三秒響鈴卷⋯⋯以上呢幾樣都係好好味😋 特別想推介嘅係食落啖啖墨魚嘅墨魚滑，同埋配咗甜酸醬嘅響鈴，好似炸雲吞嘅味道得嚟又好夾！🍧去過嘅朋友都知道食完會有沙冰送，唔知係賣晒定我哋本身都叫咗 #腐竹糖水沙冰，送嘅變咗係冬瓜沙冰；但我覺得冬瓜沙冰太酸了，都係腐竹糖水好飲啲🫠🌟推介：黑松露墨魚滑、響鈴、腐竹糖水沙冰。…查看更多

天氣開始有涼意，又係時間打邊爐的日子。今日與家人都旺角火鍋撚都食。餐廳用QRCODE 下單，方便快捷，隨左湯底。台上一早已放好所有的醬料，每一款都寫上名，貼心。部分的食物仲可以叫半份，可以叫多幾樣，樣樣試下。座位空間闊落，有地舖，亦有樓上舖。成間舖都座滿人。上菜速度極快，剛剛下單，轉頭已上。湯底我地叫左鴛鴦鍋（$190）一邊是祖傳秘製麻辣鍋，另一方是　蜂巢豆腐白湯鍋。祖傳秘製麻辣鍋內有鴨血和蜂巢豆腐蜂巢豆腐白湯鍋用上大量藥材煲，包括董參、杞子、紅棗，非常香濃的藥材味。2. 五色丸丸拼盤（$128 ）五有蟹籽手打蝦丸，流心鹹蛋黃豬肉丸 ，香菇貢丸，海味花枝丸和手打雙重芝心丸，有提示牌提示小心爆漿，相當細心。每一款的丸類的非常爽口彈牙和有口感，各有不同的特色，個人最愛流心鹹蛋黃豬肉丸。3. 香菇貝鮑鮮滑（半份）（ $50）香菇貝鮑鮮滑爽口彈牙。內有香菇，增添口感的層次。4.四寶餃餃拼盤（半份） （ $58 ）水餃，雲吞，魚皮餃，韭菜餃。我食左水餃，雲吞，都皮薄和滿滿的餡料。5.極品安格斯肥牛（大） （ $286 ）油花均勻，牛味濃，口感軟腍，配上麻辣湯底一流。6.紅薯寬粉（ $42）打邊爐不可決少的薯粉，非常煙韌，配上麻辣湯底，正正子。7.菜心苗（半份）（ $33）新鮮翠綠的菜心苗。8.即炸三秒響鈴卷（半份）（ $35）十分酥脆，可以蘸酸甜汁就禁食，亦可以放入湯內三秒，同樣好味。9.腐竹雞蛋糖水沙冰（ $38）特別的飲品，真的好像再吃糖水一樣，如果有多一粒蛋，會更開心。10.自家煲製清熱五花茶（$32）最後原來仲有飯後甜品，用一個中國傳統的杯，裝上腐竹雞蛋糖水沙冰。具特色，亦可以消暑，下火，解熱。早知飲品唔叫，咁我可以試多一款不同的飲品😅…查看更多

就算天時暑熱都無阻香港人打邊爐 一個適時既湯底同冰涼既飲品好緊要!🍲 火鍋撚既湯底全部用文火自家熬製, 而家疫情又嚴重返補下氣就最好, 呢個湯鍋有原條人蔘/海底椰/蘋果🍎/百合等清甜回甘仲有大量自家製滑溜鴨血同蜂巢豆腐吸收哂奶白色雞拼豬骨湯既精華, 未打邊爐先要飲返幾碗而且店員都會加返奶白色既湯汁而唔係加水, 就唔怕溝淡哂🥛落野之前混個醬先, 呢度既醬料都好齊, $10/一位熱辣辣叫個象拔蚌就可以兩食,🧊冰涼刺身鮮甜/輕涮則爽脆呢度既丸都好特別, 好似牛丸就有得揀包黑松露菌醬🍄定法式龍蝦湯🦞, 彈牙得黎味道有新忘又唔過鹹而手打滑有貝鮑菇滑呢d特式口味都係好彈牙架打邊爐當然唔少得雪花均勻既安格斯肥牛🥩涮牛肉唔好太熟呀!同彈牙白鱔片仲有養生紫淮山, 火鍋配料都有好多選擇 叫半份就咩都可以試少少, 大概係兩至三人用啦埋單店員仲會送腐竹雞蛋糖水沙冰做甜品, 用個酒鼎裝住飲非常盞鬼 透心涼得黎甜度岩岩好又夠清新, 打完邊爐呷一呷岩哂同門口既裝修互相呼應, 係幾有噱頭…查看更多

與朋友各自完成了一個項目，於是相約出來慶祝。地點是在旺角邊圍的染布房街，旺中帶靜的一間火鍋店。店名看似不文(其實原意是拿揑的意思)，但裝潢卻有點古樸，以木器擺設為主，器皿都很別緻，連調味料(共有十一款之多)及甜品的盛器都十分有特色，而且店員都很熱誠有禮。餐桌雖然不算多，但卻很寬敞，加上用二維碼落單，省卻擺放餐牌的位置。我們坐在窗旁，可以看到東鐵經過。我們選了鎮店推介的蜂巢豆腐白湯鍋 ($160) 做湯底，據介紹這是以自家製蜂巢豆腐及古法熬煮鴨血，配以熬製的雞湯、豬骨湯及鮮果湯，加上人蔘、精選香料及忌廉牛乳煮成滋補養氣的白湯。未開火已經聞到人蔘的味道，一煮滾即舀一小碗來喝，果然味道很棒。 鴨血雖然沒有特別味道，但腍滑軟綿，口感不錯。蜂巢豆腐吸收了甘甜的湯汁，也覺特別好味。我們要了一份加拿大野生象拔蚌 (小) ($338)，是屬於刺身級，生食十分鮮甜爽脆，亦有試灼熟來食，雖然仍很鮮甜，卻又是另一番味道，不過我更喜歡的還是生食。極品安格斯肥牛 (小) ($114)雖然片數不多，但亦長身大塊，油花均勻，牛味濃郁，腍滑不柴，伴碟還有生菜及椰菜絲。新鮮白鱔片 (半份) ($68)，新鮮而且切得很大片，肉質結實爽口，雖然難免會有些碎骨，但也不礙進食。黑松露菌醬爆漿牛丸 (半份) ($59)，外層牛丸結實爽口，不覺滲入多少粉，用料主要都是牛肉，內藏香氣揚溢的黑松露菌醬；與及法式龍蝦湯爆漿牛丸 (半份) ($59)，還是第一次嚐到牛丸包著龍蝦湯，外實內軟，龍蝦湯很鮮味，但要小心爆漿。香菇貝鮑鮮滑 (半份) ($50)，蝦味鮮甜，蝦滑爽口煙韌，上面還有些貝鮑粒。新鮮紫淮山 (半份) ($40)，淮山紫得來鮮艷奪目，味道爽口帶汁。最後還附送兩鼎腐竹雞蛋糖水，盛器特別而且吸睛，雖然是附送，但糖水本身亦很好味，一點也不馬虎。這一餐都是鮮味與滋補有益的結合。…查看更多

今日放工返到屋企, 見到丫妹一個人準備好哂火鍋食材等我打邊爐, 原來佢事前用手機到網頁落單, 外賣直接送到樓下, 而且佢本身係火鍋撚member, 仲尊享5% 購物金回贈tim~打邊爐一click搞掂, 唔洗四圍撲買料又要洗, 真係夠方便!醬油 $10/位: 配有醬料, 係屋企都可以自由混醬【蜂巢豆腐白湯鍋】HK$129.00湯底味道回甘, 當中有大大支人參, 好足料! 配有滑滑鴨血同埋易吸湯嘅蜂巢豆腐, 一咬爆湯, 正!【骰子牛肉粒】HK$129 (一份)牛肉粒鮮嫩, 有很重牛味, 嫌份量少左d~【極品黑豚肉】HK$60 (半份)肉質嫩滑, 食落冇渣, 有淡淡肉香【脆鯇骨腩】HK$60 (一份) 帶有鮮魚味, 很夠鮮味, 魚皮位置非常爽口, 推介!【手打靚蝦滑】HK$79 (例)超級推介呢款蝦滑, 質地彈牙之餘, 仲夾集唔少爽口蝦肉粒, 雙重口感層次, 超喜歡!!【蛋牛包心墨魚丸】HK$69 (例)彈牙帶鮮甜墨魚香味, 入面有少少餡料, 不過唔太食得出餡料味道。【鮮甜桂花蚌】HK$93 (例)口感極之爽口, 沒有帶腥…查看更多

最近好想打邊爐，膽粗粗就嗌左火鍋撚既火鍋外賣😍點知俾我發現左好野❣️蜂巢豆腐白湯鍋 $129個湯超好飲🤤藥材味幾濃(不喜歡既朋友仔可以先撈起一部分藥材，就唔會越煲越濃) 因為個湯實在太好味，可能預左大家會喪飲，外賣湯底竟然係有兩大兜😱一兜大約就係圖中既煲既份量，加左一次湯都剩左半兜，完全唔需要擔心加水會溝淡曬個湯☺️ 值的一提蜂巢豆腐索左啲湯，超好食💯極品安格斯肥牛(小)$149雖然叫左細份，但份量比我想像中多，叫得極品安格斯，質素無令我失望😍牛肉味好濃，肥瘦適中，一啲筋都無，肉質仲好滑好軟添😋蛋牛包心墨魚丸 (半份) $42 黑松露醬爆牛丸 (半份) $54半份得3粒，所以除番都十幾蚊粒🤑都幾貴，不過原來係粒粒都係手打，值得既😍特別鐘意黑松露醬爆牛丸，黑松露味好濃，牛丸超彈牙😬黑松露墨魚滑 $88手打墨魚滑好彈牙‼️ 仲有墨魚🦑粒，好有咬口😬黑松露味都算濃😍黑松露陣味唔係人人鐘意，我媽話似煤氣味😂利申，我好鐘意嫁!!至尊水餃皇好大隻水餃呀😍一啖真心食唔晒，一咬啲料爭啲爆出嚟!! 好鐘意食水餃既朋友真係不能錯過!! 下次一定要試埋鮮蝦雲吞😍感覺都會好高質🤤滑雞片 $79同極品安格斯肥牛比較有點遜色，顏色望落去好似不太新鮮，不過肉質係爽既🙂可接受!!…查看更多

操完兩個幾鐘泰拳那麼辛苦，放拳梗係要補充一下，對自己要好一點，要食好一點。山長水遠行到火水爐居然座位訂滿無得食，剛才路過火鍋撚就返轉頭碰碰運氣。無心插柳有緣一嘆，難得有位，雖然限時 90 分鐘用餐，免強足夠。走到閣樓驚見檯椅放到密麻麻，通道勁夾窄肥少少都過唔到。密室環境異常嘈吵，坐得很不舒服。火鍋撚設於閣樓，舖面真係細到想死，密質質透不過氣來。坐得極不舒服，張檯極細頂手頂腳，不能開心地打個靚邊爐。在座亦有幾檯神州來客，高聲談話手舞足蹈，環境已經十分嘈吵，極為討厭！到底是什麼特別日子？食客美女如雲，十幾廿個美少女，個個青春少艾含苞待放熱情惹火！望得我心如鹿撞唾液欲滴，不能集中精神享用美酒佳餚呢。鮮榨西瓜汁，操完拳極度口乾，等足十分鐘才送到。果真係新鮮即榨無搵笨，粒粒西瓜肉清甜芳香，半樽即時消失！舒服晒解渴晒，可以轉飲啤酒喇。調味架提供十多款助料，使得我眼花撩亂。有普通醬油及秘製醬油，但食不出兩者有什麼分別，那我照用秘製咯。沒有生蒜蓉既？用蒜汁代替極為罕見，硬係覺得味道差少少。雷式混醬，雖然眼前眾多料味料選擇，但我始終如一簡單就是美。指天椒、生蒜、蔥花、豉油，禮成！我打邊爐必須的裝備，沒有她們不如不打。媽媽滋補老火湯，極清甜美味，忍不住間歇飲多幾啖。粟米、猴頭菇、南瓜、螺頭、杞子，等等。濃郁多料十足火侯，燉湯的影子，飲到停不了。祖傳秘製麻辣鍋中辣，麻香濃濃突出，辣味稍弱，大量香料混合物有少少濁，清新味道欠棒，養心殿真的出色多倍。一品酸菜白肉鍋及蜂巢豆腐白湯鍋，依兩個湯底好那得，拍爛手掌要高呼好好飲呀！促使我由頭飲到尾，燙住嘴、燙住喉嚨都要大大啖灌入，實在過份美味，不得了！一品酸菜白肉鍋，濃濃酸菜味道，醒神胃口全開！還有番茄鮮味及五花腩肉甜味，百味交雜停不下來。蜂巢豆腐白湯鍋，大大條白蔘浸泡，蔘味甘香不澀。藥材芬芳甜美還有陣陣豆香，不停灌到肚裡去，渾身暖笠笠，精神爽利！就連加湯都是非常貼心，分開白湯及酸菜湯的喎。那麼湯底就能永遠保持香濃味美，醇厚不會變淡。不得不讚細心不嗇吝，不會孤鬼寒加滾水加普通清湯啊。養生白湯鴨血，即蜂巢豆腐白湯鍋浸泡過，薄片彈滑爆汁超高溫，帶著股淡淡藥材香氣，鮮甜不腥無得頂﹗麻辣湯鴨血，我實在太愛鴨血喇！一滾即食外脆內嫩，熱烘烘水潤而充滿彈性，不過沒什麼味道，唯有浸浸辣椒豉油添添辣味。耐心將所有掉到麻辣湯中，等到尾聲再品嚐。讓麻辣湯完全滲透鴨血，每啖辣麻兼備好食百倍。鴛鴦雙蚌，珊瑚蚌，爽爽的質地非常索汁，獨特的鮮味散發麻辣味道，蠻討我喜歡。桂花蚌，脆卜卜滑嘟嘟，鮮甜味道非凡，爆汁水潤好味道。生猛蟶子皇，要全神貫注睇實烚到脫殼即起，專登脫殼後烚多幾秒再品嚐，這樣似乎已烚耐左少少咯。雖然韌左幾分，幸好依然彈滑鮮甜多汁，好食好食拍手叫好。即劏魚咀，果然不出我所料，魚咀即係魚頭。細細的鯇魚頭，沒怎麼肉食，烚到全熟慢慢啜，嫩嫩滑滑有鮮魚味道，過過口癮心滿意足。養顏花膠，用紫砂鼎盛著古色古鄉，包裝夠特別。有需要凍鎮嗎？不會生食吧？填完再烚更美味？薄衣衣火鍋花膠桶，先爽爽後嚥韌，沒什麼味道，食完已經完全被遺忘。火鍋撚御用手切肥牛細，淺紅色沒什麼油脂網？涮兩涮掉入口，牛味淡得出奇，質地嫩滑無比，辣椒豉油靠晒您喇。特級牛脷托，牛味偏淡，爽脆度微弱，灼一灼腍腍的，灼十灼韌韌的。日本 A4 特級霜降和牛細，面積好大！靚靚脂肪紋十分平均，灼一灼縮一縮嬌嫩粉紅食得。清香脫俗的牛甜味，實在難得不是淡茂茂。乳香滑滑滴汁，配酸菜湯好味道配養生湯都同樣好味道，怎麼辦啊？爽脆生腸，跟潮州打冷舖有得鬥一日之長短，堅爽堅脆還散發豬肉甜美，合格食得過。法式龍蝦湯爆漿牛丸，黑松露菌醬爆漿牛丸，自家包心丸就看看龍定蟲。黑松露菌醬爆漿牛丸，金寶忌廉湯？跟忌廉蘑菇湯百份百一樣的味道。法式龍蝦湯爆漿牛丸，內餡龍蝦湯水汪汪，味道都似似地的。兩款牛丸質素普通，牛肉味濃不彈而韌韌，一試無妨。鮮雞子，平常坊間火鍋店供應的雪藏火雞子，沒有本地真正鮮雞子，就算火雞子都照殺。全部一齊烚，一氣呵成，一網打盡，一次過嘆！皮脆肉嫩，咬開爆汁，連射入口，沒腥沒嗅而帶甜，滿足無比。黑白柏葉併，黑牛柏葉第一次見這麼白淨喎，差點忍不出，黑色皮刷得好乾淨。輕輕灼灼爽脆到索索聲，有趣過癮！縐摺的質地絕頂吸湯，每啖溢出濃湯，竟然還有天然肉甜味，使我為之驚嘆﹗白牛柏葉，加工過後變得白雪雪勁爽勁彈震騰騰，不過沒什麼味道。湯是什麼味，她就是什麼味。兩個湯底同樣超高質，白牛柏葉當然好食無投訴。鮮牛黃喉，真身為心血管動脈啊，我以前都以為係喉管係氣管。脆卜卜像軟骨，不怎索湯，散發輕微牛脂甘香，比豬黃喉更有味道，舒服美麗。新鮮田雞，無比新鮮甜到發癲！不容置疑的新鮮度，滑嘟嘟爆汁的美腿肉，誘人吸引的清甜，一啜骨肉分離暢快至極。九肚魚，完全忘記已經多少年沒有嘴過她們了！新鮮結實的魚內被滾湯洗禮後，變得異常幼細嬌嫩近乎啫喱一樣。連軟骨齊齊溶化在舌尖，魚汁特濃甜美，沾點辣椒豉油一滴不漏盡收肚裡去。脆鯇骨腩，餵飼蠶豆給鯇魚，成長後魚皮魚肉都得非常爽脆，不過魚要夠肥夠魚脂才會甜啊﹗魚皮脆卜卜油脂甘香非凡，魚肉爽感微弱而且甜度略低。骨位肉質格外爽脆香甜，就連骨頭都要啜多兩啖。腐竹白果糖水砂冰，抱著一試無妨照樣隊，一啖甜到打冷震，掉低放棄。…查看更多

某日約左我嘅專屬打邊爐腳 兩個#吃貨女孩 就嚟左旺角哩間火鍋店烚下烚下♨️🍲凍凍子的天氣打邊爐真係無得輸💯湯底揀左蜂巢豆腐白湯鍋 材料係🈶️蜂巢豆腐 鴨血 仲有一條人蔘喔😍😍湯底都幾好味 不過食到最尾時 可能係會偏咸左之😅😅佢個蜂巢豆腐好好食 係索哂啲湯汁 咬嘅時候好juicy👍🏽☺️鴨血都幾多塊 又滑又幾新鮮的😄😀極品安格斯肥牛 哩個size係細份 肉質超嫰滑又幾有牛味喔🤤😋淥到剛剛好就可以食架喇😋😛四寶餃餃拼盤 🈶️水餃 雲吞魚皮餃 韮菜餃🥟每款兩隻 啲餃同雲吞都好好味👍🏽👍🏽蝦肉真大隻 餃皮適中正🙂🙃雙重芝士丸 好好味 啲肉丸都好大粒好彈牙🦷啲芝士係入面 好好味👍🏽但如果再多點芝士會更好🧀🧀🤣香蒜粒炸魚皮 啲魚皮真係即叫即炸的🤩😍上枱影完相 食嘅時候仲係好熱嘅🤤🤤好好味啵 所謂嘅香蒜粒係普通嘅炸蒜粒 只是放在魚皮上😅😅五彩鮮蔬藍 🍅🌽🥬啲菜都幾靚幾新鮮 蕃茄都好大粒 雲耳都好大塊好爽👍🏽👍🏽啲粟米又話香甜 但一啲都唔甜囉😅😅腐竹糖水冰沙 好好味喎🤤🤤超入味 個杯都係凍的😄😀但可以不用點 因為最後埋單會送一人一杯的 小妹推介喔👍🏽…查看更多

聖誕嘅時候去咗火鍋撚食飯因為聽過呢間打邊爐好出名🤪咁就諗住去試吓啦😝👍好彩兩個禮拜之前book 定去到嘅時候唔使等即刻有位🥰六人兩鍋一個點咗白湯鍋湯底好濃郁唔會過咸好足料😘😘😘另一邊點咗媽媽滋補老火湯老火湯啲料多到就咁食都飽好多煲到淋嘅肉同骨係良心湯底😍等湯底嚟之前叫咗象拔蚌好爽好新鮮！！！最高（日文，笑😄係真係彈牙唔係講笑畀足五粒星✨✨✨✨✨肥牛都好高質肥同肉係成三七比例唔會成口都係肥膏同時又唔會太鞋😀叫埋羊肉食羊肉薄薄一片羊羶味經熱湯灼熟後混和湯底鮮味一齊帶出好！好！食！同肥牛簡直係棋逢敵手💆‍♀️（叫到成檯都係飽到🎅🎅🎅）仲有啲小配角腐竹、菇、菜等等菜少貴但係份量正常都好fresh 🥰👏食到最後送上一個豆腐沙冰作甜品個人覺得太少😂😂😂（好味嘛邊個嫌多）係有啲太甜但係食完咸嘢有甜品中和下又覺得唔錯環境方面坐得幾舒服係廁所有啲太窄清潔上麻麻地六人食完每人除開四百令蚊（合埋眼怒點係差唔多😂）同埋聖誕加一就算啦家父家母表示滿意就可以啦😝同三五知己嚟打打邊爐都係可以嘅👏…查看更多

2個人book 位，8點半黎到 等半個鐘多d 就有得入去🌟 大名鼎鼎既火鍋撚 終於試到🤣等緊入座既時候，先點左湯底同小小野食先上到去坐低好快野食就到，正！👍🏻夠快好多種醬料 不過無生/熟蒜 得蒜泥汁🤔 其他麻醬 xo醬都好齊✋🏻推介🌟🌟🌟蜂巢豆腐白湯鍋 $128👍🏻👍🏻👍🏻小小中藥味 愈打愈濃味 材料都好特別 蜂巢豆腐索哂d湯好正👍🏻👍🏻加拿大象拔蚝 刺身 （細份 ）$248聲稱有半斤 但覺得唔足份量😕但就好爽口 好鮮味！賣相都唔錯即炸響鈴 $49👍🏻👍🏻3秒就要食，索到d湯好味，不過價錢就略貴左d 火鍋撚御用手切肥牛（大）$298 👍🏻肉質一般 切既刀工一般 呢隻係中價位既肉 性價比一般生菜 $43👍🏻👍🏻👍🏻無得輸 好多人推介 👍🏻香菇貝鮑鮮滑，我就再加個雙拼 $98 手打靚蝦滑貝鮑滑幾爽口 唔錯既 最後 有個甜品送👍🏻👍🏻👍🏻驚喜 係腐竹糖水沙冰 好味再飲左2杯hoegarden draught beer $68埋單 $1200到🤔🤔🤔…查看更多

呢煲足料湯底有齊人蔘、鴨血、蜂巢豆腐、粟子、杞子⋯ 淨係見到都覺得好補，值得推介！建議飲返兩碗先好落料食火鍋，唔喺嘅話個湯就會吸哂啲食材嘅味道，無咗嗰種清甜。 (黑松露墨魚滑+香菇貝鮑鮮滑)如果要用4隻字嚟形容呢碗魚滑，就一定係爽滑彈鮮，但係黑松露香就唔多聞得出，同埋只係一個細拳頭嘅份量就盛惠100蚊，貴～呢款手打丸的確係好彈牙爽口，咬落完全唔覺粉，所以都應該真係幾足料，無呃人！雖然午餐肉同菜甫都係好常見嘅醃製食物，但就從來無諗過要將佢地擺埋一齊嚟做餃子餡。 餃子皮都幾薄，咬落鬆軟多汁，菜甫嘅甜味啱啱好可以夾到午餐肉嘅鹹鮮，味道的確唔錯。(金針菇 美白菇 鴻喜菇 雞脾菇 鮮冬菇)打邊爐嘅時候，最鍾意就係落菇菌慢慢煮，然後佢地就好似海綿咁，吸哂成煲湯底嘅精華，十級滋味。我地好傻豬咁以為呢碟順德魚腐要淥完先可以食，點知原來可以就咁食，結果擺咗10幾分鐘，食嘅時候，表皮已經唔再脆口，不過仍然聞到好香嘅魚味～呢到食物質素中上，算喺幾高質嘅火鍋店，所以價錢自然都會相對貴啲～ …查看更多

炎熱夏日吃火鍋，聽起來本是一樁怪異之事。然則，活在現今香港世代，怪力亂神之事早已屢見不鮮。在旺角染布房街的一隅，有一尊相信是向先朝電視劇集《尋秦記》致敬的兵馬俑。女友卻說兵馬俑乃秦姑皇設於其陵墓的陶塑，《尋秦記》只是後人穿鑿附會之小說及後至之劇集，又何以見得此陶塑必然與劇集相關？晚生不以為然，輕力把女友不解的頭部略推向前，方才明白陶塑的樣貌與項少龍異常相似，而手執那儼如包拯斬首令之紅牌上寫著發人深省的「欲窮千里目，更上一層樓」。分明就是如項少龍那樣像螢火蟲一樣鮮明出眾的男人才能這得出這充滿抑鬱氣息又充滿詩情畫意的句子。誠然，此話其實乃呼應位於樓上的「火鍋撚」餐廳。一步步走上台階，感覺就有如當年李斯在電視裡頭走向假羸政趙盤身前，向他說著「回大王，要辦到此事，其實不難」那既緊張、又自信的時刻。餐廳裡煙霧彌漫，就如同置身於神秘國度之中。幽黑的環境、幽雅的氣氛、幽怨的香氣，都帶給我一種酒池肉林的感覺。幸好置於桌上的餐牌乃打印而成，而且還是電腦字體。若晚生看見的乃由小篆寫成的竹簡，晚生必然自以為回到了過去而不再復返。此店名為火鍋撚。撚者，撚手也。既然餐牌上寫著「鎮店推介」，想必這是店家推薦的撚手湯底：蜂巢豆腐白湯鍋。顧名思義，蜂巢豆腐浸泡於白湯裡頭，牛乳熬成的湯汁呈現乳白色，濃而不稠，湯料更加入藥材、鴨紅，看起來頗為補身，甚有秦始皇追求長生不老之味道。既是開宗明義以火鍋為主，當然少不了種類繁多的醬料。必備的蒜泥、醬油、芫茜、麻醬、醋、香蒜、蔥花都一應俱全，還有指天椒和腐乳醬，照顧不同食客的需要。有典故王曾道，秦始皇羸政酷愛吃魚，但卻討厭麻煩的魚骨，於是命廚房須把魚骨挑清，否則將惹來殺身之禍。大廚費盡心思不得要領，卻在小命不保之際，無意中想到將魚製成魚蛋，終獲皮膚黝黑的林峰，不，秦始皇露出「寡人笑X左」的神情，愉快吃下魚蛋。這天在火鍋撚吃不到當日的魚蛋，卻品嚐到比普通魚蛋更珍貴之香菇貝鮑鮮滑。須知道鮑魚乃山珍海味之一，不少一時豪強如王莽、曹操等也為之著迷。把鮑魚剁成稀泥，加入香菇弄成魚滑，再切片放回鍋裡去燙熱。每一口都像在品嚐高檔食材，讓我彷彿置身於秦始皇的皇宮裡頭。既來之，則食之。吃過一份鮑魚製成的魚滑，緊接著來了一客即炸魚片頭。魚片頭皮質略厚，然而點起那醬汁再加以淺嘗，是代表著一個黃金時代的興盛，也是代表著絲絲入扣的緊密。秦始皇當年一統江山，統一文字、度量衡，建長城、鑿靈渠，如非老是追求長生不死，為人剛烈好強，又因項少龍而焚書坑儒，其皇朝也不會只有十五年之短。秦始皇作為首位統一天下的君主，也作出不少統一的舉措，反映本人必然甚有創意和才能，方能有如斯本領。火鍋撚在這方面也不遑多讓，一道午餐肉菜甫餃將兩種味道各異的食材一同放進小小的餃子裡頭，吃起來除了午餐肉的鹹味，還有著餃皮的嫩滑，相當爆趣。秦始皇羸政雖然上位後得不到項少龍的襄助，但仍然積極開疆拓土，幅地遠至現今越南中部。倘若當日持續攻伐，也許大有機會拿下歐美，成為史上最大國。火鍋撚大概也知道當日錯過的機會難以復返，分別推出了源自英倫的極品安格斯肥牛和美國桶蠔以表婉惜之情。極品安格斯肥牛絕對不枉極品之名，入口即溶、口感軟滑，想必吸收了日月精華。雖然如同始皇一樣無法長生不老，但總算造福後人。有時候，晚生總不禁想像，若秦始皇當日真該成為長生不老之人，眼見現時世界各地美食均在眼前，不知會否後悔當日只顧大興土木，忘卻周遊列國之快慰。說回這碟美國桶蠔，每一隻都有如巴掌般巨型，癡肥卻又不失曲線美，吃下去爽滑無比。古語有暈，淥一淥、更快熟。吃過了由生變熟的肥牛海鮮，自不然要以一盆雜菜清理腸胃。爽口的蔬菜、甜甜的粟米，彷彿都在揭示著要吃一頓美食，就是如此簡單，即使眼前站著高大威猛的秦始皇，也可以自信地說一句：「回大王，要吃到美食，其實不難。」相傳始皇臨終時，本立長子扶蘇為繼任人，但一生英名卻在最後遭寵臣李斯、趙高背棄，密謀改立秦二世，並將扶蘇賜死。在火鍋盛宴的結尾，店員一句賜酒，讓晚生與女友之三魂不見了七魄，以為犯了過錯而要遭遇扶蘇冤死之事。幸而此酒非同凡響，乃免費甜品白果腐竹沙冰，味道清涼可口，白果和腐竹的配搭可謂天衣無蓬，為這秦朝之旅畫上完美句號。…查看更多

早前係旺角搵空氣梳乎厘發現有間打邊爐個名好似粗口.....................見個餐牌既價錢唔係話太貴加上又肚餓於是2個少女上左去了......而家既餐廳唔只講食物質素同服務頌好講裝修、擺碟、特別的容器呢間餐廳令我最難忘係佢樣樣都有餐廳的裝修有種舒服寧靜的感覺望住人地一家大細一理朋友都會感受到氣氛餐牌上的湯底有5款但種種都有特色咩沙嗲鍋、"嚴"茜鍋完全冇因為第一次幫襯所以先點個聽上去比較易接受的湯鍋底一上枱當然要試下啦味道一入口有少少苦，但之後個味好舒服飲完喉嚨冇甘痛，好有媽媽的感覺(重點是店員加湯係加番呢隻湯，唔係水)蜂巢豆腐同我地食既凍豆腐一樣但更好食，個口感更實正而且豆腐味濃之後更吸了湯的味道頌打消了我點滑豆腐的念頭而且入面有鴨血呢鴨血同豬紅既樣差唔多食落冇豬紅甘淋，味道會淡少少而且更加健康(電視好似有甘講)第一樣食物上了--「必點的響鈴」你會發現唔少食物都配左個牌仔呢個係「請灼3秒」響鈴係即炸的，非常香口點上甜酸醬包保讚口不絕浸埋湯更好味腐竹好濃而且加埋湯係入面無得彈第二道--「珊瑚蚌」呢個既牌仔係「請灼10秒」時間真的係重要，甘先會灼得爽口之外頌保留鮮味第3道--「安格斯牛」打邊爐唔點牛點算打邊爐啊雖然是點小份的，但份量真的不少啊2人都差少少食唔哂牛味很重啊，肉看上去沒有太多的肥膏吃上去很爽口，愛牛之人不要錯過第4道--「五色丸丸」沒有騙人，真的是5種顏色每款2粒，同朋友一人一粒唔洗爭牌仔寫的真的是重點啊................「小心爆漿」一路打邊爐都沒有留意，直至吃了一啖突然爆漿的一刻.....有種用微波爐唔睇說明書結果爆炸的感覺....如果冇記錯祇應該是最上2款爆漿的一個是芝士，另一個不太記得了這5款丸都好彈牙，味道很正第5道菜真的是菜了.....很大的一盆生菜沒有爛沒有太深色，很新鮮很爽甜打邊爐的新寵--「薯粉」呢種扁扁的薯粉非常入味食落頌好煙un重點之重來了----「shabu shabu小工具」(誤....?!)用呢個去煮粉就不怕會夾唔番了重點是整個打邊爐都好好用，甘就唔怕食物夾唔番XDXD最後是皇帝的享受--「古代酒杯的清熱糖水」冰沙的腐竹糖水太棒了，很消暑啊非常想再飲一定一定再encore…查看更多

同朋友行左一日街，冇咩野想做就早早食晚餐哈哈未食過呢間鋪，而且個名好吸引眼球，於是好快就決定左試下本身冇咩期待，點知原來間鋪啲食物同設計都幾得意，好有新鮮感湯底﹕蜂巢豆腐白湯鍋同樣係見「蜂巢豆腐」個名好得意，未食過於是就揀左材料有蜂巢豆腐、人蔘、鴨血等等，乳白色湯底配上唔同顏色嘅食材，真係好靚好吸引加上一上湯底就聞到濃郁嘅人蔘御膳香氣，我地都被吸引即刻飲啖湯人蔘味濃郁，湯底香濃而唔會重口味，養身健康之餘又好飲蜂巢豆腐帶豆香味，豆腐厚實，口感好過癮五色丸丸拼盤五種顏色嘅丸丸，全部均一大小，色彩繽紛好可愛碟上有牌寫住「小心爆漿」，真係除左墨魚丸之外每款都有漿有2款丸丸未食過未見過，好新奇咬落去彈牙，好多汁爆出，口感唔錯極品安格斯肥牛(小)肥牛一排排列喺竹條上，其中兩卷卷成玫瑰，外貌特別而吸引份量充足，唔會太薄，肥瘦適中，爽口好味紅薯寬粉呢款紅薯粉特別彈牙煙韌，口感好得意有個撈仔可以自己煮，好好玩，仲可以用黎整埋其他食物添整體黎講，店員服務態度好，成日主動加湯同好有禮貌有好多調味料任揀，甜酸辣都有…查看更多

被足料湯底吸引而來，我好像也是第一次來到如此古色古鄉的火鍋店，一檯一櫈都用上木製，跟旺角其他火鍋店顯得截然不同。抵擋不了蜂巢豆腐白湯鍋的魅力，即使它是在所有湯底中最貴，但看到餐牌寫著是豬骨湯+雞湯的混合，再加入牛乳使得湯底變成白色，所以我們還是躍躍欲試。還未將任何食材下鍋時我先嚐了口白湯，藥材味聞起較濃，不過入口就不覺甘苦；湯中有蜂巢豆腐及鴨紅，男友說鴨血挺滑的。即炸魚片頭 $48香噴噴的炸魚片頭，魚片頭一向比魚片更有口感，因為360度都有香脆的外皮包裹著，不過味道略嫌鹹了點。香菇貝鮑鮮滑 $68第一次食鮑魚滑，它比其他蝦膠/墨魚膠更鮮甜，而且當中加入的香菇令到這個鮮滑口感更煙韌。午餐肉菜甫餃 $58用午餐肉做餃子餡料也是第一次見，感覺很新鮮，由於午餐肉口感較腍，所以加入了較爽口的菜甫，不過由於午餐肉跟菜甫都是帶有鹹味的食物，所以我覺得以甜味的粟米取締菜甫應該會更好吧。極品安格斯肥牛 $148我們挑選的是價錢最平的安格斯肥牛，不過不要以為平野就冇好，我們將牛肉淥到7成熟，入口依然軟滑，牛味濃郁。五彩鮮蔬籃 $78人少少我就最鍾意叫菜籃，可以多些選擇，粟米超甜。美國桶蠔 $158打邊爐當然最少要叫一樣海鮮，這碟桶蠔隻隻都異常肥美，內裡無渣滑不溜口，就算你稍有不慎淥耐了，桶蠔都不會縮水變韌。 水蜜桃沙冰 $78一渣沙冰兩份飲已很足夠，桃味出眾之餘又不會易變暖，飲到尾都依然冰凍。最尾火鍋撚會送上白果腐竹沙冰作甜品，除了賣相討好外，入口亦非常清潤，感覺很特別。除了一般的火鍋配料外，火鍋撚亦會花點心思創作午餐肉餃及白果腐竹沙冰等食物，偶爾試試不同的火鍋配料當開眼界吧。…查看更多